Kenneth Awn

TB Beisakna
Tuberculosis: TB tawh kisai theih ding a tuamtuam
TB ih cih bang a hiam?
Tuberculosis ahi a tomin TB natna apiangsak lungnote pen mihing khat tung pan adang mihing khat tungah huih tungpan kithehthang in kilawh thei hi. TB lungno in a diakdiak in tuap natna piangsak a, tua banah pumpi tung a om khuak, kal leh nungzang guh natna kingah thei hi. TB natna a nei mi khat pen a natna a kibawl kei leh kisi thei hi.
TB natna bang ci bangin kithei hiam?
TB natna a neite pen a ci nuam lo in a tha zaw den banah a pumpi gikna kiam in a ci sa in zan in khua ul nel kai thei hi. Tuap natna a neih leh akhuh suak in a awm na a, a khaksawh ah sisan om thei hi. Adang mundang pumpi ah TB natna a neih leh a natna mun tawh kizui in a tuamtuam in piang thei hi.
TB natna pen bang cih bangin kithehthang thei ahi hiam?
TB lungnote hang a tuap natna, tawlsung natna a neipa/nu in akhuh ciangin a hi zongin, nap a nit ciangin ahi zongin, a pau ciang in leh la asak ciangin a hi zongin a natna lungnote huih lakah kithehthang hi. Hih natna lungnote in akim a pam om dan tawh kizui in, huih lak ah nai tawm vei sung nungta thei hi. Tua huih lak a lungno a dik khate tungah natna kilawh thei hi. Tua pen latent TB infection kici hi. Upmawh lohpi a TB natna lungno lut kici hi.
TB natna lungno lut (kilawh) leh TB natna bangci kilamdan ahi hiam?
TB natna lungno a lut mite in bangmah cinatna nei lo hi, bang hang hiam cih leh tua lungnote in natna piangsak zo nai lo hi. Tua mah bangin TB natna a neih lam zong kilangh lo hi. Tua mah bangin a ma tungpan TB natna kingah thei kilawh thei lo hi. Ahi zongin nungsang ciangin TB natna ngah thei hi. Tua huhau in a maute pen TB natna a ngah lohna dingin kidalkholhna zaatui kipia in kibawl masa hi.
TB natna a nei cinate in a pumpi sunga lungnote tha hat mahmah ta a, cihnopna ah lungnote a zah tampi in khang in tam semsem a,pumpi sung a sihui atuamtuamte susia hi.Tua ciangin TB a neih lam hong kilangh khia a, amau kiang panin TB natna kilawh baih mahmah hi. Amaute pen TB natna a damsak zatui kipia pah hi.
Natna a nei nai lo TB lungno a nei khin khat tawh hun sawtpi ka om khawm thei hiam ?
TB lungno a nei khinte kiang pan bangmah hong lawh thei lo hi. Sawt veipi na om khop uh hangin TB nei maw nei lo cih zong sit sak kul lo hi. A zen a na omkhoppih pa/nu in TB natna a neisa ahih kei leh TB natna neite bang dan a hong kilat leh bel na TB test na bawlsak pah kul ding hi.
TB natna neisate tawh kinaii tak a ka om khop leh bang ci ding ka hi hiam?
TB natna neite in nisim a om pih a innkuante leh a naseppih a lawm a gualte tungah natna lawh baih mahmah hi. Tua bang dan a na innkuanpih ahih kei leh na naseppih khat peuh a om leh na siavuanpa kiangah ahih kei leh nang tawh kinaii penpen zato ah kisit sak in.
Bangci bang a TB kisit hiam?
TB lungno om leh om lo sitnate lak vun tung a sinna ahih kei leh TB si sitna kici hi. Vun pan TB sitna pen tuberculin kici zatuipen bantawn mun khat ah a vunsung d**g a tum dingin sun hi. Akisut zawh nai 48 pan nai 72 sungin zatui sutna tawh kisai a pianzia a thei ding zato nasemte khinsate kiangah kilak kik hamtang ding ahihi. Tua zatui sutna hangin TB natna lung pen na pumpi in bangzah in dal zo cih kiteh thei hi.
TB test ah (positive TB) acih pen bang a deihna ahi hiam?
TB test ah positive or plus a cih leh TB natna lungno om hi a cihna ahihi. A hi zongin TB positive bek tawh TB natna nei taktak ta ding maw cih akitheih cianna hi lo hi. Akician a theihna dingin a awm sungteng ‘x ’ ray zaih in a khaksawh zong laak kul ding hi.
Bacille Calmette – Guerin (BCG) a cih in bang ahi hiam?
BCG ih cih pen TB kidalna ding a zatui kisut pen ahihi. TB natna kidalkholhna in gam tampi ah hih zatui pen kilimzat mahmah a, ahi zongin US ah tua zahpi in kinak zat lo hi. BCG in TB natna pen dal zo taktak lo hi. A maan lopi TB positive khawng hong lak bungleh thei zaw hi.Bangbang ahih hangin BCG kisunsa khat pen TB lung nei maw nei lo cih tuberculin zatui kisun ahih kei leh TB blood test kibawl thei veve hi.
Bang hangin akiselcip TB lungno pen zatui tawh kibawl veve ahi hiam?
Akilangh khia nai lo TB natna a piangsak nai lo TB lungno neihna pen na siavuanpa in tua lungnote a si sak zatui ahi TB natna a pian ma kidalkholhna zatuite hong pia ding hi. Hih bang a zatui neek pen, tua lungnote in natna pia zo ding a, a muan mawh leh a pia pan ding ahihi.A diakdiak in mi pawl khatte TB lungnote lut leh TB natna a ngah thei baih ding pawl khat om hi.Tuate sungah HIV neite, a sawt naii lo a, TB natna neite tawh kinaii tak a, a om khawm ngeite leh zatui zaha tawh akibawl mi pawl khatte kihel hi.
Bangci bangin TB natna damna ding bang ci kibawl thei hiam?
TB natna pen zatui nam nih pan nam thum cih bangin kha guk pan kha 12 sung kipia hi. Tua zatui te siavuante vaikhak bangin bangmah kipelhna om lo a, maanmaan a nek ding uh kisam hi. A hun cing naii lo pi in a zatui neek a tawp leh TB natna ngah kik ding ahihi. Akivaikhak bang a, zatui maan maan a neek kei leh a si naii lo TB lungnote in tua zatuite thuak zawhna nei ding a, natna dam siang zo lo hi. Tua bang a zatui a thuak zo lungno a om huhau in, a dam sianna ding a haksat zawk banah sum zong tampi bei zaw hi. Mun khatkhatte ah cidamna zum lam pan zum nasemte in amau teekhteekh mah in cinapa/nu tawh va kimu in zatui va pia tangtang uhhi. Tua pen Mangpau in “ directly observe therapy “ a tom in DOT kici a, ei pau in zatui neek ding zum nasemte piak teekhteekhte a cihnopna mah ahihi. Tua huhau in cinapa /nu in a zatui maanmaan in ne a, akisam hun sungin natna dam sak hi.
Na theihnop beh lai leh: http://www.cdc.gove/tb
PHI > Protected Health Information, Personal Health Information
Private Notice - A tuam vilvel a theihsakna
Hih a nuai a theihsakna in na zatui neek tawh kisai a tuamtuamte theihsakna leh tua bang thute koi pan thei khia ding cih lam lahna ahihi. Tua hih manin a nuai a thute na en kik phapha in.
Tulsa Health Department (THD) te in nang natna tawh kisai a na zatui neekte leh na dam lohnate na imm sak ding hi ung.
A nuai a thute tawh kisai in na zatui neek leh na dam lohnate akisam bang in akizang thei dingin na pholaak sak ding hi ung.
Cina bawlna: Zato lupna tawh kisai ahi a, zato kilahna tawh kisai a hi zongin, nang natna tawh kisai hong panpihna innkuan siavuan Primary Care Provider (PCP)te tawh dot theihna ding leh sepkhop theihna dingin na kitheisak ding hi. Gentehna in zato nong kilak ni ding phawksak kikna leh bang ci bangin bawl ding, koi mun san tak hi ding cih bang zaksak kiknate ah kizop kul hi. Zato nasemte in na natna tawh kisai a etcik theihna dingin nang natna tawh kisai zatui zaha na neekte akipan kitheihsak masak kul hi. Tua bangin a theih kholh ciangin nang natna tawh kisai sansat kholhna nei in kigingsa in om thei hi.Tua bangin a kisai khempeuh akizaksak kim ciangin, kikhoi kibawl dan zong nuam pah in cinapa/nu in zong noptuamna pan dam siangna hong ngah thei zaw uhhi. Hih kizopnate online vive kizang a, tuate tawh nang natna tawh kisai theih saknop a om leh US bup ah kitheisak kawikawi thei hi. Hih pen nang cinatna tawh kisai a kitheisak bek ahihi. Gentehna in nang pen gamke (state) dang khat peuhpeuh ah na om lai takin zato tung zenzen lecin tua lai a siavuanpa in thei nuam ding ahih manin nang natna tawh kisai khempeuh zaksak loh a phamawh ding ahihi.
Tua banah nang natna tawh kisai thu piang bangbang a theihna dingin na innkuan siavuan kiang ah kam tawh ahi zongin lai tawh ahi zongin leh e mail tawh ahi zongin na theisak ding hi ung. Tua hi leh na siavuan in zong hong bawl dan ding tampi tak nuam tuam mahmah ding hi.
Sumpiak dan:
Na PHI ahi nang tawh thu kizaksakna tungtawn in na zato kahna tawh kisai na piak ding sum kisam zah hong theisak ding hi ung. Gentehna in Medicaid benefit a hih kei leh private insurance te tungah a akisam bangin thu na zasak ding hi ung.
Health Care Operation - Cidamna Ding Kep Zia
Nang ading a a phatuam a hoih zaw ding ahih nak leh nang cidamna tawh kisai thute (PHI) na theisak ding hi ung. Gentehna in na cidamna tawh kisai thute na en kikkik ding ung a, a kul bangin theihsak huaite na theisak in a hoih zaw a pha zaw a om leh tua bangin hong bawl phapha ding hi ung. Tua banah na nasepna ah insurance tawh kisai ahi zongin, Health Plan Employer Data and Information Set (HEDIS) akici na mailam cidamna ding geel kholhna tawh kisai in ahi zongin, a kisamte na thei sak ding hi ung. Gentehna in na nasepna insurance company te in a mau nasepna ah ma na pan zawh semsem na ding leh na cidamna dingin akisam kidalkholhna zatuite kisun khin hiam cih zong thei nuam ding uhhi.
A nuai a thute tawh kisai in zong na theisak ding hi ung. Tuate in:
• Zaksak ding phalna nong piakte tungah
• Thu kan zum panin kisamsa a hong ngette uh
• Naupang bawlsiatna leh don lohnate tawh kisai thu kannate ah
• Kidalkholhna zatui sut pen sang leh naupang kepna munte ah kizasak hi.
• Tulsa Cidamna Zumpi tawh kizom, kipawlna zato neu nonote tungah zong tua thute a imcip dingin thukimna kinei a, a maute tungah zong kizasak ding hi.
• Oklahoma gamke thukhun bangin a kisap leh; Gentehna in liamna baina leh cidamna tawh kisai zum a ten kul asak natnate, TB natna bang a akilawh baih thei natnate leh naupang bawlsiatna leh don lohna tawh kisai muanmawhna a neite department of human Service (DHS) a kizaksak ciangin, a kul bangin kizasak ding hi.
• Nang tawh kisai a lauhuai mahmah thute akisap leh Oklahoma upadi leh Tulsa City- County Health Department (THD) upadi tawh akituak nak leh midang khat peuh zong na theisak ding hi ung.
Gentehna: Mi khat peuh tungah ahi zong mi honpite tungah ahi zongin a lauhuai mahmah thu khat peuh a phattuamna ding ahih nak leh, nang tawh kisai akisam zah ciang na theisak ding hi ung.
Emergency Coordination: Sepkhop loh a phamawh:
Nang natna tawh kisai zatui zaha tuamtuamte zong, nang natna tawh akipeh thu a huam thute ahih nak leh adang family siavuan dangte zong tawh na kitheisak ding hi ung. Bang hang hiam cih leh amaute in zong nang cidamna ding tawh kisai muhna athak a neih uh leh zong hong panpih thei ding uhhi. Nang tawh kisai a thei ding a kilawm na innkuanpihte, na kinaiipih penpen hong kem hong khoi dingte tungah, sihna manna akipan natna gimna na tuah ciangin, ahun lap a hong don hong kem thei pah dingin na theisak ding hi ung. Gentehna in kul ka sak uh leh a kulna munmun ah, palikte, thu kizaksakna tadinsate, thu kizak mengmeng theihna munte ah na omna a thei ding, na innkuanpihte a theisak baih ding leh na omna a theih baihna dingin kizasak ding hi.
Lai tawh kigelh ngiat nang thukimna bek tawh nang tawh kisai thute (PHI) theisak ding.
Atung a akipulaaksate lo buangah nang thukimna om lopi in kua mah kitheisak lo ding hi. Tulsa cidamna lam zum (THD) pan adang theihsak nopna a om leh nang thukimna hong ngen masa ding hi. Nang thukimna ngen masa lopi in tangpi theih dingin ahi zongin sum bawl sum zuakna dan in kizang peuhmah lo ding hi. A zenzen in lai tawh thukimna na piaksa zong na phiat kik nop leh na ut hunin lai gelh in kiphiat kik thei hi. A hi zongin na piak khit leh na phiat kik ma a, a kizangsate pen kikheel kik thei lo ding hi.
Nang Thu Neihna
• Nang natna thu tawh kisai (PHI) a tung ate tung banah na theisak nop bangbang na theihsak nopte tungah suakta tak in theisak thei hi the.
• Nang natna thu tawh kisai hi zah ciang bek zaksak theih dingin ciangtanna na ngen thei hi. Ahi zongin ko kiang panin nang khut sung pan a kisam sum zah nong piak masak loh un thukimna nong ngen thei kei ding uhhi. Ko kong sepsakna uh tawh kizui in a kisam sum nong piak nak uh a, na insurance company te zaksak loh ding na deih uh leh zong ka theisak kei ding uhhi.
• Inn ah pai loh ding zong na gen thei hi.
• Lungsim cidam lote tawh kisai thu ciaptehna lo buang, na cinatna tawh kisai ciaptehnate na en thei ban ah copy na ngen thei hi.
• Zato lai sung a na natna tawh kisai maan na sak kei leh na kheel kik sak thei na puahsak kik thei hi.
• Na natna tawh kisai theihsak ding a phalna na piaksate na phiat kik thei na kheel kik thei hi.
• Nang natna tawh kisai akisai lote in thei in, zuih dng thukimna khat peuhpeuh ah palsatna thu piang khat peuhpeuh a om leh nang hong theihsak hamtang kul hi.
• Tua hong theihsakna pen kam tawh hi lo in laidal ngiat tawh nang bek hong theihsak hi ding hi.

Our Responsibility - Ko Panpih Dingte
Gambup upadi in in Tulsa Cidamna lam zumpite (THD) tungah a nuai a bangin thu pia hi.
• Cinate tawh kisai in amau tangthute imcip tawntung ding.
• Hih thu piakna lai zong theisak ding
• Hih thu tawh kisai thu piaknate zui in kem cing ding
• Hi thupiakte Gambup upadi phal lohpi in kheel thei lo ding.
• Thu piang tuamtuamte ciapteh leh koh theihna ding vaihawm sak khol hi.

Adang nang thu neihna akipan theihnop thuah laite leh nang tawh kisai thu piang a tuamtuamte na kan thuah nop leh a nuai ate tawh na kizom in.

HIPAA Privacy Officer HIPAA Compliance Officer
Priscilla Haynes Chanteau Orr
918 594 4822 918 595 4492
[email protected] [email protected]
Tua ban ah Secretary of Health and Human Service ah na koh pah nop leh a nuai a address tawh kizasak thei hi.

The US Department of Health and Human Service, The Office of Civil Rights
1301 Young Street, Suite 1169, Dallas, TX 75202
Telephone: 214 767 4056, 214 767 8940 (TDD)

www.cdc.gove

Ka post pan hong muak ing. A sawt loin ka article leh ka laibu panin lai tuamtuamte hong suaksak ding hing.

Ka page panin kong muak hi. Mailam hun ah ka articlete, laibute sungpan damdamin hong suah ding hi ing.