Gadisa sabaa

💥 vacation time 💥

Qe’ee ulfoo jararraan
Nuuf baatu aduuf jiinii
Araddaa eebbifamaa
Harargee biyyi diinii,

Dirqamaan daangeffamee
Oomisha ofii gurguruu
Gaafa beelli hiraarsee
Akkasittiin hunkuru...
Warri ofirra darbanii
Kaleessa orma sooran
Beelaan manaa ba’anii
Gaafa daandiirra jooran,
Arguun nama gaddisisa
Garaa nama belbelcha
Gaddatu daangaa taree
Ibsamuuf dhaba jecha.

Madda galii hawaasaa
Albuuda baha biiftuu
Kan haati hiyyeessaa ittiin
Qoonqoo ilmaan-shee jiiftu.
Gombisaa qomoo keenya
Warra Afraan Qalloo. Ituu'f humbannaa
Maaddii irraa nyaanne dhiinnee
Maaliif hamaa dubbannaa?
Sona jireenya hawaasaa
Jalaa gogsuun cubbuudha
Jimaan uummata harargeef
Dhimma jiruu; lubbuudha.

Warri jaalala hiran
Gola onnee bananii
Ardaan gootota hedduu
Maaddiin quufaaf qananii,
Qe’een Elemoo Qilxuu
Kan Jaarraa Abbaa Gadaa
Caba sabaa okkolaa
Nuuf kulkulfataa madaa
Dhiibbaa duriiyyuu moo’ee
Har’a harka keenyaan badaa?

Akaakileen Sheek Bakrii
Ijoolleen Bakar Waaree
Falma Abbaa biyyummaaf
Dhugaa turanii raaree
Bu’aa aarsaa baasanii
Gidirfamuun jiraaree?

Soorri lubbuu hawaasaa
Labsii dabaan maaf gu’a
Oromoon Afran-qalloo
Beelaaf dheebuun maaf du’a?

Elaamee.....

Qaamni dhimmichi laalu
Dhuunfaas ta’u mootummaan
Irra dedeebiin yaadaa
Siniin jenna kootummaan,
Lameen waliif bu’uraa
Ummata harargeef jimaa,
Oksijiinii fi somba
Addaan baasuun ni cimaa,

Qabeenyi hawaasa kanaa
Wabii saba hundaatii,
Dinagdee biyyaatiifuu
Jimaan lafee dugdaatii,
Waanuma facaasantu
Hudhee namaaf daraaraa
Hin beelessinaa lakkii
Qe’ee nagaaf araaraa!

Onneen koo siif rukutti
Dachaa dachaadhaanii
Hunduma caalchisee
Sin jaaladha anii 💚

Ee sumaa .....☺️

:¨·.·¨:
`·. M

Maatii Jaalalaa 💚
Isin Jaalatamtoota 🌷
♡♡♡

Filee caalchifatee
Hunda nama uumee
Nabii keenya Rabbi
Hundarratti shuume
Ergamaa aalamaa
Hundaaf laafu garaa
Kan fakkaattii hin qabne
Baraa hanga baraa

Tirikaa addunyaa
Ifaa akka aduu
Kan dukkanni shirkii
Nuura isaaniin badu
Barsiisaa karaa haqqii
Qulqulluu hin qabne makaa
Nabii jaalalli isaanii
Dubbisu mukaaf dhakaa
Miidhagaa hundumarra
Tolu amalaa; haalli
Arjaa mahabbaaa isaaniin
Hirqitee boossu Gaalli

Ergamaa nama mitii
Ulfeeffattu waatiini
Kan mu’ujizaa isaaniitiin
Addaan cabdu baatiinii
Ergamaa rahmatummaan
Beeku gamanaa gamni
Kan Rabbiin guddifate
Ni xiqqeessaaree namni?

Gadheen sammuu diddooftuu
Hin geenye hanga horii
Woroon har'uma malee
Hin beekne guyyaa borii
Biyya lafaa kanarra
Zalaalam turti seetee
Garaa guuttachuuf jettee
Dubbattus wanta feete
Maraatuun qalbiin gogaa
Nutti gortee karaadhaa
Bulgaafachuu yaaltullee
Xurii qabdu garaadhaa

Nabii jaalala isaaniin
Jalaa sochootu tabbi
Xiqqeessuu hin dandeessu
Kan guddifate Rabbi!
Dhiiraa dhalaan muslimaa
Manguddoo hanga sabiyyii
Lubbuu keenya caalaatti
Kan jaalannu nabiyyii
Biliyoonaan hordofna
Faana isaanii buunee
Nuuf milkii hunda caalu
Fidaa isaanii yoo duune

Fidaaka Abii wa'ummii yaa Rasuulallaah! S.A.W!❤