Princess Mony

أنا السندّ لنفسِي ، أنا الحُضن اللي يلمنِي ، أنا لنفسِي كُل شيء ، أنا لحُزني فرح ، أنا لنفِسي حياة ♥️

المشهد دة يتدرس..
‏- انتي شغلك مستقر، بتقبضي كويس، وبتروحي وتيجي علي مزاجك، دي نعمة كبيرة قوي!

"لوحدي.. لوحدي، بعمل كُل ده لوحدي."..................

كل واحد في حياته ابتلاء أو نقص مش ظاهر بيعاني منه لوحده، يبان شكل حياة غيرك حلوة من برة ويتحسد عليها وعنده نعم كتير أوي بس لو دخلت قلبه وشوفت هو حاسس بـ إيه هتقول الحمد لله إنك مش مكانه.

كل بيت مقفول علي أهله، كل قلب بتشوفه من برة بيضحك ومبسوط وحاسس إنه أحسن منك هتلاقيه شايل حمل بيدعي ربنا إنه يصبره عليه.

أنت شايف المقابل.. شايف العوض
لكن شوفت المشكلة؟
شوفت الحتة الناقصة؟
اتوجعت وتعبت زي صاحبها؟

أنت بتشوف الشخص للحظة بتشوفه في صورة حلوة، خروجة اتبسط فيها شوية لكن متعرفش الكواليس. فكر في الحتة الناقصة قبل ما تحسده، مش يمكن كل الحاجات اللي ربنا رزقه بيها دي تبقي الحتة الوحيدة اللي أنت شايفها منورة في حياته؟ محدش معاه كل حاجة، محدش بياخد أصلاً كل حاجة!

كف عينك عن رزق غيرك.. تُرزق
كف عينك عن حياة غيرك.. تكرم
كف عينك عن سعادة غيرك.. تسعد

مع السلامة للراجل.. ✋
اللى مش حنين..
اللى ميعرفش يعنى ايه احتواء..
اللى تهون عليه دموعك..
اللى يطفيكى بدل ماتنورى وتحلوى من فرحتك وانتى معاه..
اللى تكون معاه ملكه جمال ويبص على غيرها..
اللى بيحارب عشان يموت طموحك..
اللى فاكر الرجوله أنه يكسرك عشان تفضلى طول عمرك محتاجاه..
اللى مش سند بل بالعكس عبء عليكى بالضغوط اللى معيشك فيها..
اللى يكره شخصيتك القويه ويحاول يكسرك عشان يثبت رجولته..
اللى يخاف يقولك كلمه حلوه ودايما ينتقضك عشان يخاف تنططى عليه تفكير عقيم
اللى ماشي بمبدء الراجل ميعيبوش الا جيبه 😏..
اللى بيكدب ويحور فى كل حاجه..
اللى يطلع فيكى عيوب الدنيا ويعايرك أنه مستحمل..
اللى سايبك متحمله المسؤليه وميفتكرش أنه راجل غير فى التحكمات..
اللى يبقى عامل متدين فى كل حاجه ماعدا أنه يتقى ربنا فيكى..
اللى دايما بخيل مش بس ف الماده..
لا فى مشاعره واهتمامه وحنيته ومفاجاءته..
اللى يعايرك انك مطلقه او ارمله وهو لو اتجوزك مش هيعملك اى حاجه وكتر الف خير سعادته أنه هيتواضع ويتكرم ويتجوزك 😏..
*اللى فاكر أن الرجوله بالعند وأنه كلامه اللى يمشي حتى لو غلط
*اللى فاكر أنه مسموحله يعمل اى حاجه وانتى مش من حقك حتى تعترضى عشان هو راجل
*اللى متحسيش بوجوده اللى وجوده زى قلته..
مع السلامه لاى راجل يشوف كلامى ويضايقه ويحس أنه لايق عليه..
اى راجل فيه الصفات دى..
مع السلامة بجد اللى فاكر نفسه راجل وهو فى التصنيف من أشباه الرجال.
😘

الشتاااااء .. انا عااايزه الشتااااء !

" طول ما انت عايش هتفضل تتعلم "
هتتعلم إن مش كل حاجة حلوه لازم تدوم...
هتتعلم إن في ناس هتكون مراحل في حياتك هتيجي لغرض يعلمه الله وهتمشي ..
هتتعلم مين إللي تبكي على كتفه وهتتعلم إن ساعات لازم تمسح دموعك بإيدك انت وبس..
هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وخذلتك
وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..
هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصاحب الجدع ابن الاصول..
هتتعلم إنك تعيش بشوية تشوهات جوا نفسك بس عادي ،مش عادي !! كله خير..
هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..
هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..
وهتتعلم إنك ساعات لازم تفتح الطريق للي عايز يمشي..وإنت قلبك راضي وماشي في سكتك..
ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح وعلشان الهدف الصح !!

قَالَ رسولُ الله ﷺ : إنَّ مِنْ أفْضَلِ أيَّامِكُمْ يَومَ الجُمُعَةِ ، فَأكْثِرُوا عَلَيَّ مِنَ الصَّلاةِ فِيهِ ، فَإنَّ صَلاَتَكُمْ مَعْرُوضَةٌ عَلَيَّ.♥️

سبحان من تنفّس الصُبح بأمره ،
اللهم بك اصبحنا وعليك توكلنا وانت خير الحافظين.

صباح الخير ♥️