Sool post

Muuqaal muujinaya Diyaaradaha Mareykanka ee lagu raro ciidamada iyo saanadaha Hubka oo isaga sii baxaya Imaaraadka Carabta.

Mas’uul Sacuudi ah ayaa Al Jazeera u sheegay in difaaca Maraykanku uu si buuxda diiradda u saarayo Israa’iil, "mudnaanta siinayo" aana tixgelin ah la siinin difaaca dalalka Khaliijka Carabta, xataa iyagoo martigeliyey saldhigyo milatari oo Maraykan ah.

Sacuudiga, isha dhaqaalihiisa ugu weyn ayaa la taabtay saaka oo la qarxiyey, taas oo keentay in si KMG ah u joojiyo shaqada shidaal-sifeynta qaarkeed.

Khaliijka waxay toos baylah ugu noqdeen duqeymaha Iran, oo ilaa hadda dhankooda diyaarado Drone ah u ridaysa, halka gantaalaha guuxooda ku dheereeya Israa`iil u badan yihiin, waxayna tani muujinaysaa in Carabtu ay cidlo kusoo dhaceen.