MASAY

قتلي بصح الكرىشي يصلح غير للشتاء 😒🤔

ڨبيلة تفرجت فيديو عجبني و جاتني لحظة ادراك انو الكلام صح 100%
قالك انت حاب ربي يوسع عليك و يرزقك ؟ يقلك ربي انت اعمل حاجة و الباقي عليا متحبسوش ا جماعة في بلاصة وحدة زعما قريتي تخصص صايي تحبسي يا يجيك الرزق من هاد التخصص يا مكانش !! كيفاه ربي رح يفتح عليكم من جهة اخرى و انتم حابسين في بلاصة وحدة ؟؟ بصح كي تكوني عندك اكثر من حاجة تتقفل من جاهة و تتحل في جاهة اخرى صح و لا لا ؟

تخيلو كون انا حبست في قرايتي (ديبلوم تيعي مهندسة في الكيمياء الصناعية ) متخرجة من 2020 جامي خدمت بيه من غير تعليم (استخلاف ) كل ما يجي كونكور في المجال تيعي نشارك فيه تخيلو كون قلت قريت و تعبت و مدرت بيه والو الدولة مخدمتناش و بقيت نشكي و نبكي من الحالة تيعي و نقول مقريتش باطل لازم نخدم بالديبلوم تيعي 💔 الله غالب اذا ربي مفتحلناش الباب هادا بقرايتنا نجربو حاجة اخرى 🤷🏻‍♀️ مالا كون نحكيلكم انا قبل الكروشي جربت قداه من حاجة 🫣 و تعلمت اكثر من حاجة بصح لقيت طريقي في الكروشي مبعد لقيت طريقي في تعليم الكروشي لي كون مجاتش حاجة نحبها مستحيل نكمل فاها 🥰 يعني تع صح لازم تتعلمو لازم توسعو خياراتكم و مبعد متدريش ربي وش من طريق فيكم رح يكون رزقك وش من طريق فيهم رح تسهال و يكون فاها الخير ✅ بصح اذا حكمتو طريق وحدة و تقفل الباب تعها رح تبقاو في بلاصتكم اذا انتم مجربتوش طريق اخرى و بقيتو تسناو في الباب هاداك يتحل 🤦🏻‍♀️ هو قادر يتحل بصح يطول
نزيد نحكيلكم هادي برك باه تفهموني اكثر 😅 تقرا معايا وحدة انجليزية كبيرة شوي مالا الموضوع تعنا كان على المجال لي نحبوه قتلي انتي وش تحبي قلتلها التعليم اني نقري بصح حاليا اني غير نع الاستخلاف و نقري في أكاديمية فقط و حتى الكونكور مكتبش ربي مصلحتليش قتلي ايييه حتى انا كنت كيفك هك كل مرة تعكسلي قتلي عبالك وقتاه صلحتلي قتلي صلحتلي في 2023 و هي متخرجة في 2001 🥹 و درك راهي استاذة في الجامعة ما شاء الله يعني 22 سنة باه كتبلها ربي تخدم بالديبلوم تعها في مجال التعليم
العبرة انو الباب هاداك مهما طول في لخر رح يتفتح بإذن الله بصح لازم تسعاو في جيهة اخرى متخليوش عمركم يضيع في الانتظار 😊 اقراو تعلمو طورو من رواحكم جربو حوايج جدد ازدمو و متخافوش 💪🏼
احكيولنا تجاربكم خلي نستفادو ممكن كاين لي مستحقة تسمع هاد الهدرة

شكون المحترفة لي تعرف نوع الغرزة لي خادمة باها هنا 🫣💪🏻
#كروشي