Die Landbougesprek

In vandag se aflewering van RSG Landbou:

Het jy geweet wildboerdery in Suid-Afrika bestaan uit meer as twintig miljoen hektaar en dié plase dra drie keer meer wild as nasionale en ander wildparke in Suid-Afrika? Die Wildbedryf SA-stigting help wildboere in nood, ontwikkel die jeug, bied vaardigheidsontwikkeling en nog baie meer. Ons gesels met Sareta Schutte oor die werksaamhede van dié stigting.

Winter is hier, het Johan van den Berg in verlede week se weergesprek gewaarsku. Kom luister wat hy hierdie Donderdag in RSG Landbou te sê het oor ons dalende temperature. Chris Derksen is ook op sy pos met die nuutste vleispryse vanaf veilings in die Noord-Vrystaat.

Verder praat Kobus du Toit van Vlakte Bonsmara oor dié groep se veiling van 11 Junie.

Klik op die skakel in die komentaarafdeling om na die uitsending te luister! 👇

Wildlife Ranching South Africa Vlakte Bonsmara Studiegroep

In vandag se aflewering van RSG Landbou:

Het jy geweet Wêreldmelkdag is op 1 Junie gevier? In Suid-Afrika was die fokus op suiwel se rol in beengesondheid. Ons gesels met Christine Leighton van Melk SA hieroor.

Rooivleisbedryfsdienste (RMIS) het kopers by die afgelope BTB Simmentaler-stoetuitverkoping bygestaan met die verkryging van ‘n internasionale liggingsnommer om toegang te verkry tot SA Stamboek se digitale naspeurbaarheidstelsel, IDtrax. Maar wat is die waarde daarvan?

Ons vind ook uit watter genetika op 13 Junie by Bosveld Bonsmaraklub se veiling in Bela-Bela beskikbaar sal wees.

Klik op die skakel in die komentaarafdeling om na die uitsending te luister! 👇

RMIS - Red Meat Industry Services SA Stud Book / SA Stamboek Bosveld Bonsmaraklub

In vandag se aflewering van RSG Landbou:

Het jy geweet SA Stamboek se naspeurbaarheidsrekordhoudingstelsel, IDtrax, is onlangs vir die eerste keer, en met groot sukses, by ‘n veiling gebruik? Dit is ‘n mylpaal vir die stoetveebedryf. Fritz Bezuidenhout verduidelik hoe dit werk. Hy is deel van die span by SA Stamboek wat die stelsel ontwikkel het, en is ook self ‘n boer.

Wildboere moet ook nie ons gesprek met Alheit du Toit van Feedtek misloop nie. Hy praat oor voedingstekorte by wildspesies. Deesdae beperk die omheining van kommersiële eenhede die vermoë van wilde diere om self voedsamer weiding te vind. Hy verduidelik hoe hierdie behoeftes aangevul kan word.

Klik op die skakel in die komentaarafdeling om na die uitsending te luister! 👇

SA Stud Book / SA Stamboek Feedtek Animal Feed Solutions

In vandag se aflewering van RSG Landbou:

Die Hooggeregshof in Pretoria het op 25 Mei ‘n bevel uitgereik dat bek-en-klouseer-entstowwe privaat verkry en toegedien mag word. Die hofsaak is ‘n oorwinning vir Sakeliga, SAAI en Vrystaat Landbou, maar die uitspraak het bepaalde implikasies wat nie in ag geneem is nie. Kobus Bester van die Suider-Afrikaanse Stoettelersfederasie gesels met ons hieroor.

Weet jy wat die rol van ‘n plaagbeheeroperateur is en waarom dié kwalifikasie juis vir nematoloë van belang is? Prabashnie Ramouthar is ‘n nematoloog wat vir 17 jaar al by dié bedryf betrokke en sy vertel ons meer.

Moet ook nie ons weeklikse landbounuus misloop nie.

Klik op die skakel in die komentaarafdeling om na die uitsending te luister! 👇

Sakeliga Saai Vrystaat Landbou/Free State Agriculture

Johan van den Berg is weer terug op sy pos met sy weeklikse weerverslag op RSG Landbou.

Klik op die skakel in die komentaarafdeling om na hierdie week se weerverslag te luister 👇.

Plaas Media

In vandag se aflewering van RSG Landbou:

Die minister van openbare werke en infrastruktuur, Dean MacPherson, het tydens vanjaar se Nampo-oesdag ‘n nuwe inisiatief bekendgestel. Dit staan bekend as die Adopt-a-Municipality-inisiatief en ons het daar met hom gesels.

Die waarde van herlewings- en bewaringslandbou het ook tydens Nampo ter sprake gekom. Alhoewel Suid-Afrika onder die top tien lande is wat herlewingslandbou as praktyk toepas, moet produsente besef dat ‘n kopskuif nodig is. Die praktyke verlaag onder meer insetkoste, en verseker gesonde grond en biodiversiteit. So sê dr Hendrik Smith van Asset Research.

In ons weergesprek met Johan van den Berg, gesels ons oor die realiteit van die El Niño-weerverskynsel en Chris Derksen is terug met die week se vleispryse.

Klik op die skakel in die komentaarafdeling om na die uitsending te luister! 👇


NAMPO

In vandag se aflewering van RSG Landbou:

Wetenskaplikes van die Universiteit van Pretoria en Texas A&M Universiteit in die Verenigde State, het befondsing ontvang vir 'n projek wat fokus op klimaatslim beesvleisproduksie in Suid-Afrika en die bestuur daarvan deur kunsmatige intelligensie. Ons het meer hieroor gaan uitvind.

Die toestand van plattelandse paaie, toegang tot silo’s, munisipale vermoëns en gemeenskapsbetrokkenheid is tydens vanjaar se Nampo bespreek. Naudé Pienaar van Agri Noordwes het die werklike situasie rondom swak padinfrastruktuur uitgelig en ons het na afloop van die paneelbespreking met hom hieroor gesels.

Dan is Izak Hofmeyr aan die woord met die nuuste internasionale landbounuus.

Klik op die skakel in die komentaarafdeling om na die uitsending te luister! 👇

University of Pretoria Texas A&M University Agri NW

In vandag se aflewering van RSG Landbou:

Het jy geweet een skaap het verskillende tipes wol in sy vag? Daar is rugwol, kortwol, langer wol en penswol, en van elke tipe word iets anders gemaak. Cor Uys is die fasiliteerder van vanjaar se skeerdemonstrasies by die Karoo Winterwolfees wat vanaf 3 tot 4 Julie by Middelburg in die Oos-Kaap gehou word. Hy praat oor die waarde van die geleentheid vir die wolbedryf.

Carmé Naudé van Bergrivier Besproeiing nooi produsente uit na ‘n boeredag in die Paarl, waartydens kundiges oor nuwe en innoverende besproeiingsoplossing sal gesels.

En dan is Heinrich Victor oudergewoonte terug met die nuutste wolmarkverslag.

Klik op die skakel in die komentaarafdeling om na die uitsending te luister! 👇

Karoo Winter Wool Festival Bergrivier Besproeiing

In vandag se aflewering van RSG Landbou:

Het jy geweet dat die Nasionale Wolkwekersvereniging vanjaar hul 100ste bestaansjaar vier? Die amptelike handelsmerk van dié vereniging is ‘n springbokkop. Annelize Smit van Niekerk van die NWKV, verduidelik in vanoggend se RSG Landbou, hoe daar in 1931 op dié kenteken besluit is. Die Springbokkop-wolklasserkwalifikasie is ook hoogste kwalifikasie wat ‘n wolklasser kan bereik. Sy vertel meer hieroor.

En in hierdie week se landbounuus berig ons onder meer oor die pluimveegroep, Astral, se nuutste finansiële resultate, die bek-en-klouseer siektebeheergebied in KwaZulu-Natal wat geskrap is, en Suid-Afrika se koring-invoertarief wat na nul rand per ton gespring het.

Klik op die skakel in die komentaarafdeling om na die uitsending te luister! 👇

NWGA SACOTA

In vandag se aflewering van RSG Landbou:

Die Koejawelprodusentevereniging van Suid-Afrika verwag ‘n oes van so 21 000 ton. Die reën wat die Wes-Kaap onlangs ontvang het, kan moontlik ‘n positiewe impak op finale oessyfers hê. En het jy geweet daar is koejawelboorde wat 80 tot ‘n honderde jare oud is en steeds vrugte dra? Ons gesels met Jacques Jordaan oor hierdie interessante bedryf.

Johan van den Berg is terug met ons weeklikse weervooruitsigte en Chris Derksen vertel wat hierdie week met vleispryse in die Noord-Vrystaat gebeur het.

Klik op die skakel in die komentaarafdeling om na die uitsending te luister! 👇