Goris Today

🟧⚡️Եռագլխի նախաձեռնած վերահաշվարկների և ճշգրտումների արդյունքում ՔՊ-ի ձայները 49,8%-ից դարձել են 49,9%. Վահագն Ալեքսանյան

🔸Եռագլխի նախաձեռնած վերահաշվարկների և ճշգրտումների արդյունքում ՔՊ-ի ձայները 49,8%-ից այս պահին դարձել են 49,9%: Այդ մասին Ֆեյսբուքում գրել է «Քաղաքացիական պայմանագիր» կուսակցության վարչության փոխնախագահ Վահագն Ալեքսանյանը:

💬«Սա դեռ վերջնական պատկերը չէ։ Տենդենցը հստակ է՝ այս ամենի արդյունքում ամենաշատը ավելանում են ՔՊ-ի ձայները և տոկոսները»,- նշել է նա։

🟧Սիսիան-Քաջարան հատվածը կարևոր դեր ունի տրանսպորտային ենթակառուցվածքների բարելավման գործում

🔸Հյուսիս-հարավի Սիսիան-Քաջարան նոր ծրագրով 60կմ երկարությամբ կառուցվելիք ճանապարհը կարևոր նշանակություն ունի Հայաստանի ճանապարհային ենթակառուցվածքի զարգացման առումով։ Այս մասին հայտնում է Ճանապարհային դեպարտամենտը։

🔸Սիսիան-Քաջարան հատվածի կառուցմամբ կստեղծվի միջազգային չափանիշներին համապատասխանող, անվտանգային նորագույն համակարգերով զինված արդիական ճանապարհ, կմեծանա առևտրի շրջանառությունն ու մրցակցությունը, կնվազեն բեռնափոխադրումների, ուղևորափոխադրումների ծախսերը, առավել հասանելի կդառնան շուկաները, կստեղծվեն բարենպաստ տրանսպորտային պայմաններ հարակից բնակավայրերի բնակիչների համար, ազդակիր համայնքներում կտեղադրվեն հաղորդակցուղիների նոր համակարգեր, կմեծանա ՀՀ տարածքով բեռների տարանցիկ փոխադրումների հոսքը։

🔸Ծրագրի արդյունավետ իրականացման նպատակով կատարվում է հողերի օտարման, փոխհատուցման գործընթաց:

🔸Մասնավորապես, Սիսիան-Քաջարան 60կմ կառուցվելիք ճանապարհահատվածում ՀՀ կառավարության որոշմամբ ազդեցության է ենթարկվել 576 հողատարածք, որից 484 հողատարածք (84%) գտնվում է ծրագրի հյուսիսային հատվածում, իսկ 92-ը (16%)` հարավային հատվածում։

🔸Ազդեցության ենթարկված 576 հողատարածքից 190-ը (33%) օտարվել են Հայաստանի Հանրապետությանը։ Մնացորդ 386 հողամասից 150-ի (26%) համար պատրաստվում են օտարման պայմանագրերի նախագծեր, իսկ 236 հողամասի (41%) համար շարունակվում են գնահատման աշխատանքները։

🔸Սիսիանից մինչև Քաջարան 60կմ ճանապարհահատվածի կառուցման արդյունքում ներկայում գործող ճանապարհը կկրճատվի մոտ 54կմ-ով, նոր ճանապարհի ծածկը կլինի ասֆալտբետոնե։ Ծրագրի շրջանակներում կկառուցվի 27 մեծ ու փոքր կամուրջ, 9 թունել, 3 տրանսպորտային հանգույց, ավելի քան 100 արհեստական կառուցվածք:

🔸Ճանապարհը կառուցվելու է 3 լոտով՝ հյուսիսային (27.1կմ), Բարգուշատի թունելի (8.6կմ) և հարավային հատվածներ (24.2կմ)։ Ծրագիրն իրականացնում է «Ճանապարհային դեպարտամենտ» հիմնադրամը։

🟥Ծեծկռտուք՝ Սյունիքի մարզում

🔻Հունիսի 7-ին ծեծկռտուք է տեղի ունեցել Սյունիքի մարզում։ Ժամը 03։40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Գորիսի բաժին է դիմել Սյունիքի մարզի բնակիչ 42-ամյա Մհեր Թ․-ն և հայտնել, որ հարևան Սաքոն իրեն ծեծի է ենթարկել։

🔻Ինչպես հայտնում է ֆոտոլրագրող Գագիկ Շամշյանը, ոստիկանության Գորիսի բաժնի ծառայողներին Մհեր Թ․-ն հայտնել է, որ ժամը 03։30-ի սահմաններում Խնձորեսկ բնակավայրի սուպերմարկետի հարակից տարածքում համագյուղացի 30-ամյա Սարգիս Բ․-ն հանդիպել է իրեն և հարցրել, որ նախկին միջադեպի վերաբերյալ ինչու է հաղորդում ներկայացրել ոստիկանություն և մեքենայից հանելով մահակը հարվածներ է հասցրել մարմնի տարբեր հատվածներին պատճառելով մարմնական վնասվածք։

🔻Դեպքի փաստով ոստիկանության Գորիսի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Սյունիքի մարզային քննչական վարչության Գորիսի քննչական բաժին։

©️ shamshyan.com

📃 «Հայ գրականությունը և պատմական իրադարձությունները» թեմայով նախագծային աշխատանքի պաշտպանություն՝ Գորիսի Յուրի Բախշյանի անվան թիվ 3 հիմնական դպրոցում

👩‍🏫 «Հայ գրականությունը և պատմական իրադարձությունները» թեմայով նախագծային աշխատանքը ղեկավարում էին «Գրականություն» առարկայի ուսուցչուհի Լիլիթ Սարգսյանը, «Հայաստանի պատմություն» առարկայի ուսուցչուհի Մերի Դանիելյանը։

🧑‍🎓 👩‍🎓 Նախագծային աշխատանքն իրականացրին 9-րդ «Բ» դասարանի աշակերտներ Նանե Բաբայանը, Տիգրան Թումասյանը, Համլետ Խաչյանը, Գարիկ Հայրապետյանը, Էմին Հայրապետյանը, Սիրանուշ Հարությունյանը, Աննա Մարտիրոսյանը։

🔗 Ավելին՝ https://goris3school.am/publ/5-1-0-1462