Miscellaneous Topics

(...... التزريــــــــــع ...... )
قبل الحديث عن التزريع يجب معرفة ان الحديد المشرشر ذو النتوءات حديد ٣٢ ملم مثال يكون ٣٢ ملم دون احتساب الشرشرة او النتوءات .
بنزرع عن طريق التخريم بالبونطة ف الخرسانة ولكن يجب ان يكون خرم البونطة أكبر من الفتحة المراد فتحها طيب ليه ي هندسة ؟
هقولك ي هندسة لان كده الحديد هيكون داخل الفتحة شحط وف مادة تزريع جوة وده هيأدي انها ممكن تنطر برة .
طيب ايه العمل ي هندسة ؟
الحل اننا اي قطر بنزرعه بنزوده ٤ ملم يعني لو هنزرع حديد ١٦ الفتحة تكون ٢٠ ملم يعني ٢ سم .
بعدها لازم ننضف الخرم كويس بالبلاور مثلا المهم نخرج اي تراب داخل الفتحة .
طيب بنزرع ب ايه ي هندسة انا قرأت فوق مادة تزريع ايه هي مادة التزريع دي ؟
هقولك ي هندسة (مادة كيمابوكسي ١٦٥) زي ما حضرتك شايف ف الصورة كدة ودي عبارة عن عبوتين بيتم خلطهم مع بعض براعي اخلط كمية قلية لان زمن الشك بتاعها قليل جدا يصل ل ثلث ساعة .
طيب انا هعرف منين عمق التزريع بتاعي ؟!
بيكون ١٠ * قطر حديد التسليح
مثال : لو عندي القطر ١٦ ملم هيكون عمق التزريع ١٦ سم
وعلشان نعرف اننا وصلنا له ممكن ب اي علام دهان او طباشير نعلم وبمجرد ما العلام يختفي نعرف فوراً اننا وصلنا للعمق المطلوب .
طيب هعرف منين ي هندسة ان التزريع ده مفيش فيه اي مشكلة وتمام هنستلمه ازاي ؟
ف اختبار ي هندسة وهو ما يسمي ب ال pull out test بنعمله للتأكد من صحة التزريع .
كدة الوصلة ما بين الحديد والخرسانة تمام ✅💯

Camber ( التحديــــــب )
بنعمله لما يزيد ال Span عن 8 متر حيث يتم رفع تطبيق البلاطة بقيمة تتراوح بين span/300 و span/500 وف حالة الكوابيل التي تزيد بحرها عن 1.5 متر تكون span/150
طيب ي هندسة ليه بنعمله هقولك ي هندسة علشان نقلل الDeflection .
طيب تنفيذه هيتم ازاي ؟
بنشوف العَرق الموجود ف النص ونرفع منسوبه عن منسوب باقي العرقات بمقدار 2.5 سم مثلا الي هي التخانة .
التحديب يعادل قيمة ( الترخيم اللحظية )الذي يحدث بعد فك الشدة مباشرة .
طيب الترخيم اللحظي ده كام ؟
الترخيم اللحظي(immediate deflection ) الناتج عن الأحمال الحية للكمرات والبلاطات المحملة بعناصر غير إنشائية ذات طبيعة لا تتأثر بالترخيم لا يزيد عن قيمة L/360 .

لماذا تم عمل قميص الطوب الاسمنتي ؟

لماذا يتم عمل ال Kicker ف كعب الاعمدة ؟