Maranik

Դանիական թխվածք ելակով և սերուցքային պանրով, անչափ համեղ ու նուրբ։

Բաղարիչներ՝
• 2 շերտավոր խմոր
• թարմ ելակ 1 բաժակ, կտրատած
• սերուցքային պանիր 115 գ, փափկած
• շաքարավազ 1/4 բաժակ
• վանիլին 1 ճ․գ․
• 1 ձվի դեղնուց
• կիտրոնի հյութ 1 ճ․գ․
• եգիպտացորենի օսլա 1 ճ․գ․
• շաքարի փոշի 1/4 բաժակ
• կաթ 1 ճ․գ․

Պատրաստման եղանակը՝
Ամանի մեջ խառնել սերուցքային պանիրը, շաքարավազը, վանիլինը և ձվի դեղնուցը մինչև դառնա միատարր:
Մեկ այլ ամանի մեջ միացնել կտրատած ելակը, կիտրոնի հյութը և եգիպտացորենի օսլան, խառնել:
Շերտավոր խմորի թերթիկները գրտնակել թեթև ալյուրով պատված մակերեսի վրա և յուրաքանչյուր թերթիկը կտրատել շրջանների:
Յուրաքանչյուր շրջանի կենտրոնում դնել մեկ ճաշի գդալ սերուցքային պանրի խառնուրդը, ապա վրան լցնել ելակ:
Դասավորել խմորեղենը յուղաթղով ծածկած տապակի վրա և թխել 20-25 րոպե 200°֊ում կամ մինչև ոսկեգունի:
Մինչ խմորեղենը թխվում է, շաքարի փոշին և կաթը խառնել, որպեսզի գլազուր ստացվի։
Հանել ջեռոցից և թողնել մի փոքր սառչի, վրան ցողել ջնարակը:
Մատուցել տաք կամ սենյակային ջերմաստիճանում։

#Մառանիկ #շաքարավազ #վանիլին

Բալով և Ամարետոյով Տիրամիսու, անչափ համեղ ու ամառային (հարբած Տիրամիսու 😄) 🍒🤍

Բաղադրիչներ
• թարմ բալ (առանց կորիզի, կիսված) 450 գ
• Ամարետո լիկյոր 60 մլ
• շաքարավազ 1 ճ.գ.
• 16 հատ «Սավոյարդի» թխվածքաբլիթներ
• մասկարպոնե պանիր 225 գ
• սերուցք (բարձր յուղայնության) 240 մլ (1 բաժակ)
• շաքարի փոշի 60 գ (¼ բաժակ)
• վանիլին
• էսպրեսսո սուրճ 120 մլ (½ բաժակ), սառը
• կակաո՝ ցանելու համար
• սև շոկոլադի քերուկ (ցանկության դեպքում)

Պատրաստման եղանակը
Բալը, շաքարավազն ու լիկյորը լցնել ամանի մեջ, թողնել 30 րոպե, ժամանակ առ ժամանակ խառնել, որպեսզի համերը խառնվեն։
Առանձին ամանի մեջ հարել մասկարպոնեն, շաքարի փոշին և վանիլինը։ Ապա զգույշ ավելացնել հարած սերուցքը մասկարպոնեի զանգվածին, խառնել։ Կրեմը պետք է ստացվի թեթև։
Ձևամանի մեջ դասավորել սուրճով թրջած թխվածքաբլիթների կեսը, վրան տարածել կրեմի կեսը, ապա լցնել մարինացված բալի կեսը, վրան կրկին դասավորել սուրճով թրջած թխվածքաբլիթները, կրկին ծածկել մնացած կրեմով և մարինացված բալով։ Դնել սառնարան սառչի 4 ժամ կամ ողջ գիշեր։
Մատուցելուց առաջ վրան ցանել կակաո և, ցանկության դեպքում, շոկոլադի քերուկ։

#Մառանիկ #շաքարավազ #շաքարիփոշի #վանիլին #կակաո #տիրամիսու #բալովտիրամիսու

Մառանիկ ընկերությունն աշխատանքի է հրավիրում վարորդ-առաքիչի, ով պատասխանատու կլինի ապրանքների առաքման համար:

Պարտականություններ
• Պահեստից ապրանքների տեղափոխում մեքենաներ
• Առաքումների իրականացում Երևանում և Մարզերում
• Ապրանքների առաքում վաճառակետեր
• Աշխատանքային ժամերը՝ 09։00-18։00, կիրակի՝ հանգիստ։
• Աշխատավարձը՝ սկսած 250,000 ՀՀ դրամից (գործարքային)

Պահանջներ
• Ֆիզիկական պատրաստվածություն
• BC կարգի վարորդական իրավունքի առկայություն

Դիմելու համար`զանգահարեք 094 344 809, կամ ուղարկեք ինքնակենսագրական նշված էլ. հասցեին [email protected]

#Մառանիկ #գործկա #աշխատանք

Ռատատույ պատրաստե՞լ եք։ Ֆրանսիական այս շա՜տ համեղ ուտեստը շատերը ճանաչում են հանրահայտ մուլտֆիլմի շնորհիվ։ Առաջարկում ենք պատրաստել և ևս մեկ անգամ դիտել սիրված մուլտֆիլմը Ռատատույ 🐀❤️

Բաղադրիչներ
Բանջարեղենը
• 2 սմբուկ
• 2 դդմիկ
• 6 լոլիկ
• 2 գլուխ կարմիր սոխ
• 1 գունավոր պղպեղ (դեղին, կանաչ կամ կարմիր)

Սոուսի համար
• ձեթ 2 ճ.գ.
• 1 գլուխ սոխ, մանր կտրատած
• 1 կարմիր պղպեղ, մանր կտրատած
• սխտոր 5 պճեղ ճզմած
• աղ, սև պղպեղ
• օրեգանո ¼ թ.գ.
• չորացրած ծիտրոն ¼ թ.գ.
• լոլիկի խյուս 700 գ
• թարմ ռեհան, կտրատած

Վրան լցնելու համար համեմված ձեթ
• ձեթ 5 ճ.գ.
• թարմ ռեհան, կտրատած
• թարմ մաղադանոս, կտրատած
• չորացրած ծիտրոն 1 թ.գ. կամ թարմ ծիտրոն
• սխտոր 3 պճեղ, ճզմած
• աղ, սև պղպեղ

Փորձեք պատրաստել Մառանիկի համեմունքներով օրեգանոյով, ծիտրոնով, սև պղպեղով։

Պատրաստման եղանակը
Բանջարեղենը կլոր ու շատ բարակ կտրատել (ընտրեք միևնույն տրամագծով բանջարեղեն, ավելի գեղեցիկ կստացվի), դնել մի կողմ։ Պատրաստել սոուսը, ջեռոցամանի մեջ ձեթով տապակել սոխը և պղպեղը, ավելացնել սխտորը, խառնել, ավելացնել աղն ու սև պղպեղը, օրեգանոն և ծիտրոնը։ Ավելացնել լոլիկի խյուսը, եփել ևս 10 րոպե։ Վերջում ավելացնել ռեհանը։ Վերցնել կրակի վրայից, վրան շրջանաձև, հերթականությամբ դասավորել սմբուկը, դդմիկը, լոլիկը, սոխն ու պղպեղը։ Համեմել աղով և սև պղպեղով, վրան լցնել վերջին բաղադրիչները համեմված ձեթը։ Ծածկել փայլաթիթեղով, ուղարկել ջեռոց, եփել 200°֊ում 40 րոպե, ապա հեռացնել փայլաթիթեղը, եփել ևս 20 րոպե, մատուցել տաք վիճակում, կարելի է նաև բրնձով։

#Մառանիկ #օրեգանո #ռատատուի