Masar With Samar

من المهم جداً انو نعرف كيف نعاقب الطفل ان كان بالتجاهل او الحرمان او بطرق مختلفة والاهم من هيك نشرحله سبب العقاب ، ونشرحله كمان النتيجة يلي صارت ،ونحاول نعززله دائماً السلوك الايجابي ..
كل الاطفال ممكن بهالوقت تمارس هاد السلوك لكن الاهم من هيك نعرف نحن كيف نتعامل معهم....💪🏻

هالفيديو لازم كل ماما ترجع تعيده مرة ومرتين وتلاتة لكن بدي اياكي هالمرة تسمعيه بوعي كامل...لانّ الفرق هنا يبدأ عند فهم حاجة الطفل والدخول الى عالمه الصغير💕


#تربية #طفل #توحد #مهارات #لغة #نطق #وعي #امومة #عقاب #طفولة

خمسة اخطاء منعملها مع طفلنا التوحدي❌
1️⃣ التركيز على الكلام قبل التواصل.
كتير أهل بيقولوا: “بدي ابني يحكي!”
بس مع الاسف، الطفل مستحيل يحكي قبل ما يتعلّم يتواصل.
يعني لازم نشتغل أول شي على التواصل البصري، الإشارة، التقليد، مهارات اللعب
2️⃣ الإلحاح الزايد وقت الطفل ما بيستجيب.
الطفل التوحّدي وقت نجبره على شي أو نضغط عليه كتير بحجة انو نحن عم نساعده يتعلم ، ممكن يزيد توتره ويتراجع لهيك الافضل انو نلاقي محفزات مناسبة اله باسلوب لطيف
3️⃣ تغيير الأخصائيين أو الأساليب بسرعة.
الطفل محتاج “متابعة” مو تجريب”.
الدماغ بيتعلم بالروتين، فكل ما كان الاسلوب ثابت اكتر، بتتثبّت المهارة.
4️⃣ العمل من غير خطة واضحة.
مو كل فيديو أو نصيحة من اليوتيوب ممكن تكون مناسبة لطفلك ،
لازم يكون في خطة علاج فردية نمشي فيها بخطوات واضحة مع متابعة أسبوعية.
5️⃣ تجاهل التفاصيل الحسية.
كتير سلوكيات منفكرها مشاكل سلوكية عند الطفل لكن مامنعرف انها ممكن تكون حسية ومزعجة للطفل
مثلاً: الضوء، الصوت، ريحة معينة، ملمس معين.لهيك إذا عرفنا السبب، بيتغيّر السلوك تلقائيًا للافضل

الوعي مهم جداً...هي أول بداية لتطور طفلك!💕


#التوحد #التربية #طفل

اذا شفتي طفلك التوحدي بلش يضحك وقت يتوجع او يتوتر ف لازم تبلشي شوي شوي تتعاملي مع مشاعره:
1️⃣ سميله له الشعور:
هيك منساعد دماغه يربط بين الموقف والعاطفة.

2️⃣ فرقي بين السلوك والمشاعر:
الضحك هو سلوك… بس مو دايمًا بيعكس مشاعره الحقيقية.
حتى لو ضحك، لازم نتعامل مع الموقف وكأنو متألم فعلًا.

3️⃣ تشتغلي على وعي المشاعر:
من خلال بطاقات تعبير الوجه، المراية، أو مع أخصائي،
لحتى يتعلّم يميّز مشاعره ويعبّر عنها بالشكل الصحيح.

هيك تدريجيًا، بيتعلّم الطفل يفهم نفسه أكتر…ويعبر عن مشاعره بشكل أفضل💪🏻💕




تربية_خاصة #التوحد

طفلك صار بعمر كبير ولساته بيرمي الألعاب أو بيكرر نفس الحركات؟
اللعب بيتطور تمامًا متل تطور الدماغ،
وبيمر الطفل الطبيعي بعدة مراحل
كل مرحلة من هدول بتدل على نضج معيّن بالدماغ .
لكن طفل التوحّد أو الطفل المتأخر بالنمو ممكن يطوّل بكل مرحلة أكتر من الطبيعي.
يعني إذا طفلك لسا بيرمي الألعاب أو بيكتشفها بتمّه،
فهو لسا بمرحلة اللعب الحسي أو الحركي،
وهذا يعني إنو بحاجة تدريب يناسب عمره النمائي

#التوحد