MuZEH Lab

🌿❤️ Një ditë e mbushur me ngrohtësi, krijimtari dhe shkëmbim përvojash në Qendrën e të Moshuarve në Durrës.

Përmes aktiviteteve artizanale, të moshuarit patën mundësinë të shprehin talentin, kujtimet dhe kreativitetin e tyre, duke e kthyer qendrën në një hapësirë takimi, bashkëpunimi dhe gëzimi.

Ky aktivitet synoi të vlerësojë rolin e të moshuarve në komunitet, të promovojë përfshirjen sociale dhe të nxjerrë në pah rëndësinë e ruajtjes së traditave, aftësive dhe historive që ata mbartin.

Aktiviteti u organizua nga MuZEH Lab, dhe mbështetet nga Ministria e Turizmit, Kulturës dhe Sportit.

🎨🧵Në kuadër të projektit “Trashëgimia për Përfshirjen Sociale”, më datë 4 Qershor do të organizojmë një punëtori të dedikuar të moshuarve.
⏰ 10:00 – 11:30
📍 Qendra Ditore e të Moshuarve, Durrës
Do të eksplorojmë se si arti i lëvizjes gërshetohet bukur me punën e duarve! Në këtë aktivitet, pantomimet do të sjellin një mënyrë krejt tjetër komunikimi, ku historitë dhe emocionet përcillen vetëm përmes gjesteve dhe lojës skenike. Paralelisht, do të punojmë me artizanatin, ku do të ndalemi te teknikat e veçanta për të parë se si imagjinata dhe tradita marrin formë përmes krijimtarisë.

Një tjetër ditë plot frymëzim dhe krijimtari!

Në këtë punëtori, morëm motivet e bukura të qilimave si pjesë e trashëgimisë sonë dhe i sollëm në një formë krejtësisht të re. Përmes artit dhe pikturës në qelq, këto simbole u transformuan plot dritë, ndërsa puna me artizanat gërshetoi detajet e veçanta, duke bashkuar imagjinatën me traditën në çdo krijim.

Ky projekt u mbështet nga Ministria e Turizmit, Kulturës dhe Sportit.

Në këtë takim të "Heritage Hub", fëmijët u argëtuan dhe mësuan në të njëjtën kohë, duke marrë njohuri të reja në mënyrën më të bukur.
Përmes pikturës, ata zbuluan historinë detare të Durrësit dhe filluan ta njohin më mirë qytetin e tyre. Ndërsa përmes pantomimës, fëmijët mësuan se si të komunikojnë me lëvizje dhe kuptuan vlerën që ka trashëgimia jonë kulturore

Ky projekt u mbështet nga Ministria e Turizmit , Kulturës dhe Sportit.

Në punëtorinë tonë të radhës, do të eksplorojmë dy forma të tjera të krijimtarisë. do të na zbulojë botën e pikturës në qelq për të parë se si ngjyrat formësojnë këtë material, ndërsa do të sjellë teknikat e bukura të artizanatit, duke bashkuar kështu imagjinatën me punën e duarve.

Në aktivitetin tonë të radhës, arti dhe lëvizja bëhen bashkë. Ndërsa Anxhelo Gjonci me pikturën do të sjellë në jetë historinë detare të Durrësit përmes ngjyrave, Xhulia Mecajme pantomima kreative do të transformojë emocionet në lëvizje, duke krijuar një dialog artistik pa pasur nevojë për fjalë

Në Ditën Ndërkombëtare të Muzeve, “Heritage Hub” u rikthye në MuZEH Lab me një aktivitet edukativ dhe krijues për fëmijë dhe të rritur.

Gjatë aktivitetit, pjesëmarrësit mësuan më shumë për enët e qeramikës, përdorimin dhe rëndësinë e tyre në të kaluarën. Përmes punës artistike, ata zbuluan edhe artin e macramés, duke krijuar detaje të frymëzuara nga një prej monumenteve të qytetit të Durrësit.

Fëmijët dhe të rriturit punuan së bashku, mësuan teknika të reja dhe u argëtuan, duke krijuar një lidhje më të fortë me trashëgiminë kulturore dhe historinë e qytetit.

Ky projekt mbështetet nga Ministria e Turizmit, Kulturës dhe Sportit.

Në Ditën Ndërkombëtare të Muzeve, MuZEH Lab rikthehet me “Heritage Hub”!

Në këtë aktivitet të parë, artistët tanë do të sjellin frymën e lashtësisë së Durrësit përmes enëve të qeramikës dhe rikrijimit të monumenteve simbol të qytetit në forma të reja artistike. Një takim mes historisë dhe krijimtarisë, ku e shkuara vjen ndryshe më afër artit bashkëkohor.

Po sikur muzeu të mos ishte thjesht një vend për të parë objekte… por një hapësirë ku njerëzit ndihen pjesë e diçkaje?

Nga izolimi tek përkatësia, muzetë po transformohen në eksperienca më njerëzore, interaktive dhe emocionale se kurrë më parë.

Sot, vizitorët kërkojnë:
▪️ përvoja që i përfshijnë
▪️ histori që i prekin
▪️ hapësira ku ndihen të mirëpritur
▪️ lidhje me komunitetin dhe kulturën
▪️ eksperienca që mbahen mend, jo vetëm ekspozita që shihen

Në një botë gjithnjë e më digjitale dhe të fragmentuar, muzetë kanë mundësinë të krijojnë diçka shumë të rrallë: ndjesinë e përkatësisë.

Në MuZEH Lab, besojmë se e ardhmja e muzeve ndërtohet përreth njerëzve dhe eksperiencave që krijojnë lidhje reale.

Kur ka qenë hera e fundit që një muze të ka bërë të ndihesh pjesë e diçkaje?

Photo Credit: MuseumNext

Muzetë nuk janë më vetëm hapësira ekspozimi,
janë vende ku historia, komuniteti dhe inovacioni takohen.

Në MuZEH Lab, punojmë çdo ditë për të transformuar mënyrën se si kuptohet dhe përjetohet trashëgimia kulturore. Përmes trajnimeve, projekteve dhe bashkëpunimeve në Shqipëri dhe rajonin e Ballkanit, zhvillojmë aftësi në:

▪️ Menaxhimin e trashëgimisë
▪️ Menaxhimin e muzeve
▪️ Interpretimin e trashëgimisë
▪️ Përdorimin e mjeteve digjitale në sektorin kreativ

Në thelb, një muze nuk matet me numrin e objekteve, por me ndikimin që krijon tek njerëzit.

Le ta rimendojmë së bashku mënyrën si përjetojmë trashëgiminë.

Photo Credits: MuseumNext