Radio Polynesia

7 Me 2026 Samoa - Ua tali manino mai le afioga ile Komesina mo le taimi nei a le Matagaluega o leoleo, Leiataua Samuelu Afamasaga, “E leai se faamavaega a Li’o Faataumalama mai le matagaluega o leoleo ma e leai se mea faapena o tupu.”

Na afua lea tali a le Susuga a Leiataua, ina ua tatou fesiligia, ile mataupu lea, na faate’ia ai foi le afioga ile Palemia, o le MInisita foi o leoleo, Susuga ile Laaulialemalietoa Polataivao, I lana polokalame ma le vasega o tusitala ile A*o Lulu ole vaia*o nei.

Sa tatou valaaua foi le Susuga a Li’o Afamasaga pe moni ua faamavae, peita’i o lana tali mai, “sei iai se taimi aumai sana tala o le mataupu lea ona o loo pisi.

7 Me 2026 Samoa - O tapenaga a le tausala o Samoa mo le tauvaga o le Miss Global, na malaga mai ai le Miss Global 2025, Nhu Van “Queen Hong,”.

O lana asiasiga atu ile lotoa a le Campus of Hope I Tuanaimato, ua afua ai le faalauiloa a le p**ega o le Toomaga e faafetaia le avanoa ua latou feiloai ai ma le Miss Global.

Ae o le manatu atu o le p**e o le Vodafone, Toleafoa Rana Bose, e asia tamaiti oi le Campus of Hope.

Faatasi ai ma le faatonu ole Miss Global organization, Miss Cai Duena, ae o le aufaigaluega a le kamupani telefoni.

O ta’ua e le SVSG, I lana itulau, o le lagolago a le Vodafone ua fesoaosani tele ile galuega o latou faia, I le puipui ma tausi tamaiti, ae ose lagona, ua maua e fanau o le iai lea o le faamoemoe ma e tele avanoa mo latou ile olaga lenei.

Ma faafetaia le taimi, ua ose faamalosi’au mo latou ae o le agaga o le filemu ma lagona fiafia o le mafutaga o le a*o, ae o le faaoso, o mea e faaaoga I taaloga a fanau.

7 Me 2026 Samoa - Ua faailoa mai nei e le Minisita o faatoaga ma faigafaiva, Fuimaono Maiava Tito Asafo, le taunuuga manuia o le polokalame lea sa fai ai le suesuega ma faataitaiga I metotia e faasao ai faatoaga a Samoa mai meaola faalafua, pei o puaa aivao.

O le vaia*o nei lea na saunoa ai le Minisita, na iai lava foi lu’itau ile galuega na faatino, e faatonutonu ai puaa aivao.

Na galule faatasi ai ma le malo o Ausetalia, I lana Market Development Facility, ma faigofie lava ile sao o le Ofisa Suesue a Samoa, SROS, ae ole Matagaluega o faatoaga ma faigafaiva, o itumalo, ma le vaega tumaoti.

Ua iloa ai nei, e le laititi le faaletonu o puaa aivao ile atunuu.

Ua ose faamata’u faaauau, i faatoaga, faaleaga mea toto, faalavelave i faatoaga poo ma’umaga, ma le faalafua ile lafulemu o le siosiomaga, vave o osofaiga, e toe faatama’ia atoa ai lava se tautiga o masina e fia o se atinae.

O aafiaga ogaoga, e aofia ai tupe maumau, ole faatele galuega, ua oni avega mamafa ia ile aufaifaatoaga,
Ma ua laa ai nei le malo e puipuia ma faia auala e maua’a ai le aufai faatoaga a Samoa.

6 Me 2026 Samoa - Ua taulamua foi Samoa ile toe faaolaolaina o le ‘amu I le gataifale,
Pei ona faia e le Conservation International Samoa , e ala I lana Kiwa Restore Project, ma faailoa aloaia ai lana Coral Restoration, of Traniners TOT I Samoa, talu mai le A*o Gafua 4 Me.

Faatasi ai ma le tufaina atu lea o mata e maulu ai, ma mea faigaluge mo le toe totoina o le amu, faapaaga ile atunuu ma matagaluega a le malo.

E fitu nuu na auai ile sauniga na aofia ai ma sui o le malo, ae o le pasefika.

O nuu e iai Faleatiu, Lalovi, Fuailoloo, Apai-uta Salua uta, Samatau ma Mtautu Falelatai.

O le Susuga a Le’ausaililo Leilani Duffy na ia faailoa vaega taua o le latou auaunaga.

E iloa i galuega fai o tatou o Samoa, I ana agaifanua e taitaina ai, ae o le mausali o le silafia. Pe a tuu faatasi tomai faasaienisi ma le faasamoa, e le na’o ‘amu e mafai ona toe faaola, e oo lava ile sootaga o le tagata ma lona siomiaga.

O le auga lava o le sauniga lea, o le tauaaoina o mata maulu, ma mea faigaluega mo tagata o faatinoa le toe faaolaolaina o le amu.
E aofia ai, mata maulu, o mea manava, o seevae feausi, ma seevae mo le saogalemu ae lelei faatino o le galuega.

Ma o le ‘a atamamai ai foi tagata o nuu o ta’ua I luga, ile toe faapunafanauina o le ‘amu, ae o le toe faamalosia o aau, ma metotia e leoleo ai. E mafai foi e tagata o le nuu ua popoto ile faatupuina o le ‘amu ona aoao atu auala I isi tagata o le nuu ma faaauau ai lava.

Aua o le toe faaola o amu ma aau, o le puipuiga foi lena o ala ‘oa e faaauau ai pea ona maua taumafa sami, pei ona saunoa le sui o Samatau, Susuga Alesana Lauvale.

O le taimi muamua foi lea mo Tanuvasa Joyita o Apai uta, na faaleo lona faafetaia o le avanoa e nate iloa ai faaola amu ma aau, ma tausi iai.

6 Me 2026 Samoa- O tala lelei o le tamaoaiga o Samoa o tagata taunuu mai, ma faamauina e le ofisa o fuainumera.

Mo le Kuata muamua o le tausaga lenei, faatusa I le kuata muamua o le 2025,
Ua maitauina ai le siitia o tagata taunuu ile 3.1pasene poo le 54,385.

Ae o tagata asiasi mai o loo filo ai I lena aofai, e 39,001, ua faamauina lona ia foi siitia I le 13.3 pasene.

O tagata asiasi mai Niusila, e 3,914 na siitia, ae o tagata mai
Amerika Samoa na pa’u ifo I le 137.

Na faaititia foi tagata mai Ausetalia ile 806, ae siitia le USA ile 873,
Tagata malaga ese ma Samoa na faaititia , 64,310 poo le
Peita’i o le kuata muamua o le tausaga lenei faatusa I le Kuata mulimuli o Oct –Tesema 2025 na faamauina le faaititia o tagata taunuu mai.

Ae o tulaga masani lava ole tele o tagata malaga mai, o taunuu mai vaalele.

O le vaega e asiasi mai I Samoa, ile kuata muamua 2026, e 39,001, ma faamauina ai le faaitita I le 24.5 pasene faatusa I le kuata I luma atu, ae o loo faamauina le 13.3 pasene e faateleina ai faatusa ile kuata muamua o le tausaga talu ai.

E ese mai aafiaga o tagata feoa’i I le kuata muamua o le 2021 m ale 2022.

6 Me 2026 Samoa - Ua mae’a faaoo mai tusi tofiga o le sui o le malo Peleseuma Belgium I Samoa , ma talia aloaia e lana afioga ile Ao mamalu o le Malo Tutoatasi o Samoa, Tuimalealiifano Vaaleto’a Sualuvi ll.

O le Susuga a Karl Eugene M Stouthuysen.

Ua tusa ai nei o le 53 tausaga talu ona aloaia le faapaaga lea a Samoa ma Peleseuma.

Ua ave ai le faataua I lo la sootaga ile Iuni a Europa ma faalapotopotoga o Aferika, Caribbean ma le Pasefika, ae o malo Aufaatasi United Nations.

I le sauniga e talia aloaia ai tusi tofiga o le Susuga a Karl, na ia saunoa ile sao o lona atunuu ile faataua ai ole lafulemu o sami ma atuvasa.

Pei ona avatu ai foi le latou finau e faaititia aafiaga e afua mai galuega o faatino I luga o sami pei o vaafeoa’i ai, e ala atu I faalapotopotoga faalegataifale faavaomalo.

Ma le sainia ai e lona atunuu o le Agreement on the Conservation and Sustainable Use of Marine Biological Divesity of Areas Beyond National Jurisdiction BBNJ poo le Maliega e faasao ma faatumauina le aoga o Sami, ma latou finau ai foi e faatu le ofisa o le Failautusi i lona atunuu, aua o loo tu ile taulotoaiga o malo o le Iuni a Europa.

Peitai na malele le afioga ile Ao o le tatou malo, afioga Tuimalealiifano, e amanaia le sao o Peleseuma ile tatou itulagi faa Pasefika, ma le sao foi o Samoa i lena faapaaga, aemaise o le taumafaiga ile faagata ai ile 1.5 tikeri Celicius o le vevela o le paneta, ae faalagolago lava foi ia ana paaga faavaomalo ma latou gaioiga fai e aafia ai le lalolagi, pei o Peleseuma.

Ae ose mafutaga faaauau ua faia nei a malo e lua, mo le lelei ole alu i luma.

6 Me 2026 Samoa - Ose vaaiga na mata’ina ai le amata o le liki kilikiti samoa o le sisigafua tele o le 2026.

Pei ona amata mai ai ile A*o Gafua, I ‘au na tamua ai ile Pool A ma le B,
Mai o ananafi, pei ona toe faailoa mai e le afioga I le faialautusi aoao, ia Fiu Siolo, ile taunuuga o taaloga .


Ma saga matagofie atili ai le liki ina ua auai uma le silia I le 30 o au a alii ma tamaitai pei ona molimauina ile latou savali ile taulaga , ilea so Lua .

Ma saunoa faapitoa ai le afioga ile Palemia Laaulialemalietoa Polataivao .

5 Me 2026 Samoa - Ua faalauiloa mai nei e le faletupe tutotonu o Samoa , le faamaonia ai nei o le faaaogaina o le Freedom Pacific Samoa Limited e faatino le faataitaiga o lana auaunaga I luga o fesootaiga televave, lana PacWalex ma le TickTap Card.

I lalo o le aiaiga faatulagaina, CBS Regulatory Sandbox Framework.
O lea faaiuga ma le faatanaga ua atagia ai le sao o le CBS ia saogalemu galuega faatino.

O le Pac Wallex, o le digital wallet, e teu ai tupe a tagata taitoatasi ma le au fai pisinisi ise faiga saogalemu ma le tutumau mo Samoa.
E iva masina lea e faia ai le faataitaiga lea mai le taimi nei e oo atu ia fepuari o le 2027.

5 Me 2026 Samoa - O le amanaia ole tagata galue I lana auaunaga, o le auga lea o le faalauiloa faapitoa mai le ofisa o le Loia sili.

Mo le Susuga a Afoa Lagaaia Fetuliai Lagaaia I le polokalame tuliloa mo le saga aoaoina ma le faapoto atili o tagata o galulue ile ofisa o le Loia sili.

E lima vaia*o na fesoa*oani ai Afoa I le polokalame lea a le Ofisa o le loia sili.

Ma ia faataatia ese ai ona tiute masani, I lona ofisa tumaoti, ma aveesea ai foi lena vaega o ana tupe maua mai lana auaunaga, ae avatu lana lagolago ile tiute o le Loia Samoa , e una’ia le mea silisili mo ona tagata.

Ua silia ile 15 tausaga o galue faaloia lea tamalii, susuga a Lagaaia, ma ia faa*oa atu na agavaa ma tomai, e aofia ai le avea ai ma senior prosecute rile Oifa o le Loia sili, O le avea ma loia ile Ofisa su’etusi, ma toe faalautele ai lona silafia ile tulafono I aoaoga I atunuu mamao.

O le toe foi ane e fesoa*oani ile ofisa o le Loia sili, e ala ile faa*oa atu o lona silafia e atinae atili ai le Loia o le ofisa , ua ose tasi lea o itu na faafetaia ele p**ega o le Ofisa o iai nei.

5 Me 2026 Samoa - Tala tuliloa, I a*o faamanatu o le Aufaigaluega Fuimu ma faalavelave tutupu faafuasei ile lalolagi na faamanatu e Samoa ananafi, Na saunoa faapitoa ai le afioga ile Sui Palemia, Mulipola Anarosa Ale Molioo, ma ia amanaia ai le auaunaga ai latou ua fai I lagi le folauga.

O e sa tautua ma le mataalia.

Ma e leo lilo foi le tautua a le aufaigaluega o iai nei ile silafaga a le Atua.

Saunoa foi Mulipola, na maitauina le tulaga ese o lenei tausaga ile tulai mai o mu tetele i nai masina ua tuanai atu.

Sa vaaia le siitia o le galulue faatasi o Matagaluega a le malo, ele gata I lea, ae o le tulaga maoa’e sa faatino ai ia galuega faigata.

Na molimauina foi le tausaga lenei ua faataua ai le a*o taaalo, e tuufaatasi ai matagaluega o loo galulue soosoo tauau ma le p**ega tineimu.

Ma momoli ai le faamalo faapitoa ale afioga ile sui Palemia, i le aufaigaluega, ma le latou tautua ia Samoa