Shan Knowledge

ပၢင်တိုၵ်းပွႆးသိုၵ်း ပဵၼ်မႃးၼပ်ႉႁိုင်ႁူဝ်ပီႊ
တႃႇယူႇသဝ်းငမ်းယဵၼ်လီ တိုၼ်းပႆႇငၢႆႈလႄႈ
ၵၢၼ်ၾိင်ႈငႄႈလိၵ်ႈလၢႆး ဢွၼ်ၽႃႈပွႆႇဝၢင်းဝႆႉသေ
တေပႂ်ႉငဝ်းလၢႆးလီၵွၼ်ႇ ၸင်ႇဢၢၼ်းသွၼ်ႇႁဵတ်းၸိုင်
ၸၢင်ႊၶိုင်မွတ်ႇႁၢႆၵႂႃႇၸွမ်း ၼႂ်းၵႄႈၽေးသိုၵ်းၵူၺ်း
ထုၵ်ႇၼပ်ႉၸင်ႈတူၺ်းသၢႆငၢႆမၼ်းသေ ၶိုင်ပွင်ၵႂႃႇလႆႈၵႃႊႁိုဝ်ၵေႃႈ
တေႃႈလီယုၵ်ႉယွင်ႈၾိင်ႈငႄႈလိၵ်ႈလၢႆး ၸိူဝ်ႉၶိူဝ်းၽႂ်မၼ်းၵႂႃႇယူႇယဝ်ႉ။

ပီႊမႂ်ႇတႆး 2119 ၼီႈ
---

ၼႂ်းပီႊၼႆႉ ဝၼ်းႁပ်ႉတွၼ်ႈပီႊမႂ်ႇတႆး တေတူၵ်းၺႃး ပီႊၶရဵတ်ႉ ဝၼ်းထိ 1 လိူၼ်ထူၼ်ႈ 12 ပီႊ 2024 ၶႃႈဢေႃႈ။ ဝၼ်းဢၼ်ႁူမ်ၸူမ်းပီႊမႂ်ႇတႆးတႄႉၸိုင် ဢိင်ၼိူဝ်ပိုၼ်ႉတီႈၽႂ်မၼ်း သၢင်ႇထုၵ်ႇၸိူင်ႉႁိုဝ် လိူၵ်ႈဢဝ်သေဝၼ်း ၼႂ်းတင်းလိူၼ်ၼၼ်ႉသေ ၵႆႉၶိုင်သၢင်ႈႁၢင်ႊပွင်ၵၼ်ၵႂႃႇယူႇယဝ်ႉ။

ပီႊမႂ်ႇတႆးထိုင်မႃး ႁႂ်ႈပေႃးၸၢင်ႊႁူႉပွင်ႇၸႅင်ႈလႅင်း လွင်ႈတၢင်းမၼ်းလီငၢမ်းဝႆႉၼၼ်ႉ ၶႅၼ်းတေႃႈ ၶဝ်ႈလဵပ်ႈႁဵၼ်းလႆႈ လိင်ႉၶ်တၢင်းတႂ်ႈ ဢၼ်ပၼ်ဝႆႉၼႆႉယူႇၶႃႈ။ 👇
https://shn.wikipedia.org/wiki/%E1%81%BD%E1%80%AD%E1%80%84%E1%80%BA%E1%82%88%E1%80%9D%E1%81%BC%E1%80%BA%E1%80%B8%E1%80%95%E1%80%AE%E1%82%8A%E1%80%99%E1%82%82%E1%80%BA%E1%82%87%E1%80%90%E1%82%86%E1%80%B8_(%E1%80%90%E1%82%86%E1%80%B8%E1%80%9C%E1%80%B0%E1%80%84%E1%80%BA)

#တၢင်းႁူႉတႆး

ၵူၼ်းၸၢႆးၼုမ်ႇႁဝ်းၶႃႈၶဝ်
သင်ၶႂ်ႈႁႂ်ႈ ဢဵၼ်ၼူၼႃႈဢူၵ်းယႂ်ႇၵီႊ
ၶႅၼ်းတေႃး ႁဵတ်းပၼ် Push Up
(လၢႆးဢဝ်တူဝ်တဝ်ႉၶိုၼ်ႈပိုၼ်ႉ)
ၼိုင်ႈဝၼ်းလႂ် 100 ၵမ်း ၶႃႈလႄႈ။

ၶႃႈၶဝ်တႄႉႁဵတ်း 25 ၵမ်း × 3 ႁွပ်ႈ
ၵူႊဝၼ်းၶႃႈဢေႃႈ။

သင်ယွင်ႈမၢၵ်ႇလဵၵ်း လႄႈ ႁဵတ်းၵၢၼ်လဵၼ်ႈႁႅင်းၽိုၵ်းသၢၼ်းၼႆႉ တိုၼ်းၶႅမ်ႉလႅပ်ႈသၢင်ႇထုၵ်ႇယူႇ။

ၵူၺ်းၵႃႊ တႃႇတူဝ်ၶိင်းလူင်ႁဝ်း
တေဢမ်ႇၼင်ႈယူႇ တင်းဝၼ်းတင်းၶိုၼ်းၼၼ်ႉၵေႃႈ လမ်ႇလွင်ႈႁႅင်းတေႉတေႉ။

တေႃႉတႄႉ ႁဵတ်းၵၢၼ်ၽိုၵ်းသၢၼ်း
မွၵ်ႈ 30 မိတ်ႉလႂ် 1 ၸူဝ်ႊမူင်းလႂ်ၵူၺ်းသေ
သမ်ႉၼင်ႈယူႇ တင်းဝၼ်းဝၼ်းတႄႉၸိုင်
ၽိတ်းပိူင်ႈလွၵ်းလၢႆးမၼ်းဝႆႉၶႃႈယဝ်ႉ။

#တၢင်းႁူႉတႆး

#သင်ၶႂ်ႈၸႂ်သိူဝ်းသႃႇ #ယူႇၵႂႃႇမိူၼ်ၼင်ႇဢမ်ႇႁူႉဢမ်ႇႁၼ်လႄႈ

မေႃႁူႉႁၼ်ၸွမ်း ၼိူဝ်ၵူႊတီႈၵူႊတၢင်းၼၼ်ႉ လီယူႇသေတႃႉ မၢင်ႊလွင်ႈမၢင်ႊဢၼ်သမ်ႉ ႁဵတ်းၵဵင်ႈဢမ်ႇႁူႉဢမ်ႇႁၼ်ပႅတ်ႈၵွၼ်ႇ ၸင်ႇတေၸႂ်သိူဝ်းသႃႇ လႆႈယဝ်ႉ။

ဢမ်ႇမီးၸဝ်ႈၵဝ်ႇ ဢမ်ႇပဵၼ်ၼႆ ၼႂ်းၶူင်းၵၢင်ၼႆႉ ဢမ်ႇမီး။ ပေႃးဢဝ်သၢႆလႅင်းလႅတ်ႇဢၼ်လဵဝ်ၵူၺ်း ထွင်ႇလႅင်းပၼ်လႆႈ လုမ်ႈၾႃႉၸိုင် ၶမ်ႈၶိုၼ်းမိုတ်း ဢၼ်ဝႃႈၼၼ်ႉၵေႃႈ တေဢမ်ႇမီးယဝ်ႉ။

ၼႂ်းၸူဝ်ႊပၢၼ်ၼႆႉ ၵုမ်ႇတေဝူၼ်ႉသွၼ်ႇပၼ် ၼိူဝ်ၵူႊတီႈၵူႊတၢင်းၸိုင် ၸဝ်ႈၵဝ်ႇၵူၺ်းတေႁိူဝ်ႉမွႆႈ။ ၽိုၵ်းသွၼ်ဝႆႉ မဵဝ်းလူဝ်ႇပွႆႇဝၢင်းၵေႃႈ ႁႂ်ႈပွႆႇဝၢင်းပႅတ်ႈလႆႈသေၵမ်း။ ၵွပ်ႈၸၼ်ၼွင်ႇဝႆႉလႄႈ တေလိူတ်ႇမႆႈၸိုင် ယႃႇပေယူႇၸွမ်းၼႂ်းတူင်ႇၼၼ်ႉႁိုင်ႁိုင်။ သင်ဢမ်ႇလူဝ်ႇယဝ်ႉပေႃးၼႆ မေႃလႅၵ်ႈလၢႆႊၵႂႃႇ ထၢင်ႇထၢင်ႇႁၢင်ႊႁၢင်ႊၼၼ်ႉ ပဵၼ်သၽႃႇဝၵူၼ်းယဝ်ႉ။

ၸင်ႇၼၼ် ၸဝ်ႈၵဝ်ႇထုၵ်ႇမႅၼ်ႈယူႇသေတႃႉ ယႃႇပေၶတ်းထဵင် ယူႇယဵၼ်ပႅတ်ႈၼၼ်ႉ ပဵၼ်ပၺ်ႇၺႃႇ မဵဝ်းၼိုင်ႈယဝ်ႉ။ သင်ထိုင်ၼႂ်းငဝ်းလၢႆး တူၺ်းႁၼ်ယူႇလႄႈ တေဢမ်ႇလူဝ်ႇလႆႈလၢတ်ႈသင်ၸွမ်းၸိုင် ႁဵတ်းၵဵင်ႈဢမ်ႇႁူႉဢမ်ႇႁၼ်ပႅတ်ႈတႃႉ။ ၵမ်ႈၽွင်ႈၼႆႉ တေဢမ်ႇမေႃပွင်ႇၸႂ် ၼိူဝ်ၵႃႊၶၼ်ၸေႇတၼႃႇၵေႃႈမီး။

ၼႂ်းၸူဝ်ႊပၢၼ်ၼႆႉ ဢၼ်ပၼ်ၵႂႃႇ တင်းၼမ်လႄႈ တေၶိုၼ်းလႆႈမႃး တင်းၼမ်ၼၼ်ႉ မီးမႅတ်ႉတႃႇၵွၺ်း။ ၵူၺ်းၵႃႊ သင်ၵႂႃႇပၼ်မႅၼ်ႈ ၵေႃႉဢမ်ႇၵိုင်ႇထိူၵ်ႈ မႅတ်ႉတႃႇၼၼ်ႉၸိုင် ဢၼ်တေၸၢင်ႊၶိုၼ်းလႆႈမႃး ပဵၼ်တၢင်းၼႅင်ၸႂ်။ ၼိူဝ်တၢင်းၼႅင်ၸႂ်ၼၼ်ႉ ဢဝ်ယဵၼ်းပဵၼ်တေႃးသသေ တႅၼ်းတီႈတေလႆႈတၢင်းၸဵပ်းပူတ်ႇ ၼိူဝ်မႅတ်ႉတႃႇဢၼ်ပၼ်ၵႂႃႇၼၼ်ႉ ႁဵတ်းၵဵင်ႈယူႇဢမ်ႇႁူႉဢမ်ႇႁၼ်ၸိုင် တေတိူဝ်းၵတ်းယဵၼ်ၸႂ် ဢမ်ႇႁၢင်ႉယဝ်ႉ။

#လႅင်းသိမ်ႇ #သႅၼ်ႁူဝ်
#သွၵ်ႈႁႃပိၼ်ႇတႅမ်ႈပဵၼ်ၾၢႆႇတႆး
#တၢင်းႁူႉတႆး

ယႃႈယႃ 5 မဵဝ်း ဢၼ်ၶႅမ်ႉလိူဝ်သုတ်း

(1) လဵၼ်ႈႁႅင်းၽိုၵ်းသၢၼ်း
(2) ၶဝ်ႈၽႃႈ ၼွၼ်းၸဝ်ႉၸဝ်ႉ
(3) ယူႇသဝ်းႁႂ်ႈၸႂ်မူၼ်ႊသိူဝ်း
(4) ဢွမ်ႇလႅတ်ႇၸူဝ်ႊၵႅပ်ႉ ၶၢဝ်းၵၢင်ၼႂ်
(5) ၵိၼ်ပၼ်ၼမ်ႉၼမ်ၼမ်

#တၢင်းႁူႉတႆး

Big shout out to my newest top fans! 💎 ဥယျာဉ် မှူး, သွင်ႁူဝ်ၸႂ် ႁူမ်ႈႁၵ်ႉ, Kham Hlaing Hom, Nang Zarm Hom, Luck Luck, Pu Loi, Ying Tai

Drop a comment to welcome them to our community,

ၽွင်းၼမ်ႉၼွင်း လီၽင်းထွမ်ႇၶေႃႈလၢတ်ႈၸဝ်ႈႁိူဝ်း
_______
“သၶႁ” ၵေႃႉပဵၼ်ၸဝ်ႈႁိူဝ်းတႄႉ လူႉသဵင်ႈမိူဝ်းၵႂႃႇ
ပုၼ်ႈတႃႇသႅၼ်းႁုၼ်ႈမႂ်ႇ တေသိုပ်ႇလုၺ်ႈၶၢမ်ႈ ႁွၼ်ၼမ်ႉၼွင်းလူင်
လိူဝ်သေပႃးထူင် သႂ်ႇတၢင်းႁူႉပၺ်ႇၺႃႇ ၼင်ႇမၼ်းၸဝ်ႈၼႄတၢင်းမႃး
ႁဝ်းႁႃးဢမ်ႇၸၢင်ႊမီးလၢႆးလႂ် ႁႂ်ႈပဵၼ်ႁႅင်းၸႂ် ပႆႁွတ်ႈထိုင်ယိူင်းမၢႆ

လႅင်းသိမ်ႇ(သႅၼ်ႁူဝ်)
9:00 AM 15/9/2024
ၶုၵ်းၶူၼ်ႉထိုင် လုင်းသႅင်ၸိုၼ်ႈ (သၶႁ) လူႉၶွႆႈ ၶွပ်ႈတဵမ် (13) ပီႊသေ

ၸူဝ်ႊပၢၼ်ႁဝ်းၼႆႉ ပေႃးဢမ်ႇႁဵတ်း လွင်ႈၸွႆႈထႅမ်ပိူၼ်ႈတၢင်ႇၵေႃႉ
ဢမ်ႇၸၢင်ႊဝႃႈလႆႈ ပဵၼ်ၸူဝ်ႊပၢၼ်ၵူၼ်း ဢၼ်ၵုမ်ႇထူၼ်ႈတဵမ်တၼ်း။

ၶေႃႈလၢတ်ႈ - မႃႇၻႃႇထႃႊရီႊသႃႊ

တူမ်ႈႁုင်မိုဝ်ႉၵႅင် ၶဝ်ႈၽၵ်းၼိုင်ႈပွၵ်ႈၵူၺ်းသေ သမ်ႉၶႂ်ႈၵိၼ်ၵႂႃႇ တႃႇတင်းၸူဝ်ႊတႄႉ မၼ်းဢမ်ႇၸၢင်ႊ။

တေႃႈၼင်ႇၼၼ် ပုၼ်ႈတႃႇၸိူဝ်ႉၶိူဝ်းဝၢၼ်ႈမိူင်းၵေႃႈ တေႃႉတႄႉ ယၢမ်ႈႁဵတ်းမႃး ၼိုင်ႈမိူဝ်ႈၼိုင်ႈပွၵ်ႈဢွၼ်ႇၵူၺ်းသေ သမ်ႉတေပႂ်ႉၸၢမ်ႇၽွၼ်းလီမၼ်းၵႂႃႇ တင်းၸူဝ်ႊၼၼ်ႉ ႁူႉတေႃႈတေယၢပ်ႇယူႇ။

ၵၢၼ်ၸိူဝ်ႉၶိူဝ်းဝၢၼ်ႈမိူင်း ဢၼ်ဝႃႈၼၼ်ႉ တၵ်းတေလႆႈႁၢပ်ႇ ႁဵတ်းၵႂႃႇဢမ်ႇထၢတ်ႇၵွၼ်ႇ ၸင်ႇတေၸၢင်ႊသွၼ်ႇဝႃႈ ၽွၼ်းလီမၼ်းတေ ၵိူတ်ႇဢွၵ်ႇၵွပ်ႇၵူႈ ၽေႈၸွတ်ႇႁူမ်ႇငမ်းထိုင်လႆႈ ၵူႊႁူဝ်ၵူၼ်းမိူင်းယဝ်ႉ။

#လႅင်းသိမ်ႇ_သႅၼ်ႁူဝ်
#ၶဵၼ်ႇတႅမ်ႈတႃႇၶူၼ်ႉ #ပဵၼ်ႁူးဢွၵ်ႇပၢႆးဝူၼ်ႉ
#တၢင်းႁူႉတႆး

Big shout out to my newest top fans! 💎

Nang Zarm Hom, ဥယျာဉ် မှူး, သွင်ႁူဝ်ၸႂ် ႁူမ်ႈႁၵ်ႉ, Kham Hlaing Hom, Luck Luck, Pu Loi, Ying Tai