NETH Reading

កម្ពុជា ទទួលបានពានរង្វាន់ទេសចរណ៍ ក្នុងនាមជា «គោលដៅទេសចរណ៍សម្រាប់យុវជនឈានមុខគេ នៅអាស៊ី ប្រចាំឆ្នាំ២០២៦» ហើយនេះជាឆ្នាំទី៥ហើយ ដែលកម្ពុជាទទួលបានពានរង្វាន់ថ្នាក់តំបន់នេះពី World Travel Awards។ ក្រសួងទេសចរណ៍បានថាត់ទុកថាការទទួលស្គាល់នេះ គឺជាសមិទ្ធផលដ៏គួរឱ្យកត់សម្គាល់ របស់កម្ពុជា ដែលស្តែងចេញពី សក្តានុពលទេសចរណ៍ដ៏សម្បូរបែប។

ប្រភព៖ ស៊ីស៊ីថាមស៍

ប្រាក់ខែគោល «កម្មករ និយោជិត» សម្រាប់ឆ្នាំថ្មី ២០២៧ ឡើងដល់ ២១២ដុល្លារ ពោលគឺឡើងថែម ២ដុល្លារ

ប្រភព៖ ស៊ីស៊ីថាមស៍

ក្រុមជម្រើសជាតិកម្ពុជា និងក្រុមជម្រើសជាតិទីម័រខាងកើត នឹងត្រូវជួបគ្នាជាថ្មី នៅកីឡដ្ឋាន Kai Tak Sports Park លើទឹកដីហុងកុង នារសៀលម៉ោង៤ ថ្ងៃពុធនេះ ដើម្បីស្វែងរកក្រុមលេខ១ប្រចាំពូល B ឡើងទៅប្រកួតផ្តាច់ព្រ័ត្រជាមួយក្រុមលេខ១ពូល A ក្នុងពានរង្វាន់ FIFA ASEAN Cup 2026 (Division 2)។

ប្រភព៖ ភ្នំពេញប៉ុស្តិ៍

⛅ ព្យុះទី២៦ ឈ្មោះ ស៊ូរីហ្គាអេ(Surigae) បានថយឥទ្ធិពល ហេីយស្ថានភាពបែបនេះនឹងធ្វើឱ្យធាតុអាកាសចាប់ពីថ្ងៃទី៣០ ខែកញ្ញា ដល់ថ្ងៃទី២ ខែតុលា ឆ្នាំ២០២៦៖

* នៅតំបន់វាលទំនាប៖ សីតុណ្ហភាពពី ២៥°C - ៣៣°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ២០%។

* តំបន់ខ្ពង់រាប៖ សីតុណ្ហភាពពី ២៤°C - ៣១°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ៤០%។

* តំបន់មាត់សមុទ្រ៖ សីតុណ្ហភាពពី ២៥°C - ៣៤°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ១៥%។ រលកសមុទ្រចាប់ពី ០,៥០ម៉ែត្រ-១,៧៥ម៉ែត្រ។

ប្រភព៖ CNC

ខេត្ត៦របស់ថៃ រួមទាំងក្រុងអាយុធ្យា ប្រឈមជន់លិចដោយសារការបង្កើនការបញ្ចេញទឹកពីទំនប់ ចៅប្រាយ៉ា

ថៃ៖ អាជ្ញាធរធនធានទឹកជាតិថៃ (ONWR) នៅថ្ងៃពុធ ទី៣០ ខែកញ្ញា នេះ បានចេញការប្រកាសអាសន្នជាបន្ទាន់ បន្ទាប់ពីកម្រិតទឹកជំនន់បានហក់ឡើងខ្លាំង រហូតតម្រូវឱ្យមានការបង្កើនល្បឿនបញ្ចេញទឹកចេញពីទំនប់ ចៅប្រាយ៉ា (Chao Phraya)។ លំហូរទឹកដ៏សន្ធឹកសន្ធាប់នេះ កំពុងបង្កើតជាសម្ពាធយ៉ាងខ្លាំងដល់ពលរដ្ឋថៃក្នុងតំបន់ និងប្រឈមនឹងការលិចលង់ខេត្តចំនួន៦ នៅភាគកណ្តាលប្រទេស រួមទាំងក្រុងអាយុធ្យា (Ayutthaya)។

ប្រភព៖ ស៊ីស៊ីថាមស៍

អគ្គនាយកដ្ឋានពន្ធនាគារ នៃក្រសួងមហាផ្ទៃបានដឹកបញ្ជូនជនជាប់ឃុំចំនួន ១ ៨៣៧នាក់ពីពន្ធនាគាររាជធានីភ្នំពេញPJ នៅទីតាំងចាស់ ទៅឃុំបន្តនៅទីតាំងថ្មីស្ថិតនៅសង្កាត់ប្រទះឡាង ខណ្ឌកំបូល រាជធានីភ្នំពេញ ដោយជោគជ័យ និងសុវត្ថិភាព នៅថ្ងៃអង្គារ ទី២៩ ខែកញ្ញានេះ។

ប្រភព៖ ភ្នំពេញប៉ុស្តិ៍

មន្ទីរបរិស្ថានសម្តែងការសោកស្តាយ ខណៈដើមឈើធំៗនៅភ្នំឱរ៉ាល់បន្ត «បាត់ខ្លួនសល់តែគល់»

កំពង់ស្ពឺៈ ប្រធានមន្ទីរបរិស្ថានខេត្តកំពង់ស្ពឺ លោក ច័ន្ទថេត ថានរៈ បានអះអាងថា លោកមានការសោកស្តាយចំពោះការបាត់បង់ដើមឈើធំៗដែលត្រូវបានគេលួចកាប់បំផ្លាញ ហើយនឹងធ្វើការស្រាវជ្រាវស្វែងរកជនប្រព្រឹត្តបទល្មើស និងអ្នកពាក់ព័ន្ធ ដើម្បីអនុវត្តន៍តាមនីតិវិធីច្បាប់។

ការអះអាងនេះធ្វើឡើងនៅក្នុងលិខិតមួយនៅថ្ងៃអង្គារ ទី២៩ ខែកញ្ញានេះ ដែលជាការបំភ្លឺជាសាធារណៈចំពោះសារព័ត៌មាន និងប្រធានសមាគមយុវជនស្រឡាញ់ធម្មជាតិ លោក តាន់ គឹមសួរ ដែលបានធ្វើការចោទប្រកាន់លោកថា មិនបានឆ្លើយតប និងសហការទប់ស្កាត់បទល្មើសព្រៃឈើនៅក្នុងតំបន់ការពារធម្មជាតិភ្នំឱរ៉ាល់។

នាពេលថ្មីៗនេះ លោក តាន់ គឹមសួរ បានលើកឡើងថា លោកបានព្យាយាមផ្ញើព័ត៌មាន និងស្នើសុំកិច្ចសហការទប់ស្កាត់បទល្មើសព្រៃឈើជាមួយលោក ច័ន្ទថេត ថានរៈ តាមបណ្ដាញទំនាក់ទំនងសង្គម ប៉ុន្តែលោក ច័ន្ទថេត ថានរៈ បានគ្រាន់តែមើលសារ (Seen) ហើយមិនបានឆ្លើយតប។

លោកគឹមសួរ បានគូសបញ្ជាក់ថា៖«រាល់ពេលខ្ញុំដាក់លិខិតស្នើសុំកិច្ចសហការ លោកតែងតែឱ្យខ្ញុំទាក់ទងទៅក្រសួងបរិស្ថាន ដូច្នេះ ខ្ញុំសុំសួរលោកថា បើរាល់ករណីបទល្មើសដែលកើតមានឡើងនៅដែនសមត្ថកិច្ចរបស់លោក ខ្ញុំត្រូវទាក់ទងទៅសុំកិច្ចសហការពីក្រសួងបរិស្ថានដដែល តើត្រូវចាំបាច់អីមានមន្ទីរបរិស្ថាន?»។

បើតាមលោកគឹមសួរ ដើមឈើធំៗរាប់ពាន់ដើមត្រូវបានកាប់ផ្តួល ហើយប្រសិនបើការទប់ស្កាត់មិនមានប្រសិទ្ធភាពទេនោះ ដើមឈើជាច្រើនពាន់ដើមទៀតក៏អាចប្រឈមនឹងការបាត់បង់ដូចគ្នា ដែលបញ្ហានេះមិនមែនជារឿងតូចតាចឡើយ។

ក្រសួងបរិស្ថាននាពេលកន្លងមកបានអំពាវនាវឱ្យមានការចូលរួមសហការរបស់សហគមន៍ក្នុងការការពារធនធានធម្មជាតិ ហើយក៏បានណែនាំឱ្យមន្ត្រីពាក់ព័ន្ធពង្រឹងការគ្រប់គ្រងធនធានធម្មជាតិ និងការឆ្លើយតបចំពោះព័ត៌មានដែលរាយការណ៍ពីបទល្មើស។

លោកគឹមសួរ ក៏បានស្នើដល់រដ្ឋមន្ត្រីក្រសួងបរិស្ថាន លោក អ៊ាង សុផល្លែត ពិនិត្យជាក់ស្តែងទៅលើការអនុវត្តការងាររបស់មន្ត្រីថ្នាក់មូលដ្ឋាន និងប្រសិទ្ធភាពនៃការឆ្លើយតបចំពោះព័ត៌មានដែលសហគមន៍ និងសង្គមស៊ីវិលបានផ្តល់ជូន។

ទោះយ៉ាងណា តាមរយៈលិខិតបំភ្លឺនោះ លោក ច័ន្ទថេត ថានរៈ បានអះអាងងថា កន្លងមក មន្ទីរបរិស្ថានខេត្ត បានសហការជាមួយកម្លាំងគណៈបញ្ជាការឯកភាពរដ្ឋបាលស្រុកឱរ៉ាល់ សហគមន៍ តំបន់ការពារធម្មជាតិ ក្រុមបង្ក្រាបបទល្មើសធនធានធម្មជាតិ ដែលមានការគាំទ្រពីអង្គការសម្ព័ន្ធមិត្តសត្វព្រៃ (WA) អង្គការអភិរក្សអន្តរជាតិ (CI) អ្នកសារព័ត៌មាន និងក្រុមការងារលោក តាន់ គីមសួរផងដែរ ដោយបានចុះការបង្ក្រាបបទល្មើសធនធានធម្មជាតិក្នុងតំបន់ការពារធម្មជាតិភ្នំឱរ៉ាល់ «ដោយមិនមានការលើកលែងសោះឡើយ»។

លិខិតបំភ្លឺដដែលនេះបានសរសេរថា៖«មន្ទីរបរិស្ថានខេត្តកំពង់ស្ពឺ ពិតជាមានការសោកស្តាយចំពោះការបាត់បង់ដើមឈើ ដែលលោក តាន់ គឹមសួរ បានលើកឡើងថា ធ្លាប់បានឃើញ និងថតរូបជាមួយ ដែលជនខិលខូចបានលួចកាប់។ មន្ទីរបរិស្ថានខេត្តកំពង់ស្ពឺ នឹងបន្តនីតិវិធីស្រាវជ្រាវស្វែងរកជនប្រព្រឹត្តបទល្មើស និងអ្នកពាក់ព័ន្ធមក អនុវត្តន៍តាមនីតិវិធីច្បាប់ ស្របតាមក្រមបរិស្ថាននិងធនធានធម្មជាតិ»៕
ប្រភព៖ ភ្នំពេញប៉ុស្តិ៍

ជាថ្មីម្តងទៀត អ្នកការទូតថៃប្រចាំអង្គការសហប្រជាជាតិបានជំរុញឱ្យកម្ពុជាកុំយកបញ្ហាព្រំដែនទៅលើកឡើងនៅវេទិកាអន្តរជាតិ និងបានអះអាងថា ថៃគោរពបទឈប់បាញ់ថ្ងៃទី២៧ ខែធ្នូ ខណៈពលរដ្ឋកម្ពុជាប្រមាណ ២០,០០០នាក់ នៅតែបន្តជម្លៀសខ្លួនដោយសារការកាន់កាប់របស់យោធាថៃ។

ប្រភព៖ ភ្នំពេញប៉ុស្តិ៍

Breaking News 🚨

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនសាធារណជន អ្នកសារព័ត៌មានជាតិនិងអន្តរជាតិមេត្តាជ្រាបថា៖

នៅថ្ងៃទី២៩ ខែកញ្ញា ឆ្នាំ២០២៦នេះ វេលាម៉ោង ១១:០០នាទីព្រឹក នៅច្រកអន្តរជាតិជាំ-សាង៊ាំ ស្រុកអន្លង់វែង ខេត្តឧត្តរមានជ័យ ក្រុមលេខាធិការ នៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) យោធភូមិទី៤ កម្ពុជា និងកងទ័ពភូមិភាគទី២ ថៃ បានជួបប្រជុំក្រៅផ្លូវការ។ គណៈប្រតិភូកម្ពុជាដឹកនាំដោយ ឧត្តមសេនីយ៍ត្រី និត ណារ៉ុង ប្រធានលេខាធិការ (RBC) ភាគីកម្ពុជា និងគណៈប្រតិភូថៃដឹកនាំដោយ ឧត្តមសេនីយ៍ត្រី កាំផាក់ណាត វ៉ាផាន់ស៊ុ ប្រធានលេខាធិការ (RBC ) ភាគីថៃ។ កិច្ចប្រជុំនេះប្រព្រឹត្តទៅតបតាមការអញ្ជើញរបស់ក្រុមលេខាធិការ នៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) យោធភូមិទី៤ កម្ពុជា និងមានការចូលរួមសង្កេតការណ៍ ពីក្រុមអ្នកសង្កេតការណ៍អាស៊ាន (AOT)ប្រចាំរបស់ភាគីទាំងពីរផងដែរ។

ក្នុងកិច្ចប្រជុំក្រៅផ្លូវការនេះ ភាគីទាំងពីរបានពិភាក្សាអំពីការបន្តជំរុញការអនុវត្តឱ្យបានពេញលេញ និងប្រកបដោយប្រសិទ្ធភាពនូវខ្លឹមសារនៃសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥ ក្នុងនោះរួមទាំងការងារសម្របសម្រួលប្រតិបត្តិការ និងការដោះស្រាយបញ្ហានានាឈានទៅកសាងទំនុកចិត្តគ្នាទៅវិញទៅមក។

រាជរដ្ឋាភិបាល និងក្រសួងការពារជាតិកម្ពុជានៅតែបញ្ជាក់ពីការប្តេជ្ញាចិត្តយ៉ាងម៉ឺងម៉ាត់ ស្មោះត្រង់ សុចរិតក្នុងការគោរព និងអនុវត្តយ៉ាងពេញលេញ និងខ្ជាប់ខ្ជួនបំផុតសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ខែធ្នូ ឆ្នាំ២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ថ្ងៃទី២៦ ខែតុលា ឆ្នាំ២០២៥ និងកិច្ចព្រមព្រៀងពាក់ព័ន្ធផ្សេងទៀត ដើម្បីឆ្ពោះទៅការធ្វើឱ្យប្រសើរឡើងវិញឆាប់រហ័ស និងការវិលត្រឡប់ទៅរកប្រក្រតីភាព សន្តិភាព និងស្ថិរភាពយូរអង្វែង។

អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មានជាតិ និងអន្តរជាតិជ្រាបជាព័ត៌មាន៕

ប្រភព៖ ក្រសួងការពារជាតិ