Slava U

У дачыненні да былога палітвязня Аляксея Раманава распачалі новую крымінальную справу

Гэтым разам за інтэрв'ю «Белсату» ў 2024 годзе. На гэтым тыдні прадстаўнікі Следчага камітэту ўжо правялі ператрус у сваякоў мужчыны. Сам Аляксей адбыў тэрмін па палітычнай справе і быў вымушаны з'ехаць з Беларусі з-за пераследу.

Аляксей — гомельскі актывіст, які мае інваліднасць 2-й групы з прычыны анкалагічнага захворвання. Яго неаднаразова затрымлівалі падчас выбарчай кампаніі, а пазней адправілі ў калонію за «абразу Лукашэнкі». Пасля вызвалення з калоніі ўлады анулявалі ягоную інваліднасць.

Сярод вызваленых сёння палякаў — манах-кармеліт Гжэгаж Гавел

Пра гэта паведамляюць польскія СМІ.

Гжэгаж — грамадзянін Польшчы з Кракава, манах каталіцкага ордэна кармелітаў. У ліпені паведамлялася, што ён абараніў магістарскую дысертацыю.

4 верасня дзяржаўныя прапагандысцкія медыя распаўсюдзілі інфармацыю пра яго затрыманне ў Лепелі. Мужчыну абвінавачвалі ў «шпіянажы» (арт. 358 КК) — нібыта за атрыманне плана беларуска-расійскіх вучэнняў «Захад-2025».

Гжэгаж быў прызнаны палітычным зняволеным.

💔Вызвалены ўчора Андрэй Пачобут сустрэўся з жонкаю

Цяпер былы палітвязень знаходзіцца на абследаванні ў шпіталі.

Крыніца: Facebook/Oksana Poczobut

📝Рэпрэсіі ў рэгіёнах Беларусі ў красавіку: агляд «Вясны»

На працягу больш чым пяці з паловай гадоў у Беларусі працягваюцца маштабныя рэпрэсіі. Затрыманні і крымінальны пераслед грамадзян сталі звычайнай практыкай для ўсіх рэгіёнаў краіны. Асаблівую інтэнсіўнасць пераслед набыў у Гомельскай вобласці пасля пачатку поўнамаштабнага расійскага ўварвання ва Украіну — менавіта там зафіксавана большасць выпадкаў па «справе Гаюна».

Акрамя гэтага, затрыманых на памежных пунктах Беларусі змяшчаюць у бліжэйшыя часовыя ізалятары ў Брэсцкай ды Гродзенскай абласцях.

«Вясна» падрыхтавала агляд сітуацыі ў рэгіёнах і зафіксавала асноўныя факты парушэння правоў чалавека.

Чытаць па спасылцы 👉 https://spring96.org/be/news/120186

🌿Чытаць з Беларусі праз сайт-люстэрка 👉 https://storage.googleapis.com/spring96/read.html?page=/be/news/120186