BJOO

تعالوا شوفوا خلف الكواليس وأنا أرسم باترون فستان عميلتي 🤍

كثير يشوف النتيجة النهائية ويشوف الفستان بعد التنفيذ، لكن الجزء اللي فعلًا يحدد نجاح الفستان يبدأ من هنا… من الورق.

أول خطوة بدأت برسم باترون الكورسيه، وهنا فيه نقطة أحب دائمًا أراعيها أثناء الرسم.

بالعادة أدخل من ١ سم إلى ٤ سم من جهة الظهر، لكن مقدار الدخول يختلف من عميلة لثانية حسب مقاس الخصر وشكل الجسم.

لأن منطقة الظهر عندنا كبنات غالبًا ما تكون مستقيمة بشكل كامل، وفيها انحناءة طبيعية، لذلك أفضل أني أرسم الباترون بناءً على شكل الجسم الحقيقي بدل ما أعتمد على خطوط مستقيمة فقط.

مقاس خصر عميلتي في هذا الموديل ٦٨ سم، لذلك اخترت أدخل تقريبًا ١.٥ سم فقط حتى أحافظ على التوازن وأراعي الانحناءة الخلفية بشكل مناسب.

بعدها بدأت أكمل رسم الباترون بالاعتماد على صورة التصميم اللي راح ننفذه.

ومن الأشياء اللي أحب أسويها أثناء الرسم استخدام الفرجار والخطوط المستقيمة كخطوط إرشادية أو Guidelines تساعدني أحافظ على التوازن بين جميع أجزاء الباترون وتخلي الرسم أدق وأسهل للمراجعة.

بعد ما انتهيت من رسم الخطوط الأساسية وتأكّدت إن النسب كلها صحيحة، بدأت بمرحلة الكونتور أو تحديد خطوط الجسم.

وهذي من المراحل المهمة جدًا بالنسبة لي، لأن الكورسيه الجميل مو بس شكله حلو على الورق، الأهم إنه يركب على الجسم بشكل صحيح ويعطي النتيجة اللي نبحث عنها أثناء اللبس.

وفيه هاك ص

“هل يحق للمصممة تغيّر رأي العميلة… إذا كانت متأكدة إن اختيارها بيأثر على جمال الفستان؟”

هذا السؤال جا في بالي وأنا أشتغل على فستان عميلتي.

كانت واضحة جدًا من البداية… تبي بوستير، لكن الصدر ما يكون مكشوف، وتبي الدانتيل على الكتف ونص الظهر بدون بطانة… وكل شيء كان جميل ومفهوم.

لكن لما دخلنا في التفاصيل الداخلية للفستان… قالت لي شيء وقفت عنده.
ما تبي بونيق، وما تبي واير… وتبي الاعتماد فقط على حشو إسفنج، ومع هذا تبي دعم قوي وشكل مرتب للصدر.

هنا حسّيت لازم أتدخل كمصممة.
مو عشان أفرض رأيي… لكن لأن مسؤوليتي أوصلها لأفضل نتيجة ممكنة.

البونيق؟ قدرت أتجاوزه لأن عندي حل ثاني… كورسيه داخلي مضبوط على الخصر، يعطي نفس الثبات.
لكن الواير؟ هنا ما قدرت أسكت.

جلست أشرح لها، وأوريها الفرق… ووريتها نوع واير خفيف جدًا ومسطح، مختلف عن اللي الناس تتخيله، بس يعطي رزة جميلة ودعم أنثوي مرتب.

والحمدلله… اقتنعت.

واليوم؟ يوم شافت نص الشغل… وشكل البوستير بدأ يطلع؟
تحمّست بشكل خلاني أنا بعد أرتاح نفسيًا وأتأكد… إن أحيانًا، جزء من شغلنا كمصممين… إننا نوجّه، مو ننفذ

#فستان

مو كل عميلة تدور على فستان ملفت لأنه مبالغ… أحيانًا كل اللي تحتاجه تصميم هادئ، ساتر، لكن فيه تفاصيل تخلي الناس توقف وتتأمله.

هذا بالضبط كان طلب صاحبته.
قالت لي: أبي فستان أنيق، ساتر، فيه قصة صدر لطيفة ومريحة، لكن بنفس الوقت أبي فيه حركة جديدة ومختلفة… شيء يعطي شخصية للفستان بدون ما يكون كثير.

من أول ما شفت القماش، حسّيت إنه هو الاختيار المناسب.
قماش كتان مطرّز، خفيف، مرتب، وصيفي جدًا… مناسب للأجواء الحارة، ويعطي شكل راقٍ بالتفصيل والتنفيذ.

وبدأت أفكر:
وين ممكن تكون اللمسة اللي تميز هذا التصميم؟

فقررت أخلي التركيز على التفاصيل الناعمة…
سويت حركة تمويج على الخصر تعطي شكل أجمل للجسم وتضيف لمسة غير متوقعة، وكررت نفس الفكرة على أعلى الأكمام، مع أكمام فيها volume مرتب—نفخة واضحة لكن أنيقة، تعطي حضور من غير ما تطغى على التصميم كله.

وكالعادة، كل شيء يبدأ من أهم مرحلة:
رسم الباترون.

لأن أي تنفيذ مرتب يبدأ من باترون مضبوط.
خصوصًا هنا، لأن التصميم فيه منحنيات كثيرة وتفاصيل دقيقة، وكان لازم كل خط يطلع واضح عشان يبرز شكل الفستان النهائي بالشكل اللي تخيلته.

بعدها بدأنا مرحلة القص والتجهيز والخياطة…
وهنا بدأت التفاصيل تطلع وحدة وحدة.

أول شيء وضحت معالم الأكمام وكيف النفخة ماسكة شكلها.
بعدها انتقلنا إلى قصة الصدر—التصميم فيها هادئ جدًا، مقسوم بشكل ناعم بين الجزء العلوي والسفلي، بدون أي مبالغة، لكن بتوازن ي

لأن أكثر شيء ممكن يخرب فكرة الـ volume
إنه يطلع مكرر أو كأنه مجرد قماش كثير بدون هدف 😮‍💨

أول شيء أفكر فيه مو شكل الكم نفسه…
أفكر بالإحساس اللي تبينه العميله لما تلبسه
تبغاه ناعم؟ ملكي؟ dramatic شوي؟
تبغاه يعطي فخامه هادئه أو يكون هو الـ statement piece كامل؟ 👀

بعدها تبدأ التفاصيل اللي فعلًا تفرق
نوع القماش لحاله يغير كل شيء
فيه أقمشه تعطي نفخه واقفه وفخمه
وفيه أقمشه تعطي volume ناعم كأنه غيمه
وفيه أقمشه مهما حاولتي فيها… النفخه تطلع رخيصه أو “منسدحه” 😭

حتى طريقة توزيع التجميعات مره تفرق
هل النفخه تكون من فوق؟
ولا تبدأ من الجنب؟
ولا تكون ممتده بطول الكم؟
ولا تكون متجمعه بطريقة تعطي shape أنحف لليد؟ 🤍

وأكثر شيء أحبه بهذي المرحلة
إني أجرب وأبني الشكل شوي شوي
لأن أحيانًا سنتي واحد زيادة يخلي الكم يصير أوفر مره
وسنتي واحد أقل يضيع كل الفخامه اللي كنت أبيها

فالناس تشوف بالنهاية “كم منفوش”
بس اللي ما يشوفونه كمية الشغل والتفكير اللي وراه 😭✨

لأن بالنسبة لي الـ volume مو مجرد نفخه
لا… لازم يكون له شخصيه وحركه ووقفة تخلي الناس أول ما يشوفونه يعرفون إن التصميم مو عادي

#فساتين

مو كل طلب يجي من المتجر يكون مجرد تنفيذ… بعض الطلبات تكون قصة كاملة 🤍… عميلتي طلبت هذا الفستان من متجري، فستان ناعم باللون الوردي، تصميم أنثوي، فيه تفاصيل خفيفة وطبقات تعطي حركة… بس كانت تقول لي: أخاف يطلع علي عادي وما يبرز جسمي 😶… وهنا يبدأ شغلي الحقيقي… ما اعتمدت بس على التصميم الجاهز، اشتغلت على الباترون حسب مقاساتها بالضبط، ركزت على منطقة الصدر عشان يطلع مرتب وثابت بدون ما تحتاج تعدل فيه طول الوقت، وعدلت القصة بحيث تعطي تحديد خصر وانسيابية في الجسم… القماش كان مره مهم، اخترت قماش خفيف فيه تطريز ناعم يعطي لمعة هادئة مناسبة لفستان مناسبة، خطوبة، ملكة أو حتى حفل… واشتغلت على الطبقات عشان تعطي حركة فخمة مع المشي، خصوصًا التفصيلة اللي في النص، هذي مو بس شكل، تعطي طول للجسم وتخلي الفستان يلفت بدون ما يكون مبالغ فيه… كل تفصيلة هنا مدروسة، من القص، للتفصيل، للخياطة النظيفة، للتقفيل… لأن هدفي مو بس فستان جميل، هدفي إنه يطلع عليك كأنه مفصل لك من البداية ✨… ولما استلمته ولبسته، قالت لي: هذا أول فستان أحسه يمثلني فعلًا 🤍… وهنا تعرفون الفرق بين فستان عادي من متجر… وفستان ينفذ لك بإحساسك وتفصيلك… فساتين سهرة، تصميم فساتين، تفصيل حسب الطلب، فستان خطوبة، فستان ملكة، فستان ناعم، فساتين فخمة، براند سعودي، تفصيل احترافي، باترون مضبوط، خياطة نظيفة، جودة عالية.
#فساتين

اليوم جيتكم بقصة عميلة خلتني أرجع أستمتع بتفاصيل الباترون من جديد 🤍
جتني وقالت: أبي فستان… بس مو أي فستان، أبيه يكون فيه بوستير يبرز الصدر بطريقة أنثوية وناعمة، بس بنفس الوقت ما يكون مكشوف زيادة

وأرسلت لي صورة انسبو للتصميم، كان فيه أكمام وحركة ناعمة، بس اللي شدني فعلاً تركيزها كان على شكل البوستير وقصة الصدر
قالت لي: أبي نفس القصات اللي تسوينها في تصاميمك
وقتها قلت لها: فهمتك بالضبط 👌

ومن هنا يبدأ الشغل الحقيقي… لأن أي فستان ناجح، وأي بوستير يضبط على الجسم، أساسه هو الباترون الصح ✨

بدأت أرسم الباترون من الصفر على مقاسها، وأول خطوة كانت تحديد شكل الصدر
استخدمت الفرجار عشان أحدد محيط الصدر بشكل دقيق… بس طبعًا كلنا نعرف إن الصدر مو دائرة مثالية
عشان كذا استخدمت الواير، وشكلته على قياس صدرها بالضبط، وهنا يبدأ يبان الفرق بين الشغل العادي والشغل الاحترافي 👀

بدأت أنعم الزوايا وأعدل المنحنيات عشان يعطيني شكل طبيعي يناسب جسمها، لأن الهدف مو بس شكل حلو… الهدف إن الفستان يركب عليها كأنه معمول لها خصيصًا

وبعدها حسبت عمق البوستير، لأنها كانت تبغى توازن… لا مكشوف مرة ولا مقفل زيادة، شيء أنثوي ومرتب ويخدم التصميم كامل

لما بدأ الشكل يوضح، انتقلت لمرحلة تقسيم الباترون
هي كانت تبغى البوستير مكون من ٣ قطع، وفعلاً بدأت أرسم القطع وأوزعها بطريقة تعطي نحت للخصر وتبرز الصدر بشكل أجمل

وهنا اللحظة اللي أحبها… لما أشوف الباترون قدامي وأحس إن الفستان بدأ يطلع للحياة حتى قبل ما ألمس القماش ✂️

هذا هو سحر الباترون في تصميم الفساتين… إذا ضبط من البداية، كل شيء بعده يمشي صح
القص، التفصيل، تركيب البوستير، وحتى شكل الفستان النهائي ✨

والحين الحمدلله خلصنا باترون الفستان والبوستير بالكامل
وبنبدأ التنفيذ على طول… ونشوف كيف راح يتحول من ورق إلى فستان حقيقي على جسم عميلتي
#فساتين

وقفت شغل عميلتي بالكامل… قبل ما أقص القماش 😅

…
ولا لأن في خطأ واضح…
بس لأن إحساسي كمصممة قال لي إنها مو مقتنعة 100٪

كانت تبي فستان فيه كورسيه خارجية…
الستايل اللي عليه ترند هالسنة 🔥
كورسيه فوق الفستان، يكون هو القطعة الأساسية اللي تشد النظر

بس المشكلة؟
كانت محتارة بشكل مو طبيعي
كل شوي تعطيني خيار… فكرة… تعديل
وأنا أسمعها وأحاول أتخيل معها
بس داخليًا أحس إنها مو شايفة الصورة كاملة

وهنا يجي القرار الصعب…
هل أكمل شغل عادي؟
ولا أوقف كل شيء وأتأكد إنها فعلًا راضية عن اللي بنسويه؟

بصراحة… ما قدرت أكمل كأني ما حسّيت
فقررت أوقف الشغل بالكامل 👀

قبل ما ألمس القماش اللي أرسلته…
قبل ما أقص…
قبل لا أدخل في تنفيذ ممكن يكون فيه مخاطرة

قررت أسوي لها عينة حقيقية

بدأت من الصفر
رسمت الباترون على مقاسها بالضبط
وبنيت الكورسيه بطريقة مدروسة
مو بس شكل… لا
تصميم يبرز الجسم، يحدد الـ hips
وينحت الخصر بشكل أنيق ومرتب ✨

اشتغلت على القصات
على التوازن
على كيف يوقف الكورسيه على الجسم
لأن هذي القطعة بالذات… هي أول شيء تنجذب له العين

وبعدها دخلنا على التفاصيل الأهم…
طريقة الإغلاق

هي كانت تميل للحبل…
بس أنا نصحتها بالسحاب

ليش؟
لأن الحبل غالبًا يبين اللي تحته
ويعطي فراغ من الخلف
وأنا أبي الفستان من كل زاوية يكون نظيف ومتكامل
خصوصًا إن الكورسيه هو البطل هنا

مو بس كذا…
كان عندي قماش مخمل رخامي بلمعة خفيفة
شيء فخم… يلفت النظر بدون ما يكون مبالغ

فقلت لها:
وش رأيك نستخدم هذا للتصميم
ونخلي القماش اللي أرسلتيه بطانة؟

سألتني مباشرة:
“طيب هذا بيزيد السعر؟”

وهنا كانت لحظة الصدمة 😳
قلت لها: لا

لأن بالنسبة لي…
إذا اتفقنا من البداية
أنا ما أحب أغير السعر بنص الشغل

ولو احتجت أضيف شيء يخلي التصميم أجمل
وأقرب لتخيلها…
أسويه وأنا مرتاحة

أهم شيء عندي؟
إنها تلبس الفستان وهي واثقة فيه 100٪
مو مترددة… مو حاسة إنه “كان ممكن يكون أحلى”

لما خلصت العينة…
وخليتها تشوفها على الطبيعة

هنا تغير كل شيء 😮‍🔥
مو بس اقتنعت…
لا، شافت بعينها الفرق

#فساتين

شافت كيف الكورسيه واقف
كيف يحدد الجسم
كيف السحاب أعطى نظافة في الخلف
وكيف القماش فعليًا أعطى فخامة للتصميم

وهنا عرفت… إن قراري إني أوقف الشغل كان صح

لأن أحيانًا…
أهم خطوة في التصميم
مو القص… ولا الخياطة

أهم خطوة؟
إنك تتأكد إن العميلة مقتنعة… قبل لا تبدأ

والحين؟
نبدأ التنفيذ الحقيقي
وهي متحمسة للنتيجة…
وأنا متحمسة أشوف الفستان يطلع للحياة 🖤
#فساتين

ل
بعدها آخذ هذي المات وأحط عليها الباترون عشان يوضح لي أكثر، لأن لون الورق أبيض فمرات ما يبان التفاصيل زين

مره مهم جدًا قبل أي شيء إن التصوير يكون أفقي تمامًا بدون أي ميلان
أي ميلان بسيط راح يأثر عليك بعدين في المقاس

الحين أبدأ أرتب الباترون على الأرض
وأحرص يكون مره فلات، ما فيه أي تعرج أو انحناء
لأن أي انحناء بسيط راح يطلع معك في الصورة ويخرب الدقة

فعشان أضمن إنه ثابت وفلات
أستخدم التايب وأثبت فيه الأطراف

بس عندي هاك صغير مره فرق معي 👀
هذا التايب أحيانًا يكون قوي ويقطع الورق أو يخربه
وأنا أكيد ما أبغى أضر الباترون

فإيش أسوي؟
قبل لا ألصقه على الورق
ألصقه على يدي وأشيله
عشان يخفف من قوة الصمغ
وبعدها أثبته على الباترون

بهذي الطريقة
يثبت معي تمام
وما عاد يقطع الورق أو يخربه أبدًا

الحين نجي لخطوة مهمة مره
عشان نضبط المقاس الحقيقي للصورة

أخذت مربع من الباترون وقسته
وطلع عندي 13 سم
فكتبت الرقم في ورقة
عشان أرجع له بعد شوي

وبرجع أأكد مرة ثانية
لازم الصورة تكون أفقية 100%
بدون أي ميلان
لأن هذا الشيء بيفرق مره في النتيجة

الحين ننتقل للديجيتال ✨
أفتح برنامج Adobe Illustrator وأدخل الصورة اللي صورتها

أول ما أفتحها راح ألاحظ إن المقاس مو حقيقي
يعني الصورة مو على نفس المقاس اللي عندي في الواقع

هنا يجي دور الأدوات المهمة
عندي أداة الـ pen
وعندي المسطرة اللي تساعدني في القياس

الحين إيش أسوي؟
أستخدم أداة المربع
وأرسم مربع جديد بمقاس 13 سم
نفس القياس اللي أخذته من الباترون

بعدها أحط المربع هذا فوق المربع اللي في الصورة
وأبدأ أكبر الصورة شوي شوي

لين يتطابق المربع اللي رسمته
مع المربع اللي في الصورة بالضبط

وهنا أعرف إن الصورة صارت بالحجم الحقيقي ✔️

بعدها أبدأ خطوة التريسنق
باستخدام أداة الـ pen
وأمشي على الخطوط وحدة وحدة

أكيد اللي تشوفونه الآن سريع
بس أنا عادة آخذ وقتي
وأعدل على المنحنيات لين تطلع نظيفة واحترافية

وبعد ما أخلص التريسنق بالكامل
أحفظ الملف

وبعدها أرسله للطباعة
وأطبعه بمقاس A0

#فستان #فساتين

وهذي طريقتي اللي أعتمدها دايم 🤍
مريحة، نظيفة، وما فيها حوسة أوراق أو غبار
وتعطيني دقة عالية في الباترون بدون تعب

تصميم، قماش، تفاصيل… كل شيء مختلف

بس لما أركز أكثر…
أكتشف إن كلهم يبغون نفس النتيجة

خصر واضح
صدر مرتب
جسم متوازن بطريقة أنثوية راقية

مو بس فستان…
إحساس كامل

وقتها وقفت…
وقلت ليش ما أصمم الشيء اللي فعلاً يجمع هالذوق كله في قطعة وحدة؟

ومن هنا بدأ هذا التصميم ✨

بوستير…
لكن مو أي بوستير

قصّات مدروسة بعناية
تعطي شكل منحوت بدون مبالغة
ترفع، تبرز، وتحدد الجسم بطريقة نظيفة جدًا

بدأت من الأساس…
الباترون

لأن أي غلط هنا… يخرب كل شيء بعده
اشتغلت عليه بدقة، ضبطت كل خط، كل إنحناءة

بعدها القص
وتركيب صدر الإسفنج…
بس هالمرة بأسلوب مختلف عن شغلي القديم
يعطي شكل طبيعي أكثر ودعم أعلى بنفس الوقت

وثبت البونينق
عشان ما يكون الشكل بس حلو… يكون ثابت فعلي
والبطانة؟ نظيفة لدرجة إنها تعكس فخامة الشغل من الداخل قبل الخارج

وبعد ما خلص البوستير…
جاء الجزء اللي يعطي الحياة للتصميم

الدرايبنق ✨

جهة فيها درايبنق ناعم ينساب مع الحركة
والجهة الثانية فيها حركة أقوى… كأنها منديل طاير

كنت أبي الفستان ما يكون ساكن
كنت أبيه يتحرك مع عميلتي
كل خطوة تمشيها… يكون فيه إحساس مختلف

وهنا كانت البداية
“التورته” قبل ما يتركب الكورسيه

والشكل؟
خصر محدد
جسم متوازن
وأنوثة واضحة بدون أي تكلف

والتفاصيل ما وقفت هنا…

أضفت شال + بروش صغير
عشان كل وحدة تقدر تصمم ستايلها بنفسها

مرة تلبسه بشكل ناعم وهادئ
مرة ترفعه ويصير درامي وجريء
ومرة تخليه كلاسيك راقي

يعني نفس الفستان…
لكن بإحساس مختلف كل مرة

وهذا أكثر شيء أحبه في التصميم
إنه يعيش معك… مو مجرد قطعة تنلبس وخلاص

والأجمل؟
هذا التصميم نزل في متجر BJOO ✨

بس مو لأي أحد
وليس بعدد مفتوح

عدد محدود جدًا
للبنات اللي يحبون يلبسون شيء ما يتكرر…
شيء يحكي عنهم بدون ما يتكلمون

#فساتين

كيف تنقلين رسم من جهة لجهة بطريقة احترافية بدون ما يخترب المقاس؟ 👀✂️

إذا تشتغلين على الباترون أو أي تصميم متماثل، أهم شيء عندك هو الدقة في النقل… لأن أي فرق بسيط بيأثر على النتيجة النهائية.

الطريقة اللي أعتمدها بسيطة وسريعة وتعطيك نفس الخط بالضبط:

أول خطوة: ارسمِي خط المنتصف (Center line) بشكل مستقيم وواضح.
بعدها: اطوي القماش أو ورق الباترون (فولد) بحيث تتطابق الجهتين تمام.

الخطوة المهمة: استخدمي عجلة التتبع (Tracing wheel) ومرريها فوق الخط اللي رسمتيه، بحيث ينطبع على الجهة الثانية.

وأخيراً: افتحي الفولد وحددي على أثر العجلة بالقلم…
وبكذا يكون عندك نفس الرسم على الجهتين بنفس الطول والشكل والدقة 100% 👌🏻✨

طريقة احترافية، سهلة، وتختصر عليك وقت وأخطاء كثير
#فساتين