Apr May

❝ Leadership ဆိုတာ ဘာလဲ ❞

ပထမဆုံး မေးချင်တာက
Leader ဆိုတာ ဘာလဲ၊
ဘယ်လိုလူ၊ ဘယ်လိုအရည်အချင်းရှိမှ
ခေါင်းဆောင်ကောင်းလို့ ခေါ်ထိုက်သလဲ။
တကယ်တမ်း Leader ဆိုတာ
Leadership လို့ ခေါ်တဲ့ ခေါင်းဆောင်မှုကို
နိုင်နိုင်နင်းနင်း တတ်မြောက်နေမှသာ
Leader (ခေါင်းဆောင်) ဆိုတာ ဖြစ်တာ။

ဒါဖြင့် ခေါင်းဆောင်မှုပညာ (Leadership) ဆိုတာ
ဘာလဲ၊ ဘယ်လို ဖွဲ့စည်းထားသလဲ၊
မေးချင်ရင် မေးစရာ ရှိလာတယ်။
Leadership ဆိုတဲ့
စကားလုံးတွေကို ခွဲထုတ်ရင်
တစ်လုံးချင်းစီမှာ အဓိပ္ပါယ်တွေ ရှိတယ်။
အဲဒီ တစ်လုံးချင်း အဓိပ္ပါယ်တွေနဲ့
ညီမျှမှသာလျှင် ခေါင်းဆောင်ဆိုတာ ဖြစ်တာ။

ကဲ.. ဘာတွေလဲဆိုတာကို ကြည့်ရအောင်။
အပြည့်အစုံက LEADERSHIP တဲ့။
တစ်လုံးချင်း ပြန်ခွဲထုတ်လိုက်ရင် -

◾ L (Loyalty) သစ္စာရှိတာ
ကိုယ့်အလုပ်ပေါ် သစ္စာရှိရမယ်၊
အလုပ်ကို သေချာကိုင်တွယ်ဖြေရှင်းရမယ်။
ကိုယ့်အလုပ်အပေါ် သစ္စာမရှိဘူးဆိုရင်
တာဝန်မဲ့တာ၊ ခေါင်းရှောင်တာ၊
အလုပ်ထဲမှာ အဆင်မပြေတာတွေနဲ့ပဲ
ရှေ့ဆက်တိုးနေရလိမ့်မယ်။
ဆိုလိုတာ ခေါင်းဆောင်ဆိုတာ
ကိုယ့်အလုပ်အပေါ် သစ္စာရှိ၊ တန်ဖိုးထားဖို့ရာ
အင်မတန် အရေးကြီးတယ်။

◾ E (Enthusiasm) စိတ်အားထက်သန်တာ
ကိုယ်က ခေါင်းဆောင်တာဝန်ယူထားပြီး
သူများထက် နောက်ကျနေလို့ ဘယ်ဖြစ်မလဲ၊
ကိုယ့်ငယ်သားတွေက ကိုယ့်ထက် စိတ်ပါနေရင်
ကိုယ့်ထက် အလုပ်အပေါ်မှာ အာရုံစိုက်နေရင်
ခေါင်းဆောင်နေရာမှာနေပြီး ခေါင်းရှောင်တဲ့
အတုယောင် ခေါင်းဆောင်ပဲ ဖြစ်နေလိမ့်မယ်။
ဒီ့အတွက် အလုပ်အပေါ် စိတ်နှစ်ဖို့ လိုတယ်၊
စိတ်အားထက်သန်မှု ပြင်းပြနေဖို့ လိုတယ်၊
ကိုယ့်ငယ်သားတွေအတွက် အားအင်ဖြစ်နေဖို့
သူတို့အတွက် ဒေါက်တိုင်တစ်ခု အားကိုးရာတစ်ခု
ဖြစ်နေဖို့ လိုကိုးလိုတယ်။

◾A (Attitude) စိတ်သဘောထားပြည့်ဝတာ။
အလုပ်,လုပ်တတ်ရုံ၊ အလုပ်မှာ တော်ရုံနဲ့
ခေါင်းဆောင်ကောင်း မဖြစ်သေးဘူးလို့ ဆိုရမယ်။
ဒါဆို ဘာလိုအပ်လဲ မေးရင် စိတ်သဘောထား
ပြည့်ပြည့်ဝဝရှိဖို့ လိုတယ်။
Attitude ဆိုတာ လိုတာထက် ပိုမဆူတာ၊
အပြစ်သေးသေးကို ချဲ့ကားပုံကြီးမချဲ့တာ၊
ခေါင်းဆောင်ရာထူးကို ယူပြီး
အာဏာပါဝါ မပြတာ၊ ဒါတွေပါ။

◾D (Discipline) စည်ကမ်းရှိတာ။
ကိုယ့်အောက်က ငယ်သားတွေကိုတော့
စည်းကမ်းတွေ တင်းကြပ်တယ်၊ သို့သော်
ကိုယ့်အလှည့်ကျ နေချင်သလိုနေမယ်၊
ပြောချင်ရာ ပြောမယ်၊ ဝန်ထမ်းကြောင့် ရတဲ့
အခွင့်အလမ်းတွေကို ခေါင်းပုံဖြတ်တယ်၊
ရလဒ်ဆိုးနေရင် ဝန်ထမ်းကို အပြစ်ပုံချတယ်၊
ဒါတွေဟာ Self-Discipline မရှိတာတွေပဲ။
ဒီလို လူမျိုးကို ဘယ်တော့မှ
ခေါင်းဆောင် မတင်သင့်သလို
ဘယ်တော့မှ ခေါင်းဆောင်လို့လဲ မခေါ်ထိုက်ဘူး။

◾E (Example) - စံနမူနာပြ ဖြစ်တာ။
ကိုယ်က သူများရဲ့ စံနမူနာပြ ဖြစ်နေပါစေ။
ကိုယ့်ရဲ့ ပုံရိပ်ဟာ ကိုယ့်ဝန်ထမ်းတွေမှာ
ရောင်ပြန်ဟပ်နိုင်တာမလို့ ကိုယ်လုပ်တဲ့အလုပ်က
သူများအပေါ် လွှမ်းမိုးနိုင်တယ်၊
သက်ရောက်မှု (Impact) တွေ ရှိတယ်။
မှားသွားရင် ခေါင်းခံဖြေရှင်းတတ်တဲ့စိတ်၊
ကိုယ့်အမှားကို ရဲရဲကြီး တာဝန်ယူစိတ်၊
သင်ခန်းစာ ယူလိုတဲ့စိတ်တွေ ရှိဖို့ လိုတယ်။
အဲလို ဖြစ်နေမှသာ ကိုယ့်ငယ်သားတွေက
ကိုယ့်ကို စံနမူနာ ယူတတ်မှာပါ။
ကောင်းမွေတွေ လက်ဆင့်ကမ်း ယူမှာပါ။

◾R (Respect) လေးစားတာ။
ကိုယ့်ထက် လစာဟာ ဆယ်ဆလောက်
နည်းပါးနေသူ ဖြစ်နေပါစေ၊
သူ့အပေါ်မှာ လေးစားဖို့လိုတယ်။
နှိမ်တာ၊ ကဲ့ရဲ့တာ၊ ချိုးဖဲ့တာတွေဟာ
ခေါင်းဆောင်ကောင်းတွေရဲ့ လုပ်ရပ်မဟုတ်ဘူး။
အသက်အရ ငယ်သည်ဖြစ်စေ
ဂုဏ်သိက္ခာအရ နည်းပါးသူဖြစ်စေ
ပညာဉာဏ် အားနည်းသည်ဖြစ်စေ
လူတိုင်းအပေါ် လေးစားသင့်တယ်။
လူတိုင်း လေးစားခြင်းနဲ့ ထိုက်တန်တယ်။

◾S (Skillful) ပညာရှင်ပီသတာ။
ကိုယ့်အလုပ်ပဲ လုပ်လုပ်၊
သူများ အလုပ်ပဲလုပ်လုပ်၊
အဓိက,က ကိုယ့်အလုပ်လို
သဘောထားပြီးတော့ လုပ်ဖို့လိုတယ်။
ခေါင်းဆောင်နေရာပဲ ယူထားပြီး
အလုပ်နဲ့ သက်ဆိုင်တဲ့အရည်အချင်း
ဘာဆိုဘာတစ်ခုမှ မရှိနေဘူးဆိုရင်
ဘာအဓိပ္ပါယ်မှ မရှိဘူး။

◾H (Hard working) ကြိုးစားမှု ရှိတာ။
ဘယ်အရာမှ လွယ်လွယ်ကူကူနဲ့ မရဘူး။
ကိုယ်ဖြစ်ချင်တာကို လုပ်ချင်ရင်၊
ခက်ခဲနေတဲ့အလုပ်ကို လုပ်ငန်းခွင်မှာ
လုပ်မယ်ဆိုရင် သူများနဲ့မတူဘဲနဲ့ ပိုကြိုးစားရတယ်။
ပိုလုပ်ရတယ်။
ဒါကြောင့်မို့ အောင်မြင်မှုဆိုတာ
လွယ်လွယ်နဲ့ မရဘူး။ အမြဲကြိုးစားရတယ်။

◾I (Integrity) အကျင့်စာရိတ္တ ကောင်းတာ။
ရှိတ်စပီးယာ ပြောဖူးတဲ့ စကားတစ်ခွန်းရှိတယ်၊
“ မင်းဆီမှာ ကမ္ဘာတစ်ခြမ်းလုံးကို ဝယ်လို့ရတဲ့
စည်းစိမ်ဥစ္စာတွေ ဘယ်လောက်ပဲ ရှိရှိ၊
မင်းမှာ အကျင့်စာရိတ္တကောင်းတစ်ခုသာ
မရှိနေဘူး ဆိုရင်တော့ မင်းဟာ လူမွဲပဲ ” တဲ့။
ပြောချင်တာ Morality မကောင်းရင်
လူဆိုတာ ရှင်သန်ရတာ အဓိပ္ပါယ် မရှိဘူး။
ခေါင်းဆောင်ဆိုတာလဲ အဲလိုပဲ၊
ကိုယ်က အကျင့်တစ်စက်မှ မကောင်းရင်
နောက်လိုက်တွေပါ အကျင့်ကောင်းဖို့က
ဝေးပါသေးတယ်။

◾Pride (ဂုဏ်ယူတတ်တာ)
ကိုယ်က အလုပ်မှာ Team တစ်ခုကို
ဦးဆောင်နေတဲ့သူဆိုရင်
ကိုယ် Team က အချိန်တိုအတွင်းမှာ
အလုပ်တွေ ပြီးစီးရင်
လုပ်ဖော်ကိုင်ဖက်တွေကို ဂုဏ်ပြုပေးပါ။
ချီးမွမ်းစကား ဆိုပါ။
အပေါ်မှာ ပြောသွားတဲ့
ခေါင်းဆောင်မှုပညာရပ်နဲ့ ပြည့်ဝရင်
ခေါင်းဆောင်ကောင်းလို့ ခေါ်ထိုက်ပြီပဲ ဖြစ်သလို
ဒီအရည်အချင်းတွေ ပြည့်ဝနေမှသာလျှင်
ခေါင်းဆောင်နေရာကို ပေးအပ်သင့်တယ်။

=============

ကျွန်မတို့ Chance Myanmar မှာ ပေါင်းသင်းဆက်ဆံရေးမှာ Next level ရောက်ဖို့အတွက် နှလုံးသားထဲရောက်အောင် စကားပြောနည်း Better Communication Class နဲ့ ဘဝမှာ ပိုပြီး ပျော်ရွှင်ရဖို့ လူတွေအကြောင်းကောင်းကောင်းသိနိုင်ဖို့အတွက် စိတ်ပညာ အခြေခံသင်တန်းဖြစ်တဲ့ Better Life Project Class တွေကို ဖွင့်လှစ်ထားပါတယ်။
ဒီသင်တန်းတွေမှာ ဘာတွေသင်မှာလဲ?
သင်တန်းကြေးကရောဘယ်လောက်လဲ ဆိုတာတွေ အသေးစိတ်သိချင်တဲ့သူတွေရှိရင် ဒီ Google Form ထဲမှာ ဖုန်းနံပါတ်ချန်ထားခဲ့လို့ ရသလို ကျွန်မတို့ရဲ့ Chance Myanmar 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞 𝐌𝐞𝐬𝐬𝐞𝐧𝐠𝐞𝐫 နဲ့ 𝟎𝟗 𝟗𝟒𝟎𝟎 𝟖 𝟒𝟒𝟒𝟒 ကို အခုပဲ ဆက်သွယ်နိုင်ပါတယ်။
👉Google Form Link - https://docs.google.com/.../1FAIpQLSdqpQEuoGIyw1.../viewform

https://www.facebook.com/profile.php?id=100071066881777