ArabicTv

Do'stimiz, kursdoshimiz bilan tungi ikkida ibrat farzandlari loyihasi studiyasida ko'rishib qoldik. G'ulomjon turk tildan, biz arab tilidan darslar yozib bormoqdamiz. G'ulomjon bilan 10 yildan beri tanishmiz. Bundan keyin ham ko'plab loyihalarda birga faoliyat yuritish nasib qilsin. Loyiha asoschi va yetakchilariga baraka va yaxshiliklar tilaymiz. Umid qilamizki, bu ishlar uzoq yillar insonlarga manfaat keltirib turadi.

Ba'zida odamlar eng ko'p foyda keltiradigan ishlarga, zamonaviy sohalarga o'zlarini uradilar. Men bundan hayron qolaman. Sababi, "Har kim o'zi qiziqqan va qilishdan zerikmaydigan ish bilan shug'ullanishi kerak." deb o'ylayman. Insonlar bir-biriga muhtoj bo'lishi uchun turli yo'nalishlarga qobilyat va salohiyat bilan tug'iladilar. Hayotdagi birlamchi vazifalarimizdan biri esa, o'zimizdagi kuchli va zaif tomonlarni aniqlab, ularni shakllantirishda, ma'lum yo'nalishga tushib, shu bilan jamiyat rivojiga hissa qo'shishda. Bunda bizga ota-onamiz, ustozlar va umuman olganda jamiyat yordam beradi. Hammaga o'zi yaxshi ko'rib ishlaydigan sohani topish va shu bilan shug'ullanib yashash nasib qilsin!