Geoinfocom

18-noyabr — O‘zbekiston Respublikasi Davlat bayrog‘i qabul qilingan kun!
🇺🇿 Davlatimiz suverenitetining ramzlaridan biri - mustaqil O‘zbekiston Respublikasining “Davlat bayrog‘i to‘g‘risida”gi qonuni qabul qilinganiga 34 yil to‘ldi (1991-yil 18-noyabr, 407-XII-son)

21-oktabr — O'zbek tili bayrami kuni
Til – davlat timsoli, mulki, ruhi, millatning madaniy va ma’naviy boyligi, xalqning madaniyati, urf-odati, uning turmush tarzi, tarixidir.

1989 yilning 21 oktabr kuni Vatanimizda davlat tilining huquqiy asoslarini belgilash bo‘yicha “Davlat tili to‘g‘risida”gi Qonun qabul qilinib, unga ko‘ra O‘zbek tiliga - Davlat tili maqomi berildi. Xalqimizning muqaddas qadriyatlaridan biri bo‘lgan ona tilimiz o‘zining qonuniy maqomi va himoyasiga ega bo‘ldi.

Shuningdek, 2020 yilning 10-aprel kuni O'zbekiston Prezidenti Shavkat Mirziyoyev «O'zbek tili bayrami kunini belgilash to'g'risida»gi qonunni imzoladi.

Qonunga asosan, 21-oktabr O'zbek tili bayrami kuni etib belgilangan.

GEOINFOCOM markazi barcha yurtdoshlarimizni O'zbek tili bayrami kuni bilan tabriklaydi.

GEOINFOCOM jamoasi 1 oktabr - O’qituvchi va murabbiylar kuni bilan samimiy qutlaydi!

Ushbu kun munosabati bilan yurtimizdagi barcha o‘qituvchi va murabbiylarni chin dildan samimiy muborakbod etamiz!

Aziz Ustozlar, ilm yo‘lidagi shijoatingiz, metin irodangiz, tog‘dek sabringiz, bilim ummonidagi sabog‘ingiz doimo sarbaland bo‘lsin! Sihat-salomatlik, oilaviy xotirjamlik, tinchlik va farovon hayot hamisha hamrohingiz bo‘lsin!

Kasb bayramingiz muborak bo‘lsin!

“Yerga oid munosabatlarda korrupsiyaviy omillarni bartaraf etish mexanizmlarini yanada takomillashtirish bo‘yicha qo‘shimcha chora-tadbirlar to‘g‘risida”gi Prezident Qarori qabul qilindi.

Qarorga muvofiq, Kadastr agentligining “E-YER NAZORAT” tizimi davlat yer nazoratini yuritishning yagona elektron platformasi hisoblanadi.

2026-yil 1-yanvardan maxsus vakolatli davlat organlarining yer qonunchiligiga rioya qilmaslik, jumladan, yerlarni o‘zboshimchalik bilan egallash, ularga tegishli choralar ko‘rishga oid vazifalari faqatgina “E-YER NAZORAT” tizimi orqali amalga oshiriladi.

Yerga oid huquqbuzarlik darajasiga ko‘ra hududlarni quyidagicha toifalarga bo‘lish belgilandi:

🔴 “qizil” toifadagi hudud – yer uchastkalaridan samarasiz foydalanish, yerlarni o‘zboshimchalik bilan egallash ehtimoli yuqori hududlar;
🟡 “sariq” toifadagi hudud – yer uchastkalaridan samarasiz foydalanish, yerlarni o‘zboshimchalik bilan egallash ehtimoli o‘rta hududlar;
🟢 “yashil” toifadagi hudud – yer uchastkalaridan samarasiz foydalanish, yerlarni o‘zboshimchalik bilan egallash ehtimoli past hududlar.

Bunda “qizil” toifadagi hududlarda maxsus dronlardan foydalangan holda har chorakda kamida 1 marotaba, “sariq” toifadagi hududlarda maxsus samolyot yordamida har 6 oyda kamida 1 marotaba monitoring kuzatuvlari olib boriladi.

🇺🇿 Aziz yurtdoshlar!

Sizlarni yurtimizning eng ulug‘ va eng aziz bayrami — O‘zbekiston Respublikasi Mustaqilligining 34 yilligi bilan samimiy muborakbod etamiz!

Mustaqillik bizga o‘z yo‘limizni tanlash, milliy qadriyatlarimizni tiklash, yangicha taraqqiyot sari dadil qadam tashlash imkonini berdi. Bugun mamlakatimiz ilm-fan, texnologiya, axborot-kommunikatsiya sohalarida ham yuksalib, dunyo hamjamiyatida munosib o‘rin egallab bormoqda.

Biz, “Geoinfocom DM” jamoasi, Siz bilan birgalikda zamonaviy texnologiyalarni joriy etish, hayotni yanada qulay va samarali qilish yo‘lida xizmat qilayotganimizdan faxrlanamiz.

Yurtimiz tinch, osmonimiz musaffo, hayotimiz farovon bo‘lsin!
Mustaqilligimiz abadiy bo‘lsin!

🎉 Bayram muborak, aziz vatandoshlar!

“Xotira abadiy, qadr muqaddas!”

9-may – Xotira va qadrlash kuni munosabati bilan barcha yurtdoshlarimizni samimiy muborakbod etamiz!

Bu sana – yuragimizda unutilmas iz qoldirgan mardlar, jasorat timsoli bo‘lgan ajdodlarimiz xotirasini e’zozlash, tinchlik va osoyishtalik qadriga yetish, Vatanga sadoqat bilan xizmat qilish ruhini uyg‘otuvchi muqaddas kun!

Yurtimiz osmoni musaffo, xalqimizga tinchlik va farovonlik tilaymiz!

7-may-Aloqachilar kuni bilan tabriklaymiz!

Axborot texnologiyalari va kommunikatsiyalarining rivojlanishi ko‘plab olimlar, muhandislar, texniklar, dasturchilar avlodlari – taqdiri aloqa sohasiga bog‘liq bo‘lgan har bir kishining mehnati natijasidir. Aloqa sohasi mutaxassislari o‘zlarining kundalik mehnatlari bilan mamlakatimiz taraqqiyotiga ulkan hissa qo‘shmoqdalar!
Aloqachilar kasb bayramini nishonlash uchun ushbu sana bejiz tanlanmagan.
Ma’lumki, 1895-yil 7-may kuni Aleksandr Popov birinchi radiopriyomnikni loyihalashtirdi va simsiz aloqa asosida birinchi seansni amalga oshirdi. Ushbu sana yillar davomida aloqachilar kasb bayramini nishonlanishiga asos bo‘ldi.
Aloqa sohasi mutaxassislarini kasbingizga bo’lgan vafodorlik, o’z ishiga bo’lgan shijoat hech qachon tark etmasin! Yangi zafarlar va marralar yor bo’lishini tilab, Geoinfocom!

Президент Шавкат Мирзиёев ер ҳисобини юритиш ва кадастр хизматини ривожлантириш бўйича қилинган ишлар ҳамда келгусидаги вазифаларга оид тақдимот билан танишди.(https://president.uz/uz/lists/view/8091)