Mostafa Mutaz

تعميم قعدة معينة للسواقة للناس كلها.. مش أصح حاجة.

كل جسم بيختلف في قوته و مرونته و هو متعود على ايه من صغره.. فبالتالي القعدة اللي بترتاح فيها هتختلف من شخص للتاني.

مستحيل تمنع الاصابة خالص.. لكن ممكن تتحكم في العوامل اللي بتؤدي للاصابة و تحسنها عشان تقلل فرصة ان يحصلك اصابة.

لو كان منع الاصابة بالسهولة ده ماكوناش هنشوف لعيبة في اكبر الاندية في العالم بيجيلهم اصابات عادي، برغم انهم بيستخدموا احدث التكنولوجيا و بيصرفوا ملايين على التمرين و الاكل و غيره.

أنهي أحسن؟ التأهيل ولا العلاج الطبيعي؟

المفروض ان الاتنين يكونوا بيكملوا بعض و ان مصطلح العلاج الطبيعي يبقى بيشمل كل حاجة من اول الاصابة لحد الرجوع للرياضة.. بس للأسف مش ده اللي بيحصل في الحياة الواقعية.

فلو عندك اصابة و هتختار بين الاتنين يبقى الافضل ليك التأهيل و مفيش مشانع يكون في علاج يدوي و أجهزة لكن بنسبة بسيطة.

لو عايز الخطة العلاجية علطول - روح للدقيقة ١:٥٠

خلي بالك ان الخطة العلاجية بتختلف من شخص للتاني حسب الأعراض لكن انا اديت مثال في الفيديو عشان تكون كل حاجة واضحة.

لو كل اصابة قعدنا نقول فيها تمارين ممنوعة و كل واحد بيختار تمارين على مزاجه يمنعها، يبقى مش هنتمرن ولا هنعيش حياتنا الطبيعية.

انك تشيل اوزان او تعمل حركات معينة فيها تني للضهر او رفع الكتف ناحية راسك فده مش غلط ولا بيسبب اصابات.

اللي بيسبب الاصابات هو الحمل الزايد و ضعف العضلات و قلة الرياضة و الحركة.

انك تمنع جسمك من حركة معينة ده غلط جدا زي بالظبط ما تحط على جسمك حمل تقيل جدا هو مش بيستحمله.

مفيش حركة معينة غلط في العموم، لكن لو عندك اصابة فمحتاح تعمل علاج طبيعي و تأهيل الاول قبل ما تبدأ تتحرك في الاتجاهات اللي بتوجعك

ماتسمعش لأي حد يخوفك من الحركات الطبيعية اللي المفروض تعملها في يومك.

أجسامنا قوية جدا و تقدر تستحمل حمل كبير جدا، المهم الحمل ده مايبقاش شديد جدا و مفاجئ.

بتخلص العلاج الطبيعي و انت لسه موجوع؟

أسئلة مهمة جدًا في الكشف

ينفع تمنع الاصابه خالص؟

الغضروف ممكن يكون طبيعي و مايسببش وجع و ممكن يبقى هو سبب الوجع، لازم تكشف عشان تعرف السبب الاساسي و تعالج المشكلة صح.

خياطة الرباط الصليبي