MMEC PTUK

🎓✨ مبارك التخرج للغالي عكرمة

عكرمة من الشخصيات المميزة اللي مستحيل تفتح معه أي موضوع إلا ويضل وراك لحد ما يفهمه من كل الجهات، وعنيد بطريقة بخليك تندم ليش فتحت قدامه الموضوع 😂😂

طول سنين الجامعة وهو يحكي: “ما بدرس… ما بدرس”، وبالأخير تيجي ليلة الامتحان، وبقدرة إلهية ما حدا بعرف سرها، بدخل ع الامتحان ويجيب علامة عالية بتخليك تسأل حالك: كيف؟! وليش؟! 🤷‍♂️😂
وما ننسى انه حطم المعدل القياسى لمادة الاستاتيكا ٩٥ اعلى علامة بالكلية😂
والمشكلة مش هان المشكلة ولا محاضرة حضر بالفصل 😂

ومستحيل ننسى الحادثة التاريخية يوم خصم على محمود شيقل واحد، ومحمود فضحه بالجامعة كلها، ومن يومها صار عكرمة يخاف يخصم اغورة😂

بعيدًا عن المزح، عكرمة من الناس اللي إذا اعتزيت فيهم ما بقصر معك سواء داخل الجامعة او خارجها ، شب طيب وصاحب أصيل، ومهما كان عنيد أو “مخّه جبعاوي” 😅😅فهو شخص بنحب وبرتكن عليه❤️❤️

يمكن الحياة ما كانت دائمًا سهله معه، ويمكن واجه ظروف وتحديات كثيرة، لكن رغم كل شيء وصل لهون وحقق إنجاز يستحق كل الاحترام.

وأخيرًا، بعد سنين من التعب والسهر والمشاريع والامتحانات، سكّرنا صفحة جميلة من حياتنا، لكن الأكيد إن صداقتنا والذكريات اللي عشناها رح تضل معنا دائمًا. الله يوفقك في حياتك العملية، ويكتبلك كل الخير والنجاح، وإن شاء الله نشوفك تحقق كل أحلامك وترفع راس أهلك وأصحابك. ❤️

ألف مبارك التخرج يا حبيب قلبي ، وعقبال ما نشوفك بأعلى المراتب، ومنها للأفضل دائمًا. ❤️🎓

#من نادي هندسة الميكاترونكس والميكانيك بنحكيلك الف الف مبروك التخرج 🎓

عمرو يا عمرو من احلى الشباب يلي ممكن تتعرف عليهم مسيرتك الجامعية شب من بعيد مابتقدر تفهم شخصيتو بضل يردح😂😂 فايت الامتحان بردح طالع من الامتحان بردح😂😂 حتى يشوف العلامة وصح أخضر على البورتال هان خلص بقلب واحد ثاني وبضل يضحك تقول هم زال عن صدرو😂😂😂
طبعا عمرو فنان بالدراسة بعرف شو يدرس وشو مايدرس بتلاقيه يوم الامتحان قاعد عند كراسي الأمن وفاتح الابتوب والدوسية وسيجارة وعايش الجو 😂😂😂 المهم ضميره مايتعب ويحس حالو بدرسس😂😂
عمرو طبعا حضور مابغيب رأي عام نقاش ردح لازم يترك بصمة لازم يعبر 😂😂😂 مستحيل ما يعطي رايوو
ويلي بقلبو على لسانوو
عمرو مرة تاخر عن كويز الديزاين وراحت عليه نومة
كدح السيارة ويارب عقد ماتعطي 😂😂 وكل خمس دقايق بلشتو شو صاررررر هيني بالطرييق😂😂 طبعا قطاعة عمرو بس بحبش يبين لحدا مشان العين 😂😂
عمرو من الشخصيات المحبوبة ويلي بخدمك ومابقصر معك زميل اخر سنة جامعية وهمو الوحيد بدي مصاااري
فش شغل 😂😂
عمرو ملك الضع دائرة يعني مستعد يقدم كل الامتحان ضع دائرة ولا يحل انشاائيي😂😂
عمرو ابن بدلة عركة بنقلك اخي مباااارك التخرج وعقبال
ما نفرح فيك ونخلص من الردح تبعك😂😂😂
احلى واغلى خريييج
اليوم بنودّع مرحلة وبنستقبل مرحلة جديدة، وبنبارك لأخونا وصديقنا الغالي المهندس عمرو يحيى العرقاوي تخرجه من تخصص هندسة الميكاترونكس 🎓💙
عمرو من الشخصيات اللي مستحيل تمرّ بالجامعة وما تعرفها. شب جدع، صاحب صاحبه، قلبه طيب، وواقف مع الكل وقت الشدة قبل الرخا. ابتسامته وضحكته وحضوره كانوا علامة مميزة بكل مكان.
أما بالجامعة فكان إله قصة خاصة 😂 من أكثر الناس اللي بردحوا للدكاترة والمواد، فايت الامتحان بردح وطالع من الامتحان بردح، ولما تنزل العلامات ويشوف الصح أخضر بصير يضحك وكأنه انزاح هم الدنيا عن صدره 😂
وعمرو عنده فلسفة خاصة بالدراسة؛ قبل الفاينل بيوم ممكن يسأل: "أنا شو منزل مواد أصلاً؟" 😂 ومع هيك كان يعرف شو يدرس وشو يترك، ويظل للآخر ماسك اللابتوب والدوسية وقاعد يعيش أجواء الدراسة بطريقته الخاصة.
ومن أشهر عباراته الخالدة: "منشاااان الله يا دكتور" 😂
وطبعاً صاحبنا المعروف بلقب DeepSeek، لأنه أي سؤال عن واجب أو مشروع، الجواب جاهز: "حطه عالديب سيك وخلصنا" 😂
ورغم كل الردح والقصص والمواقف والمشاوير والامتحانات والنقاشات، ظل عمرو واحد من أطيب وأحب الشباب على القلب، وشخص ترك بصمة حلوة عند كل اللي عرفوه.
ألف ألف مبارك التخرج يا عمرو، وعقبال أعلى المراتب والنجاحات، وإن شاء الله الأيام الجاية تكون مليانة خير وتوفيق وفرص حلوة قد تعبك.
بس بالله عليك... هسا بعد التخرج خفف الردح شوي 😂💙
مبارك يا باش مهندس 🎓💙

#من نادي هندسة الميكاترونكس والميكانيك بنحكيلك الف الف مبروك التخرج 🎓

اليوم البوست غير لانه بحكي عن شاب جدع ومرتب ومتكتك _أنوس_ الورد ابن مدينة طوباس الفخر ، انس الشب الهادي الرايق صاحب صاحبو ما بقصر مع حدا ابدا وشوفتك لانس بتعطيك طاقة إيجابية عالية عقد ما هوي رايق ، بس شو بدي احكيلكم عن معاناته مع المكانيك والمشكلة بشكيلنا ونحن وضعنا اسوء من وضعه 😂بس انسوكم اخيرا صار خريج وأثبت حالو انه بستحق هاليوم ولسا سوق العمل يلي ناطره حيحرقه شغل حرفيا.
انوس يخوي بتمنالك التوفيق والنجاح بحياتك العملية القادمة .

#من نادي هندسة الميكاترونكس والميكانيك بنحكيلك الف الف مبروك التخرج 🎓

🎓❤️ خريجنا المهندس: سليم بركات

اليوم تخرّج معنا مش بس مهندس… اليوم تخرّج معنا موسوعة متنقلة، طباخ السكن، مثقّف الهندسة، ومحلل سياسي بدرجة مهندس 😂❤️

سليم شخصية مش عادية أبداً… أكبر واحد بالشلة (حجماً طبعاً 😂) ولسا المنافسة التاريخية بينه وبين أرام قائمة، ولسا ما عرفنا مين ماسك المركز الأول 🏆😂
مع إنه لحد الآن كل الميزانين بالجامعة رافضين يحسموا النتيجة 😂

من أغرب الناس اللي ممكن تشوفهم بالهندسة… بفهم بالكهربا أكثر من كل الشلة، إذا علقت بمادة كهربا بتروحله يشرحلك، بقعد يفهمك من الصفر، يطلعك فاهم… وبالنهاية انت بتنجح وهو برسب بالمادة 😂😂
لغز هندسي لحد الآن ما إله تفسير.
شكله كان يوزّع الفهم علينا وما يخلّي منه إشي للامتحان 😂

وطبعاً سليم عنده علاقة خاصة مع المحاضرات… علاقة عن بُعد 😂
يمكن أكثر واحد ضيّع محاضرات، بس بنفس الوقت أكثر واحد بعرف شو بصير بالجامعة كلها.
بتحسه عنده مصادر سرية بالكلية… ما بداوم بس بعرف أخبار الدكاترة قبل ما هم يعرفوها 😂

أما بالنقاشات… لا تحاول تدخل معه 😂
سياسة؟ اقتصاد؟ هندسة؟ كهربا؟ تاريخ؟ مشاكل العالم؟ سليم عنده رأي وتحليل بكل موضوع.
مثقّف الهندسة وسياسي السكن بلا منازع 😂🔥
النقاش معه ببلش بسؤال بسيط وبنتهي بتحليل الوضع العالمي من سنة 1900 لهسا 😂

ولا ننسى أهم منصب… شيف السكن 👨‍🍳❤️
الزلمة ماسك المطبخ، وكل طبخة لازم يصير بعدها المؤتمر المعتاد:
“أكل سليم ولا أكل بلال؟” 😂
وصارت منافسة طبخ أكثر من إنها هندسة.
بس الحق ينقال… طبخاته كانت سبب رئيسي نكمل الفصل ونضل عايشين 😂❤️

بس أكثر موقف بيلخص سليم… الزلمة مش يضيع محاضرة بس، لا لا، وصل مرحلة الاحتراف: ضيّع امتحان كامل لأنه ضل نايم 😂😂
النومة كانت أقوى من المنبه ومن المستقبل كله.
هاي مش نومه… هاي كانت تحدي رسمي بين سليم والقدر، وسليم اختار المخدة 😂

بس لما وصل الموضوع للجد… هون بتشوف سليم الحقيقي ❤️
حتى بمشروع التخرج رفض يعمل مشروع عادي وسهل ويمشي الحال، اختار الطريق الأصعب وقرر يعمل إشي إله قيمة، مشروع يقدر يساعد فيه ولاد شعبه ويترك أثر حقيقي.

لأنه بالنسبة لسليم الهندسة عمرها ما كانت بس مواد وعلامات وشهادة… كانت طريقة يفكر فيها كيف يستخدم علمه لخدمة غيره ❤️
ويمكن هاي أكثر شغلة بتثبت إنه ورا كل الضحك والهبل والنقاشات اللي ما بتخلص، في مهندس عنده هدف وقلبه على الناس اللي حواليه.

بعيداً عن كل الهبل والضحك، سليم من الناس اللي وجودها لحاله جو، صاحب أصيل، قلبه أبيض، وواحد من الناس اللي بتنبسط إنك عرفتهم بهالمشوار ❤️
من الناس اللي بتعمل للمكان قيمة، والذكريات معه بتضل تنحكى حتى بعد سنين.

ألف مبارك يا مهندس سليم 🎓❤️
ومنها للأعلى دائماً يا صاحبي، والله يوفقك بكل خطوة جاية ❤️

#من نادي هندسة الميكاترونكس والميكانيك بنحكيلك الف الف مبروك التخرج 🎓

يتقدم رئيس وأعضاء نادي هندسة الميكاترونكس والميكانيك بأصدق مشاعر التهنئة والتبريك إلى الزميل محمد عياسي بمناسبة تخرجه من تخصص الهندسة الميكانيكية، متوجًا سنوات من الجد والاجتهاد بهذا الإنجاز الأكاديمي المميز.

كما نعتز بالدور الذي أداه خلال فترة توليه منصب نائب رئيس النادي، وما قدمه من جهود وإسهامات كان لها أثر إيجابي في دعم أنشطة النادي وخدمة الطلبة.

نسأل الله له دوام التوفيق والسداد في مسيرته القادمة، وأن يحقق المزيد من النجاحات والإنجازات على الصعيدين العلمي والمهني.

ألف مبارك التخرج، وعقبال أعلى المراتب. 🎓🌹

#من نادي هندسة الميكاترونكس والميكانيك بنحكيلك الف الف مبروك التخرج 🎓

المهندس محفوظ عاصي .
القب : تركش .
محفوظ يا محفوظ ابن مدينة سلفييت تحديدا قراوة بني حسان بلد االيرات والمصاري النعف … من اوئل الاشخاص الي عرفتهم ما بنسا يوم ما تعرفت عليه بالصدفه كنا قاعدين بالمربعات وبلشنا نحكي بكل بساطه وتعرفنا على بعض وصار من اعز الاشخاص على القلب طبعا مستحيل تقعد مع محفوظ وما يجيب سيرة تركيا ويعمل مقارنات بين هون وهناك وببدا حديثه دائما انا ايام ما كنت ادرس بتركيا 🤣…. مع ان هو مع الجيل الاكبر منا بس راحت عليه سنه وهو بتركيا ورجع كمل بخضوري الصمود
محفوظ ما بتلاقي بموقع معين دائما من مكان لمكان ما بحب يقعد بمكان معين بتحسه مطارد
كل ما يشوفك يلا تيوول 😂
بس للامانه فش بعد التيوول معه 😂
ما ننسا رغم ان بزعل بسرعه بسرعه وبوخذ المواضيع شخصيه 😆 بضل قلبه طيب وشب جدع ومرتب وعلى كيفك فش بعد القعده معه 🤎
واذا بدكم اي اشي من تركيا او مترجم تركي محفوظ لديكم😂
وبحب احكيلك الف الف مباارك يا اصيل …🩵
وان شاء الله منها للاعلى 🌹
وعقبال ما نشوفك عريس ونرتاح منك 😁

محفوظ الغالي ❤️
الزلمة اللي إذا نزلت معه مادة ما بقصّر مع حدا بتشوفوش بالمادة غير باعثلك الواجبات بدون ما تسأله وبدون ما تبعثله أصلاً 😂
وبالامتحانات؟ قطاعه رسمي! حط قطاعه بين قوسين 😂😂 بخلص امتحانه وبعمل جولة تفقدية على الشباب يشوف إذا حدا ناقصه إشي وبقدر يساعده 😂
شب هادي وباله رايق، بس بعد الامتحان ما بتسمع منه غير:
يا رب تعدي… بدي أخلصصص😂😂
مستحيل يراجع الامتحان بعد ما يسلّم، ولا حتى يسأل عن الحل همه الوحيد يكون ناجح بالمادة 😂
أحلى قصة كانت بمواد الـ PLC
نظامه بالدراسه أول الفصل تطنيش للمحاضرات وآخر الفصل:يلا نلم المادة بيومين
المهم النجاح بأي طريقة كانت 😂
ومن الشباب اللي قلبهم قوي حتى لو مش دارس المادة بحسسك إن الأمور تحت السيطرة، لأنه بالنسبة إله الانكمبليت رعب:
الموت مع الجميع رحمة 😂😂
أول ما يدخل قاعة الامتحان بحدد موقعه وبيعمل حواليه توزيعة خاصة اسمها:
“طلاب بدهم 60 وبس” 😂
ومنختلطش بالنيردات 😂
محفوظ منزل هالفصل نظرية، ولساته بحكي إنه رح يعدّيها فادعوله بالله عليكم 😂😂
أما الهايدروليك اللي كانت كل فصل رعب للطلاب، هالفصل محفوظ حاطط رجل على رجل فيها وكأنه الموضوع ما بعنيه 😂😂😂
بتمنالك حياة حلوة مثلك يا خيا، والله يقويك ويوفقك وينجحك
وبما انه هالفصل رح نودعك، فمش عارف مع مين بدي أردح بالفصول الجاية 😂💔
الله يوفقك وين ما رحت يا حبيب قلبي ❤️

محفوظ، يا رفيق الجامعة ، يا الشب المحترم والمتكتّك والأنيق… ألف مبارك التخرّج يا صاحبي.

بدينا مشوار الجامعة مع بعض، واليوم بنوصل لنهايته مع بعض. ومن أول محاضرة قلت بيني وبين حالي: هاد الشب محترم، والحمد لله إن نظرتي ما خابت فيك يوم. ومع الأيام، ما عدنا بس زملاء جامعة؛ صرنا أصحاب جمعتنا المحاضرات، والتعب، والامتحانات، ووقفة التطبيقية، والحكي على الرايح والجاي، والمزح والجد، وحتى تكسير الشبابيك والمواقف اللي ما بتنتسى.

خمس سنين مرقوا بكل ما فيهم؛ فرح وتعب، ضغط وضحك، نجاح وإحباط، أيام سهلة وأيام ثقيلة، لكن بالنهاية وصلنا لليوم اللي تعبنا عشانه. واليوم، وأنا بشوفك خريج، ما بقدر إلا أكون فخور فيك، وفخور أكثر إنك كنت صاحبي ورفيق هالمشوار من بدايته لنهايته.

ألف مبارك يا محفوظ على هذا الإنجاز اللي بتستحقه عن جدارة. أسأل الله إنّه يفتح لك أبواب الخير والرزق والتوفيق، ويجعل القادم أجمل وأكبر من كل اللي مضى، وتعيش نجاحات ترفع راسك وراس أهلك وكل حدا بحبك.

مبارك التخرّج يا صاحبي، ومنها لأعلى المراتب، وعقبال ما أشوفك محقق كل أحلامك، لأنك بتستحق كل خير ونجاح. 🤍

#من نادي هندسة الميكاترونكس والميكانيك بنحكيلك الف الف مبروك التخرج 🎓

🎓 نحو محطة جديدة من الإنجاز والتميز...

يتمنى نادي هندسة الميكاترونكس والميكانيك التوفيق لطلبة قسم الهندسة الميكانيكية والميكاترونيكس في مناقشات مشاريع تخرجهم، والتي تمثل ثمرة سنوات من الجد والاجتهاد.

نرفق لكم جدول مناقشات مشاريع التخرج للقسم، وندعو الجميع إلى الحضور ومشاركة زملائهم هذه المناسبة الأكاديمية المميزة.

كل الأمنيات بالتوفيق والنجاح لطلبتنا الأعزاء.

#حركة الشبيبة الطلابية – مجلس اتحاد الطلبة
#كلية الهندسة – جامعة فلسطين التقنية خضوري
#نادي هندسة الميكاترونكس والميكانيك

المهندس ريان شديد
ريان يا ريان مشعارف من وين بدي أبلش😂🙂
هذا السعودي اول ما تعرفت عليه ما كان يعرف حدا لولا فيزياء ٢ يلي خلته يتعرف علي وطبعا انا يلي بادرت بالاشي مش هو ولا كان هسا صافن بحاله😂😂😂
وما ننسى انو ريان اكثر واحد مفهي بل حياة ما بعرف وين لله حاطه ولا ننسى قدي بحب (هدى) هدى بالمناسبة سيارته أم عواصف كان لما يمشي فيها يفكر حاله فان ديزل 😂😂😂😂
طبعا بنكرش في صيفي سنة ٢ هو فصل وحيد يلي درس فيه وصار نيرد اما الباقي سلامة تسلمك
ويا حبيبي ايام الكتروني لما يبلش الأمتحان جملته الشهيرة شباب انمغصت 😂😂😂😂
بدرس بدرس وبعبط صلاة نبي عنه
قصتنا بدت مع ريان باول ايام الجامعة كان عنا امتحان مهارات حاسوب جيت على القاعة لقيتو واقف برا خجلان من حاله وما بعرف حدا وواقف زي المؤدبين وحسيت انو غريب بلاد من هيأته ما كان مبين انو عايش هون خلصت امتحان وقررت اني احكي معه والحكوة هاي جرت صحبتنا لليوم سالته اول سؤال كنك ما كنت عايش هون؟ اتفاجئ وحس انو لقي، واحد ضايع منو 😂
واستغرب أكثر لما عرف اني انا برضو ما كنت عايش هون ريان حس انو لقي توام روحو وشوي شوي كبرت صحبتنا هو مواليد السعودية وانا مواليد الامارات هو حظه مسافر زي ما كان حظي مسافر بالضبط؛ ريان أصيل مر بعدة ظروف صعبه كثير ما حدا ممكن يتحملها بس ريان اتحملها وكان الها وقدها وضل مستمر وقد ما يقدر يطلع بأقل الخسائر واليوم ريان صار مهندس منفتخر فيه وفي صحبته
بنحب نحكيلك يا صاحبي
ريته الف مبارك تخرجك حبيب قلبي احلا بش مهندس وعقبال ما نشوف معك الهيلكات ٨ سرندل ع قولة سعودين 😂👌 ومن نجاح لنجاح ان شاء الله ❤️

#من نادي هندسة الميكاترونكس والميكانيك بنحكيلك الف الف مبروك التخرج 🎓

والمكانيك

المهندس ساطي ذياب
هناك أشخاص تحتاج سنوات حتى تتعرف عليهم، وهناك ساطي…

شخص خلال خمس دقائق يستطيع أن يعرف نصف المكان، وخلال عشر دقائق يصبح صديقاً للنصف الآخر. 😂❤️

خريجنا اليوم المهندس ساطي، صاحب العلاقات الواسعة والروح الحلوة والحضور الذي جعل اسمه معروفاً عند الجميع تقريباً.

إذا صادف ومشيت مع ساطي داخل الجامعة، فاحسب حسابك أن المشوار الذي بدو دقيقتين بتحول إلى عشر دقائق بسبب السلامات والوقفات والسواليف مع الناس. 😂

ساطي من الأشخاص الذين يتركون انطباعاً جميلاً أينما كانوا، لذلك لم يكن غريباً أن يعرفه الجميع تقريباً ويبادلهم نفس المحبة والاحترام.

أما دراسته فكانت قصة ثانية…

كان من أكثر الأشخاص الذين يقضون ساعات طويلة في الدراسة والتحضير للامتحانات، ومع ذلك كنا دائماً نسمع منه الجملة نفسها قبل أي امتحان:

“إن شاء الله الأمور تمام.” 🤣

وبعد الامتحان تبدأ جلسة التحليل والتوقعات ومراجعة الأحداث لمعرفة ماذا حدث بالضبط.

ومن المستحيل أن نتحدث عن ساطي دون ذكر عبارته الأشهر:

“أخوي الزود.” ❤️😂

الجميع بالنسبة لساطي “أخوي الزود”، سواء عرفك من سنوات أو قبل خمس دقائق.

لكن قبل “أخوي الزود” وقبل أي شيء آخر، كان هناك جو صباحي مقدس لا يمكن المساس به…

كاسة القهوة الصباحية. ☕😂

ليس لأنها مجرد قهوة، بل لأنها كانت جزءاً من البرستيج اليومي. حضور المحاضرات بدون قهوة كان أمراً شبه مستحيل ،

ومستحيل ننسى قصة مادة تصميم عناصر الآلات، المادة التي تحولت إلى قصة طويلة بينه وبينها. كل فصل كان يدخل بتفاؤل جديد، وكل مرة كنا نسمع:

“هاي الفصل غير.” 😂

لكن بالنهاية وصل لخط النهاية، ونجح فيها بعد رحلة تستحق أن تُكتب في كتب الصبر والمثابرة. 🏆🔥

وطبعاً ساطي من جماعة النادي الرياضي، محافظ على تمرينه ولياقته بشكل دائم،

لكن قصة النادي ما كانت تنتهي عند التمرين فقط، لأن ساطي كان يمتلك عادة غريبة لا يمكن تجاهلها. بعد كل تمرين تقريباً كان ينزل صورة جديدة مرفقة بهاشتاغات خضوري لا علاقة لها بالصورة ولا بالمكان. 🤣

كل مرة كنا نحاول نفهم الرابط بين الصورة والهاشتاغات، لكن دون أي نتيجة.

ليش هاشتاغات خضوري؟

شو الهدف منها؟

وهل كان في رسالة مخفية ما حدا فهمها؟

أسئلة بقيت معلقة حتى يومنا هذا، والسبب الحقيقي ما زال عند ساطي وحده… والله أعلم. 😂

ومن الأشياء الغامضة الأخرى التي عجز العلم عن تفسيرها، دعمه المستمر للمنتج الوطني “كولا شات”. 🇵🇸😂

شو السر؟

ليش كولا شات تحديداً؟

وهل ساطي كان متفق مع الشركة محداش بعرف😂

أسئلة ما زالت دون إجابة حتى هذه اللحظة. 🤣💵

ساطي كان من الأشخاص الذين يغيرون جو أي قعدة، والذين تتذكرهم دائماً بالخير والضحك والمواقف الجميلة.

باختصار…

علاقات واسعة، كاسة قهوة لا يمكن الاستغناء عنها، “أخوي الزود” في كل مكان، هاشتاغات خضوري بلا تفسير، دعم مستمر لكولا شات، وقصة طويلة مع تصميم عناصر الآلات.

ألف مبارك التخرج يا ساطي، ونتمنى لك حياة مليئة بالنجاحات والإنجازات والسعادة، وأن تبقى كما عرفك الجميع؛ صاحب قلب طيب ووجه بشوش وأثر جميل بين الناس. 🤍🎓

⸻

ومن نادي هندسة الميكانيك، بإدارته وأعضائه، نتقدم بأحر التهاني والتبريكات للمهندس ساطي بمناسبة تخرجه، متمنين له دوام التوفيق والنجاح في حياته العملية والعلمية، وأن تكون الأيام القادمة مليئة بالإنجازات التي يستحقها.

ألف مبارك التخرج، ونسأل الله التوفيق لك ❤️

#من نادي هندسة الميكاترونكس والميكانيك بنحكيلك الف الف مبروك التخرج 🎓

🎓⚙️ المهندس الكابتن، راعي الورقة والقلم، والسيارة الوحيدة اللي ساندة الشلة!

نرفع القبعة ونمسي بالخير على ابن الأصول…
{ البَشٰمُهَنْدِسّ عَبْدَالله سَنْيُوٰرَة } بمناسبة التخرج 🎓❤️

عبدالله مش مجرد مهندس ميكاترونيكس⚙️… عبدالله قصة كاملة إنسان دايمًا متحمس جدًا، مستعد يتحمس لأي مشوار أو طلعة أو أي اشي حتى لو موعده بعد شهر، بس بشرط واحد مقدّس:
الخطة لازم تكون عالورقة وبالتفصيل الممل ✍️
نرتب ونحسب ونتكتك كل خطوة… وبالنهاية؟
الخطة بتروح بطريق🏃‍♂️ والواقع بطريق ثاني 🏃‍♂️😂

وطبعًا عبدالله بتحس اللغة الأم عنده هي الانجليزي مش العربي ما شاء الله عنّه لبلب انجليزي بكل ما تعنيه الكلمة، قفل ملف مواد الانجليزي بالجامعة بكل امتياز، و أي حدا بده يعرف معنى كلمة صعبة أو غريبة ملجأه الوحيد هو المهندس عبدالله سفاح الأنجليزي ❤️❤️❤️

أما اجتماعيًا… عبدالله إله نظامه الخاص، مش أي حدا يدخل الدائرة الذهبية المقربة جدًا منه.
بعرف ينتقي أصحابه على الفرازة، بس اللي يدخل قلبه يعرف قيمة الزلمة وبعرف قديشه عنجد صاحب ورجل بكل معنى الكلمة ❤️

ومع أيام السكن اكتشفنا إنه عبدالله أحيانًا مش عايش معنا وبستخدمش نفس القاموس 😂
كل ما يسمع كلمة جديدة بوقف النقاش وبكل براءة:
“شو هاي؟ شو يعني؟”
وتتحول الكلمة البسيطة لمحاضرة ترجمة كاملة 😂

ولا ننسى الراعي الرسمي للمواصلات 🚗
السيارة الوحيدة بالشلة، والزلمة اللي مستحيل يقصر مع حدا.

وبس تحتاجه بأي خدمة أو أي توصيلة، مستحيل يقصر معك لو وين ما كان المشوار، وعبدالله طبعًا ملتزم بقانون السير أكثر من القانون نفسه 😂
الالتزام بالقوانين خط احمر عنده ومستحيل يدخل عكس السير او يمرق طريق ممنوعة تحت أي ظرف كان..

وطبعًا أجواء الجامعة ما بتكمل بدون الطقوس الرسمية:
شوكو 🥤
وقعدة باب كفتيريا المكتبة بتوخذ عقله.
وبدون ما ننسى “السنارة” الشهيرة… يضرب سنارة مع الشباب ويختفي وين؟ الله أعلم 🎣😂

أما بالقعدة، عبدالله إذا حكيت قدامه نكتة بايخة وما عاجبيته… يعطيك نظرة إنه “خلصت؟ 😒” تخليك تعتزل الكوميديا.
بس إذا كان رايق ومسلطن؟ نفس النكتة ممكن تخليه يموت ضحك ويسمّع الجيران 😂

لكن بعيدًا عن المزح…
عبدالله من الناس اللي معدنها ذهب.
قلبه أبيض، صاحب صاحبه، وما بعرف يترك حدا محتاج.
حتى بالمزح إذا حس إن حدا ممكن يزعل، بتلاقيه أول واحد يقول:
“ليش هيك؟ مش لازم نكسر بخاطره” ❤️

إذا بدنا نحكي عن شخص عمره ما قصّر، وجوده يزيد القعدة حلاوة، وحضوره دايمًا بالخير… عبدالله أول اسم بالقائمة.

ألف ألف مبروك التخرج سنيورة الغالي 👑🎓
عقبال أعلى المراتب يا بشمهندس، وعقبال ما نشوف أحلامك كلها حقيقة…

وإن شاء الله يوم من الأيام تزبط وحدة من خطط الورقة والقلم على أرض الواقع 😂❤️

#من نادي هندسة الميكاترونكس والميكانيك بنحكيلك الف الف مبروك التخرج 🎓