Moder Moto

សំណុំរឿងសកម្មជនបរិស្ថាន៖មេធាវីនឹងប្តឹងឧទ្ធរណ៍ប្រឆាំងសាលក្រមសាលាដំបូង
លោកសំ ចំរើន​ សហមេធាវីការពារសិទ្ធិក្រុម​សកម្មជនចលនាមាតាធម្មជាតិបានប្រាប់វិទ្យុបារាំងអន្តរជាតិ​ RFI នៅថ្ងៃទី៤​ កក្កដានេះថា ក្រុមមេធាវីនឹងពិភាក្សាជាមួយកូនក្តីខ្លួនដើម្បីសម្រេចថា​ តើនឹងត្រូវប្តឹងឧទ្ធរណ៍ដោយរបៀប ណា។ ការលើកឡើងរបស់លោកមេធាវី សំ ចំរើនដូច្នេះ គឺបន្ទាប់ពីក្រុមសកម្មជនមាតាធម្មជាតិចំនួន ១០នាក់ត្រូវបានសាលាដំបូងរាជធានីភ្នំពេញកាត់ទោសឱ្យជាប់ពន្ធនាគារចន្លោះពី៦-៨ឆ្នាំ ក្រោមបទចោទរួមគំនិតក្បត់ និងប្រមាថអង្គព្រះមហាក្សត្រ។

ដើមបូព៌ា
លប់ទៅគេហទំព័រ / កម្ពុជា
កម្ពុជា-សិទ្ធិមនុស្ស
សំណុំរឿងសកម្មជនបរិស្ថាន៖មេធាវីនឹងប្តឹងឧទ្ធរណ៍ប្រឆាំងសាលក្រមសាលាដំបូង
លោកសំ ចំរើន​ សហមេធាវីការពារសិទ្ធិក្រុម​សកម្មជនចលនាមាតាធម្មជាតិបានប្រាប់វិទ្យុបារាំងអន្តរជាតិ​ RFI នៅថ្ងៃទី៤​ កក្កដានេះថា ក្រុមមេធាវីនឹងពិភាក្សាជាមួយកូនក្តីខ្លួនដើម្បីសម្រេចថា​ តើនឹងត្រូវប្តឹងឧទ្ធរណ៍ដោយរបៀប ណា។ ការលើកឡើងរបស់លោកមេធាវី សំ ចំរើនដូច្នេះ គឺបន្ទាប់ពីក្រុមសកម្មជនមាតាធម្មជាតិចំនួន ១០នាក់ត្រូវបានសាលាដំបូងរាជធានីភ្នំពេញកាត់ទោសឱ្យជាប់ពន្ធនាគារចន្លោះពី៦-៨ឆ្នាំ ក្រោមបទចោទរួមគំនិតក្បត់ និងប្រមាថអង្គព្រះមហាក្សត្រ។

ចុះផ្សាយ​នៅ​ថ្ងៃ៖ 04/07/2024 - 09:15
កែប្រែថ្ងៃទី៖ 04/07/2024 - 10:14
១៤ នាទី

ស្តាប់ - ០២:៥៤

ដោយ៖
អោ ស្រីពេជ្រ
ផ្សាយពាណិជ្ជកម្ម

មេធាវីមួយរូបនៃក្រុមមេធាវីការពារសិទ្ធិក្រុម​សកម្មជនចលនាមាតាធម្មជាតិលោកសំ ចំរើន បានលើកឡើងនៅថ្ងៃទី៤​ កក្កដានេះថា ក្រុមមេធាវីនឹងមានជំនួបជាមួយកូនក្តីក្នុងពេលឆាប់ៗនេះដើម្បីជជែកពីលទ្ធភាពប្តឹងឡើងទៅឧទ្ធរណ៍។ មូលហេតុ​ គឺមកពីពួកគេមិនអាចទទួលយកបានជាដាច់ខាតនូវសាលក្រមដែលសម្រេចដោយតុលាការជាន់ទាប។ តែ លោកមេធាវីសំ ចំរើននៅមិនទាន់អាចបញ្ជាក់បាននៅឡើយទេថា តើក្រុមមេធាវីនឹងត្រូវសម្រេចប្តឹងឧទ្ធរណ៍ដោយរបៀបណានោះ​ ដោយសារតែពួកគេនៅមិនទាន់បានជួបជាមួយកូនក្តី។

គួរដឹងថា ការដាក់ពាក្យបណ្តឹងឧទ្ធរណ៍នឹងត្រូវធ្វើទៅតាមនីតិវិធីច្បាប់ដែលអនុញ្ញាតឱ្យជនជាប់ចោទមានសិទ្ធិប្តឹងឧទ្ធរណ៍រយៈពេល​១ខែក្រោយការប្រកាសសាលក្រមនៅតុលាការ​ជាន់ទាប។ បើតាមលោកមេធាវី សំ ចំរើន ក្រុមមេធាវីការពារសិទ្ធិក្រុមសកម្មជនមាតាធម្មជាតិកំពុងជួបការលំបាកក្នុងការធ្វើដំណើរទៅជួបកូនក្តី ពីព្រោះពួកគេកំពុងត្រូវបានឃុំនៅក្នុងពន្ធធនាគារខុសៗ។

ទោះយ៉ាងណា មេធាវីដដែលរូបនេះអះអាង​នឹងព្យាយាមទៅជួបក្រុមសកម្មជនចលនាមាតាធម្មជាតិឱ្យបាននៅក្នុងសប្តាហ៍ក្រោយនេះ បន្ទាប់ពីលោកបានដំណឹងច្បាស់លាស់ពីការឃុំខ្លួនពួកគេ។ សូមរំព្ញកថា​កាលពីថ្ងៃទី២ កក្កដា សាលាដំបូងរាជធានីភ្នំពេញបានកាត់ទោសសកម្មជនចលនាមាតាធម្មជាតិចំនួន​១០នាក់ឱ្យជាប់ពន្ធនាគារចន្លោះពី ៦ឆ្នាំទៅ៨ឆ្នាំ ក្រោមបទរួមគំនិតក្បត់ និងប្រមាថអង្គព្រះមហាក្សត្រ។

ក្រោយចេញសាលក្រម មានសកម្មជនមួយ​ចំនួនត្រូវបានសមត្ថកិច្ចចាប់ខ្លួនភ្លាមៗ និងបញ្ជូនទៅឃុំនៅទីតាំង ៥ខុសៗគ្នា។ តាមលោកសាន់ ម៉ាឡា ប្រធានកម្មវិធីបណ្ដាញ និងតស៊ូមតិនៃអង្គការភាពជាដៃគូដើម្បីបរិស្ថាន និងការអភិវឌ្ឍ លោកថុន រដ្ឋា ត្រូវបានបញ្ជូនទៅឃុំនៅពន្ធធនាគារត្រពាំងថ្លុង កញ្ញាភួន កែវ រស្មីបញ្ជូនទៅឃុំនៅពន្ធធនាគារខេត្តពោធិ៍សាត់ លោក លី ចាន់ដារ៉ាវុធបញ្ជូនទៅឃុំនៅពន្ធធនាគារខេត្តកណ្ដាល។ ចំណែកសកម្មជន២នាក់ផ្សេងទៀតគឺ កញ្ញា ឡុង គន្ធាត្រូវបានបញ្ជូនទៅឃុំនៅពន្ធធនាគារខេត្តព្រះវិហារ និងលោក យីម លាងហ៊ីនៅពន្ធធនាគារខេត្តកំពង់ស្ពឺ។

ការកាត់ទោសក្រុមសកម្មជនបរិស្ថានទាំងនេះ បាន​នាំមកនូវប្រតិកម្មយ៉ាងព្រោងព្រាតពីបណ្តា​ប្រទេសលោកខាងលិច និងអង្គការអន្តរជាតិធំៗ រួមទាំងគណបក្សប្រឆាំងក្នុងស្រុកមួយចំនួនដោយពួកបានអំពាវនាវឱ្យរដ្ឋាភិបាល​កម្ពុជាគោរពគោលការណ៍ប្រជាធិបតេយ្យ សិទ្ធិមនុស្ស និងសិទ្ធិសម្តែងមតិដោយអហិង្សា។ ក្នុងថ្ងៃទី ៤ កក្កដានេះ​ អង្គការក្នុងស្រុកចំនួន ៥៣ស្ថាប័នបានចេញសេចក្តីថ្លែងការណ៍រួមមួយដោយចាត់ទុកការផ្តន្ទាទោសលើសកម្មជនចលនាមាតាធម្មជាតិជាការបំបិទសំឡេងសកម្មជនបរិស្ថាន និងជាការគំរាមកំហែងដល់សន្តិសុខជាតិដែលជារឿងគួរឱ្យអាម៉ាសសម្រាប់ប្រព័ន្ធយុត្តិធម៌ និងសម្រាប់ជាតិកម្ពុជា។ ប្រតិកម្មទាំងនោះត្រូវបានរដ្ឋាភិបាលកម្ពុជា តាមរយៈអ្នកនាំពាក្យលោក ប៉ែន បូណាឆ្លើយតបថា កុំយកសេរីភាព​បញ្ចេញមតិទៅលាយឡំជាមួយអំពើហិង្សា ត្បិតថាសេរីភាពបញ្ចេញមតិ និងអំពើល្មើសច្បាប់មិនដូចគ្នាទេ៕

ចុះផ្សាយ​នៅ​ថ្ងៃ៖ 04/07/2024 - 09:15