Samarqand IIB I Rasmiy sahifa

"So'nggi qo'ng'iroq" tadbirlari davomida jamoat tartibi va fuqarolar xavfsizligi namunali tarzda ta'minlandi

Samarqand viloyatidagi barcha umumta'lim maktablarida "So'nggi qo'ng'iroq" tadbirlari yuqori saviyada, uyushqoqlik va eng asosiysi, xavfsizlik talablariga to'liq rioya etilgan holda o'tkazildi.

Mazkur tabirlar davomida ta'lim muassasalari hududida jamoat tartibini saqlash, o'quvchilar hamda fuqarolarning xavfsizligini ta'minlash, turli noxush holatlar, huquqbuzarlik va favqulodda vaziyatlarning oldini olish bo'yicha ichki ishlar organlari va boshqa hamkor tashkilotlar tomonidan namunali tarzda xizmat tashkil etildi.

Ushbu kompleks chora-tadbirlar "So'nggi qo'ng'iroq" bayramini ko'tarinki ruhda, osoyishtalik va xavfsizlik muhitida o'tkazishga xizmat qildi.

Juma - yo‘l harakati xavfsizligi targ‘ibot kuni

Samarqand viloyati IIB boshlig‘i tomonidan Toyloq tumanida yoshlar bilan uchrashuv o‘tkazildi

Joriy yilning 24-fevral kuni davlatimiz rahbari tomonidan yoshlar bilan o‘tkazilgan uchrashuvda belgilangan ustuvor vazifalar ijrosini ta’minlash maqsadida har haftaning payshanba kuni “Yoshlar kuni” doirasida joylarda yoshlar bilan muloqotni kuchaytirish, ularning muammolarini o‘rganish va yechim topishga qaratilgan qator amaliy ishlar olib borilmoqda.

Ana shunday tadbirlardan biri Samarqand viloyatining Toyloq tumanida tashkil etildi. Unda viloyat Ichki ishlar boshqarmasi boshlig‘i, general-mayor Toxir Aripov ishtirok etib, tumandagi yoshlar bilan ochiq muloqot o‘tkazdi.

Uchrashuv davomida yoshlarning ijtimoiy, iqtisodiy va huquqiy sohalarga oid muammo va takliflari atroflicha o‘rganildi.

Yoshlar tomonidan bildirilgan fikr-mulohazalar, takliflar mas’ullar ishtirokida muhokama qilinib, ularni hal etish yuzasidan aniq vazifalar belgilab berildi.