Die Landbougesprek

In vandag se aflewering van RSG Landbou:

Het jy geweet dit kos bykans 400 Euro om houtskilde of monteerplate vir jagtrofeë uit te voer? Die hoë koste is as gevolg van ‘n CITES-permit wat tans geld. Die Koalisie vir Volhoubare Benutting in Suid-Afrika, oftewel Suco-SA, en een van sy lede, die Suid-Afrikaanse Taksidermie- en Leerlooieryvereniging, het in Julie ‘n versoek ingedien dat die amptelike terminologie oor houtprodukte uitgebrei moet word. Pieter Swart vertel ons van die deurbraak wat hulle hiermee gehad het.

Chris Derksen is oudergewoonte terug met nuus oor vleispryse en vir die nuutste landbouweervooruitsigte, moenie ons gesprek met Johan van den Berg misloop nie.

Klik op die skakel in die komentaarafdeling om na die uitsending te luister! 👇

SUCo-SA

In vandag se aflewering van RSG Landbou:

Wie veg vir die Suid-Afrikaanse wynbedryf se plek aan die tafel? Agter elke bottel wyn staan ‘n span mense en Christo Conradie van South Africa Wine gesels met ons oor marktoegang en beleid.

“Saam groei ons beter”, is die tema van vanjaar se Nampo Kaap. As een skakel van die landbouwaardeketting seer kry, kan die res nie optimaal funksioneer nie. So verduidelik die voorsitter van Bredasdorp Park, Henk Aggenbach. Nampo Kaap word vanaf 9 ot 12 September aangebied.

Klik op die skakel in die komentaarafdeling om na die uitsending te luister! 👇

South Africa Wine NAMPO Kaap / Cape Bredasdorp Park

In vandag se aflewering van RSG Landbou:

Verkeerde weidingsbestuur wat plantegroei in ariede gebiede soos dele van die Noord-Kaap beskadig, kan tot ‘n 100 jaar neem om te herstel. Dit was die boodskap van prof Helga van der Merwe aan kongresgangers by die 61ste kongres van die Weidingsvereniging van Suider-Afrika. Ons het daar met haar gesels.

Verder kuier dr Mark Chimes van Melk SA in die ateljee. Hy is die projekleier van die Melkprodusente-organisasie se dierewelsyns- en -gesondheidsprojek. Een van hul navorsingsprojekte is om vas te stel vir hoe lank die bek-en-klouseer virus in melk uitgeskei word en in die uier van besette koeie oorleef.

Klik op die skakel in die komentaarafdeling om na die uitsending te luister! 👇

Grassland Society of Southern Africa MPO - Milk Producers Organisation

In vandag se aflewering van RSG Landbou:

Aartappels SA het onlangs hul jaarkongres in Johannesburg aangebied. Volgens Willie Jacobs het Suid-Afrika vanjaar die grootste volume aartappels nóg in die geskiedenis afgehaal, ten spyte van hoër insetkoste, aartappelpryse en uitdagende produksie-omstandighede. Het jy geweet dat aartappels en uie die enigste nie-verwerkte produkte in ‘n tipies Suid-Afrikaanse stapelvoedselmandjie is? Kom luister gerus na ons gesprekke met ‘n paar van die rolspelers by die kongres.

Moet ook nie ons weeklikse landbounuus misloop nie.

Klik op die skakel in die komentaarafdeling om na die uitsending te luister! 👇

Potato Nation

In vandag se aflewering van RSG Landbou:

Landbouvakke word deesdae in al hoe meer hoërskole in Suid-Afrika aangebied. Dis nou ook die tyd van die jaar wanneer skoolleerders loopbaanbesluite moet maak en instansies vir verdere studie oorweeg. Ons beantwoord in ons gesprek met Shaun Welmans van Agri Skills Transfer, ‘n luisteraarsvraag oor erkende kwalifikasies wat ‘n kandidaat by ‘n tersiêre instelling kan verwerf.

Johan van den Berg is terug met hierdie week se landbouweervooruitsigte.

Chris Krugell van Bloemendal Bonsmaras praat oor hulle veiling van 12 Augustus in die Delmas-omgewing.

En Chris Derksen vertel wat hierdie week met vleispryse in die Noord-Vrystaat gebeur het.

Klik op die skakel in die komentaarafdeling om na die uitsending te luister! 👇

Agri Skills Transfer Bloemendal Bonsmaras

In vandag se aflewering van RSG Landbou:

Wie is vandag se rooivleisverbruiker? Dis een van die vrae wat tydens vanjaar se LFR Veeskool bespreek word. Die Lewendehawe Registrerende Federasie bied dié prima geleentheid vanaf 7 tot 9 Oktober by Aldam aan en Izaan du Plooy vertel ons meer. Natuurwetenskaplike praktisyns wat by SACNASP geregistreer is, mag ook nou vir die eerste keer CPD-punte verdien indien hul die Veeskool bywoon.

Verder praat ons met Laurence Allem van Mielieboere Bonsmaras oor hul 41ste produksieveiling wat op 13 Augustus by Viljoenskroon plaasvind.

En in die maand se internasionale landbounuus hoor ons onder andere oor belangrike landbougebeure in Frankryk, Egipte en Oekraïne.

Klik op die skakel in die komentaarafdeling om na die uitsending te luister! 👇

Livestock Registering Federation SACNASP Mielieboere Bonsmaras

In vandag se aflewering van RSG Landbou:

Het jy geweet ongeveer negentig persent van Suid-Afrika se rosyntjies word uitgevoer? Die bedryf het onlangs weer die 100 000 ton merk gehaal en ons gesels met Wessel Lemmer en Chantelle Kotzé van Raisins SA oor hierdie uitsonderlike prestasie.

Augustus, September en Oktober word in die veebedryf as die sogenaamde ‘doodmaakmaande’ beskou. Dis 'n uitdagende oorgangstydperk tussen winter en somer, waartydens weidingsgehalte dikwels nog swak is en moet herstel. Dr Josef van Wyngaard van Voermol Voere gee raad.

Klik op die skakel in die komentaarafdeling om na die uitsending te luister! 👇

Raisins SA Voermol Feeds SA

In vandag se aflewering van RSG Landbou:

Het jy al aan Graan SA se 2026 Groei vir Goud-opbrengskompetisie deelgeneem? Boere wat deelneem leer die beste by medeboere en dit, volgens Graan SA, is juis die doel van die kompetisie. Daar is verskeie kategorieë waarvoor ingeskryf kan word. As jy meer hieroor wil weet, moenie ons gesprek met Corné Louw misloop nie.

Mikrobioloë van die Universiteit Stellenbosch het ‘n nuwe grondbakteriespesie in die Kogelberg Natuurreservaat ontdek. Ons gesels met dr Janca Pieters oor hierdie groot deurbraak.

Dit is ook weer tyd vir ons weeklikse landbounuus. Moet dit nie mis nie!

Klik op die skakel in die komentaarafdeling om na die uitsending te luister! 👇

Grain SA/Graan SA Stellenbosch University

In vandag se aflewering van RSG Landbou:

Nieu-Seeland, Australië, die VSA, Europese Unie en Argentinië is sleutel suiwel-uitvoerlande. Volgens die jongste syfers van die Wêreld Monetêre Fonds is daar vir die eerste keer in baie jare ‘n sterk groei in onverwerkte melkproduksie. Maar wat beteken dit vir die Suid-Afrikaanse suiwelbedryf? Melk SA se jaarlikse Lacto Data-verslag verskaf inligting oor die struktuur, prestasie en produksie van die suiwelbedryf in Suid-Afrika en elders. Ons gesels met Bertus van Heerden van die Melkprodusente-organisasie oor die inhoud van die verslag.

Reënvalvooruitsigte vir graangebiede in die Wes-Kaap lyk nie gunstig nie, maar dalk het die prentjie verander. Vir ons nuutste landbouweervooruitsigte, moet nie ons gesprek met Johan van den Berg misloop nie.

Dan is Chris Derksen terug met die week se vleispryse.

Klik op die skakel in die komentaarafdeling om na die uitsending te luister! 👇

In vandag se aflewering van RSG Landbou:

Is Suid-Afrika gereed vir die volgende voëlgriepuitbreking? ‘n Webinaar is onlangs hieroor aangebied waartydens Izaak Breitenbach van die Suid-Afrikaanse Pluimveevereniging een van die paneellede was. Hy gee terugvoer.

‘n Bonsmara-produsent van die Roedtan-omgewing in Limpopo vertel hoe hulle die afgelope jaar se uitdagings in die veebedryf hanteer het. Volgens Johan Boshoff van Sebadja Bonsmaras gee die hoër speenkalfprys hulle weer moed. Hy gesels oor hulle veilingsaanbod van 7 Augustus op die Plaas Smallepad.

Klik op die skakel in die komentaarafdeling om na die uitsending te luister! 👇

SAPA - South African Poultry Association Sebadja Bonsmara