Tote Kitchen

كان يا ما كان، بضيعة ما كتير بعيدة،
صغيرة وخضرا وناسها كلهم طيبة.
بنات هل ضيعة شاطرات، ومعروفين بنضافتن وإنهم بحضّرو أطيب الأكلات،
وأغلبهم طلعو من المدرسة، لأنو مافي عندن بنات يروحو عالمدينة ويدرسو،
هيك عقل الأهالي أيام زمان.
كانت المدرسة بس للإعدادي.

جابو على هل مدرسة أستاذ جديد، جاية من مكان بعيد،
وقعد ببيت المختار القديم، لأنو المواصلات ما بتساعدو كل يوم يروح ويجي.
هل أستاذ اسمو أكرم، كريم بأخلاقو وبتدريسو، وكل الطلاب بتحبو،
بس عزابي، لحالو.

كل يوم حدا بيبعتلو شو طابخين أهل الضيعة بكرمن معروفين.
وكان في صبية اسمها حسيبة

ليوم من الأيام، راحت هية وأخوها على هل أرض يحوشو بطاطا،
بالصدفة شافو الأستاذ عم يتمشى بين هل أراضي،
سلمو عليه وعزموه لعندن عالحاكورة يشرب معاهن متة.
ما كذّب خبر، حمل حمالو وراح معاهن عالأرض، وصار يساعدن بحواش البطاطا.

قالتلو حسيبة :
"بكرا غداك من عندنا."
فرح لكلماتا يلي حسّ فيهن حنية.

تاني يوم، حسيبة جابت هل ديك، دبحتو ونضفتو،
وعالنار طبختو، وحطت مكعبات هل بطاطا فوقو،
وبهرتن، وجنبن رز بشعيرية،
وبعتت لأكرم من يخنة البطاطا.

هوّة داق أول لقمة، فتلت الدنيا فيه من طيبة هل أكلة،
واتصل بأمو وبعت وراها لتخطبلو حسيبة ؛
لأنو قلبو فيها تعلّق، وكرشو بطبخاتا تشعلّق.

وافقت حسيبة عليه اي وين بدا تشوف متلو استاذ ومتعلم وشب وحليوة ، وتزوجو، وعاشو عيشة هنية،
وجابو صبيان وبنات، وكل جمعة يطبخو هل أكلة،
ويقولو لولادن:
"هي الطبخة خلطناها يوم خلطنا قلوبنا مع بعضا."

وتوتة توتة… يخنة البطاطا عنّا أطيب من يخنة حسيبة وأكرم ومن كل الحتوتة!

تعو احكيلكن قصة تعالوووو
شحارا روحو بنتو للملك حشربيل
التهبت امعائها ومن وقتها كرهت الأكل وماعاد حطت لقمة بتما من بعد ماطابت الا تفاحة او موزة مشان تعيش وماتموت
والملك حشربيل ياعيني زعلان عليها بنتو وحيدتو ماعندو غيرا
ما ترك طباخ بالكوكب الا استدعاه ليطبخلا
وهية لا حياة لمن تنادي هية تشوف هل اكلة من هون تقلب معدتا من هون
ليوم من الأيام قرر فخامتو يعمل مسابقة يلي بيطبخ طبخة وبنتو بتاكل منها الو جائزة وبدو يزوجو بنتو
أتاري واحد من الضيعة يلي جنب القصر سمع هل حكي
فقير منتوف عايف التنكة
قال والله لجرب وشوف حظاتي بلكي هل دنيا بتضحكلي شوي
راح ع البيت وخبر امو
امو طرقت وجها كفوف وصارت تولول يا ويلي يا ويل حالي
لك ياموووو لاترمي نفسك هل رمية انت وين وهنة وين
لا تروح تطبخلك شي طبخة ماتعجبن ويعدموك
قلا بدي خاطر وهل روح ماحدا بياخدا الا يلي حطا
وبلش طبخ ونفخ
واجا اليوم الموعود وحمل هل اكلة وحمل حمالو معاها وراح على هل قصر
وبلشت هل أكلات تنشلح على هل طاولات من كل مكان وكل طباخ مشهور أكتر من غيرو وبنت الملك تتنقل من طاولة لطاولة لشافت طبختو لهل فقير شحميطو
هية شافتا وغطست فيها
رغيف من هون
فحل بصل من هون
فليفلة حدة من هون لخلصتو كلياتو وهية مبسوطة
الملك طار عقلو
قلو لك انت الربحان اخيرا بنتي أكلت
لك شو اسم هل طبخة
صفن هل فقير وحكا مع حالو وقال شحار راسو لراسي مابعرف شو اسم هل طبخة انا اخترعتا من عقلاتي
فجأة اتذكر انه اسم بنت الملك روحو وهوة طباخ واخترع هداك الاسم وقلو اسمها طباخ روحو
ومن وقتا هل طبخة هيك صار اسمها
والفقير اتزوج روحو
وعاشو بسبات ونبات وطبخو طبخات وأكلات ليطعمو الصبيان والبنات
وتوتة توتة من عندي أطيب طبخة وأحلا حتوتة

"رز وبازيلا… بس مش أي رز"
كل الناس بتحب الكبسة، المقلوبة، المنسف…
بس أنا؟
قلبي بيضعف قدّام صحن رز وبازيلا!

بسيطة؟ آه…
بس وراها حكاية عمر.
أمي كانت تقول:
"لما بكون مشغولة، وما بدي أعمل شي معقّد… بعمل رز وبازيلا، بس بحط فيه حبّي الكلّي."

كانت الطبخة تطلع فيها ريحة مطمّنة،
رز ناعم، بازيلاء خضرا، لحمة دايبة… وكأنها حضن على شكل أكل.

كبرنا، وبعدنا عن البيت، وصارت الوجبة هاي نادرة…
بس بيوم برد، كنت تعبان، ومش طايق شي…
فتحت Tote Kitchen، لقيت "رز وبازيلا"، قلت: خليني أجرّب.

وصل الطلب، فتحت العلبة، شمّيت نفس ريحة البيت.
أكلت لقمة، وعيوني دمعت… مش بس لأنو زاكي،
بس لأنو حسّيت حالي راجع ع حضن أمي.

Tote Kitchen…
الطبخة اللي بتحس فيها طعمة البيت… حتى لو كنت بعيد.

"سر المحشي الكبير"
بكل عيلة… في شخص مختص بـ"اللف"
يقطع كوسا، يفَرغ باذنجان، يحشي ورق عنب، ويقول:
"لا حدا يقرب عالطناجر… المحاشي بدها فَن!"

ببيتنا، هاي الإنسانة كانت "تيتا"…
كانت تحكي وهي بتحشي:
"المحشي مش أكلة… المحشي صبر، وتركيز، ودعاء إنو ما يفلّ الرز بالطناجر!"

ويوم الجمعة، كانت السفرة قصّة…
كوسا محشي، ورق عنب، باذنجان، فليفلة، وريحة بتسابق الجيران عالشبابيك.

بس بعد ما كبرت تيتا، صار الكل يتفلسف…
"ليش نعمل محاشي؟ متعبة!"
"نطلب بيتزا، أريح!"
بس أنا لأ…
قلت: "المحاشي ما بتنقرض… المحاشي بترجع، وبقوة!"

جبت الطناجر، فتحت تطبيق Tote Kitchen، وطلبت…
وصلت المحاشي مرتّبة، مرقها عامل غزوة، والريحة؟ تيتا نفسها قالت:
"مين اللي عمل هدول؟!"
قلت لها:
"تيتا… هدول من Tote Kitchen، بس فيهم سر من أسرارك!"

Tote Kitchen…
المحاشي إلها ناسها، ونحنا منهم.

"معكرونة بخضار… مو طبخة، هاي إنقاذ!"
يوم من الأيام… رجعت عالبيت، جوعان، ومالي خلق لا طبخ ولا طلب.
فتحت البراد… خضار!
كوسا، جزر، فليفلة… بس ما في لا لحمة ولا دجاج.

وقفت قدّام الطنجرة وقلت:
"شو بدي أعمل بهالخضرة؟ شوربة؟ لاااااااا… نفسي بشي بيفرِح!"

لقيت كيس معكرونة… لمعت الفكرة براسي!
قطّعت الخضار، شوّحتها، بهّرتها، رميت المعكرونة،
ويا سلام!
الريحة لحالها صارت تعزف موسيقى.

وأنا عم باكل، حسّيت حالي طالع من برنامج طبخ!
بس السر الحقيقي؟
مو بس الطبخة… السر إنه كانت أول مرة أطبخ شي عن جد زاكي.

تاني مرة لما جربت أطلبها من عند Tote Kitchen،
طلعت نفس الطعمة، لا لا أطيب بكتيييررر …
و شو كمان؟ ما وسّخت ولا معلقة!

Tote Kitchen…
حتى المعكرونة بالخضار… فيها حكاية بطعمة بيت.

"اليالنجي… صبر ولفة على البارد!"
اليالنجي مو طبخة… اليالنجي طقس!
بدك قعدة، ورواق، وناس حواليك، وميّة سخنة، وورق عنب عم ينلف ع مهله.

تيتا كانت تقول:
"اليالنجي ما بينعمل إلا على حكي وضحك… كل لفة فيها سر!"
ونحنا صغار؟ كنا نسرق من الطنجرة قبل ما تبرد!
وتعيط علينا : "يا ويلكن، اليالنجي لازم يبرد… هو أطيب شي بارد!"

وبيوم قررنا نعمل مفاجأة لتيتا…
لفّينا، وحشينا، وطبخنا… وقلنا: "اليوم نحنا بنطعميكِ!"
تذوقت… سكتت شوي… وبعدين قالت:
"منيح، بس لساتكن بعيدين عن لفّتي!"

ضحكنا، وطلبنا بعدها صحن جاهز من Tote Kitchen
قدملنا ياه وقالت:
"إيه هيك الحكي! مين لف هاللفات الناعمة؟! أكيد ست شاطرة!"
قلنالها:
"تيتا… يمكن ما لفينا متلك، بس لقينا حدا بيلف بمحبة، متلك تمام!"

Tote Kitchen…
للي بيحب اليالنجي مظبوط… بارد، وبيحكي!