Capitano

شاهد أهداف الزمالك في كأس العالم للأندية.

مظنش إن أي مشجع كورة عموما.. يقدر ميحبش آلأتنين دول
كابتن إبراهيم يوسف المحترم جدا إلي دمه كان خفيف جدا أيام قناة مودرن سبورت ❤️
وكابتن حماده أمام.. إلي مفيش أي كلام يقدر يوصفه..
كان بيقدم برنامج إسمه أهداف الأسبوع مع التعلب.. كان حد بيحب يسمع آوي للأطفال الصغيرة.. ويقعد يهزر معاهم..
وكفاية إنه أبو كابتن حازم امام. الشخصيات دي تحترم جدا..
في نادي حاليا أقل وصف ممكن يتقال عليه.. إنه بيحكمه شخصية سافلة.

عارف دي لو حصلت .. اي اللي ممكن يحصل ف اقليم كتالونيا !!!

ميسي يتمرد رسميا ويغيب عن الخضوع
لفحوصات PCR

تعليق نادي برشلونة على الأحداث :
"قانونياً, ميسي مات"

*والنادي سيبدأ بمُخالفة ميسي
ابتداءاً من يوم الاربعاء:-

-الغياب عن الفحص الطبي اليوم
-الغياب عن التدريب الرسمي الأول استعداداً للموسم الجديد
- الغياب عن التدريب الثاني
*بداية العُقوبات المالية وفقاً لراتب اللاعب

‏

كلوب عن ميسي :
ومن لا يُريد ميسي في فريقه ؟ بس هما بيقولوا 100 مليون.. وأنا بفاصل في المليون.. دا كفررررر يا بيه..

أنباء عن تردد والد ميسي وأحمد مرتضي منصور ع فندق النبيلة أمام نادي الزمالك لحجز غرفة جاردن فيو بريكفاست اونلى لنجم الكورة الأرجنتتية.

مصر كلها والأهلي طبعا محتاجين نعمل Scouting في مصر كلها.. ع مراكز الشباب.. الساحات إلي بيتلعب فيها كورة.. ندور فيها ع مواهب.. وعيال رجالة عايزة الفرصو.. فكرة لعيبة الأكاديميات تحس إن اللعيبة بتلعب بالشوكة والسكينة..
شئ غريب جدا إن آخر لاعيب شورته اتوسخ في مصر.. كان وائل جمعه!!!

وليد سليمان منذ انضمامه لـ الأهلي :

- سجل 61 هدف.. امام: (القطن، النجم، سيوي سبور، تشيلسي الغاني 2، الترجي 3، ليوبار 2، الزمالك 4، الجيش الرواندي، مونانا، هورويا، وفاق سطيف 2، كانو سبورت، بلاتينيوم 2، بتروجيت 4، انبي 2، حرس الحدود 2، غزل المحلة، اتحاد الشرطة 3، الاسيوطي 2، الاسماعيلي 3، اسوان 2، الاتحاد السكندري 2، النصر للتعدين 2، الشرقية، الداخلية 2، مصر المقاصة 2، المصري 3، النصر، الانتاج الحربي، الجونة 3، المقاولون العرب، كيما اسوان، طهطا، سموحة 2)

- صنع 46 هدف.. امام: ( سيوي سبور، الترجي 2، مازيمبي، تشيلسي الغاني، ليوبار، الزمالك 4، ريكرياتفيو، يانج افريكانز، الوداد، مونانا، هورويا 2، الاتحاد السكندري 2، انبي 3، اتحاد الشرطة 2، طلائع الجيش 4، الرجاء، المصري، حرس الحدود 2، اسوان، سموحة 4، الانتاج الحربي 2، المقاولون العرب 2، النصر للتعدين، طنطا، بتروجيت 3، الجونة)

دائما يتواجد ويضع بصمته فى المباريات المهمة.

عاااجل .. قائمة الاهلي لمباراة الجونة غداً :

محمد الشناوي - علي لطفي - مصطفي شوبير.

علي معلول ، محمود وحيد ، أيمن أشرف ، رامي ربيعه ، ياسر إبراهيم ، أحمد فتحي ، محمد شكري

اليو ديانج ، حمدي فتحي ، عمرو السوليه ، جيرالدو ، محمد مجدي أفشه ، أحمد الشيخ ، العربي بدر ، محمد فخري

جونيور أجاي ، اليو بادجي ، مروان محسن.

للي بيسئل هو نوير ليه عبقري كده في إنه حارس مرمي..
دا مش تكنيك صد كورة قدم.. دا التكنيك الخاص بكرة اليد..
فكرة إنك وإنت بتتصدي للمهاجم.. بتبقى مغطي أكبر مساحة ممكنة ممكن يشوط فيها الكورة.. طريقة فرد أيديك ورجلك بطريقة تخلي أصلا الأختيارات قليلة قدام المهاجم..
أسلوب فريد جدا.. من حارس عنده 34 سنة ❤️

الشرينجيتو 📺

ميسي حاطت أرقام الأدارة ع البلاك ليست وحالف يمين طلاق إن هو مش هيرد علي حد 📵

؟!
هل رمضان صبحي كان مهم آوي كده ؟
إحنا مش هنقول الكلام دا عشان هو مشي..
لا الكلام هيكون منطقي..رمضان صبحي قعد سنتين في الدوري الإنجليزي كان بيلعب لعب شوارع.. يروح عند الكورنر ويرقص.. انما تسليم وتسلم وفعالية ع الجول مفيش..
رجع الأهلي مع لاسارتي قعد نص الموسم بديل.. مكنشي ليه أي فعالية.. وبعدها دخلنا فترة الاعداد مع فايلر.. ولعب البطولة الإفريقية مع المنتخب الأوليمبي.. ومتضمش للمنتخب الأول. ومكنتش مفاجأءه.. ظهر مع المنتخب..
عارف ظهر ليه ؟.. عشان بيلعب من وهو 16 سنة واحترف في الدوري الإنجليزي والي بيلعبوا خوالي يعتبروا لسه أصلا باديين لعب كورة مع المنتخب الأول وفي ناس لا..
طب تأثيره كان كبير ؟.. لا النتايج ساعدت. و السوشيال ميديا بتحب الزيطه وبنجيب صورته وهو بيزعق وبيكتبوا جرنتا حسام غالي 😂.. بعدها رجع لعب مع الأهلي البطولة الإفريقية.. تأثيره فيها إيه!! صفر.. حرفيا صفر.. مع الأهلي جاب 3 اجوان في 6 ماتشات.. ومحصلة وجوده في الفترة الأخيرة كانت 7 اجوان و 6 اسيست في 36 ماتش..
ومش اجوان ولا اسيستات صعبة أو في وقت صعب.. لا دا والأهلي بيلعب مع طنطا واسوان وفرق كلها ضعيفة والأهلي أصلا كان بيغلب اسكور..
طب الأهلاوية زعلانين ليه ؟!.. عشان وقف ع الكورة بقي وبتاع و افتكروا إن دا دليل ع حب النادي.. 😂..
عشان أي لعيب يعتبر من ولاد النادي وكانت الجماهير بتحبه كان بيمشي 33 سنة 34.. انما دا مشي 23 سنة..
بدون تكبر.. هو فعلا إمكانياته زي أي لعيب.. مش من التوب يعني..