Mix Feelings

عايزك من النهارده لحد يوم عرفة متبطلش تقول:

* اللهم ارزقني الخير واملأ أيامي بركة وراحة وطمأنينة
- اللهم أصلح حالي كما أصلحت عبادك الصالحين
• اللهم أبعد عني كل من يحمل لي سوءًا أو أذى

* اللهم اغنني بفضلك عن الحاجة إلى غيرك
- اللهم ارزقني زيارةً لبيتك الحرام من حيث لا أحتسب
• اللهم اجعل غايتي رضاك والفوز بجنتك

* اللهم ارزقني أقدارًا جميلة وخيرًا كثيرًا
- اللهم ارزقني رزقًا حلالًا مباركًا واسعًا
• اللهم حقق لقلبي ما يتمناه ويرجوه

* اللهم احفظني من أذى الناس وكلامهم
- اللهم قرّبني من الطاعة واصرفني عن الذنوب
• اللهم اجعلني من الذين يقومون في أحبالأوقات إليك

* اللهم اكتب لي ولأهلي الخير واصرف عنا الشرور
- اللهم لا تكلفنا ما لا نستطيع تحمله
- اللهم ارزقني حسن الخاتمة وارضَ عني عند لقائك
• اللهم اجبر خواطرنا جبرًا يملأ القلوب سكينة وفرحًا

واجعل لنا نصيبًا من كل خير كتبته لعبادك الصالحين
هفكرك بيها كل يوم ❤️❤️❤️❤️

الست مش بس “شخص”…
الست حكاية كاملة، قلب بيحس قبل ما يتقاله، وروح بتشيل اللي محدش شايله 💛

الست لما بتحب…
بتحب بجد، بتدي من غير حساب، وبتحطك في حتة جواها محدش يوصلها غيرك.
مش علشان ضعيفة… لا، علشان عندها طاقة حب لو اتوزعت على الدنيا تكفيها.

الست لما تحن…
بتبقى حضن وأمان، صوتها يطبطب عليك حتى وهي نفسها محتاجة حد يطبطب عليها.
تلاقيها شايلة هم الكل، ومستخبية ورا ابتسامتها عشان محدش يحس بتعبها.

الست مش بتدور على الكمال…
هي بس عايزة اللي يحتويها، يفهمها من غير ما تشرح، ويقدّر قلبها اللي بيدي بزيادة.
هي مش صعبة… بس اللي ييجي على قلبها صعب ترجع زي الأول.

الست قوية…
مش لأنها مبتتعبش،
لكن لأنها كل مرة بتقع… بتقوم تاني وكأنها ولا حصل حاجة.
بتتوجع وتسكت، وتكمل عشان في ناس معتمدة عليها.

الست لما تزعل…
مش علشان موقف صغير،
لكن علشان تراكمات، علشان وجع متخزن، علشان كانت مستنية حاجة مختلفة منك.

عارف قيمة الست الحقيقية؟
مش في جمالها ولا شكلها…
قيمتها في قلبها اللي بيستحمل، في حنيتها اللي بتغرق اللي حواليها،
وفي وفاء نادر بقى صعب تلاقيه في الزمن ده.

الست لما تحبك بصدق…
إنت كده كسبت دنيا كاملة،
بس لو كسرت قلبها… خسرت حد كان ممكن يديك كل حاجة من غير مقابل.

💬 لكل بنت بتقرأ:
إنتِ مش قليلة… ولا زيادة…
إنتِ كفاية بكل تفاصيلك، بحنيتك، بعفويتك، وبقلبك اللي يستاهل يتصان مش يتجرح.

💛 حافظي على قلبك… لأنه مش أي حد يستاهله.

من أعلى درجات الحُبّ بالنسبالها ….
إنه وسط زحمة يومه، وضغطه، وكل اللي وراه… يخطف دقيقة واحدة بس عشانها…
دقيقة يقول فيها: “وحشتيني”… وكأنها أهم حاجة في يومه كله.

مش بتدور على وقت طويل…
هي عايزة إحساس إنها “أولوية”…
إنه يفتكرها لوحده، من غير ما تفكره، ويسأل عليها من غير سبب.

البنت لما بتحب… بتحب التفاصيل.
تحب تسمع صوتك في آخر اليوم، تحكيلك يومها، حتى لو كان عادي جدًا…
بس عايزة تحس إنك مهتم تسمع، مش بتسمع وخلاص.

تحب الراجل اللي يحتويها…
اللي يكون لين معاها، حنين، فاهم إن قلبها بيتأثر بسرعة…
مش تقيل في كلامه، ولا قاسي في ردوده.

اللي بيحبها بجد…
مش بيختفي، ومش بيأجل سؤاله عليها،
لأنه عارف إن اهتمامه أمان ليها، وإن غيابه قلق بيكسرها من جوه.

ووقت الزعل؟
هي مش مستنية حد يكسب خناقة…
هي مستنية حد يطبطب، يهدي، يقرب…
حد يختار كلامه عشان ميزعلهاش أكتر، مش يوجعها وهو بيعبر.

الخناقات بالنسبالها مش دراما…
دي لحظة بتقيس فيها:
“أنا مهمة عنده قد إيه؟”
“هيحافظ عليّا ولا يسيبني أمشي وأنا مكسورة؟”

البنت مش معقدة…
هي بس عايزة حد يحبها بهدوء، يحتويها، ويطمنها…
حد لما تخاف، تجري عليه… مش منه.

ولو لقيت بنت بتقدّر أبسط اهتمام منك…
اعرف إنها مش محتاجة منك كتير…
محتاجة بس قلب صادق يفضل معاها ❤️

عمري ما قعدت اندب حظي
ولا احب اقول كلمه اشمعنا ده وده
ما بحبش المقارنات ولا بحب اقارن حياتي بغيري
برضي باللي ربنا كاتبهولي وفي نفس الوقت بحب أطور من نفسي
دايما عندي اقتناع أن اللي بيركز مع غيره عمره ما بيفرح باللي معاه ودايما حاسس ان مش راضي ولا عمره هيرتاح

- فـ ناس مُعيّنه صلاحيتهُمـ أنتهت عندي ، لا زعلان منهُمـ ولا كارههمـ ولا عندي أي شُعور ناحيتهُمـ من الأساس ، خلاص ما بقاش وجودهمـ يهمني ولا حتى بحب أعرف حاجه عنهُمـ ، الناس دي أذتني بما فيه الكفايه وخدت من روحي كتير أوي ، لكن أنا لا بتمنى لهُمـ الشر ولا عايز أنتقم منُهمـ ..
- أنا كُل اللي عايزه إنّهُمـ يسيبوني فـ حالي ويبعدو عني ..

لمّا حد يسألني: مين كسرك؟
بقولهم: محدّش… أنا اللي كسرت نفسي بطريقتي في الحب.
أنا كنت بحب بزيادة… زيادة عن اللزوم.
كنت بدي من قلبي كأني معنديش آخر،
وبشوف الناس أكبر من حقيقتهم،
وبستحمل عشان الصورة اللي رسمتها ليهم في خيالي… مش عشان هما يستاهلوا.
كنت بحمّل اللي قدامي أكتر من طاقته،
وأستأمنه على حاجات جوايا هو أصلاً مايعرفش يحافظ عليها.
وفي الآخر أزعل لما يخذلني…
مع إن الحقيقة؟ أنا اللي كنت متوقعة زيادة.
أنا اللي كنت ببالغ في كل حاجة…
أدي حب كأني عمري ما هتوجع،
وأثق كأني ما اتخذلتش قبل كده،
وأجري ناحية أي حاجة بحسها حلوة…
ومن غير ما أفكر، أرمي جزء مني فيها.
لحد ما أرجع…
ناقصه، مرهقة، ومش فاهمة أنا ليه دايمًا اللي بتوجع.
أنا بصراحة… بعرف أكسر قلبي كويس.
بعرف أدي نفسي لحد ما ميبقاش فاضل مني حاجة.
وماعرفش أحب بالراحة، ولا واحدة واحدة…
لا، أنا بحب بدفعة واحدة، كأني بدوب.
وبسيب في كل حاجة بحبها حتة مني،
وأمشي وأنا اللي خسرانة نفسي.
يمكن المشكلة ما كانتش في الناس…
يمكن كانت في طريقتي أنا.
في إني كنت بدي “كلي” لناس ما تستحملش “كلي”.
بس يمكن… اتعلمت.
اتعلمت إني مش لازم أدي كل حاجة مرة واحدة،
وإن اللي يستاهلني… يستاهلني “براحتي”، مش باندفاعي.
أنا ما اتكسرتش من حد…
أنا اتكسرت من قلبي… لما حب زيادة عن اللزوم.

في ناس يا جماعة أساتذة…
آه والله، أساتذة في قلب الحق باطل، والباطل حق!
يقلب الترابيزة عليك وهو اللي مكسّرها،
يغلط فيك، ويزعل لما ترد،
ويعيش دور المظلوم وكأنك انت اللي أذيته!

النوع ده مش بس بيشوّه الحقيقة،
ده بيحاول يقنعك إنك انت المجنون، وإنه أحنّ قلب في الدنيا!
بس الحقيقة؟
هو أستاذ في التلاعب… مش أكتر.

فـ لو قابلت حد كده،
ما تحاولش تبرر، ولا تدخل في جدال،
سِيب له الملعب، وامشي براحتك…
أنت كبير أوي إنك تفضل في لعبة بالشكل ده

مؤلم أوي إحساس إنك معملتش حاجة في حياتك غير إنك عايش تستحمل…تعدّي وتعدّي، وتقول معلش، وتصبّر نفسك كل يوم بكلمة “بكرة أحسن وربنا كبير”…
لحد ما فجأة تلاقي نفسك خلاص… مفيش طاقة حتى تعيش يوم عادي زي الناس😔😔💔
بتوصل لى مرحله انك تسكت وبس علشان تعدى اللي باقى من عمرك ع اى وضع 🖤

متلـعبش معـايا لعبـة التجـاهل عشـان أنـا تخصـص نسـيان بشـر ..🖤👌🏻!

مش قادرة أتخيل إزاي بيبي لغة التواصل الوحيدة بينك وبينه هي البكاء وتيجي واحدة تقولك متعوديهوش عالشيل!
ومش أول ما يعيط تجري تشيليه هياخد على كده.
ما ياخد على كده 🤷‍♀️
مش يمكن جعان ؟؟ عطشان ؟؟ زهقان ؟؟ مش مطمن ؟؟
محتاج يشم ريحتك؟؟محتاج يسمع صوتك ؟؟
عنده ارتجاع ؟؟ عايز يغير ؟؟
متسمعوش كلام الناس دي
هياخد على الحنية مش هياخد على الشيل 💙🫂

"بين عصر ومغرب الجمعة؛ دعوة لا تٌرد، فاللهم أرني عجيب صنيعك في استجابة دعواتي، وكرمك ولطفك في قضاء حوائجي، وجميل أقدارك فيما تعلق به
قلبي.

واجعلني من الذين يرضون عنهم، ويغفرون لهم، ويستجيبون لدعائهم، يا أرحم الراحمين.
وأنزل عليّ رحمتك الواسعة فيما تعلّقت به نفسي، هونًا هونًا، وأنت القادر أن تُسعدنِي وتمنّ عليّ بسعة رزق في حبّ الناس، وسعة رزق في العبادة والمال والمودّة.

اللَّهُمَّ لا تصرفنا من هذا اليوم إلا بذنبٍ مغفور وسعيٍ مشكور وعملٍ متقبل مبرور وشفاء لما في الصدور وتوبة خالصة لوجهك الكريم
اللّهُمَّ إنا نستودعك دعوات فاضت بها قلوبنا فاستجب لنا يا مُجيب الدعاء يا ربّ العالمين."