ALBAS
Share
ME NE MË PRANË DIJES! Shtëpia botuese ALBAS është themeluar në vitin 2000 dhe që në fillimet e saj ajo ka pasur si politikë botimet shkollore.
Me seli në Tiranë, Tetovë dhe Prishtinë ALBAS jo vetëm që e sjell tekstin shqip sa më afër nxënësve në hapësira të ndryshme gjeografike, por edhe e përpilon atë sipas kërkesave të veçanta të sistemeve arsimore në këto vende. Në listën e botimeve të ALBAS përfshihen 25 tekste shkollore të miratuara nga Ministria e Arsimit e Kosovës dhe 20 tekste shkollore të miratuara nga Ministria e Arsimit e Maqedonisë. Për lëndët me rëndësi kombëtare si gjuha shqipe dhe historia e Shqipërisë ALBAS bashkëpunon me autorë të njohur të këtyre tri vendeve, me qëllim që këto tekste të kenë një frymë sa më të hapur mbarëkombëtare shqiptare. Kur nisi reforma arsimore në Shqipëri në drejtim të teksteve shkollore, ALBAS ka qenë ndër të parat shtëpi botuese që mori pjesë me një numër të konsiderueshëm tekstesh shkollore. Në vitin 2004 ajo fitoi për herë të parë tekstin alternativ Letërsia dhe gjuha shqipe 10, ku u bënë përpjekje për integrimin e lëndës së gjuhës shqipe me letërsinë dhe kulturën e të shkruarit dhe të folurit. Gjatë viteve 2004-2009 Albas ka synuar të plotësojë linjat në disa nga titujt më të rëndësishëm të kurrikulave arsimore si: Gjuhë shqipe, Matematikë, Dituri natyre, Biologji, Kimi, Histori, Edukatë shoqërore, Fizikë etj. Tashmë ajo operon në tregun e teksteve shkollore me 70 tituj shkollorë. Po kështu ALBAS i vjen në ndihmë mësuesve me materiale ndihmëse, libra mësuesi, zbërthime planprogramesh e objektivash, teste etj. Albas ka botuar deri tani 18 libra mësuesi. Përveç kësaj Albas ka një numër të madh botimesh ndihmëse për nxënësit; ku hyn dhe seria e botimeve enciklopedike; atlaset, lexime plus, fleta pune etj., të cilat përfshijnë të gjitha lëndët që zhvillohen sot në shkollë. Shtëpia botuese Albas ka një numër të madh bashkëpunëtorësh: studiues, pedagogë, punonjës shkencorë e didaktë, mësues të kualifikuar të cilët kanë sjellë në tekste koncepte bashkëkohore, shkencore dhe didaktike. Sot ALBAS, ka një sërë botimesh të cilat janë profilizuar në disa drejtime kryesore:
Tekste shkollore
Botime ndihmëse për shkollat
Seria e atlaseve
Kolana e Lexim Plus
Botime të ndryshme artistike e studimore
Botime psikologjike
Kjo video është pjesë e tekstit digjital të Abetares Mbarëkombëtare - botime ALBAS. Fëmijët do të argëtohen me historitë e katër personazheve simpatike të librit: Vesa, Joni, roboti Roki dhe qeni Bubi; njëkohësisht do të mësojnë shkronjat, të lexojnë dhe të shkruajnë bukur gjuhën shqipe.
Në kopertinën e pasme të librit fizik, ju do të gjeni një kod. Ky kod ju mundëson ta shkarkoni falas në kompjuter, tablet apo në pajisje të tjera elektronike Abetaren Digjitale, e cila është e pasur me materiale të tjera multimediale.
Videot e plota të shkronjave dhe të Abetares Mbarëkombëtare i gjeni në Albas Media, në Youtube.
26/09/2026
🍂Këtë vjeshtë lexojmë, Portreti i një zonje nga autori Henry James.
Po ju e keni lexur?
25/09/2026
Zbuloni fituesit e Giveaway-t tonë në këtë galeri.😍 Faleminderit që morët pjesë dhe dëgjohemi sërish në lojëra të tjera!
25/09/2026
“Princi i vogël” është një nga ata libra që në çdo moshë e lexon dhe e interpreton ndryshe. Një libër për fëmijët që ëndërrojnë dhe për të rriturit që e kanë harruar këtë ndjesi. Nëse ende nuk e ke takuar Princin e Vogël, ndoshta ky është çasti i duhur për ta marrë në duar.
24/09/2026
Mimoza Hafizi është një nga zërat më të veçantë të letërsisë shqiptare bashkëkohore, një autore që sjell në letërsi magjinë e universit, duke ndërthurur dijen shkencore me imagjinatën dhe rrëfimin. Astrofizikane dhe pedagoge, ajo i kthen pyetjet e mëdha për dritën, hapësirën, kohën dhe pafundësinë në histori që i afrojnë lexuesit me misteret e kozmosit.
Në librin “Drita”, shkenca dhe rrëfimi takohen me një nga enigmat më të mëdha të fizikës: lidhjes së çuditshme mes grimcave të dritës. Në librin “Infiniti blu”, pyetjet për pafundësinë, përjetësinë, fillimin dhe fundin e Universit bëhen pjesë e një rrëfimi që e shtyn lexuesin të mendojë për kufijtë e dijes dhe të imagjinatës. Ndërsa në librin “Duke pritur supernovën”, misteret e yjeve dhe të së shkuarës ndërthuren me aventurën e një grupi të rinjsh që duan të kuptojnë një nga ngjarjet më spektakolare të kozmosit.
Me këta libra, Mimoza Hafizi sjell në letërsinë shqipe një univers ku shkenca, përveçse dije, është edhe aventurë, habi dhe imagjinatë. Pyetjet më të mëdha për Universin mund të bëhen njëkohësisht edhe pyetje për veten, vendin tonë në botë dhe kufijtë e asaj që mund të na rrokë mendja.
23/09/2026
👉🏻Ruaje këtë postim për listën tënde të ardhshme të leximeve. Cila nga këto kopertina të tërheq me shikim të parë?
22/09/2026
SË SHPEJTI...
Click here to claim your Sponsored Listing.
Category
Contact the business
Telephone
Website
Address
Rr: “G. W. Bush”, Ushtari I Panjohur
Tirana
1001
Opening Hours
| Monday | 08:00 - 20:00 |
| Tuesday | 08:00 - 20:00 |
| Wednesday | 08:00 - 20:00 |
| Thursday | 08:00 - 20:00 |
| Friday | 08:00 - 20:00 |
| Saturday | 08:00 - 20:00 |
| Sunday | 09:00 - 14:00 |
Alerts
Be the first to know and let us send you an email when ALBAS posts news and promotions. Your email address will not be used for any other purpose, and you can unsubscribe at any time.