SAP FC

افضل تشكيلة لأفضل اللاعبين الجزائريين تحت ال 23 سنة في الوقت الحالي
هل ترى ان مستقبل المنتخب في أمان معهم؟

افضل تشكيلة لمنتخب الجزائر x المغرب
مع بعض اللاعبين الذين كانوا قادرين على تمثيل احد المنتخبين
من سيكون مدرب مناسب لهذا المنتخب برأيك؟

هذا اللاعب اسمه فارس شايبي لاعب فرانكفورت الألماني احد افضل المواهب التي مثلت الجزائر و اللاعب لي يلعب في مراكز بزاف صحيح انه الموسم الماضي ما كانش مليح بزاف عليه و ما كانش يلعب بزاف منذ كأس إفريقيا الماضية
المهم هذا اللاعب كيما قلت يلعب في عدة مراكز و كان ممتاز فيهم (لي كان يتفرج فرانكفورت يفهمني موسم 23/24)
من بين المناصب لي ممتاز فيهم هوما(الوسط الميدان أيمن RM و الأيسر LM )
لماذا الناخب الوطني ما يلعبوش في ذاك المنصب و يهنينا من الجرار عطال و صاحبه غيطون كل إحتراماتي ليهم لكن صاي وقتك فات كنت موهبة دروك خلاص كفاش الناس تقدم و حنى نرجعوا
المهم فارس شايبي كاين لي راح يقولي هذاك منصب لازم يكون يعرف يدافع
عندك الصح لكن فارس شايبي كاين يلعب دور دفاعي كثر من هجومي مع الجزائر و مع فرانكفورت في الموسم الماضي و تأقلم معاه
المهم كاين لي راح ينتاقدوا هدرتي عندكم الصح برك بغيت نقول فكرة ممكن نكون غالط مهم واش رايكم فيها؟

تخيل اخي العزيز ان افضل فريق في العالم الذي عنده افضل مدرب في العالم غير التشكيلة لي حياته كاملة معتمد عليها بسبب لاعب واحد و لي هو ايت نوري خرج قدملوا واحد من افضل المباريات يقدر يقدمها ظهير ايسر هنا تفهم بلي ايت توري عندوا دور كبير بزاف فالملعب و تقدر تبني عليه تشكيلة
و اما السي خونا لي بهدلنا مع منتخبت افريقية صغيرة و عنا معاهم معانات (صراحتا رانا نربحو بأسوء اداء ممكن يديره فريق ما تقوليش المهم النتيجة) و زاد راحت بهدلاتو السويد كي هو كي لي سبقه و حتى الإتحادية
يبقى يلعب فيه مدافع و يلزم عليه يدافع فقط عندك لاعب كيف هذا و ما تعرفش تستغلوا غير اعتازل كرة القدم و ماشي غير هو كاين بزاف للأسف المنتخب تاعنا غير تاع بلايلي و بونجاح و الكهول لخرين ما راناش تاع كرة لو كان يبقى هاك راح يصرى اكبر تبهديلة فكاس العالم الله يجيب الخير
خاوتي راني عارف كاين لي راح ينتاقد عندك الصح شكون انا باش نهدر على المنتخب بصح هذا غير رأي شخصي كي شغل تغيضك تشوف المنتخب تاعك عندوا قدرات و ما يستغلوهمش بسبب الفساد لي راه صاري

just for fun😆
🤍🇩🇿

هام‼️
يملك نادي أنجيه شرطًا جزائيًا يتيح له بيع اللاعب بنسبة 50%، والذي يمكنه من ربح نصف ثمن صفقة انتقال ريان ايت نوري لأي نادي مما يعرقل صفقة انتقاله و يجعل فريق وولفرهامبتون يطلبون مبلغا ضخما لتسريح اللاعب
الى اي نادي تتمنى ان ترى ريان أيت نوري يلعب فيه؟
#متالعة معك للصفحة اخي او اختي🤍

سلام عليكم منشور للترفيه
كل واحد يحطلنا السكوربورد تاعوا للدوري الجزائري🇩🇿
هذا تاعي 👇🏻 الفكرة من الدوري الفرنسي ligue 1

الكثير يجهل الفريق بين LB (الظهير الايسر) و LWB (جناح ايسر خلفي)
الظهير الأيسر يتمتع بعقلية دفاعية أكثر بينما الجناح الايسر الخلفي يميل أكثر إلى المغامرة والهجوم في كل لحظة متاحة
و المسؤولية الأساسية للجناح الظهير هي توفير العرض لفريقك(فتح المساحات على عرض الملعب عند خط التماس) ودعم الهجوم والدفاع. يجب أن يكون قادرًا على إجراء عمليات تشغيل متداخلة وتقديم العرضيات والرجوع للدفاع عند الضرورة ليس دائما . غالبا ما تجد الاجنحة الخلفية يلعبون في خطة 5 في دفاع او دفاع ثلاثي
و هذا ما يجعل بعض الناس ينتقدون اللاعبين ابرز لاعب عندنا هو أيت نوري متألق مع ناديه و مع المنتخب يقدم مستوى دون المتوسط
ان شاء الله نكونوا استفدنا و بالتوفيق للمنتخب في قادم المواجهات🇩🇿
للمزيد من المعلومات عند الجناح الخلفي تصفح👇🏻
https://www.soccertake.com/position/how-to-play-wing-back #:~:text=Your%20primary%20responsibility%20as%20a,back%20to%20defend%20when%20necessary.

ميكيل ارتيتا مدرب ارسنال يطلب خدمات الدولي الجزائري المتألق هشام بوداوي🇩🇿
المصدر : https://www.sport.fr/football/ogc-nice-un-geant-de-premier-league-veut-hicham-boudaoui-1230341.shtm
ما رأيك لو تتم الصفقة هل ارسنال مكان مناسب لهشام؟

ريان ايت نوري ساهم اليوم في تعادل فريقه ضد برايتون بتسجيله الهدف الاول في الدقيقة 88 من عمر المباراة 🇩🇿❤️
كيف رأيت ادائه اليوم؟
لا تنسى متابعة الصفحة أخي او أختي 🤍

قبال و لوبيز يساهمان في فوز فريقهما باريس و يلعبون على ورقة الصعود للدرجة الأولى الفرنسية
باريس اف سي متصدر الدوري لحد اللحظة