Click Tech

فتحت الجهاز نضفته وكانت الرامات أول حاجة نضفتها بعدين باقي القطع، خلصت وجيت أشغل الجهاز مش شغال فكيت الرامات لقيتها شربت التراب كله من الحهاز قمت منضفها تاتي طلع التراب منها بهدل الجهاز كله تاني بس أشتغل... وزي ما رحنا زي ما جينا ودوخينا يا لمونا دوخينا...✌️

مش قولتلكوا أشتروا بروسيسورات 4th انتوا اللي مسمعتوش الكلام استحملوا بقي...

أحسن حاجة تحفظ فيها قيمة فلوسك هي بورسيسور i5 4th
متوفر في السوق
قيمته بترفع كل ما يقدم بعكس باقي البروسيورز
بيشغل reddeadredemption2 أعلي إعدادات 60 فريم
أصلي مش زي الشغل الجديد الصيني
مستني إيه أشتري بسرعة...

فيها إيه ياسطي لما تشتري تجميعة بكارت شاشة من اللي بنكسب فيه 5 أو 6 آلاف جنيه ونديك رامة بـ ألف جنيه هدية...

أنا حزين علي محلات الهارد وير بجد، عندهم مشكلة كبيرة جداً، عندهم ڤايرس بينزل بوست ع الفيس يقول إنهم شغالين بالاسعار القديمة لحد انتهاء المخزون، وبعدها علي طول يقفل الموقع والبيع من خلال البيدج والمحل...!

والله يارجالة AMD عاملة زي الساحر اللي وسط الجمهور مستني الاراجوز يخلص النمرة بتاعت ورق الكوتشينه عشان يوريهم السحر اللي بجد 👈👉

أنصب عليا، أسرقني، قولي الكارت ده سالب ٢٠ ميحا اب تو خشروميت تيرا، لكن أوعي تقولي السعر ع الخاص !

عمري ما هقدر أنسي يوم مكنت رايح أشتري كارت Rx واللي مشهورة بأن اغلبها متعدن بيه، ولما سألت الراجل هل متعدن بيه قالي بكل ثقة " آه متعدن بيه، أنا شخصياً بعدن بيه لحد ما يتباع "

بفاصل في 750ti عشان اجيبه بـ ألف ونص وأول ما فتحت فيس لقيت محل عارض ماوس باد بـ 2500 بـس.

ماشي...

الحقيقة إن AMD مينفعش تخش مقارنة مع أي شركة تانية في مجالها....
الشركة دي بتطلق القطع بتاعتها في أوقات مناسبة جداً، أكثر من 3 أجيال من البروسيسورز تنزل بمقبس واحد وبتحديث بايوس فقط وتديك أداء رهيب، بتتفوق دايما ع الجيل المنافس ليها بجدارة وساعات بتفوق كمان علي الجيل الأحدث واقصي حاجة الفرق بيكون 5 او 10% أنت متخيل !!، بصراحة مسمعتش عن جيل جديد مش لاقين ليه بوردات ! ولا مبردات مثلاً ! يعني ضحك من أجود أنواع الضحك من مزارع intel.
بدون نقاش لو بتفكر تشتري ومحتار روح لـ AMD
بنسبة 90% AMD هتديك: أداء أعلي، سعر أقل، قطع متوفرة.
مفيش إنكار إن في حالات بسيطة Intel بتتفوق '" حالات بسيطة "

لاحظت إن في عروض كتير علي الماوس والكيبورد دول، وإن في ناس كتير بتسأل عن أدائهم أحب أقولك " أحقر ماوس وكيبورد ممكن تشتريهم "
زود علي سعرهم 75 جنيه وهات T-dagger TGK 313 ومارفو m112 أو aula s20