Sergeli BXM

O‘zsanoatqurilishbank tomonidan Nukus shahri hamda Qo‘ng‘irot va Taxiatosh tumanlari tadbirkorlari uchun uchrashuv tashkil etildi. Unda oltmishga yaqin ishbilarmon doiralar vakillari qatnashdi.

2024-yilning 16-dekabr kuni Prezidentimiz raisligida banklar ishtirokida mahallalarda aholi bandligini ta’minlash va daromadli qilishga qaratilgan ustuvor vazifalar muhokamasi yuzasidan videoselektor yig‘ilishi o‘tkazilgan edi. Unda banklarning mahallalarda hokimliklar bilan muvofiq ishlash tizimi ko‘rsatib o‘tilib, har bir mahalla bo‘yicha maqsadli ko‘rsatkichlar belgilandi.

Shunga ko‘ra, joriy yilda O‘zsanoatqurilishbankka 711 ta, shu jumladan, Qoraqalpog‘iston Respublikasining Nukus shahri hamda Qo‘ng‘irot va Taxiatosh tumanlarida 30 ta mahalla biriktirildi.

Uchrashuvlarda dastlab aholi bandligini ta’minlash va daromadli qilishda bank tomonidan amalga oshirilayotgan ishlar, ushbu maqsadda tadbirkorlarni moliyaviy qo‘llab-quvvatlashda taklif etilayotgan xizmat va mahsulotlar haqida batafsil tushuncha berildi.

Qayd etish joiz, bank tomonidan 2025-yilda Qoraqalpog‘iston Respublikasida kichik va o‘rta biznesga 292,7 mlrd. so‘m, turli iqtisodiy dasturlar doirasida esa, 121,8 mlrd. so‘m miqdorida kredit ajratish rejalashtirilgan. Natijada 6200dan ziyod aholi qatlami doimiy ish va tadbirkorlikka jalb qilinishi hisobiga daromadli mehnat bilan ta’minlanadi.

Ochiq muloqot ruhida o‘tkazilgan tadbirda mahallalarning biznes imkoniyatlari muhokama qilindi. Tadbirkorlarning g‘oya va rejalari, ularni tadbiq etishda to‘sqinlik qilayotgan masalalar tinglanib, yechimi yuzasidan chora-tadbirlar belgilab olindi.

9-dekabr – Xalqaro korrupsiyaga qarshi kurashish kuni munosabati bilan O‘zsanoatqurilishbank tomonidan “Ochiq eshiklar kuni” o‘tkazildi. O‘zbekiston Respublikasi Korrupsiyaga qarshi kurashish agentligi bilan hamkorlikda tashkil etilgan tadbirda tegishli vazirlik va idoralar, tijorat banklari hamda ommaviy axborot vositalari vakillari ishtirok etdi.

Tadbirda O‘zsanoatqurilishbank tomonidan ISO 37001:2016 standarti talablariga muvofiq yo‘lga qo‘yilgan korrupsiyaga qarshi menejment tizimi talablari doirasida olib borilayotgan ishlar sarhisob qilindi.

Ta’kidlanganidek, tizim bank faoliyatida xatarlar xavfini kamaytirishga, manfaatdor tomonlar oldida oshkoralik va ishonchlilikni ta’minlashga, shuningdek muassasa va manfaatdor tomonlarni korrupsiyaning salbiy oqibatlaridan himoyalashga xizmat qilmoqda.

Korrupsiyaviy holatlarning oldini olish maqsadida 83 nafar rahbar xodim, shu jumladan Boshqaruv a’zolari “Manfaatlar to‘qnashuviga oid” onlayn test sinovlaridan o‘tkazildi, Bosh bank va hududiy tarmoqlardan 2130dan ziyod xodimlar korrupsiyaga qarshi boshqaruv tizimi, xodimlar zimmasidagi vazifa va funksiyalarni bajarishda yuzaga keladigan korrupsiyaga oid xavf-xatarlar hamda ularni baholash tizimi bo‘yicha o‘qitildi. Bu borada 515 nafar xodim o‘rtasida test sinovlari o‘tkazildi, korrupsiyaviy xavf-xatari yuqori bo‘lgan lavozimlar ro‘yxati shakllantirildi.

✅Президентимизнинг халқчил ташаббус ва ғоялари;

✅Ҳукумат олдига қўйган устувор вазифалар;

✅ “Ўзбекистон–2030” Стратегияси асосида ишлаб чиқилган, Олий мажлисда тақдим этилган Вазирлар Маҳкамасининг 5 йиллик Ҳаракат дастури 10 та устувор йўналишни қамраб олган.

Шунингдек ушбу йўналишлар доирасида иқтисодий-ижтимоий тармоқлар кесимида 400 та чора-тадбир аниқ белгилаб олинган.

Telegram | Facebook | Instagram | Youtube | Медиабанк

Joriy yilning 5-7-noyabr kunlari O‘zsanoatqurilishbank tomonidan Toshkent shahri, Toshkent va Sirdaryo viloyatlarida Prezidentimizning shu yil 5-iyundagi “O‘zbekiston Respublikasining «Manfaatlar to‘qnashuvi to‘g‘risida»gi Qonuni ijrosini samarali tashkil etish chora-tadbirlari to‘g‘risida”gi qarori ijrosini ta’minlash maqsadida “Ochiq eshiklar kuni” o‘tkazildi. O‘zbekiston Respublikasi Korrupsiyaga qarshi kurashish agentligi va Huquqni muhofaza qilish akademiyasi bilan hamkorlikda tashkil etilgan tadbirda tegishli idoralar, tashkilotlar va bank xodimlari, mijozlar hamda ommaviy axborot vositalari vakillari ishtirok etdi.

2024 yilning yanvar-oktyabr oylari davomida 146 nafar xodim xalqaro ISO 37001:2016 standart talablari bo‘yicha o‘qitilib, tizim ichki auditorlari sertifikatiga ega bo‘lgan. 2 mingdan ziyod xodimlarning korrupsiyaga qarshi kurashishga oid bilim va ko‘nikmalari oshirilgan. 3700dan ortiq xodimlardan manfaatlar to‘qnashuvi to‘g‘risida deklaratsiyalar yig‘ib olingan. 83 nafar rahbar xodim o‘rtasida ushbu yo‘nalishda test sinovlari o‘tkazilgan.

Pirovardida, bankning korrupsiyaga qarshi kurashish bo‘yicha faoliyati reyting natijalariga ko‘ra, “yaxshi” toifadagi tashkilot sifatida baholandi. Tashqi kuzatuv audit tekshiruvida bank faoliyatining ikkinchi bor xalqaro standartlarga mosligi tasdiqlandi.

Tadbirlarda ishtirokchilar “Manfaatlar to‘qnashuvi to‘g‘risida”gi qonun kuchga kirganidan keyingi davrda bank tizimida ijro intizomiga kiritiladigan talab va mexanizmlar bilan tanishtirildi.

Sanoatqurilishbankning qadrli mijozlari, hamkorlari!

Aziz hamkasblar!

Bugun bankimizning asos solinganiga 102 yil to‘lmoqda. Bu sanani nishonlar ekanmiz, uzoq yillik tariximizga nazar solib, erishilgan yutuqlarimiz bilan faxrlanamiz. Bankimiz o‘z mijozlariga sodiq bo‘lib, moliyaviy xizmatlar ko‘rsatishda doimiy ravishda innovatsiyalarni joriy etib, milliy iqtisodiyotimizni rivojlantirishga munosib hissa qo‘shib kelmoqda.

Bank faoliyatining har bir bosqichida fidokorona mehnat qilayotgan rahbariyat va xodimlarga minnatdorlik bildiramiz. Ularning har birining mehnati bizni yanada ulkan marralar sari yetaklaydi.

Bankimiz 102 yildan buyon mijozlarning ishonchini qozonib, moliyaviy barqarorlik va yuksak xizmat sifatini ta’minlash yo‘lida bir qadam ham orqaga chekinmagan. Kelajakda ham mijozlarimizni qo‘llab-quvvatlash va ularga yuqori sifatli xizmat ko‘rsatishni davom ettiramiz.

Sizlarga mustahkam sog‘liq, ulkan zafarlar va yangi yutuqlar tilaymiz. Sanoatqurilishbank kelajakda ham rivojlanib, mamlakatimiz moliyaviy sektorida ishonchli tayanch bo‘lib qoladi.

102 yoshing muborak bo‘lsin, qadrli SQB!

Bugun, 21-oktyabr kuni biz Oʻzbek tiliga davlat tili maqomi berilganining 35 yilligini nishonlamoqdamiz. Bu tarixiy sana — milliy tilimizga boʻlgan hurmat va iftixorning ramzi!

35 yil oldin, 1989-yilning 21-oktyabr kuni Oʻzbekiston Respublikasi Oliy Kengashining qarori bilan Oʻzbek tili davlat tili maqomiga ega boʻldi. Bu kun xalqimiz uchun katta bayram, tilimizga boʻlgan gʻurur va iftixorning ifodasidir.

Oʻzbek tili — boy va goʻzal til, milliy madaniyatimizning asosi, xalqimizning tarixi, urf-odatlari va qadriyatlarini oʻzida mujassamlashtirgan bebaho xazina. Davlat tili maqomiga ega boʻlishi bilan Oʻzbek tili rivoji uchun yangi davr boshlandi.

Bugungi k***a Oʻzbek tili barcha sohalarda, taʼlim, madaniyat, ilm-fan, davlat boshqaruvi va ommaviy axborot vositalarida faol qoʻllaniladi. Uning rivojiga boʻlgan eʼtibor k***an-kun ortib bormoqda.

Oʻzbek tilining rivoji uchun harakat qiluvchi barcha kishilarni, tilimizning boyligini asrab-avaylashga hissa qoʻshayotgan barcha vatandoshlarimizni bu muborak kun bilan chin dildan tabriklaymiz!

Bizning tilimiz — bizning maʼnaviyatimiz, bizning gʻururimiz! Uni asraylik, rivojlantiraylik va kelajak avlodlarga meros qoldiraylik!