Icon Engineering Group

كل عام و أنتم بخير
نتمني للجميع عام جديد موفق ملئ بالنجاحات إن شاء الله و أن يديم الله علينا الصحة و العافية.

عيد أضحي ميارك
تقبل الله صالح الأعمال

النهاردة هنستكمل ملاحظات مهمة لبند الكهرباء اللي ذي ما وضحنا من قبل من أهم بنود التأسيس مع السباكة لانه لو أهملناهم مخاطرهم كتير لاقدر الله و يجب علينا تلافيها بالتأسيس الجيد.

• توزيعنا الفرش لازم يكون نهائي لتلافي وجود مفاتيح أو برايز كهرباء في أماكن غير مناسبة.
• لو بتفكر تعمل جيبسمبورد في مرحلة مستقبلية يبقي يتعمل حسابها في التأسيس بمخارج كهرباء تحت منسوب السقف اللي هتستخدم لاحقا للإسبوتات أو بيوت النور.
• البرايز نوعين، عادية أو قوى و ده يتوقف علي الإستخدام و أحمال التيار و بالتالي قطر السلك المستخدم.
• برايز القوى هى برايز اجهزة السخان والثلاجة والفرن وغسالة الاطباق والملابس والدفاية.
افضل انواع الخراطيم : علاء الدين ومصطفى محمود
افضل انواع الاسلاك هى السويدى بس للاسف السوق مليان منها تقليد مش اصلى يبقي لازم نشتري من مكان موثوق فيه.
* البرايز بيكون منسوبها من فوق السيراميك 40سم.
• مفاتيح الانارة منسوبها من السيراميك 110سم او 120سم.
• الغسالات و الثلاجة يفضل عمل مفتاح تحكم في مكان ظاهر لأن بريزة التغذية بتاعتهم بتكون أسفل الرخامة أو خلف الثلاجة.
• بريزة تحت حوض المطبخ مهمة لو هتركب فلتر في مرحلة لاحقة.
• ينصح بإستخدام أقطار الأسلاك كالتالي:
1-مفاتيح الانارة 1.5 - 2 مم (يتوقف علي طول المسافة من اللوحة و نوع الإضاءة المستخدمة).
2- برايز عاديه 2 - 3 مم
3- برايز قوى 4 مم.
4- التكييفات والسخان 4 - 6 مم ( حسب قدرة التكييفات).
• بعد ما يتسحب السلك لازم الشقة تكون متقفله للحماية من السرقة.
• افضل شركة للمفاتيح والبرايز شنيدر غالية بس ثمنها فيها و هتنساها.
• وصلات الدش لوحدها كل جهاز بسلك لوحده.
• وصلات النت لوحدها.
• اسس لكاميرات مراقبة حتي لو مش هتعملها في المدي القريب.
• لوحة الداتا ممتازة وشكلها حلو و بتجمع فيها أسلاك النت و مكان الراوتر و بقية خطوط البيانات سواء تليفون، إنتركم أو دش.
• السخان والتكييف والدفاية خط مباشر على اللوحة الرئيسية.
• يفضل عمل مفاتيح الحمام ووتربروف و خاصة لو قريبة من مصدر مياه.

• اوعى تنسي تعمل حساب كشافات طوارئ في معظم الاماكن ف البيت و هو بيشتغل بمجرد ان الكهرباء بتقطع حجمه صغيره لأنه بيتركب ف علبه بيتشينو ذيه ذى اى مفتاح ف الشقه.
فيه أنواع بتشتغل ذاتى أول مالنور يقطع وفيه أنواع بتضغط عليها عشان تشغله.

للرجوع للبوست السابق عن بند الكهرباء ده اللينك بتاعه
https://www.facebook.com/101463445335012/posts/123824539765569/

لمزيد من التفاصيل ابعتلنا علي رسائل الصفحه او كلمنا علي:
هاتف : 01061341317 / 01200425518
أو اكتبلنا علي واتساب: https://wa.me/201061341317
البريد الإلكتروني: [email protected]













#أيكون
#ايكون


#هندسة
#مقاولات
#تشطيبات
#ديكور

استكمالا للسلسلة اللي وعدنا اننا هنخطوها معاكم.

النهاردة هنلخص أهم النقاط قبل البدء في تأسيس أعمال الكهرباء:

١- لازم يكون تم عمل رسم لفرش افتراضي للشقة عشان تقدر تحدد أماكن مخارج برايز الكهرباء و شكل الإضاءة اللي في الأسقف..

٢- أكتر حاجة هتظهر جمال الفرش و أي ديكورات إتعملت هي توزيع الإضاءة , خلي حد متخصص يوزعلك الإضاءة و خد بالك جمال الإضاءة مش بكثرتها أو بالألوان المفرقعة.

٣- متنساش تعمل حساب الدش و التليفزيون و التليفون و النت و لو فرضا هتأسس لكاميرات مراقبة فكر في أماكنها مبدئيا مش هتكلف في المرحلة الحالية غير مواسير تدفن في الحوائط و يتحدد شاشة المراقبة هتتركب فين.

٤- اعمل حسابك لتأسيس التكييف حاليا حتى لو مش هتشتري تكيييف ربما تحتاجه في المستقبل و طبعا يكون خط كهرباء مباشر من اللوحة لكل تكييف و كذلك للسخان الكهرباء.

٥- لو ميزانيتك تسمح لما تأسس إشترى أسلاك السويدى و لازم تتاكد انه الاصلى بشرائك من محل مضمون و سمعته كويسه و بمساعدة الأبليكشن بتاع السويدي ممكن تتأكد.

٦- اشترى لمبات LED ربما تكون غالية شوية بس هتوفر لك فلوس كل شهر لما تشوف فاتورة الكهرباء.

٧- ماتسترخصش فى تمن العلب و البواطات و الخراطيم و هات حاجة نظيفة لتلافي مشاكل انت في غني عنها.

لمزيد من التفاصيل ابعتلنا علي رسائل الصفحه او كلمنا علي:
هاتف : 01061341317 / 01200425518
أو اكتبلنا علي واتساب: https://wa.me/201061341317
البريد الإلكتروني: [email protected]













#أيكون
#ايكون


#هندسة
#مقاولات
#تشطيبات
#ديكور

استكمالا للسلسلة اللي وعدنا اننا هنخطوها معاكم.
النهاردة هنتكلم عن معلومة ربما تؤثر علي توزيع الفرش و هي المسافة بين الأنتريه و الحائط المثبت به الشاشة أو مكتبة التلفزيون.

مقاس الشاشة اللي بتفكر تجيبها ممكن يخليك تعيد التفكير في اتجاه الفرش علشان تحس براحة في الرؤيه و أنت بتتفرج
و لأن الصورة أفضل من سرد جمل للتوضيح , الصورة دي ممكن تساعد بدون الدخول في تفاصيل كيفية حساب المسافة دى.

استكمالا للسلسلة اللي وعدنا اننا هنخطوها معاكم.
دي نصائح جوهرية عند شراء أو تركيب السيراميك والبورسلين

# بلاش الارضيات الغامقه ألا لو التصميم بيتطلب ده أو متطلبات المكان و شياكته هتظهر أكتر مع الغوامق.
# تفادي إختيار الأرضيات المط عشان مش بيبان فيها نظافه و هتتعبك في التنضيف.
# لازم تكون مجهز رسومات تنفيذية بتفاصيل تقطيعات البلاطات لكل فراغ علشان تحسب الكميات صح و تزود عليها نسبة الهالك المتوقعة و تتفادي تبقي كميات كبيرة أو انك تعطل علي بلاطة معجزه في كمياتها.
# لو هتجيب بورسلين لازم يتركب صح بصلايب ودي اللي بتحافط على مسافة ثابته بين القطعة والتانية و لازم يتم إستخدام مادة لصق وأديبوند غير كده هيفك بعد فترة ويطلع من مكانه.
# لو هتجيب بورسلين أعلي درجه الأسباني ثم الهندي.
# الشركات المصنعة للسيراميك في السوق كتير و إختيارها في الأساس بيتوقف علي الميزانية الموضوعة و درجة المنتج اللي مطلوبه.
# لو جبت سيراميك حوائط أكتر من 75-80 سم يبقي الحوائط لازم تتمحر علي بؤج و أوتار و تربيع وتأكيس ويتركب بماده لصق ذي ( سيتوكس يو من كيماويات البناء الحديث أو سافيتو )
# ما تسترخصش في اختيارك للسيراميك لأن مشكلته هتبقي قدام عينك كل يوم.
# لو هتعمل HDF لفراغ معين ممكن تجيب فرز تاني يتركب تحته و ده هيساعد شوية علي تقليل التكلفة.
# لو هتركب سيراميك مط لسبب تصميمي أو الشكل واوو و مش لازم يتفوت يبقي لازم يتسقي أول بأول و بلاش الأماكن دي تستخدم في التشوين أثناء فترة التشطيب علشان هيجير ومش هينضف بسهولة.
# بلاش بورسلين بالمطبخ لانه مع أي وجود لمياه في الأرضية إحتمال يزحلق و ليه اعتبارات خاصة في التنظيف.
# سيراميك الباركيه حلو لو اخترت المنتج المظبوط و اتركب بإتقان. يفضل الإبتعاد عن المط او اللي سطحه فيه تعريجات و خليك في الأسطح الوسط عشان سهولة التنظيف.
# أخيرا و ليس آخراً لازم صنايعي أمين و شاطر يركب وتتأكد إن البلاطه كلها اتملت مونه والتزم بالمعايير والمواصفات اللازمة في الارضيات والحوائط ودة عشان تتفادى مشاكل زي اللى بتسمع بيها زي ان البورسلين بعد فترة فك او فرقع او مثلا حدوث التطبيل و الكسر لا قدر الله مع اي تخريم لتثبيت أي وحدة أو إكسسوارات.

تابعونا..













#أيكون
#ايكون


#هندسة
#مقاولات
#تشطيبات
#ديكور

للناس اللي اختارت إنها تشطب حوائط او أرضيات بإستخدام السيراميك دايما بيبقوا محتارين بين إمتي أركب سيراميك ب المونة الاسمنتية!؟
وإمتي أركب بالماده اللاصقة !؟

خلينا نبسطها لك عشان تقدر تاخد قرارك وأنت واثق من النتيجة.
كل ما كانت البلاطه اقل من 70-75 سم يبقي نقدر نركبها عادي بمونة أسمنتية ومش بمادة.
و ده علشان الصنايعي يبقي سهل إنه يقدر يملاها بالمونة الأسمنتية ويقدر يشيلها ويركبها كويس بدون ما يحصل تطبيل ( يعني ما يكونش فيه أي جزء مفرغ من المونة وبالتالي يحصل تماسك تام بين البلاطة والسطح اللي هتركب عليه) .

في حال ما كانت البلاطه اكبر من 75 سم هيبقي صعب على الصنايعي إنه يتعامل مع بلاطة بالحجم دة بإستخدام المونة الاسمنتية العادية لثقل وزنها وبالذات مع الأجزاء العلوية من الحوائط وهنا بقي يتم تركيب السيراميك بإستخدام مادة لاصقة يتم فردها على حوائط تم محارتها اللي هيسهل التعامل مع المقاس الكبير وبالتالي هتضمن تغطية للسطح بالكامل بمادة اللصق و بالتالي تماسك وتساوي وعدم وجود فراغات خلف البلاطات (تطبيل) و طبعا تلافي أي تسنين بين أركان البلاطات المتجاورة لان سطح المحارة مستوي تماما.

الحالة التانية اللي اللصق بمادة بيكون عملي هو في حالة البلاطات الديكورية الصغيرة في مقاسها و متكررة في أماكن كتير.

ميزة اللصق بالمادة إننا هنتلافي العيب الأشهر لوجود فراغ خلف السيراميك و بالتالي إحتمالية تكسير السيراميك أثناء تثبيت الوحدات أو أي اكسسوارات هتكون معدومة.

وطبعا مننساش إن المحارة لازم تكون علي بؤج و أوتار و تربيع الفراغ لتلافي ظهور أي عيوب في السطح بعد التركيب و تلافي شطرات في الأرضيات.

وخليك عارف إن في مواد كتيرة متوفرة في السوق للصق السيراميك سواء بلون أبيض أو رمادي واختيار اللون يتوقف علي لون السيراميك المستخدم.

واللي هيجي يسأل عن التكلفه
هقوله أكيد فيه زيادة في التكلفة مع استخدام المادة اللاصقة نتيجة عمل المحارة الأول و بردوا تكلفة إستخدام ماده اللصق اللي هي أعلى نسبيا بالمقارنة بالمونة الاسمنتية.
و بكدة انت عرفت ايه الفرق بين تركيب السيراميك بالمونة الاسمنتية او بالمادة اللاصقة وفي النهاية اختيارك هيكون مبنى على أساس مش مجرد فكرة أو موضة.

لمزيد من التفاصيل و متابعة سلسلة المعلومات الفنية اللي هنوالي نشرها في الأيام القادمة إن شاء الله يسعدنا متابعتكم صفحتنا.

أو يشرفنا تواصلكم معنا لأي إستشارة فنية عبر الوسائل التالية:

1-رسايل صفحتنا
2-الاتصال على أرقامنا

📞 01061341317 & 01200425518

أو واتساب:
https://api.whatsapp.com/send?phone=201061341317




#هندسة #مقاولات #تشطيبات
#ديكور

عشان دة أول بوست لينا على الصفحة فكرنا إزاي تكون البداية دي مميزة.
الهدف الرئيسي لفريقنا مع بداية نشاطنا هو إننا نكون عند ثقتكم الغالية و تكون البداية مختلفة و نقدملكم نفسنا بصورة جديدة مش بس تعريف بالكيان أو الخدمات اللي بنقدمها اللي هيتم توضيحها لاحقا في منشور منفصل.
و لأن الهندسة حوالينا في كل مكان سواء كانت اتنفذت بالفعل في مشاريع سابقة أو تحت التنفيذ أو لو بتفكر فى حاجة جديدة وايا كان نوع مشروعك فدورنا إننا نحول الحلم ده لواقع ملموس بخطوات هندسية مدروسة و ده لان شعار شركتنا “Engineering your Life”

و احنا كفريق من المهندسين أصحاب الخبرة الطويلة و لاننا عمليين جدا حابين اننا نقدم ليكم هدية تعبر عننا وهي خدمة "مستشارك الهندسي"...
خدمة مجانية ولمدة ٣ شهور بمناسبة بداية نشاط الشركة.
لو عندك أي سؤال هندسي في أي مشروع او بند من بنود مشروعك ومحتاج رأي هندسي فاحنا بنقدم لك مش بس رأي مهندس واحد ولا اتنين بل مجموعة متكاملة من أفضل الخبرات الهندسية في مختلف التخصصات و الموجودة تحت سقف واحد هو
“Icon Engineering Group“

دلوقتي تقدر تتواصل معانا بسؤالك وفريق العمل عندنا هيرد علي استفسارك في أسرع وقت ممكن.
رؤيتنا الرئيسية - سواء كنت هتتعامل معانا او مع غيرنا - هو زيادة الوعي الهندسي وان مشروعك يتنفذ طبقا للمواصفات الهندسية القياسية اللي تضمن لك اعلى درجة من الجودة والكفاءة المستدامة و التكلفة المخططة.




#هندسة #مقاولات #تشطيبات
#ديكور