Albanian Initiative For Development

Shoqata Albanian Initiative for Development po zbaton projektin “Fuqizimi i të rinjve për integrimin europian dhe zhvillimin e aftësive” mbështetur financiarisht nga AMSHC. Projekti synon të nxisë përfshirjen aktive të të rinjve, veçanërisht studentëve në Tiranë, përmes edukimit dhe rritjes së ndërgjegjësimit mbi zhvillimet që rrjedhin nga procesi i integrimit europian. Nëpërmjet këtij projekti synohet të zhvillohen aftësitë e të rinjve në komunikim, lidership dhe këshillm karriere. Shoqata është e interesuar të punësojë 2 (dy) ekspertë të jashtëm.
1 ekspert për lidershipin (41 ditë pune)
1 ekspert për integrimin europian (14 ditë pune)

Përgjegjësitë specifike:
Ekspert i jashtëm hulumtues dhe trajner (me kohë të pjesshme). Eksperti do të jetë i angazhuar në:
• Analizimin e legjislacionit vendas dhe të huaj;
• Përgatitjen dhe hartimin e pyetësorëve me fokus lidershipin dhe procesin e integrimit europian;
• Të bashkëpunojë me institucionet shqiptare për mbledhjen e të dhënave;
• Interpretimin e rekomandimeve të Raporteve ndërkombëtare;
• Hartimin e një Raporti Studimi;
• Të jetë i gatshëm t’i përgjigjet drejtuesit të projektit sipas nevojave të krijuara përgjatë zbatimit të projektit.

Kriteret e përgjithshme:
1- Të ketë përfunduar arsimin e lartë për drejtësi, shkenca sociale, shkenca politike, marrëdhënie ndërkombëtare ose fusha të ngjashme.
2- Të ketë të paktën 3 (tre) vite përvojë profesionale në fushën e lidershipit, zhvillimit të karrierës, integrimit evropian, hartimit dhe zbatimit të politikave publike, si dhe mbi 2 (dy) vite eksperiencë në mësimdhënie;
3- Të ketë aftësi shumë të mira analitike.
4- Të jetë njohës shumë i mirë i gjuhës shqipe dhe angleze.
3- Të këtë njohuri shumë të mira kompjuterike.

Dokumentacioni i nevojitur për aplikim:
* CV e detajuar
* Ofertën financiare për angazhimin që do të ketë.

Afati i dorëzimit:
Dorëzimi i dokumentave të nevojshme duhet të bëhet brenda datës 29 Qershor 2026.
Aplikimet duhet të dorëzohen në adresën e emailit [email protected]

Shpallje për pozicion pune!

Shoqata: Albanian Initiative for Development
Pozicioni: Hulumtues dhe Trajner
Vendodhja: Tiranë
Kohezgjatja: Gusht 2025-Mars 2026 (59 ditë pune)
Raporton tek: Menaxheri i projektit

Përshkrimi i punës:

Shoqata Albanian Initiative for Development po zbaton projektin “Demokracia fillon me ty! Edukimi i të rinjve për transparencë dhe angazhim” mbështetur financiarisht nga AMSHC. Projekti synon të nxisë përfshirjen aktive të të rinjve, veçanërisht studentëve në Tiranë, në proceset demokratike përmes
edukimit ligjor dhe rritjes së ndërgjegjësimit mbi qeverisjen e mirë dhe luftën kundër korrupsionit. Nëpërmjet këtij projekti synohet të rritet transparenca dhe llogaridhënia institucionale, duke fuqizuar qytetarët si
aktorë të rëndësishëm në mbikëqyrjen publike. Shoqata është e interesuar të punësojë për 1 (një) ekspert të jashtëm.

Përgjegjësitë specifike:
Ekspert i jashtëm hulumtues dhe trajner (me kohë të pjesshme). Eksperti do të jetë i angazhuar në:
• Analizimin e legjislacionit vendas dhe të huaj;
• Përgatitjen dhe hartimin e pyetësorëve me fokus luftën kundër korrupsionit;
• Të bashkëpunojë me institucionet shqiptare për mbledhjen e të dhënave;
• Interpretimin e rekomandimeve të Raporteve ndërkombëtare;
• Hartimin e një Raporti Studimi;
• Hartimin e propozimeve për zbatimin më të mirë të kuadrit ligjor dhe strategjik përmes ndryshimeve të aspektit institucional dhe administrativ;
• Eksperti duhet të jetë i gatshëm t’i përgjigjet drejtuesit të projektit sipas nevojave të krijuara përgjatë zbatimit të projektit.

Kriteret e përgjithshme:
1- Të ketë përfunduar arsimin e lartë për drejtësi.
2- Të ketë minimumi 5 (pesë) vite eksperiencë në fushën e drejtësisë dhe shtetit të së drejtës dhe mbi 2 (dy) vite eksperiencë në mësimdhënie;
3- Të ketë aftësi shumë të mira analitike.
4- Të jetë njohës shumë i mirë i gjuhës shqipe dhe angleze.
3- Të këtë njohuri shumë të mira kompjuterike.

Dokumentacioni i nevojitur për aplikim:
• Ofertën financiare për angazhimin që do të ketë për 59 ditë pune.
• CV e detajuar

Afati i dorëzimit:
Dorëzimi i dokumentave të nevojshme duhet të bëhet brenda datës 18 Gusht 2025.
Aplikimet duhet të dorëzohen në adresën e emailit [email protected]

🎶✨ KLASIKËT QË FRYMËZOJNË ✨🎶

Jemi të lumtur t’ju ftojmë në një mbrëmje të veçantë muzikore, që sjell në skenë fuqinë dhe magjinë e muzikës klasike! 🎻🎼

📍 Salla “Tonin Harapi” – Liceu Artistik “Jordan Misja”
📅 1 Korrik 2025
🕖 Ora 19:00

🔹 Me pjesëmarrjen e artistëve të mrekullueshëm:
🎤 Marina Kurti – soprano
🎶 Jonela Golemi – flaut
🎻 Laura Llozi – violinë
🎼 Nën drejtimin e dirigjentit Gridi Kraja

Ky koncert vjen në kuadër të aktiviteteve kulturore të qytetit të Tiranës si Kryeqyteti Mesdhetar i Kulturës dhe Dialogut 2025 🇦🇱🌍

🎟 Hyrja është e lirë. Mos e humbisni këtë përjetim artistik që do t’ju frymëzojë!

Ftojmë të gjithë dashamirësit e letërsisë dhe kulturës të marrin pjesë në Ceremoninë e ndarjes së Çmimeve të Festivalit Ndërkombëtar GEGNISHT – Edicioni IV, që do të mbahet më 24 maj 2025, ora 19:00, në Shtëpinë e Sami Repishtit, Shkodër.

Në këtë mbrëmje do të ndahen çmimet letrare më të rëndësishme në poezi, përkthim, prozë dhe ese, si dhe do të shoqërohet me një program muzikor të përzgjedhur nga artistë të mirënjohur.

Ju mirëpresim për një mbrëmje të pasur në art, kulturë dhe emocion!

Aktiviteti mbështetet financiarisht nga Bashkia Shkodër

🎶KONCERT ~ TINGUJ PA KUFI
Shoqata “Albanian Initiative for Development” vjen me veprat më të bukura operistike dhe instrumentale nga solistët Erinda Agolli soprano, Emilija Minić soprano, Lule Elezi piano dhe Evjord Ngjeliu klarinetë. Nën drejtimin e dirigjentit dhe drejtorit artistik Oleg Arapi.
Ju mirëpresim për një mbrëmje të paharrueshme të martën, datë 29 tetor 2024, ora 19:00, në Sallën e Katedrales Ortodokse.

Ministria e Drejtësisë i jep çertifikatë mirënjohje Shoqatës “Albanian Initiative for Development” për kontributin që kjo e fundit ka dhënë për Qendrën e Parandalimit të Krimeve të të Miturve. Ky vlerësim është kënaqësi e veçantë dhe motivim për të vijuar punën me dedikim të pakushtëzuar!
gov.al

Në kuadër të finalizimit të zbatimit të projektit rajonal "Siguria për Qeniet Njerëzore dhe Kufijtë - Luftimi i Kontrabandës së Migrantëve” në Ballkanin Perëndimor, Komiteti Shqiptar i Helsinkit (KShH), si një nga organizatat partnere të Këshillit Ballkanik për Refugjatët dhe Migracionin (BRMC), mbajti Tryezën e Rrumbullakët “Përmirësimi dhe Harmonizimi i Praktikave mbi Parandalimin e Kontrabandimit të Migrantëve dhe Mbrojtjen e Migrantëve të Kontrabanduar”.
Tryeza shërbeu për diskutimin e tre dokumentave, përkatësisht Policy Brief mbi Kontrabandimin e Migrantëve në Republikën e Shqipërisë, Raportin e Përbashkët të Monitorimit realizuar nga 10 organizata të shoqërisë civile, pjesë e Platformës Kombëtare për Parandalimin e Kontrabandimit dhe Mbrojtjen e Migrantëve të Kontrabanduar, si dhe Dokumentit të Politikave të realizuar nga KShH, pjesë e të cilit është analiza studimore e rreth 100 vendimmarrjeve të disa gjykatave në vendin tonë, mbi gjykimin e veprave penale të dhënies së ndihmës për kalimin e paligjshëm të kufirit dhe kalimin e paligjshëm të kufirit.
Drejtorja Ekzekutive e organizatës “AID”, Znj.Anila Shehi, u ftua për të folur në cilësinë e organizatës anëtare të Platformës Kombëtare, për të ndarë gjetjet, nevojat institucionale dhe rekomandimet e dala nga misioni i kryer i monitorimit.
Dokumentat e lartpërmendur do të publikohen së shpejti në faqen zyrtare të Komitetit Shqiptar të Helsinkit.