Mirebalais Promo4

Gen dat ki charye sou do l lavi tout yon nasyon, 18 novanm se youn nan yo ! Gen lòt dat ki fè yon pèp sonje yo dwe toujou gade nan menm direksyon, tankou premye janvye. Gen lòt dat ki fè n sonje nou se frè ak sè e nou dwe renmen youn lòt…

Jodia samdi 13 jen an p ap sèlman charye sou do l desten nou, l ap renouvle fyète nou devan je lemonn, l ap raple yo se nou ki bay libète batistè, ne nou ki wozo menm si l pliye k pa janm kase a. Jodia son jou nou tout nèt pral gade nan menm direksyon, e pandan 90 minit, lanmou pral pataje nan mitan nou sou tout fòm, pou fè n sonje kisa n ka fè, lè n deside met tèt ansanm.

11 jwè pral monte teren an, men se plis pase 11 milyon kretyen vivan nan 4 kwen mond lan ki pral met souf pou ede yo san kontan zansèt yo ! Nou Nan Batay !!!!

Grenadye, Alasoooo

Haïti🇭🇹 vs Écosse 🏴󠁧󠁢󠁳󠁣󠁴󠁿
Vin bay pronostic pa Nou

FIFA mande pou retire imaj ki sou mayo Ayiti a, li di ki se yon deklarasyon politik.

Imaj sa se yon ilistrasyon istorik ki selebre Revolisyon Ayisyèn nan sitou aprè kalifikasyon istorik nan jou batay Vètyè a menm. Sepandan, FIFA mande pou retire eleman grafik sa yo sou baz yo voye mesaj politik.

Se pa 1ye fwa yap refize ekipman pou Ayiti. Nan mwa fevriye a, designer Italyen-Ayisyen Stella Jean te oblije fè yon chanjman nan dènye minit nan inifòm ekip Olenpik ivè delegasyon Ayiti a, paske Komite Olenpik la te di yo vyole règ ki entèdi pwopagann politik nan espas Olenpik yo ak sou inifòm yo.

Imaj sa te montre Toussaint Louverture sou yon chwal wouj. Yo fè retire Toussaint epi kite cheval la sèlman. Fwa sa ankò, ekip la te swete onore sèl revolisyon esklav ki reyisi nan mond lan, sou sèn Koup-di-mond lan, men FIFA pa dakò.

Ke sa fè jwè yo konnen nan ki nivo Koup-di-mond sa se yon koz pèsonèl pou Ayiti epi montre imaj Vètyè ki pa sou mayo a sou teren an.

Alaso