Rexhepi Associates

Mbrojtja është prioritet absolut.
Por ajo duhet të ecë paralelisht me respektimin e të drejtave themelore.

A e dini se çfarë thotë ligji për largimin nga puna? Informohuni para se të veproni.

Një kontratë e paligjshme nuk është kontratë.

Shkaktimi i dëmit sjell gjithmonë përgjegjësi ligjore.
📌 Ligji e obligon kompensimin e dëmit, pavarësisht nëse është bërë me dashje apo nga pakujdesia.

Këshilli Gjyqësor i Kosovës (KGJK) ka miratuar Planin Strategjik për Përmirësimin e Qasjes në Drejtësi për periudhën 2026‑2028. Por a do të zbatohet në praktikë!

Ky dokument, bazuar në misionin dhe vizionin e tij, synon të rrisë efikasitetin e sistemit gjyqësor, duke u përqendruar te trajtimi i përshpejtuar i rasteve me prioritet dhe sigurimin e mbrojtjes së barabartë ligjore për persona fizikë e juridikë. Plani kategorizon prioritetet duke përfshirë lëndët e vjetra, ato të rikthyera në rigjykim dhe çështjet që kërkojnë urgjencë sipas ligjeve në fuqi, që nga kontestet familjare (kujdestaria, alimentacioni, adoptimi, vërtetimi dhe kundërshtimi i atësisë) e deri te mosmarrëveshjet e punës, urdhrat mbrojtës në rastet e dhunës në familje, procedurat e përmbarimit dhe paditë strategjike kundër pjesëmarrjes publike (SLAPP). Po ashtu përfshin rastet penale që lidhen me dhunën ndaj grave e dhunën në familje, rastet ku viktima janë fëmijë, persona me aftësi të kufizuara apo punonjës të medias, si dhe kontestet komerciale, administrative e ato në Dhomën e Posaçme të Gjykatës Supreme.

Megjithatë, analiza e hollësishme e dokumentit tregon se plani mbetet kryesisht normativ: nuk ofron indikatorë të matshëm dhe nuk përcakton afate të detyrueshme kohore për kategoritë e ndryshme të rasteve; mungon një regjim i qartë sanksionesh për moszbatim duke lënë hapësirë për mospërputhje dhe zvarritje. Gjithashtu, edhe pse plani parasheh një komision monitorues, nuk përcakton mekanizma të prerë se si rekomandimet e këtij komisioni do të shndërrohen në masa disiplinore apo administrative në rast të mosperformancës. Përvoja e planeve të mëparshme strategjike të KGJK-së dëshmon se rastet me prioritet janë zvarritur me vite, duke prodhuar pasoja të parikuperueshme, prandaj pa standarde të qarta dhe konsekuenca ligjore, ekziston rreziku që prioritetet e deklaruara të mbeten thjesht aspirata.

Është për tu mirëpritur nisma e KGJK-së për të adresuar ngarkesën e lëndëve përmes një kornize të organizuar, por për të mos e rishkruar të njëjtën histori të dështimeve, kërkohet një plan implementues me afate konkrete, indikatorë të matshëm dhe mekanizma të fortë përgjegjësie.

Zbatimi rigoroz, monitorimi i vazhdueshëm dhe transparenca në raportim duhet të jenë prioritete absolute. Vetëm në këtë mënyrë do të sigurohet që rastet e dhunës në familje, punësimet, të drejtat e fëmijëve, korrupsioni dhe paditë SLAPP të trajtohen me urgjencën që meritojnë, ndërsa qytetarët të përjetojnë drejtësi në kohë dhe në përputhje me standardet më të larta.

KGJK 2026-2028 | Bedrie Rexhepi Këshilli Gjyqësor i Kosovës (KGJK) ka miratuar Planin Strategjik për Përmirësimin e Qasjes në Drejtësi për periudhën 2026‑2028. Por a do të zbatohet në praktikë! Ky dokument, bazuar në misionin dhe vizionin e tij, synon të rrisë efikasitetin e sistemit gjyqësor, duke u përqendrua...

Sterzgjatja e përmbarimit të alimentacionit në Kosovë është shkelje e rëndë e të drejtave të fëmijës.

Fëmija që pret mbështetje financiare (alimentacion) nuk e njeh vonesën si pjesë të sistemit. Ai përballet me mungesë të ushqimit, veshjeve, transportit për në shkollë. Ai ka nevojë për përkrahje sot, jo pasi të përfundojnë ankesat apo lëvizjet nga një shkallë gjyqësore në tjetrën.

Shteti ka obligim, jo opsion, të sigurojë përmbarimin e menjëhershëm. Kështu e thotë neni 27(4) i Konventës për të Drejtat e Fëmijës, që shteti të ndërmarrë masa për arkëtimin efektiv të detyrimeve ushqimore (alimentacionit). Dhe neni 3 i së njëjtës Konventë e vendos interesin më të lartë të fëmijës si parimin udhëheqës në çdo veprim institucional.
Gjithashtu, neni 6 i Konventës Evropiane për të Drejtat e Njeriut e përfshin zbatimin e vendimit si pjesë të së drejtës për gjykim të drejtë.

Konventat ndërkombëtare janë pjesë e drejtpërdrejtë e rendit kushtetues të Kosovës. Dhe kur shteti dështon t’i zbatojë ato në praktikë në raste kaq bazike si alimentacioni është sistemi që dështon. Është besimi te drejtësia që dëmtohet.

Fëmija nuk ka kohë për të pritur.
Alimentacioni nuk është privilegj, është detyrim.
Është përgjegjësi e menjëhershme.