PSA Sports

အားရချက်ဗျာ UFCကကောင်တွေ Joshua Vanရှုံးမယ်ဘို့ခန့်မှန်းတဲ့ကောင်တွေ ငြိမ်နေပီ😆 congratulations Joshua Van🥰🥰

🔥 UFC 331 သတင်းစာရှင်းလင်းပွဲမှာ “ဗန်အသစ်” ကို မြင်လိုက်ရပြီ!

UFC 331 မတိုင်ခင် ပြုလုပ်ခဲ့တဲ့ သတင်းစာရှင်းလင်းပွဲမှာ Joshua Van နဲ့ Alexandre Pantoja တို့ရဲ့ စကားစစ်ထိုးမှုက ပွဲမစခင်ကတည်းက ပရိသတ်တွေရဲ့ အာရုံကို ဆွဲယူသွားခဲ့ပါတယ်။

အရင်က Van ဟာ ပြိုင်ဘက်တွေကို လေးစားမှုပြသပြီး စကားပြောတတ်တဲ့ ဖိုက်တာတစ်ယောက်ပါ။ ဒါပေမယ့် Pantoja နဲ့ ရင်ဆိုင်လာတဲ့အခါမှာတော့ အရင် Van နဲ့မတူတဲ့ ခပ်ပြင်းပြင်းပြောဆိုမှုတွေကို မြင်တွေ့ခဲ့ရပါတယ်။

ဒီလိုဖြစ်လာရတဲ့ နောက်ကွယ်မှာ အကြောင်းရင်းတချို့ရှိပါတယ်။

ပထမဆုံးအနေနဲ့ Van ဟာ UFC ရဲ့ အဓိက Event ကြီးတစ်ခုမှာ ပထမဆုံးအကြိမ် Main Event တာဝန်ယူရတာပါ။ ဒီလိုအဆင့်မြင့်တဲ့ ပွဲကြီးမှာ ပရိသတ်တွေရဲ့ အာရုံစိုက်မှုကို ထိန်းထားနိုင်ဖို့ကလည်း သူ့အပေါ် တာဝန်တစ်ခု ဖြစ်လာပါတယ်။

ဒါ့အပြင် Pantoja နဲ့ ပထမဆုံးတွေ့ဆုံခဲ့တဲ့ပွဲအပြီးက အကြောင်းအရာတွေကလည်း Van ရဲ့ စိတ်ထဲမှာ ကျန်ရှိနေသေးပုံရပါတယ်။

Pantoja ရဲ့ ဒဏ်ရာကြောင့် ပွဲရပ်တန့်ခဲ့ပြီး Van အနိုင်ရခဲ့တဲ့အပေါ် ဘရာဇီးပရိသတ်တချို့က သူ့ကို “ကံကောင်းပြီး ချန်ပီယံဖြစ်လာသူ” ဆိုတဲ့သဘောမျိုးနဲ့ ဝေဖန်ခဲ့ကြပါတယ်။ Pantoja ကိုယ်တိုင်လည်း ပထမပွဲရလဒ်ဟာ သူ့ရဲ့အမှန်တကယ်စွမ်းရည်ကို မဖော်ပြနိုင်ခဲ့ဘူးဆိုတဲ့သဘောမျိုး ပြောဆိုထားတာတွေ ရှိခဲ့ပါတယ်။

အဲ့ဒီစကားတွေကတော့ Van အတွက် လုံလောက်ပြီထင်ပါတယ်။ 😮‍💨🔥

ဒါကြောင့် UFC 331 သတင်းစာရှင်းလင်းပွဲမှာ Van က Pantoja ကို အပြန်အလှန် စကားလုံးတွေနဲ့ ဖိအားပေးလာခဲ့တာ ဖြစ်နိုင်ပါတယ်။

အခုတော့ ပွဲမစခင်ကတည်းက စကားနဲ့ အပူပေးထားကြပြီ။
တကယ့်အဖြေကိုတော့ Octagon ထဲမှာ ဘယ်သူက ဘယ်သူ့ကို အသာစီးယူပြမလဲဆိုတာနဲ့ပဲ ဆုံးဖြတ်ရတော့မှာပါ။ 🥊🔥

🇲🇲 Van ရဲ့ ဒီတစ်ခါ Trash Talk က ပွဲအတွက် ဖိအားပေးတာလား၊ ဒါမှမဟုတ် Pantoja ရဲ့ စကားတွေကို တကယ်တမ်း စိတ်ထဲထားနေတာလား?

🔥 Khamzat Chimaev က မကျေပွဲအတွက် ပြန်လာချင်နေပြီလား?

Khamzat Chimaev ရဲ့ အဓိကပစ်မှတ်ကတော့ သူ့ရဲ့ ပထမဆုံးရှုံးပွဲကို ပေးခဲ့တဲ့ Sean Strickland နဲ့ မကျေပွဲပြန်ထိုးဖို့ ဖြစ်နေပါတယ်။

ဒါပေမယ့် လက်ရှိ Middleweight ချန်ပီယံ Strickland အနေနဲ့ မကျေပွဲလက်ခံမလားဆိုတာ မသေချာသေးသလို၊ Nassourdine Imavov လို စိန်ခေါ်သူတွေကိုလည်း အခွင့်အရေးပေးဖို့ ရှိနေပါတယ်။

Chimaev ကတော့ နောက်ထပ် UFC ပွဲ မရသေးတဲ့အချိန်မှာ နပန်းပြိုင်ပွဲတွေဘက်ကို ဆက်လက်ဝင်ရောက်ပြီး အတွေ့အကြုံနဲ့ ဝင်ငွေကို ရှာဖွေနေပါတယ်။ ဇွန်လမှာ Dillon Danis ကို အနိုင်ယူထားပြီး မကြာခင် Tyron Woodley နဲ့လည်း ထပ်မံယှဉ်ပြိုင်ဖို့ ရှိပါတယ်။

Strickland နဲ့ ပထမပွဲမှာတော့ Chimaev ရဲ့ Takedown အားကို Strickland က ကောင်းကောင်းတားဆီးနိုင်ခဲ့တာကြောင့် Chimaev အနေနဲ့ အရင်လို လွယ်လွယ်ကူကူ ပွဲကို ထိန်းချုပ်နိုင်ခြင်းမရှိခဲ့ပါဘူး။

အခုတော့ Khamzat Chimaev အတွက် တစ်ခုတည်းသော ရည်မှန်းချက်က ပထမဆုံးရှုံးပွဲကို ပြန်လည်ချေဖျက်ဖို့ ဖြစ်နေပြီလား?
Strickland က မကျေပွဲလက်ခံလာမလားဆိုတာ စောင့်ကြည့်ရတော့မှာပါ။ 🥊🔥

🥊 ဒိုင်ယာခါယက်ဗ်က စူပါလတ်ကို TKO နဲ့ ထပ်မံအနိုင်ယူ

ဒိုင်ယာခါယက်ဗ်နဲ့ စူပါလတ်တို့ရဲ့ ဒုတိယအကြိမ်တွေ့ဆုံမှုကတော့ ဒုတိယအချီ TKO နဲ့ အဖြေပေါ်သွားခဲ့ပါပြီ။

ပထမအချီမှာ စူပါလတ်က Low Kick တွေကို အဓိကအသုံးပြုပြီး အကွာအဝေးထိန်းကာ တန်ပြန်တိုက်စစ်နဲ့ ကစားနိုင်ခဲ့ပါတယ်။ အချီအတွင်းမှာလည်း တံတောင်ချက်တစ်ချက်ကြောင့် ဒိုင်ယာခါယက်ဗ် ခဏတာ ယိုင်ထွက်သွားခဲ့ပါသေးတယ်။

ဒါပေမယ့် ဒုတိယအချီမှာတော့ အခြေအနေပြောင်းလဲသွားပါတယ်။ ဒိုင်ယာခါယက်ဗ်က ဖိအားပေးတိုက်စစ်ဆင်ပြီး ကြိုးဝိုင်းဘေးမှာ လက်သီးတွဲလုံးတွေနဲ့ ထိုးနှက်ခဲ့ရာ စူပါလတ် လဲကျသွားခဲ့ပါတယ်။

အဲဒီနောက် စူပါလတ်ဟာ ခြေထောက်ဒဏ်ရာရရှိထားပုံရပြီး ပြန်လည်မထနိုင်တော့တာကြောင့် ဒိုင်က ပွဲကိုရပ်တန့်ပေးခဲ့ပြီး ဒိုင်ယာခါယက်ဗ်ကို TKO နဲ့ အနိုင်ပေးခဲ့ပါတယ်။

ဒီရလဒ်ကြောင့် ဒိုင်ယာခါယက်ဗ်က စူပါလတ်ကို ၂ ပွဲဆက် အနိုင်ရထားတဲ့ မှတ်တမ်း ရရှိသွားပြီဖြစ်တာကြောင့် တတိယအကြိမ် မကျေပွဲအတွက် အကြောင်းပြချက်ကလည်း သိပ်မကျန်တော့ပါဘူး။

အထူးသဖြင့် စူပါလတ်ရဲ့ ခြေထောက်ဒဏ်ရာကတော့ လာမယ့်အောက်တိုဘာမှာ စီစဉ်ထားတဲ့ Flyweight Kickboxing ခါးပတ်လုပွဲ အပေါ် သက်ရောက်မှုရှိလာမလားဆိုတာ စောင့်ကြည့်ရတော့မှာပါ။

🥊 နဘီးလ်ကို အနိုင်ယူခဲ့တဲ့ စူအာကင်

အပြန်အလှန် ထိချက်ပြင်းပြင်းတွေနဲ့ အတော်လေးကြည့်ကောင်းခဲ့တဲ့ ပွဲတစ်ပွဲဖြစ်ခဲ့ပါတယ်။

ပွဲအစမှာတော့ နဘီးလ်က Knockdown ခံခဲ့ရတာကြောင့် အမှတ်ပိုင်းမှာ အသာစီးရဖို့ ခက်ခဲသွားခဲ့ပါတယ်။ ဒါပေမယ့် ဒုတိယချီအဆုံးပိုင်းကစပြီး နောက်ဆုံးချီအထိ ထိထိရောက်ရောက် ပြန်လည်တိုက်ခိုက်နိုင်ခဲ့ပါတယ်။

အထူးသဖြင့် နောက်ဆုံးအချီမှာ နဘီးလ်ရဲ့ ထိုးချက်တွေက စူအာကင်ကို အတော်လေး ထိခိုက်စေခဲ့ပေမယ့် စူအာကင်ရဲ့ ခံနိုင်ရည်ကောင်းမွန်မှုကြောင့် အလဲမကျခဲ့တာပါ။

နောက်ဆုံးမှာတော့ အစောပိုင်းရရှိထားတဲ့ Knockdown အမှတ်က အဆုံးအဖြတ်ဖြစ်လာပြီး စူအာကင်က အမှတ်နဲ့ အနိုင်ရရှိသွားခဲ့ပါတယ်။

👉 Knockdown တစ်ချက်က ပွဲရဲ့ ရလဒ်ကို ဘယ်လောက်အထိ ပြောင်းလဲနိုင်လဲဆိုတာ ပြသခဲ့တဲ့ ပွဲကောင်းတစ်ပွဲပါ။

🔥 နာမည်တူ “Flores” နဲ့ ထပ်မံရင်ဆိုင်ရတော့မယ့် Stamp Fairtex!

ONE Championship ရဲ့ နာမည်ကျော်ဖိုက်တာ Stamp Fairtex ဟာ လာမယ့် ONE Fight Night 47 ပြိုင်ပွဲမှာ အမေရိကန်ဖိုက်တာ Selina Flores နဲ့ ထိပ်တိုက်တွေ့ဆုံသွားမှာ ဖြစ်ပါတယ်။

စိတ်ဝင်စားစရာကတော့ Stamp ဟာ အရင်ပွဲတုန်းကလည်း Cynthia Flores နဲ့ ယှဉ်ပြိုင်ခဲ့ဖူးပြီး၊ ဒီတစ်ကြိမ်မှာတော့ Flores မျိုးရိုးနာမည်တူ နောက်ထပ်ပြိုင်ဘက်တစ်ယောက်ကို ရင်ဆိုင်ရတာ ဖြစ်ပါတယ်။

ဒဏ်ရာအနားယူပြီးနောက် ပြန်လည်ဝင်ရောက်လာတဲ့ Stamp အတွက် ဒီပွဲဟာ ထိပ်တန်းအဆင့်ကို ပြန်လည်တက်လှမ်းနိုင်မယ့် အရေးပါတဲ့ စမ်းသပ်မှုတစ်ခု ဖြစ်လာနိုင်ပါတယ်။

🥊 စက်တင်ဘာ ပထမပတ်မှာ ကျင်းပမယ့် ONE Fight Night 47 မှာ Stamp က အနိုင်ရလဒ်နဲ့ အားကောင်းတဲ့ Comeback တစ်ခုကို ဖန်တီးနိုင်မလားဆိုတာ MMA ပရိသတ်တွေအတွက် စောင့်ကြည့်ရမယ့် ပွဲကောင်းတစ်ပွဲ ဖြစ်နေပါတယ်။ 🔥

🔥 ဂျပန်မြေမှာ မြန်မာ့ဂုဏ်ကို သယ်ဆောင်မယ့် တီယယ်သန့်! 🇲🇲🥊

MMA ဖိုက်တာ တီယယ်သန့် ဟာ လာမယ့် စက်တင်ဘာ ၂၄ ရက်နေ့မှာ ကျင်းပမယ့် Lemino Shooto 8 ပြိုင်ပွဲအတွင်း ဂျပန်အိမ်ရှင်ဖိုက်တာ Kawana Masi နဲ့ ဖယ်သာဝိတ်တန်းပွဲစဉ်ကို ယှဉ်ပြိုင်ထိုးသတ်သွားမှာ ဖြစ်ပါတယ်။

ဒီပွဲဟာ တီယယ်သန့်အတွက် အရေးပါတဲ့ နိုင်ငံတကာစမ်းသပ်မှုတစ်ခုဖြစ်ပြီး၊ လက်ရှိမှာတော့ Python MMA မှာ မြန်မာ့ဂန္ထဝင်ဖိုက်တာ အောင်လအန်ဆန်း နဲ့အတူ အပြင်းအထန်လေ့ကျင့်ပြင်ဆင်နေပါတယ်။

ဂျပန်ပရိသတ်ရှေ့မှာ မြန်မာနိုင်ငံကို ကိုယ်စားပြုအဖြစ် ကြိုးဝိုင်းထဲဝင်ရောက်မယ့် ဒီပွဲစဉ်ဟာ မြန်မာ MMA ပရိသတ်တွေအတွက်လည်း စိတ်လှုပ်ရှားစရာ အခိုက်အတန့်တစ်ခု ဖြစ်လာတော့မှာပါ။

🇲🇲 အဝေးရောက်မြန်မာဖိုက်တာတစ်ယောက်ရဲ့ တိုက်ပွဲကို အားပေးဖို့ အဆင်သင့်ဖြစ်နေကြပြီလား?
💪 တီယယ်သန့် ဂျပန်မြေမှာ အောင်ပွဲရယူနိုင်ပါစေလို့ ဆုတောင်းပေးခဲ့ကြရအောင်! 🔥🥊

UFC Flyweight Division မှာ လက်ရှိ ပရိသတ်တွေ အာရုံစိုက်နေတဲ့ အကြောင်းအရာတစ်ခုကတော့ မြန်မာဖိုက်တာ Joshua Van နဲ့ Alexandre Pantoja တို့ကြားက တင်းမာလာတဲ့ အခြေအနေပါ။

Pantoja ရဲ့ မကြာသေးခင်က ပြောဆိုမှုတွေဟာ Joshua Van ကို လျှော့တွက်သလို ဖြစ်နေတယ်လို့ ခံစားရပြီးနောက် Van ကလည်း တိတ်တဆိတ် မနေခဲ့ပါဘူး။

Joshua Van က Pantoja ရဲ့ ဓာတ်ပုံကို အမှိုက်ပုံးထဲ ထည့်တဲ့ ဗီဒီယိုတစ်ခုကို မျှဝေခဲ့ပြီး “လေးစားမှုမရှိရင် ပြန်လည်လေးစားပေးစရာ မရှိဘူး” ဆိုတဲ့ သဘောထားကို ပြသခဲ့ပါတယ်။

MMA လောကမှာတော့ ဒီလို စိတ်ပိုင်းဆိုင်ရာ စစ်ပွဲတွေ၊ Trash Talk တွေက ပွဲကြီးတွေမတိုင်ခင် မကြာခဏတွေ့ရတဲ့ အရာတွေပါ။ တချို့ပရိသတ်တွေကတော့ ပြိုင်ဘက်အပေါ် Respect ထားသင့်တယ်လို့ ပြောနေကြသလို၊ တချို့ကတော့ ဒါဟာ Fight Promotion အတွက် သဘာဝကျတဲ့ Rivalry တစ်ခုလို့ မြင်နေကြပါတယ်။

ဒါပေမယ့် အဆုံးသတ်မှာတော့ Social Media ပေါ်က စကားတွေ၊ ဗီဒီယိုတွေထက် Octagon ထဲက Performance ကပဲ အဖြေပေးသွားမှာပါ။

🔥 Pantoja နဲ့ Joshua Van တို့သာ တကယ်တွေ့ခဲ့ရင် ဘယ်သူက အနိုင်ရမယ်လို့ ထင်လဲ?

👇 Van ရဲ့ တုံ့ပြန်မှုက ရဲရင့်မှုလား၊ ဒါမှမဟုတ် Respect ကျော်လွန်သွားတာလား? အမြင်လေးတွေ မျှဝေခဲ့ပါ။