chabeb

نحكيو غرافيتي موش تصاور البلدية تحت القنطرة . موش علم بجنبو حمامة مصنطرة نحكي عاللي تسرسب في الليل و لبس ساك و كاغول . الحاكم يجس و العباد تعس و اللي يتعدى يقلك فاش تمس شبيك تمسخ في الحيط . فاش تعمل و وين قريت نحكيو عالكلاندستينوات اللي بدات بورقة و ستيلوات و كملت بحيوط و بومبات من غير دعم . من غير تشجيع . في وسط برشا تكنتير انت مازلت تخمم و المعلومة للساتيام تطير بعد gambatta و جان جوراس قلنا نزيدو في الفيتاس فتنا الكابيتال و تعدينا للأدغال هزينا بعضنا للغزاز ، ناس عشرة و اكثر مالعشرة و يعمل حتى اكثر في وقت الغصرة شباش نمسو؟ حيط سيدي عبد السلام و علاش الملام ؟ تي هي مقامات و قبور مهجورة ما يزورها كان بالعو حصرتو البولة في بلاد صغيرة و مغمورة لا فيها لا خدمة لا كورة اللي يصلي عالنبي يربح و من اول قطرة دهن بدات تربخ واحد مالصغار طار للعطار عدالو المعلومة مالأول وهقنا فيبالنا باش يعملو فلومة و ماراعنا كان بلاد كاملة تبوس و تستقبل بالزهومة محلاك يا حومة خضار يكوتيزي كابات و ما تخممشي في المبات و مولا الكوشة فرحان يجرب في الفوشة بلاد حية ماغير أحناش Energie ma toufech أحرار تفيق من غمزة و اللي ما عنداش ياخذ بلاش اي شعملتو؟ قرفتنا المقام و صوحبنا اللحام و كي جينا مروحين ، شعلنا الفلام أسمعني البيروقراطية تقتل الفن و الإدارة التونسية تعشق خنن الدولة تكرهنا و تسمع بينا تتجن قرفتنا في الشارع و الحاكم يفارع قرفتنا في خرب ناس تعيط و تسب شبيك تمسخ في الحيط ؟ شبيك عامل البطيط؟ نراك المرة الجاية تقرفت ، تتعدا لفندق الغلة مكرفت و غاديكا برا فض عندك رخصة ؟ لا ما عنديش عندك ترخيص؟ لا ما فوقيش عندك بطاقة ؟ الوزارة ما تحبنيش ما تقدرنيش ! ما تشجعنيش! باز ما علا باليش ما علابالي بدار ثقافة و شباب من صغري مسكرين في وجهي الباب غرامي مقموع من ايامات الروضة و الكتاب ما علاباليش بالمدير و اتباعو باللي سرقو و اللي باعوا مخوا صغار و جيوبو وساعوا اخرتها شنية؟ الشارع حكايات قرافورات و دونسورات رابورات و سكاتورات روبلة حوم و فيراجات و انت سقسي عاللي جاي ما تسقسيشي عاللي فات DEBO MOOV' Havock crew 🖋️ Rafed Rabbeh

Cet endroit n'est pas seulement avec des murs et des peintures, mais c'est le temple des arts tunisiens. C'est la vraie richesse de la Tunisie et le bon refuge pour les jeunes. Ce projet est considéré comme la réalisation la plus importante du gouvernement au cours des 10 dernières années.
Cité De La Culture De Tunis