PittyCheese

الطّعم رجعلو المعنى... واللذّة ولات عندها اسم
🔥نااااس الجلفة خاوتنا وخواتاتنا... حضّرولنا رواحكم لحاجة ما صرّاتش 🔥
من بعد ما Pitty_Cheese@ بدّل قواعد اللّعبة فالمذاق،
🔜 جا الدور على Pitawa@... المشروع اللّي كان غير فكرة، ولى واقع!

🚪 الافتتاح الرسمي:
🗓 السبت 17 ماي2025
🕔 على 17:17 بالضبط
(باش نبقاو دايمًا مربّوطين برمز ولايتنا العزيزة ❤ 17)

🎊 وكيما عوّدتونا دايمًا بالحب والدّعم، حبّينا نردّوهولكم بـعرض خيالي:

🍔 أول 17 برڨر 👉 مجّاني 🎁
🥪 أول 17 ساندويتش 👉 بـ 100 دج فقط 💸
🍽 أول 17 طبق 👉 بـ 170 دج برك 🔥

⚠️ العرض محدود... يعني اللّي يسبق، يذوق!
📍 وين تلقانا؟
🚩 حي قناني، قدّام Condor مباشرة.
📞 أي استفسار؟ 0794566030

💥 Pitawa ماهوش مجرّد محل...
هو تجربة، هو ذوق، هو ستيل، هو حكاية جديدة تبدأ بيك!

✌ Pitawa...... كل طعمة بحكاية

🔜✨ راهو جاي… وش راهو؟ خليه مفاجأة!
بعد سكوت طويل، حان الوقت نرجعو… بصح بطابع جديد، فكرة جديدة، وتجربة ما تتنساش 🔥
🌙 في كل كوانة من الكوانات ، كانو زبائننا الكرام يسقسو فينا: وين رايحين؟
وفي كل جلسة، كان السؤال ديما: ترجعو ولا أكا هو؟
اليوم، نجاوبوكم بلا ما نقولو كلش… بصح نقولو حاجة وحدة: رجعنا!
وش نقدرو نقولو؟ الخدمة راهي تتحضّر، والمفاجآت فالطريق 🚀
🎉 وكما عودناكم، مسابقاتنا راجعة!
جوائز قيّمة تستناكم، والشرط بسيط: خمّم، عاود أنشر المنشور، وخلي الحماس ينتشر!
🤝 والفريق؟ نفس الناس اللي وثقتوا فيهم… راجعين بنفس الحب، وبنفس ❤️النكهة

📍المكان؟ تعرفوه مليح
📆 الموعد؟ قريب… خلي عينيك هنا
ّوا؟
#-العودة_بنكهة_غامضة-متخصصة-وجديدة

بعد اكثر من عام على الإفتتاح تاعنا للأسف لحقت الساعة اللي نودعوكم فيها.

هاذ التجربة خلاتنا نعرفو الكثير من الرجال، خلاتنا نتعلمو و خلاتنا نخدمو المجتمع تاعنا باللي نقدرو عليها، و هاذي لينا تعتبر من اكبر المكاسب.

ان شاء الله هاذ الخبر ما يكونش فيه تثبيط لأي شاب حاب يخدم على روحو، بالعكس، راكم شفتوا، شوية كوراج و إبتسامة و عمل جاد خلانا ننجحوا، نخدمو و نخّدمو اكثر من 15 شخص من نهار الي فتحنا.

شكرا لكل من وثق فينا، شكرا لكل من دعمنا، شكرا لكل من وقف معانا.

سنبقى نعمل حتى نهاية الشهر، باه تجو تودعونا و تاكلوا من يدينا لآخر مرة ☺️

و ما تعرف، لعلّ ربي يجمعنا في ساعة خير 😉

⚠️ مسابقة خفيفة ظريفة ⚠️

اربح تشيز رويال اكس آل🍔
كيما اللي في الصورة 🤤

كل ما عليك فعله، خلي تعليق احزر فيه عدد الإيمايلات غير الفتوحة عندي 😂

اللي يجيبها الاول يربح 💥

الجواب في الستوري 😘

لا ينصح به لذوي القلوب الضعيفة ⚠️