N7BK YA SA5TA BACH TFHM

☆ " خسرت ولد ضاع منّي، ما تخلينيش نزيد نخسر الثاني يهديك، سامحه، إحسبني أمّك ما توجعنيش أكثر ملي توجعت، خوذ بخاطري يا سي فاروق يرحم والديك 🙏 "
☆ و ردة فعل آسيا كيفاش خزرت لخوها و الدنيا دارت بيها.
☆☆☆ هذا نعتبرو من بين أروع المشاهد التي تم تصويرها في الدراما التونسية: آداء الممثلين و دقة في dosage d’émotion دون إفراط دون شح. طريقة تحريك الكاميرا و اختيار الخلفية مع الموسيقى التصويرية زادتو جودة و إقناع.
كي تتلاقى مخرجة متمكنة مع ممثلين محترفين ☆☆☆

كيد النساء
والله بالدموع😂😂😂😂
😂😂😂😂😂😂😂😂😂
نسكن مع حماتي وحمويا و عندهم 9 بنات معرسين لحذاهم ،يروحو لديارهم كان في الليل يجيبو رجالهم و اولادهم ياكلو و يشربو و يروحو، قلت لراجلي اكري لي،قالي مستحيل ..نقوم 5 متاع صباح نبدا القضية من نهار لي عرست قيلت يمكن تلاثة مرات، الفطور نطيب فالطنجرة متع العراس،ما نخرجش من الكوجينة حتى نص الليل، نقابل راجلي ساعات فالكلوار و كيف نكمل ونخلط عليه نلقاه رقد، تعبت برشا كاس ماء ما يهزوهش،قبل العيد عملت روحي نقضي،،هزيت بانو حطيت فيها الماء البارد، و رميتها في المسكوكة على أساس ماء سخون و بديت نعيط، زعما 😂😁 و نقول انا خاطيني انا خاطيني، مش انا لي قتلت لك اولادك، و جريت لبيت حماتي و بديت نكسر و نعيط بردت قلبي، لوزاتي اكل خرجو طلعو يجرو ، فيبالهم ضربني جن، حمويا حط يدو في جبهتي و بدا يقرا عليا و انا نبكي😂😁، و في قلبي ميتة بالضحك ، عيطو لراجلي جاب راقي و بدا يرقي و انا مغمضة عينيا،نقولهم اليوم نقتلهم ابعثوهالي ،و نسمي في لواساتي هاجر ندبحها وسمية نريشها وعندي سلفتي رتيبة ضربتها بكف وجها دار.... 😂
واحدة بواحدة و معاهم حماتي، و بعد الراقي زاد بدا يقرب،خزرتلو قتلو اليوم نحرق لك لحيتك😂😂😂 هرب يجري قاللهم الجن كافر 😂😁، الليلة هذيك لكل مشاو لديارهم , من غدوة اول مرة نقوم ل 10 متع الصباح، جاتني حماتي طرطقت عينيا فيها ،هربت تجري بعثت لي مع راجلي القهوة و كرواصون 😜😜دللتني ، جابو لي راقي واحد اخر دوب دخل نڨزت عليه هرب يجري، زادو جابو واحد اخر سنيه بعاد على بعضهم، هو يجي يقرا عليا، غير نشوف لسانو خرج بين سنيه، نولي نضحك😁😂 قالهم راكبينها برشا جنون و لازمها راقي متمكن، جابو لي واحد اخر ، قالي أوامرك أيها الجن، قتلو انا مبعوث و لهاذي الدار تقتلو فيها اولادي،، و كان ما تخرجش الي رمات الماء السخون من هاذ الدار، نقتلها و نقتلكم لكل ، نسمعهم يقولو مشات لمرا مسكينة عروسة جديدة 🤣🤣🤣 ايا نهار العيد مامسيت شي كل شي جاني لبلاصتي وتوا قالو لراجلي اكريلها وعيشو وحدكم بش تحل فينا كارثة غدوة منقلة لداري الجديدة😄😂😂💪💪💪💪💪💪
اقسم بالله لعظيم بالدموع😂😂
والله بالدموع😂😂😂😂

الف مبروك لسفيرة السعادة انس جابر ♥️♥️🌹

قال أحد المتزوجين : المرأة كالحذاء يستطيع الرجل ان يغير ويبدل متى وجد المقاس المناسب له

فنظر الحاضرون إلى رجل حكيم كان بين الجالسين وسألوه: مارأيك بهذا الكلام..؟؟

فقال: مايقوله الرجل صحيح تماما فالمرأة كالحذاء في نظر من يرى نفسه قدما..

وهي كالتاج في نظر من يرى نفسه ملكا فلا تلوموا المتحدث بل إعرفوا كيف ينظر الى نفسه ..!!

زليزية الحرقوس
هاو الطريقة القديمة متاع عزايزنا يرحمهم في زليزية الحرقوص🙂🤔
تحط فص الوشق في قاع الزلينزية و تهروش العفص و تحطو هو و العود قرنفل و تأخذ السواك تنفخو في الماء و تجبد تعصرو فوق الوجه متاع الزليزية و تأخذ الحديدة تبدى تحك فيها على الوجه لين يعمل ريتة و ترمي شوية سواك موش برشة و و تقفل بالعجينة و تحطها تطيب على روحها و ساعة ساعة ترشها بالماء و البلاصة اللي تتنفس تسدها بالعجينة وقت الي يطيب بعد سويعة إلا سويعة و نص هبطها و لفها في شوليقة مبلولة باش تعرق و خليها تبرد و اذا حد عندو حاشاكم حزازة تتنحى بالحرقوص السخون
هكا كانو يعملوا ناس بكري الزمنية الفوندو
الزليزية 💏 حكايات و خرافات ما توفاش
يقلك ما تحبش العفس و المشي و الجي و يقلك ما تطلعش على الايدين الكل و يقلك كيف الولية و تحب الرشوة ههه و يقلك ما تحبش العين و اهلنا و امالينا يرحمهم كانو كل شي يعملولو كارو و الزليزية عند الجدات بنهارها السواك و الوشق و العفص و عود قرنفل و الحديدة و عجينتها و لكلها تقعد قواعد لكن في النفس و العين عندهم حق راهو👁
ما فماش دار ما فاحتش فيها
ما فماش مرا ما عملتهاش
ريحة تونس البية
باش تفكرك الريحة هاذي 😍😍😍 ابداعاتكم عاد 😂🤣

هاذي دار في جربة قريبة للبحر مسكونة بسبب طفلة صغيرة كان إسمها " سلمى "كانت تحب تلعب على الشباك ديما وأ م سلمى كانت مريضة وما تنجمش تتحرك، وبوها الخدمة ماخذة وقتو الكل وديما البرا...

وفي ليلة سمعت سلمى صوت يناديلها من برا قامت من السرير ومشات تشوف شكون ينادي فيها.. شافت قطوس أكحل لوطا وما فما حد آخر رجعت للسرير لكن ما خافتش .. الصوت ناداها مرة أخرى.. مشات تشوف ما لقات كان القطوس فركزت على القطوس لقات القطوس هو إلي ينادي خافت حتى فقدت الوعي وبعد ما فاقت لقات القطوس في بيتها ولات تصيح وأمها مسكينة ما تنجمش تتحرك وهاك القطوس يقرب منها بالشوية وقرب من وذنها وقالها ماعادش تصدق الستاتيات الي يهبط فيهم الأيامات هاذم 🤫

💞💞💞دمتو فخر للساقية الشهيدة...مزيدا من التألق والنجاح 🥰🥰❤️ بيسان وبيلسان ايقونتان 💝💖❤️
🎬 توأم التحدّي نحو سماء الحلم... 🇹🇳✨

ماذا تعني كلمة (مرتي) ؟
يَستخدم الرجل العربي كلمة (مرتي) للتعريف عن زوجته،
طبعاً كثير من النساء للأسف تعتبرها كلمة شعبية أو (سوقية)،
يعني كلمة دون المستوى وفيها انتقاص من احترام المرأة،
وللأسف 99% لا يعرفون حقيقة هذه الكلمة،

كلمة (مرتي) هي كلمة آرامية الأصل وغير موجودة بقواميس اللغة العربية،
( مار .. ويعني سيد )
( تي .. ضمير الإشارة القريب للمؤنث باللغة الآرامية )..
فتصبح
مرتي = سيدتي..

انبسطي،، سيدتي،،
وكوني متأكدة أن الرجل العربي لو عارف معنى الاسم ما كان بيقولك مرتي..
كان سمَّاكي فاقعة مَرَارْتِي..
🥳

✅قيس سعيد ليس له قصر في سيدي الظريف ولا فيلا في الحمامات ولا عقارات ولا سيارات ثمنها مئات الملايين!!!!
دكتاتور لا يملك ارصدة بنكية منتفخة ولا أموال مهربة خارج الحدود ...!!

✅قيس سعيد لم نر زوجته تلقب بالماجدة او سيدة تونس الأولى أو حتى العاشرة رغم أنها قاضية متعلمة وتتفوق على سابقاتهامن جميع النواحي...

✅قيس سعيد أتت به الانتخابات بما يقارب 3 ملايين صوت (جميعهم أحياء يرزقون 🙂) ...!! وأغلبهم من الشباب ..
انقلابي لم ينحدر من العائلات المالكة او رجال الأعمال أصحاب البطون المنتفخة...

✅قيس سعيد بلا حملات انتخابية ولا سيارات تجوب الشوارع ولا ملصقات ولا دعايات ولا خموس ولا عاشور ولا حنبعل....
قيس سعيد ليس له حزب ولا مكاتب محلية ولا ابواق اعلامية ولا ... ولا شوكوطوم ولا مقرونة!!
رجل آمن بالشعب فآمن الشعب به (الاغلبية طبعا ) وكل رصيده هو ثقة مناصريه وشباب ذاق الأمرين من الاحزاب والحكومات المتعاقبة وكل مرة يعودون فيها بخفي (الغنوشي) ...وعصابة اللصوص ولد الباجي

✅قيس سعيد استاذ جامعي لم يكن ضابط كبير ولا وزير ولا حتى رئيس بلدية ولم يتولى اي منصب إداري في حياته فاي عقل بشري تريدونه ان يصدق ...
قيس سعيد فقط لانه جاء في صف الشعب ورفض الدخول في الاعيبكم القذرة...

✅لانه سحب البساط من تحت اقدامكم واعادكم إلى احجامكم الطبيعية وأصبحت اكبر احلامكم الفرار من العقوبات والسجون بعد ان كنتم تفسدون في الأرض بلا رقيب ولا حسيب ...

✅قال لا للاحتكار ولا للسمسرة بقوت الشعب ... قال لا لرجال الأعمال الفاسدين قال لا للتجارة بالدين .... قال لا في وجه من قالو نعم لذلك رفضه القوادة والفاسدين والخونة وعبدة الاحزاب الذين افلسو البلاد والعباد ... والحمد لله انهم قلة قليلة لن تستطيع تغيير الواقع ولا الرجوع بنا إلى الوراء ...

✅نحن مع قيس سعيد رغم اننا لم نتلق رشوة الخمسين دينارا ولا استمتعنا بطعم الشوكوطوم يوما ويشهد الله اننا لم نتذوق أيضا لذة المقرونة ولم نرها حتى باعيننا...
صفحتنا تونسي في تونس مدعم قيس سعيد فقط لأننا راينا فيه النية الصادقة للاصلاح ولا شيء غير ذلك ...

الى يدعم الرئيس قيس سعيد جام وبرطاجي

يخلق من الشبه اربعيييين هو ولا موووش هو😂😂😂👇👇👇👇

تونس الكل نحكيو على لؤي وعلى شخصيتو .. وقدّاش حاسّين بفخر كبير بيه هو وبزوجتُو ( هند الخياري ) اللي لا نعرفوها ولا شئ .. قدّاش شكرناها وحكينا عليها وعينينا قلوب قلوب، المثال الحقيقي لـ : وراء كلّ رجل عظيم امرأة .. بالمعنى متاعها الصحيح موش اللي فهّموهولنا وخلاّونا نخلقو حرب بين المرا والراجل.

اي نعم أعرف تختار في ها المشروع اللي كيفو كيف كلّ المشاريع .. أعرف تختار لعلّ الزمان يطول ! إختار المرا اللي تشجّعك على القضايا متاعك وأخلاقك ونواياك الصادقة، واختار الراجل اللي يشوفك نور وماء .. اللي يشوف قوّتك موش تهديد ليه و لرجوليتو بل سبب آخر باش يعتزّ بيك و يفتخر بيك قدام الناس

موش لازم نعرفوهم شخصيّا لؤي وزوجتُو، يكفي نشوفُو الأثر، ونحسّو بالإلهام. يكفي نعرفو اللي فمّا ناس مازالت تعيش بالمعنى الصحيح للرفقة، موش حرب أدوار، انت عليك الكرا و انا عليا الماء و الضو
بل تحالف أرواح.

فمّا رجال تبني و تطلع بيك لسابع سما و هوما ثيقتهم و امالهم الكل فيك وفمّا نساء تساند و ترا في ربي لفوق و راجلها لوطا بمعنى اعمق ملي كبرنا عليه (خوذ راجل و اكهو…)

ووقت يتلاقاو تولّي الحياة موش مشروع فردي .. تولّي رسالة مُشتركة، تولّي حبّ بنكهة نضج. وربّي يكثّر من هالناس اللي وجودهم يخلّينا نمّنو باللي الحبّ وعي وأسلوب حياة .. وإنّو الشريك الصحيح موش اللي يكمّلك وكلام هاك الأفلام، أما اللي يدزّك لمزيد من الروح، ويفكّرك: إنتي كافي، تستحقّ. Je dis bien تستحق …

تربينا كيف يحكيو الكبار ما ندخلوش فالهدرة
تربينا كيف ندقو على باب الجيران ناقفو بجنب الباب
تربينا منحلوش التلفزة كيف جار وإلا قريب يموت
تربينا كيف إثنين واقفين منشقوش بيناتهم
تربينا ناديو للي أكبر منا دادة و للّا و سيدي
تربينا نقولوا ربي يباركلك
تربينا نقولوا حاضر للّا و حاضر سيدي
تربينا نهزوا النعمة مالقاع و نبوسوها و نشرفوها
تربينا نعزو المقدار من باب الدار لسابع جار
تربينا عالضحك ساعة و البكاء مشوار
تربينا نقولوا صباح الخير و نهاركم طيب و نهاركم سعيد لكل واحد يعرضنا الصباح
تربينا ما نحكيوش بالناس و ما نضحكو على حد
تربينا على عز نفسك تصيبها النفس نفسك و انت طبيبها
تربينا عالحرام لا و متاع الناس للناس
تربينا عاليد الكبيرة
تربينا عالحشمة و القدر و الكلام الموزون