English with Rabie

ابنك عمرو بين ال6 سنين وال15 سنة ؟؟؟؟
مستواه ضعيف او متوسط وحابة تقويه بالقواعد او المهارات الاربعة ( قراءة كتابة محادثة استماع )؟؟؟؟؟
مستواه جيد بس ما عم يلاقي حدا يحكي معو انكليزي؟؟؟؟؟
فينك تحسني لغتو بطريقة ممتعة ومفيدة عن طريق فيديوهات الكارتون والأغاني والالعاب
التدريس رح يكون أون لاين فردي أو جماعي داخل سوريا او خارجها
للتواصل عالخاص او على الرقم 00963964418776 واتس أب
المدرس ربيع صوفان

Vegetable

اضافة الى معناها يلي الكل بيعرفوا الي هو خضار الها معنى تاني يلي هو شخص عاجز عن التفكير او الحركة بشكل سليم ⁦☹️⁩ او بشكل اوضح معناها مشلول
وممكن كمان تستخدم كشخص كسول وما عندو اي رغبة بفعل اي شي 😋😁

اذا اول مرة بتعرف هالشغلة طجلنا القلب لو سمحت 😍
المصدر من قاموس كامبردج 👇

😆😂

اليوم رح ناخد تعبير حلو جداً

Rightly or wrongly

يعني سواء اتفقت معك او لا بس هاد الواقع
او هاد شي مظبوط او لا بس هو حقيقة

مثال :

Rightly or wrongly, she has been given the post of managing director

يعني عجبك ولا لا هالحكي هي استلمت منصب مدير عام 🤗😆

مع تمنياتنا للأخوة الطلاب بالنجاح والتوفيق ...

بعض النصائح الامتحانية :

1- فقرة الأسئلة لازم نجاوب جو اب كامل
يعني اذا كان عندي سؤال
Where do you live ?

لا تقول Lataka
قول I live in Latakia

2- اتقيد بزمن السؤال
يعني
What did you buy for her?

لا تقول I buy her some chocolate
قول I bought her some chocolate

3- انتبه عالاحرف الكبيرة وهي غالبا

- أول حرف باول كلمة بالسطر او بعد النقطة يعني جملة جديدة
- الضمير I
- أسماء العلم
- الأيام
- الأشهر
- الدول
- المناطق الجغرافية المشهورة متل The Nile - The Mediterranean

4- قاعدة السؤال :

أداة الاستفهام + الفعل المساعد + الفاعل + الفعل ؟
How do you spell it ?
في بعض أدوات الاستفهام منضيف بعدن الاسم متل
How much + How many + Which
لما بدنا نسأل عن الفاعل ما منحط فعل مساعد
Who ate all the biscuit?

5- الاخطاء الأملائية والقواعدية بكتابة الموضوع

أعزائي الطلاب :

بما انو قرب الفحص واغلبكن خايف من المواضيع هي طريقة سهلة لحتى نقدر نكتب موضوع سهل وبسيط في حال نسينا الموضوع المطلوب

الطريقة هي باستخدام ادوات الاستفهام
What
Who
When
Where
How
Why

يعني مثلا اذا بدي اكتب موضوع عن رحلة او زيارة الى مدينة او موقع اثري خلونا نستخدم هالاسئلة

What

شو هي فكرة الموضوع

يعني مثلا الاسبوع الماضي قررنا نروح عمدينة دمشق

Last week, we decided to visit Damascus.

Who

يعني انت ومين رحت
I went with my friends

When

ذكرنا فوق الاسبوع الماضي

How
رحنا بالباص
We went by bus

Where

يعني شو المحلات يلي رحت عليا

زرنا المسجد الاموي وسوق الحميدية وكمان رحنا عقلعة دمشق وشربنا كوكتيل من عند ابو شاكر

First, we went to Umayyad Mosque and Souk Al Hamidya. Then, we went to Damascus Citadel and had some juice at Abo Shaker shop

اخر شي بتحكي عن رايك

اخيرا عدنا الى اللاذقية.
انا بحب الشام انبسطنا كتير وبتمنى ارجع زورا باقرب وقت

Finally, we came back to Lattakia. I love Damascus very much. We enjoyed a lot and I hope we will visit it again as soon as possible.

اذا منجمع الافكار كلن سوا ومنجمع الكلمات منلاقي انو طلع معنا موضوع مستوفي كل العناصر ومجموع الكلمات فوق 65 كلمة
طبعا لازم نراعي وجود كلمات الحشو ( fillers ) يلي بتفيد بترتيب الافكار متل first , then , finally

واخر شي لازم ننتبه لزمن الفعل يلي بناسب فكرة الموضوع
مثلا هون استخدمنا ماضي بسيط كونوا الموضوع بيحكي عن رحلة بالماضي

Last week, we decided to visit Damascus. I went with my friends. We went there by bus.
First, we went to Umayyad Mosque and Souk Al Hamidya. Then, we went to Damascus Citadel and had some juice at Abo Shaker shop.
Finally, we came back to Lattakia. I love Damascus very much. We enjoyed a lot and I hope we will visit it again as soon as possible

بما انو عرفنا الطريقة مين فينو يعطيني افكار عن هواية باستخدام ادوات الاستفهام؟؟؟

الفعلين Do و Make من اكتر الافعال استخداما باللغة

Fed up with

سئمت من شخص معين او شي معين لدرجة انو طفح الكيل معي

مثال :

I am fed up with John. He is always getting late

يعني لقد سئمت من جون هو يتأخر دائما

مثال تاني :

I am fed up with my job. It's exhausting

لقد سئمت من عملي لانه مرهق جدا

لما بتشوف واحد بالطريق وبكون مستعجل بتكبر معلاقك وبتقلو شبك ليش مستعجل
Why the rush ? 🏃
بقلك
I am on my way to meet my girlfriend at the restaurant
يعني انا رايح شوف الوضع 👸 بالمطعم
بيرجع بقلك
I must fly now 😆

طبعا هون بهالحالة اي شخص لازم يركب جناحات حتى ما يتاخر
See you later✋
بشوفك بعدين

In a row

شو معناتا هالعبارة ...

لما بصير معك نفس الشغلة اكتر من مرة ورا بعض بتقول in a row

مثال :

Real Madrid won 3 Champions Leagues in a row 😍

يعني ريال مدريد أخد بطولة دوري الابطال 3 مرات ورا بعض

Barcelona team was terminated twice in a row from Champions League in remontada matches 😂❤️

فريق برشلونة تم اقصاؤو من دوري الابطال مرتين ورا بعض بمباريات ريمونتادا

جماعة عبسي الموضوع بخصكن شخصيا
😌😄🤣

الافعال المساعدة في اللغة الانكليزية 😊

2C
2S
2W
3M

كيف يعني 🤔 ما فهمت عليك استاذ فينك تشرح أكتر 🤔؟؟؟؟

بسيطة 🤗

ال2C هن Can و Could
ال2S هن Shall و Should
ال2W هن Will و Would
ال 3M هن Must و May و Might

هدول هن ولا لا 😂😅

طريقة سهلة وسلسة في حال نسيت اي فعل منن🤓