UTUME FM RADIO 97.3MHz

Umepanga kuabudu usharika gani kesho?

.k.k.t_vijana_taifa

Tujiandae kwa Ibada.

Askofu wa KKKT-Dayosisi ya Kaskazini Mashariki Dkt. Msafiri Joseph Mbilu, amewataka Watheolojia wa KKKT-Dayosisi ya Kaskazini Mashariki waliopata mafunzo ya kozi maalumu ya Theologia katika Chuo Cha Kolowa Technical Training Institute (KOTETI) kuhakikisha wanakwenda kufundisha neno la Mungu kwa usahihi ili jamii iweze kuondokana na mafundisho potofu yanayoenea kwa kasi.
‎
‎Askofu Dkt. Mbilu ameyasema hayo leo tarehe 27/9/2025 katika mahafali ya wahitimu wa kozi ya Theologia ngazi ya cheti ambapo amesema kwa sasa kumekuwa na mafundisho potofu ya neno la Mungu na yanayoenea kwa kasi hivyo wahitimu wa kozi hiyo maalumu wametakiwa kwenda kuhakikisha wanahuburi neno la Mungu kwa usahihi wake.
‎
‎Askofu Dkt. Mbilu amesema Kanisa la Mungu linahitaji watumishi walio elimishwa vizuri ili kufundisha kweli ya neno la Mungu, huku akiwataka wahitimu hao kuhakikisha wanaendelea kujifunza zaidi juu ya Neno la Mungu.
‎
‎Kwa upande wake Askofu Johan Tyrberg kutoka Dayosisi rafiki ya Lund-Sweden alipokua akihuburi amewaasa Wahitimu hao kwa kusema kuwa sasa wanatumwa rasmi kwenda kuifanya kazi ya Mungu lakini katika utumishi wao hawako peke yao bali uwepo wa Mungu utakuwa pamoja nao katika wajibu waliyoitiwa shambana mwa Bwana.
‎
‎Kwa upande wao wahitimu hao wapatao 13 wametoa shukrani zao kwa Baba Askofu Dkt. Mbilu pamoja na Halmashauri Kuu ya KKKT-DKMs kwa kuona vema wao kupata mafanzo hayo maalumu yanayopelekea kubarikiwa kwao kuwa Wachungaji ifikapo tarehe 16/11/2025 katika Usharika wa Kanisa Kuu Lushoto.

Tanzia

Askofu wa KKKT-Dayosisi ya Kaskazini Mashariki, Dkt. Msafiri Joseph Mbilu, amepiga kura kwa ajili ya kuchagua viongozi kwenye uchaguzi wa serikali za mtaa katika Kituo cha kupigia kura cha Uwalu kilichopo Wilayani Lushoto Mkoani Tanga tarehe 27 Novemba, 2024.

Mkuu wa Wilaya ya Lushoto Mkoa wa Tanga Zephania Sumaye amesema zoezi la upigaji kura katika Halmashauri ya Lushoto linaendelea vizuri huku wananchi wakiendelea kusisitizwa kujitokeza katika vituo vya kupiga kura ili kuwachagua viongozi wanaowataka.

Sumaye ameyasema hayo mapema leo mara baada ya kuzindua zoezi la upigaji kura katika kituo cha kupigia kura kilichopo katika Kitongoji cha Chakechake na kuongeza kuwa hali ya usalama ni shwari na hakuna changamoto yoyote iliyojitokeza hivyo kila mwananchi aliyejiandikisha ajitokeze akapige kura katika kituo alichojiandikisha.

Ameongeza kuwa kamati ya ulinzi na usalama imejipanga vizuri kuimarisha ulinzi ambapo hata kubali kuona matukio yoyote yanayoashiria uvunjifu wa amani huku akiwataka wananchi wote mara baada ya kupiga kura kuondoka katika mazingira ya vituo vya kupigia kura.

Kwa upande wake Msimamizi wa uchaguzi wa Halmashari ya Wilaya ya Lushoto Ikupa Harsoni Mwasioge amesema kuwa katika Kitongoji hicho cha Chake Chake vipo vituo vya kupigia kura vilivyoongezwa ili kupunguza umbali kwa wapiga kura ambapo katika kitongoji hicho kina jumla ya vitu 30 hivyo wananchi waendelee kujitokeza katika zoezi hilo.

Nao baadhi ya wananchi ambao wamejitokeza katika zoezi hilo wamesema kuwa zoezi la kupiga kura linaendelea vizuri licha ya kuwepo changamoto ndogo ya utafutaji wa majina lakini wanashukuru uwepo wa wasimamizi kuwasaidia katika kutafuta majina yao na kupiga kura

Msemaji Mkuu wa Serikali, Thobias Makoba, amesema idadi ya vifo vilivyotokana na kuporomoka kwa ghorofa Kariakoo Jijini Dar es salaam imefikia 29 hadi kufikia leo November 26,2024 huku akisema lipo pia zoezi linaloendelea la kutambua miili mingine kwa kutumia teknolojia ya vinasaba(DNA) na wakishathibitisha watatoa taarifa.

Akiongea mchana huu Kariakoo, Makoba amesema "Mpaka kufikia muda huu ambao tunazungumza kwa bahati mbaya namba ya marehemu ambao tumethibitisha ni 29, kwahiyo namba imeongezeka kidogo tunaendelea kuwaombea wenzetu wapumzike kwa amani"

"Lipo zoezi linaloendelea la kutambua miili mingine kutumia teknolojia ya vinasaba (DNA) na wenyewe tutatoa taarifa tukishathibitisha Ndugu pamoja na miili ya wenzetu, kwa upande wa majeruhi idadi ipo palepale"