StoryMix

بغيتكم تعاونوني واش نزيد ولا نرجع لور 💔😔

خطيبي قالي واحد الهضرة خلاتني نفكر واش نكمل معاه ولا نرجع فور قبل الزواج ....

أنا مخطوبة تقريبا عام دابة 😔 ومن الأول صراحة كانحاول نكون صريحة وواضحة معاه فكلشي .

واحد النهار خرجتومع صاحبتي ، وعيطت ليه وقلت ليه فين غادية ، قلت ليه راني نخرج مع صاحبتي وهو اصلا كايعرفها ...

ومنين رجعت وهو يسولني " علاش ماقلتيش لي راكي غتعطلي وماقلتيش ليا من قبل الوقت لي غترجعي فيه بالضبط " انا قلت ليه ماكنت عارفة الوقت لي غترجعو فيه عادي ...

وقالي لا خصك تعرفي وزايدون اي حاجة درتيها خصك تعلميني بيها .. جيت انا قلت ليك على نيتي ولكن حنا غير مخطوبين .. وحتى انت خصك تقولي في كاتمشي 😔 وهو يسكن وقالي انا راجل ماشي بحالك انت 💔

وهنا ماعرفت اش نقول ولي زاد ص.مني بزاف قالي منين انتزوجو ماغتبقايش تخرجي أصلا 😔💔

فهذا اللحظة حسيت بشي حاجة تبدلات ...

دابة انا محتارة .... واش هادشي غيرة واهتمام ؟ شنو ندير فنظركم 😔

لو كنتو في بلاصتي شنو ديرو 💔 كنت غير انا وبابا عايشين فواحد البرطمة وخرجت نخدم منين كانت عندي 16 عام باش نعاونو حيت كان مري.يض 💔

في السنوات الأخيرة كان طريح الفراش وأنا لي كنت كانقابلو الدو.ايات ولي كوش والنظافة ديالو وهذا شي عمري ماحسيت انني كانتفضل عليه بالعكس واجب ديالي قمت بيه رغم انني صغيرة على هذا المسؤولية 😔

ورغم ان عمي قريب لينا و عندو الخير ديالو عمرو فكر فينا ولا جا لعندنا لا هو لا مراتو ولا ولادو 💔 كانو يشوفوني فالطريق كايديرو راسهم ماكايعرفونيش 😔😔

ومنين تو.في جاو كايجريو فالنهار الـ3 وقالو لي خصهم حقهم فالورث وبغاو يخرجوني من الدار وانا ماعندي فين نمشي 😔 كانقولهم انتوما عمركم سولتو فينا ولا عرفتونا ودابة بغيتو تخرجوني من الدار .. راه حشومة عليكم 💔😔 ناض عمي بقى كايغوت وقال لي هذا حقنا ماشي جاين نطلبو فيك .. بغيت حقي وغانخذو وانت كاضحكي ..

المهم خليتهم جالسين وقلت ليهم بغيتو حقكم واخة مرحبا ودخلت للبيت كانجري و جبت لهم الورقة ديال الدار وقلت لهم راه باعها ليا فحياتو حيت عارفكم ماتسواوش 💔 ولكن منين شافوها ناضو كايض..ربوني وقالولي هذا البيع باطل وهذا الدار اتخرجي منها 🥹

وانا ماعندي فين نمشي لخرجت انخرج للزنقة لا حنين لا رحيم 💔🥹 دابة بغيتكم تنصحوني شنو ندير ؟ واش بصح هضرتهم صحيحة ؟

ماعرفتش واش ندير صراحة 😔 منين تزوجت راجلي كان عندو ولد فعمرو 3 سنوات ، وعمري حرمتو من شي حاجة ديما كانتهلا فيه وهو كايعيط لي غير ماما ماما 💔

الولد كبر ودابة كايقرى فالثالثة اعدادي و حتى انا عندي 2 ولاد واحد كايقرى في الأولى اعدادي والصغير في الخامسة ابتدائي .. دابة منين قربات المدرسة الحمل كثر و راجلي خدام غير في الا..نعاا...ش الوطني وراكم عارفين شحال كايعطوهم 2 دريال 😔💔 حتى من الدار لي ساكنين فيها خلاوها لي غير والديا ، يعني ناقصة عليه الكرا 😔

دابة المشكل انه ماقادرينش نشريو الكتب للولاد ب3 بيهم وقتارحت على راجلي باش ولدو صافي يخرج من المدرسة ويمشي يخدم في الكابلاج .. واحد صاحبتي ولدها كبير ورغبت فيه باش يخدم معاهم واخة في مدينة بعيدة ولكن يكرى ويعتمد على راسو ويعاونا على الزمان وعلى الدراسة ديال خوتي ... راجلي قالي مانقدرش نصيفط الولد صغير لمدينة اخرى يخدم .. ولكن ان قلت ليه ماكاينش حل من غير هذا ... يا تصيفطو يا كري ليا فين نسكنو .... ونكري أنا داري نقري بيها ولادي .. والصراحة قلبي مامرتاحش واخة كنت قاصحة مع راجلي فهذا الحل 💔 عاونوني شنو خصني ندير راه مابقيت عارفة اش ندير 😔💔

أنا متزوج من 6 سنين وعندي جوج ولاد .

من نهار تزوجت ومراتي ماكانتش متفاهمة بزاف مع مي ، ولكن كنت ديما كنحاول نبقي بعيد على المشاكل .

قبل شهرين مر..ضات مي وبقات محتاجة شي حد يعاونها ، وانا اقترحت تجي تسكن معانا مؤقتا حتى تتحسن .

مراتي فالأول وافقات ولكن من بعد أسبوع بدات المشاكل ..

قالت ليا : انا مابقيتش قادرة ، يا إما تلقي حل يا إما نمشي لدار والديا ...

حاولت نشرح ليها راه مي مريـ..ضة وماعندهاش في تمشي ، ولكن جاوباتني بجملة عمرني ننساها : " قالت لي عطى الله الخيريات 😱"

من ديك نهار وانا ماعرفت لا نعس ولا نشوفو وحتى الماكلة مابقاتش دوز لي ....
وماعرفت واش نجي جيهت مي اللي رباتني وضحـ... ات عليا ولا من جيهت مراتي اللي هي أم ولادي ؟

واش أنا غلطت منين دخلت ميزتعيش معانا ؟ ولا مراتي عندها الحق تطلب مني نلقا حل اخر ؟

جاوبوني أخوتي راني عيت 😔

أنا أم عندي بنت عندها 17 عام ، منين كانت صغيرة وأنا ووالدها منفاصلين ، وهي كانت كاتعيش معايا ، عمرها ماكانت كتخبي عليا شي حاجة ، كنا بحال جوج صحابات .

منين دخلات للثانوي تبدلات شوية وقلت عادي ، المراهقة كتدير هكا ، ولكن هاد العام ولات كتخرج بزاف ، ولات كتسد باب بيتها والتليفون ديالها ولة معاها 24 ساعة .

واحد النهار دخلت عندها بالصدفة ولقيتها كاتبـ..كي ، سولتها شنو واقع ، قالت ليا : " ماما ، انا بغيت نمشي نعيش مع بابا ."

حسيت بحالي شي حد ضر.بني فقـ..لبي 🥺

بقيت كنقول ليها علاش ؟ واش قصرت معاك ؟ واش شي حد آذا.ك ؟ قالت ليا : " ماقصرتيش معايا ، ولكن مع بابا كنحس براسي مرتاحة أكثر ."

واللي زاد صّعب عليا الأمر ان الأب ديالها من بعد الطلاق تزوج وعندو عائلة جديدة .

دابة انا محتارة واش نخليها تمشي عند باها ونحترم رغبتها ، ولا نحاول نقنعها تبقي معايا حيت كنـ..خا.ف تندم من بعد ؟ 💔

شنو ندير غير قولو لي 😔 ساليت الحمام لبست حوايجي وخرجت منين دخلت للبيت تفكرت المشطة ديال ورجعت ناخذها .. ولكن عرفتو شنو لقيت 💔 فاش دخلت لقيت عكوزتي كاتجمع ديك الما لي بقي من الدوش وكاديرو فواحد القرعة ديال الزجاج ؟
وانا نقولي علاش كاتجمعي هذا الما واش باغي بيه ؟ قالت لي غير خليه بغيتو على ود مرات ولدي الكبير !! 😔
بقيت غير كانشوف وقلت ليها وعلاش اش غدير بيه مثلا ؟
قالت لي كيف شفتي هي هذا عامها الخامس باش تزوجات ومازال ماولداتش ... والقرعة مازال حاطها كاتسنها تجي 👇 وأنا عاد ولدت ماكاملاش حتى شهر 👶 عفاكم لي فهم هذا الشي يقول لي اش ندير ؟؟ واش ناوية على شي حاجة ولا عادي .. ولا شنو ندير 😔

انا مطلقة 💔 وعندي بنيتة 👱 القصة أنني منين تطلقت مابقيتش دايرة يدي على حنكي 😔 وكانقول علاش وكيفاش ؟؟ أنا مازالا صغير 🥹 عليها نضت وكملت قرايتي ودابة خدامة على راسي وعلى بنتي وماخصني حتى خير 👇👇👇

المهم فهذا الفترة جاو خطبوني 3 وماعرفتش الصراحة اش ندير ولا اش نقرر ؟

الأول كانعرفو قرا معايا في المدرسة وصراحة واخة عارفني مطلقة وعندي بنت باغيني .. المشكل أن الواليد ديالو مابغانيش قالو : مستحيل نخليك تاخذ واحدة مطلقة 💔 واخة هو قالو : أنا لي غنعيش معاها ماشي انت ، ولكن باه بقى رافض الموضوع ....
قالي صبري نجمع شوية ديال الفلوس ونكري بوحدي و نجي نخطبك حيت هو خدام غير فشركة وماعرفتش صراحة باش نرد عليه 😮‍💨

التاني صراحة ماكانعرفوش .. هو عايش بوحدو حيت ماعندوش والديه .. ساكن فالدار ديال ختو عايشة في اسبانيا كاتجي غير مرة مرة ولكن قالي عندو حقو في شي دار اخرى فالعروبية هو خدام مزيان ولكن كبر مني بزاف عندو 45 سنة .. وقابل عليا بالبنت ديالي وصراحة مازال ماعرفت واش نقبل او لا 🥹

الثالث مازال صغير واخة اكبر مني عندو 29 سنة ولكن ماخدام ماوالو 😔 وعايش مع مو هي لي كاتصرف عليه وقالي نعيشو معاها حيت غير هو لي عندها .. وحتى هي بغاتني قالت لي نديرك بنتي ونعيشو كاملين على الحلوة والمرة وقالت لي حتى انت خدمي على راسك و نتعاونو كاملين وصراحة حتى هوما مازال مارديت عليهم واخة كل نهار كايعيطو ليا ...

لي زوين فهذا شي كامل هو انهم عارفيني مطلقة وعندي بنت وباغيني وقابلين بيا و ماعرفتش صراحة شكون نقدر نزيد معاه للقدام عليها بغيت النصيحة ديالكم 🥹

وأخيراااااااا مبروك ليهم صراحة فرحنا ليهم بزاف 😍😍

هذا التلميذة تبارك الله عليها رغم أنها فا.قــ ..دة البصر الى أنها تحصل على الباكلوريا 😍

#الباكالوريا #باكالوريا