Margarine Many

سعداء بمشاركة لقطات من حفل تسليم شيكات الفائزين في الطومبولا 🎉
مبروك لكل من حالفه الحظ، وشكرًا لكل من كان جزءًا من هذه التجربة الجميلة.

خفّة، قرمشة و بنة خيالية... هدا هو الـ Crumble البورو و الدجاج لي تحضروه بـماني ✨
من الفوق مزيج من القرمشة و الطراوة، و من الداخل الدجاج و البوارو يذوبوا وحدوهم.

جربوا الوصفة و قولولنا واش رايكم فيها! 👇

#بنة #الجزائر

جا وقت تجربة ماني ! موضوع اليوم هو البريوش، ملكة قهوة العصر.
نخلّوكم تشوفو نتيجة التجربة : مع ماني، البريوش تكون منفخة، مقطنة و طرية.

و هكذا تنتهي سلسة تجارب ماني مع 3/3 انتصارات ! علابيها نقولو بلي كاين غيرها... بصح مكاش كيفها.

رجعنا ليكم اليوم بتجربة ثانية !
زوج سنيوات حلوة الطابع بنفس المقادير، وحدة بمرغرين ماني ووحدة بمرغرين X و النتيجة مرة أخرى كانت باينة !
مع مرغرين ماني، الحلوة تشد شكلها، تتشقق مليح و تذوب في الفم.

حبيتوا تتحققوا بنفسكم؟ الوصفة كالتالي :
3 بيضات
150 غ سكر
120 غ مرغرين ماني
بشر ليمون
كيس خميرة كيميائية
ملعقة صغيرة فانيليا
فرينة (حوالي 400 إلى 500 غ حسب الحاجة)

Eclairs au chocolat
‎‏‎وصفتنا اليوم وصفة الإكلير، وصفة كامل نحبّوها،
‎‏‎ جبناهالكم اليوم مع بأسهل وأبسط طريقة، مع كل الأسرار باش تنجحلكم من اول مرة 👌جرّبوها ورايحين تنبهرو من النتيجة والبنة .
‎‏‎وباش تنجحلكم لازملكم اهم مكون وهو مرغرين ماني ✨

‎‏‎المكونات:
‎‏‎عجينة الشو (La pâte à choux):
‎‏‎150غ ماء، 2غ سكر، 2غ زهر الملح، 65غ ، 85غ فرينة، 3 بيضات كاملة (حوالي 160غ)

‎‏‎كريمة باتيسيير (Crème pâtissière):
‎‏‎4 صفار بيض، 120غ سكر، 40غ نشا الذرة، 500مل حليب ساخن، ملعقة كبيرة ، عود فانيلا

‎‏‎غاناش الشوكولا (Ganache chocolat):
‎‏‎80غ شوكولا، 80غ كريمة سائلة ساخنة، ملعقة صغيرة

‎‏‎عجينة الشو:
‎‏‎في كاسرونة نحطو الماء، السكر، الملح ومارغرين ماني ونخلوهم يذوبو على نار متوسطة. نحيّو من النار ونزيدو الفرينة، نخلطو ونرجعو للنار ونخدمو العجينة حوالي 5 دقايق.
‎‏‎نحطوها في صحن، نزيدو البيض ونخلطو مليح حتى تولي عجينة ناعمة.
‎‏‎نحطوها في poche à douille ونخلوها ترتاح في الثلاجة على الأقل ساعتين.
‎‏‎نسخنو الفور على 180°، نشكلو الإكلير، نرشو شوية سكر رطب فوقهم وندخلوهم يطيبو 30 دقيقة، ومن بعد 10 دقايق على 140° نخلوهم يبردو.
‎‏‎كريمة باتيسيير:
‎‏‎نخلطو صفار البيض مع السكر والمايزينة.
‎‏‎نسخنو الحليب مع الفانيلا ومن بعد نفرغوه على الخليط. نرجعو الكل للكاسرونة ونخلوه يثقال.
‎‏‎نزيدو مرغرين ماني، نغطيوها ونخلوها تبرد في الثلاجة.
‎‏‎نخفقوها شوية ومن بعد نعمرو الإكلير.
‎‏‎نغطسو الإكلير في الغاناش ونزينو حسب الرغبة.
‎‏‎بصحتكم
#اكلير

ما تغلطوش في اختيار المرغرين !
اليوم درنالكم لكم تجربة حقيقية !
زوج كيكات بنفس المقادير، وحدة بمرغرين ماني ووحدة بمرغرين أخرى و النتيجة كانت واضحة.
مرغرين ماني خلات الكيكة تجي طرية بزآف ومحافظة على القوام تاعها.
حبيتوا تتحققوا بنفسكم الوصفة كالتالي :

أوزان متساوية من:
البيض
مرغرين ماني ذائبة
سكر
فرينة

بالإضافة إلى:
2 ملعقة صغيرة خميرة حلويات
فانيليا