Razan Graphics
Share
Creative senior graphic designer. I work as freelance designer and part time designer at Spacetoon? غرافيك ديزاينر شغوفة. بحب الفن وبعشق الألوان ..
Passionate graphic designer. Love art and adore colors ..
01/01/2026
مبارح وأنا عم صمم معايدة السنة الجديدة اللي استلهمته من روزنامة "الهاشمية" السورية 100%
لفت نظري توقيع الخطاط بخط غير مفهوم تماماً بالنسبة ألي تحت اسم اليوم بكل ورقة من أوراق الروزنامة وللصدفة اليوم بيطلعلي قصة الخطاط الحقيقة يلي استشهد بقصف جيش الأسد.
✨ الخطاط المبدع "أحمد الباري" اللي كتب هذا التقويم بخط أيده، ويَظهر توقيعُه (باري) أسفلَ أيامِ الأُسبوع
الأستاذ أحمد كتب المصحف الشريف 13 مرةً بخط أيده حاز عدَّةَ جوائزَ عالميةٍ، وشهاداتٍ تقديريةٍ.
أحمد الباري تلميذُ خطاطِ بلادِ الشام بدوي الديراني، وبدوي تلميذُ خطاطِ الدولةِ العثمانية رسا أفندي.
كان من سكان بلدة يلدا في ريف دمشق، استشهد بالقصف الأسدي الذي كان يستهدف يلدا رحمه الله وتقبّله.
✨ تقويم "الهاشمية" التابع لمطبعة الهاشمية أسسوا الفكرة عام 1917 يعني وصل عمر الروزنامة اليوم 108 أعوام، ولسا مستمرين بالطباعة والنشر واختيار نصائح وحِكم وراء كل ورقة من أيام السنة.
مطبعة الهاشمية الأشهر بسوريا يكاد لا يخلو بيت من روزنامة الهاشمية أو دفتر أو مفكرة من منتجاتهم. Hashemia Co. - المطبعة الهاشمية
31/12/2025
سنة حلوة يا حلوين 🎉💛
30/12/2025
بيكتب الواحد رأيه "الفنّي" بشي متعلق بسوريا وبنام؛ بفيق بلاقي أكتر من 500 تعليق من الرأي بدون الرأي الآخر 🔂
بدءً بـ:
مين أنتِ لتقولي رأيك؟
اخرسي بلا فزلكة!
انقعي رأيك واشربي ميته.
مروراً بـ :
مصممين الكانڤا طلعلهم صوت!
يا جاهلة يا سطحية يا هاوية يا متسلقة على المهنة.
لا تواخزيهم نسيوا ياخدوا رأيك ويحطوكي بالفريق.
انتهاءً بـ:
مابيلبقلكم غير الدعس!
له يا فلول ماتحملتي أنو بشار راح وترككم!
ياخاينة ياعميلة هدفك تحطمي البلد وتعيقي بنائها!
هاد كله وأنا عم بحكي عن وجهة نظر شخصية فنية بموضوع بيتعلق ببلدي فنياً ، ما أبدي رأي سياسي أو خدمي أو اقتصادي شو بصير ؟ 🤭😂
يلا خلصت حفلة العملة الجديدة وكل معركة وأنتو بخير نلقاكم بحفلة مطنطنة جديدة بالسنة الجديدة 🎉🌷🇸🇾
وبالحُب بالخناقات بالزّور بالدّور .. بدنا نعمرها ✌🏼🇸🇾
30/12/2025
عملة سوريا ولبنان الكبير..
مستوفي كل شروط اللي عم يخونونا وماعم يسمحولنا نعبر عن رأينا :
- مابمثل دين
- مابمثل حقبة تاريخية
- مشغول بفن وعناية وإبداع
- مستفيد من الأصالة والعراقة السورية بالنقوش والمعالم.
- فيها فيّ ومي ووجه حسن.
Razan Amouri
29/12/2025
معلش نحكي بصراحة وبدون مجاملات ومن وجه نظري كمصممة شغوفة بالتصميم والإبداع السوري؟
من تصميم الهوية البصرية إلى تصميم العملات الجديدة وتصاميم جانبية تمثل مؤسسات إعلامية أو خدمية بسوريا الجديدة: التصاميم عم تاخد نمط البساطة بشكل مبالغ فيه لدرجة السذاجة حتى !
أوك أنا وصلتني فكرة عدم ربط سوريا بحقبة زمنية معينة ، ومدركة لموضوع عدم اختزال البلد بعظمتها وأصالتها وتنوّعها برمز ديني أو عرقي.. بس سوريا فيها سحر خطير بخليك كمصمم تحتار من وين بدك تستلهم منها!!
النقوش السورية يا ناس الـ patterns عنا بحر من الإبداع والإلهام! كيف بتغفلوا عن أهم عنصر يخلي صورة سوريا نابضة بدون ما تستخدموا النقوش!
كيف ما بتستفيد كمبدع ومصمم من الموزاييك الدمشقي ونقش البروكار أو الجاكار ؟! كيف ما انتبهت للزخارف العربية الساحرة؟ كيف طاوعك قلبك ؟
طيب وين المعالم التاريخية السورية ؟ القلاع والأسوار والأقواس والحرف اليدوية ؟ هي كلها مع المحاصيل الزراعية بتمثل سوريا بدون إغفال شي على حساب شي تاني..
كان فيك تعمل أحلى لوحة فنية لو دمجت كل هي التفاصيل بألوان modern وروح الأصالة القديمة
عبقرية العملة كانت بتظهر لو قدرت تعطيها مظهر يخلي الناس قادرة بنظرة وحدة تقول "هنا سوريا"!
Razan Amouri
تلفزيون سوريا Syria TV تلفزيون سوريا أعاد نشر الفيديو تبعي "لقد كان الثمن باهظاً" ضمن برنامج #ريبوست 🔁
ممتنةلكل الدعم 🤍🙏🏻
8/12 شو صار؟
سقط النظام 😌🇸🇾
🇸🇾
وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ ..
🇸🇾
05/12/2025
اختبار سريع بعد عام على التحرير.. خلينا نعرف الطالب النجيب يلي مذاكر منيح .. من اللي انضم بالشوط الأخير
من 10 على كم سؤال عرفت تجاوب؟
أبناء سوريا الذين رسموا وأضاؤوا لنا طريق الحرية والحياة..
وغيرهم الكثير.. مجهولون في الأرض معروفون في السماء..
لقد كان الثمن باهظاً.. 🇸🇾🙏🏻
في ذكرى 🇸🇾🤍
الأغنية العظيمة "نحنا معكم" :
كلمات وألحان وأداء نصر حبال Naser Habbal
01/12/2025
نصيحة اليوم؛
خفف ضغط على المصمم مابتعرف ايمتى بينفجر 🌋
Click here to claim your Sponsored Listing.
Category
Contact the public figure
Telephone
Address
Istanbul