Gaming Corner

لو كنتوا مستنيين فيديو باتش أو فيديو شرح…
آسف، المرة دي الجيم في الحياة الواقعية 😅❤️
الحمد لله تمّت خطوبتي، وبدأت رحلة جديدة!
دعواتكم لينا 🙏

عايز اقول بس كلمتين في حق الراجل ده ❤️
بجد انا مشفتش صانع محتوى وقف مع اخواتنا زيه
مشفتش صانع محتوى consistent زيه بجد شغال على طول مستمر
على الرغم انه مش بيكسب من المحتوى خالص
ولا حتى بيتشهر لانه محتواه كتابي و مش حاطط صورته ف اي حته
ف شاهين فعلا مش بيكسب اي حاجه من شغله ف ابسط حاجه احنا ممكن نعملهاله ياريت نعملها سواء لايك على بوستاته او شير
وندعيله ربنا يرزقه ❤️

رمضان كريم! 🌙❤️ الشهر اللي بنستناه كل سنة أخيرًا وصل، ربنا يجعل أيامه مليانة خير وبركة علينا جميعًا. ما تنسوش تدعوا وتستمتعوا بالأجواء الحلوة مع العائله.
كل سنة وانتو طيبين! ✨

قضيت يوم جامد في بطولة wildrift
بجد وحشتني الاجواء الحماسيه بتاعة البطولات ❤️🔥

انا قلت الفكره دي من ٦ شهور ل riot august و عجبته كويس انهم عملوها
مفروض ان كل سبليت يكون ليه theme بيتغير مع القصه و بيتطور مع اللور
و اثيم ده هيغير وحوش الجنقل و الهيرالد و الكلام ده كله بما يتماشى مع الثيم الموجود كل سبليت
😅
كتبت حجات كتير جدا ليهم مفروض انها تخلي تجربه اللعب فريش و جديده لان الماب متغيرتش من فتره

❤️

جيمنج كورنر فشلت؟…
لما دخلت الكوميونيتي من حوالي ٥ سنين كده كان في حوالي ٤ او ٥ content creators موجودين في نفس نوع المحتوى اللي بقدمه كنت دايما بحاول اعلي من جوده الفيديوهات بتاعتي و اتعلم حجات جديده في المونتاج و ازاي اقدر اعمل باتش اسرع من المنافسين( عشان اللي هيتفرج على شرح الباتش مش هيتفرج عليه تاني) و برضه اعلي من الكواليتي على قد ما اقدر في كل فيديو بعمله على القناه
و على عكس كل الناس اللي في الكوميونيتي اللي عندها تيم او فريق بيشتغلوا على الفيديو مع بعض واحد بيكتب سكريبت التاني بيسجل فويس اوفر وواحد تاني بيعمل مونتاج انا كنت ولازلت بعمل الفيديو كله لوحدي
فالفيديو الواحد بياخد مني وقت و مجهود كبير
كانوا الموجودين على الساحه ساعتها ناس محترمه زي البهواشي عرب لول لول ماستر و فيلوجيميا
و كان التنافس حلو بيخليك تطلع اقصى ما عندك
فضلنا نطور من نفسنا انا و فيلوجيميا (صحابي) لحد ما بقا مستوى فيديوهاتنا قريب جدا من المحتوى الانجليزي و انا هنا مش بقول اجنبي عشان احنا بالفعل كنا متفوقين على معظم اللغات التانيه في جودة الكونتنت و انا هنا مش ببالغ لو قلت الكواليتي بتاعنا ممكن يكون الثالث على العالم في الحته دي بعد الانجليزي و الكوري
الفكره ان مع الوقت كل الناس اللي كانوا بيعملوا نفس المحتوى اللي على فكره هما حبايبي بطلوا
واحد ورا التاني بدأوا يختفوا
حاولت اكتر من مره اتواصل معاهم كلهم عشان يرجعوا بس مفيش فايده كان كلامهم ان مفيش حاجه تتعمل تاني اكتر من اللي عملناه احنا للاسف وصلنا للpeak و معدل النمو يكاد يكون معدوم و المجهود المبزول مردوده قليل جدا سواء المادي او المعنوي ف مفيش داعي ولا حافز يخلينا نكمل

مكنتش شايف الموضوع ده من سنه بس دلوقتي ابتديت احس اني فعلا ماشي في الطريق الغلط…
طريق ملهوش هدف مفيش حاجه ف اخره
خصوصا ان في حجات كتير كان نفسي اعملها ك كونتنت كريتور و لسه معملتهاش في افكار كتير عندي منفزتهاش
ف انا قررت اني مش هوقف مش هخلي السلبيه تقتلني اكيد في حل
انا هغير من المحتوى اللي هعمله الفتره القادمه و هيكون جوا ليج بس مختلف عن الاول
❤️

الكلمه اللي قالها فيكر
(5th trophy is for you)
خلتني اكتب البوست ده عشان اقولك ان كل اللي في الصور كل بطوله من دول دخلتلهم ملايين الدولارات تخليهم يعيشوا هما و عيالهم و عيال عيالهم ملوك
و انت مخدتش مليم واحد منهم ولا هتاخد ف متخليش حد يقولك شعارات كبيره يضحك بيها عليك فيكر لو مش هياخد فلوس مش هيلعب😂 ف متحسش ان بتشجيعك لفريك و كسب انك انت اللي كسبت
بالعكس انت ضيعت وقتك ووقتك ده هوا اللي بيخليهم يكسبوا فلوس لان هما بياخدوا الفلوس دي عشان في ناس بتتفرج عليهم كل ما العدد زاد كل ما الاعلانات كانت اعلى كل ما الفلوس عليت
ف وقتك ده حاول تستغله صح
ف بدل ما بتدي وقتك للرايح واللي جي حاول تديه لنفسك انت اولى عشان وقتك و تركيزك ممكن يخليك في مكانه احسن من اللي انت فيها بس للاسف انت بتديه لحد تاني عشان هو اللي ينجح
مش بقولك متتفرجش او متلعبش
لا اتفرج واللعب بس بعقل
متخليهاش تشفط حياتك و تبقى بوت زومبي ليل نهار بتلعب
لان الوقت اللي هتلعبه دلوقتي هتدفع تمنه بعدين 😉