265 Talks

Obrigadu!

265 TALKS - 2° EDISON SPESIAL, LISBOA

Hoji, 18:00 na Residensia Universitáriu di Benfica, na Estrada do Calhariz de Benfica, 1500-128, na Lisboa.

Live streaming na Facebook y diretu na Instagram di 265 Talks.

Nu ta kontra la...

LET’S GO!

E hojiiiiii.

265 Talks, 2° Edison Special, Lisboa.

265 TALKS - Risumu Fotografia - 5º Edison, 3º Temporada

Midjor eventu du mundu.

LETS GO!

Fotografia: Bruno Santupretu
Edison: Evandro Persona

265 Talks - 2º Edison Spesial Lisboa - 3º Temporada

Expo – Sandro Fonseca

Na 2º edison spesial di 265 Talks na Lisboa, nu ta ten streia di un kuadru novu, "Expo", un espasu reservadu pa artistas plástikus y artistas visual pa expõe y ixibi ses obras dianti di un publiku atentu y apresiador di kriatividadi y arti di un forma geral.

Nos primeru artista konvidadu e Sandro Fonseca, fotógrafu y artista visual kabuverdianu, natural di Son Visenti. Si trabadju e frutu di un interseson entri kriasons artístikus, speriénsia di vida y konsiensia sosial. Tema di exposison e “Só por hoje”, nes kotetania fotografia torna un spásu di presensa, skuta y transformason, un exersísiu konstanti di sta "no aqui e no agora".

Dipos di un procesu pesoal di rekuperason di dependénsia químiku, Sandro atxa na fotografia non só un forma di expreson, mas tanbê un kaminhu di kura, reflexon y partilha. Si olhar kriativu ta vira pa kuotidianu, pa paisagen humana y emocional, y ta kapta imagens ki ta revela silênsiu, fragilidad, força y signifikadu além di kel ki odju ta odja.

Komprimetidu ku promoson di saúdi mental, kriatividadi y ben-estar koletivu, Sandro ta partisipa ativamenti na inisiativas di impaktu sosial y komunitáriu. Si trabadju artístiku ka ta buska respostas definitivus, mas ta propõe pausas, encontrus y perguntas, lembrandu sempri ma transformason ta kontise un dia di kada vez.

Sábadu, dia 27 di Dezembru, nu ta kontra la Residensia Universitáriu di Benfica, na Estrada do Calhariz de Benfica, 1500-128, na Lisboa, a partir di 18:00, pa maz un edison spesial di 265 Talks na Portugal.

LET’S GO!

265 Talks - 2º Edison Spesial Lisboa - 3º Temporada

SPEAKER – Victor Moreira

Victor Moreira, maz konxedu pa Pimpas ou Pomps OG, nansidu y kriadu na Fonti Lima. Na 2009, e muda pa kapital di país pa fazi formason profisional na área di restaurason y bar. Posteriormenti, e entra na universidadi undi ke fazi formason superior na Gestão y Planeamentu na Turismu pa ISCEE.

Atualmenti, Pimpas ta vivi na Europa. El e un alma livri, ki vivi y respira Hip Hop na se stadu maz autêntiku, sempri ta karega kes banderas fundamental di movimentu sima kultura, identidadi y resistênsia na tudu ke ta fazi.

2º edison Spesial Lisboa, di 3º temporada di 265 Talks ta kontisi es Sábado, 18:00 en pontu na Poial Somada. Victor Moreira 1 di kez 8 konvidadus na kuadru prinsipal di eventu, talks. Tema di si apresentason e “Morabeza Streetwear: Hip-Hop, Turismo Criativo e Identidade – Cabo Verde como ponte cultural com o mundo”.

Nu ta kontra la...

LET'S GO!

265 Talks - 2º Edison Spesial Lisboa - 3º Temporada

SPEAKER – Helton Tavares
Helton Rosário

Helton Tavares, joven di Somada,fidju di pais santa katarinensis. Nasidu y kriadu na zona di Bolanha, na Somada, sidadi undi ke vive y estuda até e konklui 12º anu di escolaridadi. Dipos di termina ensinu sekundáriu, Helton viaja pa Portugal ku sonhu prosegui si studu superior. Oji, Helton é studanti di 2º anu di Arquitetura na ISCTE-IUL, na Lisboa, na kaminhu sertu pa konstruson di kel futuru ke sempri e sunha.

Ez Sábadu, dia 27 di Dezembru, 18:00 en pontu na na Residensia Universitáriu di Benfica, na Estrada do Calhariz de Benfica, 1500-128, na Lisboa, Helton Tavares ta bai sta na palku di 2º edison spesial di 265 Talks na Lisboa komu un di kez 8 speakers konvidadus y tema ki si apresentason e "A casa da Diáspora: Sonhos Construídos à Distância". Nu ta kontra la...

LET'S GO!

265 Talks - 2º Edison Spesial Lisboa - 3º Temporada

Music Experience – Nilson MB

Nilson Barradas, konxedu artístikamenti pa Nilson MB, nasi na Matu Baxu, Santa Katarina.

Na 2018 e viaja pa Portugal pa buska oportunidadi y kontinua si kaminhu artistiku.

Sempre gostaba di músika, mas foi 2024 ki e disidi da voz a ses letras, ku paixon y kreatividadi. Nilson ten 5 musika lansadu na Youtube y dje fazi konsertus na Portugal y Kabu Verdi, Nilson e un artista talentosu, ku txeu potensial, karisma y un grandi presensa na palku.

Si maior inspirason e Kino Cabral, ki sempri inspiral y motival a fazi musika. Nilson MB e un joven artista ki ta persistí na si sonhu y kontínua kria muzika ki toka korasons.

Sábadu, dia 27 di Dezembru, nu ta kontra la Residensia Universitáriu di Benfica, na Estrada do Calhariz de Benfica, 1500-128, na Lisboa, a partir di 18:00, pa maz un edison spesial di 265 Talks na Portugal.

LET’S GO!

265 Talks - 2º Edison Spesial Lisboa - 3º Temporada

SPEAKER – Daniela Fernandes

Daniela Fernandes, 25 anu di idadi, natural di Santa Katarina, sidadi di Somada. El e lisensiada na Siênsias Biomédikas Laboratorial pa Eskola Superior di Teknologia di Saúdi di Lisboa y atualmenti e ta trabadja komu téknika di análizi kliniku na Lisboa, sidadi undi ke ta vivi na ultimus 7 anu.

Desdi pikinoti, Daniela sempri teni un fasíniu pa atividadis físikas, mas foi li na Portugal ki el odja fitness ta muda si vida por kumpletu. Foi atravis di desportu ki e konsigui sai di un kuadru depresivu ke pasa duranti si percurso universitáriu, un períudu marcadu pa difikuldadis di adaptason a stilu di vida na stranjeru.

Oji Daniela e konxedu komu un pesoa di rotina forti, disiplinada y konsistenti, ki ta vivi y ta partilha un stilu di vida saudável através di redis sosial. Y e grasas a kes partilhas ki oji e ta vivi si sonhu na mundu digital komu influencer y kriadora di konteúdus, undi ke ta aborda temas sima lifestyle saudável, alimentason y disinvolvimentu ku objetivu di inspira otus pesoas a kria ses próprius rotinas saudável.

« Disiplina acima da motivação » é lema ki ta norteal duranti si buska pa si midjor verson.

Ez Sábadu,, dia 27 di Dezembru, a partir di 18:00 na Residensia Universitáriu di Benfica, na Estrada do Calhariz de Benfica, 1500-128, na Lisboaa, Daniela Fernandes ta bai sta na palku di 265 Talks komu 1 di kes 8 speakers konvidadu na 2º edison spesial di eventu na Lisboa. Tema di si talk e “mpacto de um lifestyle fitness no bem-estar pessoal”.

Nu ta kobtra la…

LET’S GO!

265 Talks - 2º Edison Spesial Lisboa - 3º Temporada

Music Experience – Simão Carvalho (Simon Lawrence)

Simão Carvalho, AKA Simon Lawrence, nasci na Lamego, Portugal y desdi sedu e mostra grandi interesi pa artis. Músiku, profesor, skritor, sineasta y ator, ku pasagen pa politika, sempri ligadu a kausas humanitárius ki ta valoriza potensial di ser humanu.

Resentimenti e lansa álbun Friday (2025), ku esensia house, y Light Green, un fuson di sonoridadis di drums & bass. Entri livrus, aulas y filmes, Simon sta trabadja na sekuela di projetu Mondo (2022), na un stilu mas viradu pa afrobeat, inspiradu na si raízes, influensias y vivensias na Praia, Kabu Verdi.

Simão e un artista multifasétadu, ki usa kriatividadi y paixon pa kria experiensias y inspiral otus.

Sábadu, dia 27 di Dezembru, nu ta kontra la Residensia Universitáriu di Benfica, na Estrada do Calhariz de Benfica, 1500-128, na Lisboa, na maz 1 edison spesial di ez temporada di 265 Talks.

Nu ta kontra la...

LET'S GO!

265 Talks - 2º Edison Spesial Lisboa - 3º Temporada

Music Experience –

Efy Kandjulado (Fredwilson Fransisku Lopes Moreno) e un artista y rapper poétiku di 30 anu, nasidu na Praia y kriadu na Eugénio Lima. Efy diskubri y desenvolvi si amor pa arti, poesia y músika, duranti periudu ke staba na skutismu, foi la ki nansi di identidadi artístiku y fundason di grupu/projetu Kandjulado.

Formadu na Siénsia di Edukason, Efy ta odja eduakason y kultura komu pilaris fundamental pa mudansa sosial y kresimentu pesoal. E usa músika y poesia komu instrumentus pa inspirar otus y dexa marka na mundu.

Atualmenti, e ta residenti na Portugal, na undi ke ben prosigui si studus ku mison di fazi mestradu. Alén di arti, Efy e amanti di vida, e gosta di pratika desportu, y sisti podcast. Fredwilson sta na un buska konstanti di si evoluson pesoal y konstrui si legadu.

Preparadu pa edison spesial di 265 Talks na Lisboa? E já ez Sábado, dia 27 di Dezembru, a partir di 18:00 na Residensia Universitáriu di Benfica, na Estrada do Calhariz de Benfica, 1500-128, na Lisboa.

Nu ta kontra la...

LET’S GO!