Nutlet

الشاي الأسود بنعنع او مرمية 🍂

المشروب السخن اللي بزبط صيف وشتا، واكيد بدّفينا وبرّيحنا، واله فوائد كمان للجسم، فااشاي بحتوي على كمية منيحة من مضادات الأكسدة. 🤍

لكن للاسف عادةً بنحط عليه سكر عشان نحليه فيه، وطبعاً لو نحاول نعوّد حالنا على طعمه بدون سكر راح نستمتع فيه بطريقة مختلفة وصحية أكثر 🫖

وضلكم بخير 🖤

Nutlet 🌰

القهوة العربية ☕️

المشروب الدافي الأحب والأفضل، وإلها فوائد للجسم اذا استخدمناها بطريقة صحيحة ومش بإسراف، فمثلاً ممكن تحمي من مرض باركنسون وأمراض الكبد والمرارة، وبتخفف من أعراض مرضى الربو كمان. ♥️

ولكن إذا زادت عن الحد كثير ممكن تكون من أسباب المشاكل الصحية الصعبة، زي أمراض القلب والشرايين، وكمان ممكن تسبب أرق بالليل او جفاف لانها مدرة للبول.

فكاسة وحدة صغيرة باليوم كافية، ومهم انها تكون بدون سكر (سادة) عشان فائدتها ما تروح هباءاً. 😌

وضلكم بخير 🖤

Nutlet 🌰

القهوة الحليبية بجميع انواعها. 🧋
نسكافيه /موكا /كابتشينو /لاتيه /ماكياتو …

جميع هاي الانواع بتتكون عادةً من نفس المواد الخام، قهوة وحليب وسكر وشوكولاتة بس بنسب متفاوتة بين كل مشروب والثاني، وهي مشروبات لذيذة وبتعدّل المزاج. 😌

مشكلتها انها لما تتقدم بالمحلات بتكون مليانة سكر ومبيضات القهوة بدل الحليب، وهدول العنصرين من اسوء المواد الغذائية اللي ممكن تدخل على جسم الانسان، وبدائلهم واضحة زي ما قلنا بالمشروبين اللي شرحنا عنهم قبل. 😉

القهوة اذا استُهلكت باعتدال وذكاء راح تعطينا فوائد صحية ضخمة، فليش بنضيّع عحالنا هاي الفوائد لما بنضيف اشياء مش صحية الها؟

مش غلط ابداً نشرب القهوة الحليبية احياناً، بالنهاية النظام الصحي ما بعتمد على الحرمان، بس غلط تكون هاي المشروبات من اساسيات يومنا وحياتنا، فالاعتدال مهم وضروري. ♥️

وضلكم بخير 🖤

Nutlet 🌰

‏‎الشوكولاتة الساخنة 🍫 Hot chocolate

‏‎مشروبنا الثاني لهاد الاسبوع، بصراحة ما بنقدر نعتبره صحي، وخصوصاً اذا بنعمله بطريقة الفيديوهات المنتشرة على التيك توك والانستغرام هاي الفترة، لانه بحتوي على كمية سكر كبيرة، جاية من السكر المضاف وقطع الشوكلاتة والمارشميلو.

‏‎بس طبعاً بنقدر نشربه ونتدفى عليه وناخد طاقة منيحة منه اذا عدّلنا شويّة شغلات بسيطة بتخليه صحي اكثر ولذيذ 🤤

مثلاً ممكن نحط الحليب يكون قليل الدسم، ونستبدل السكر المضاف بالستيفيا او العسل، وقطع الشوكولاتة نخليها دارك ما فوق ال٧٠٪؜، اما بالنسبة للمارشميلو، ففي باكيتات بكون مكتوب عليهم انه قليل بالسكر والدهون، فاستخدامهم كبديل بكون افضل. 😉

وهيك بنكون قللنا سعرات حرارية، وقللنا من كمية المواد المضرة والمؤذية وبنفس الوقت استمتعنا بالطعم 🤤♥️

وضلكم بخير 🖤

‏Nutlet 🌰

السحلب 🥛🖤

مشروب شتوي دافي وزاكي 🤤 وبعطي طاقة كثير للجسم، وسعراته الحرارية طبعاً مش قليلة.
بتعتمد كمية الطاقة (السعرات) فيه على كمية النشا والسكر والمكسرات المُضافة اله.

ما بنقدر نصنفه كمشروب صحي لانه للاسف فيه كمية سكر مش قليلة، فإذا استبدلنا السكر المُصنع بمُحليات صحية أكثر مثل العسل او المحليات الصناعية زي الستيفيا، ولو كان الحليب قليل الدسم بدل الكامل، فراح يخلوا المشروب صحي أكثر.

بس طبعاً واكيد ما تكثروا منه كثير لانه زي ما قلنا السعرات الحرارية فيه مش قليلة، وممكن يكون بديل لوجبة عشا كاملة، فانه نشربه مرة بالشهر كافية. ♥️

وضلكم بخير. 🥛

‏ Nutlet 🌰

أخدتوا قراراتكم ولا لسا؟ 😉♥️

Nutlet 🌰

تذبذب الوزن 🤔

Nutlet 🌰

هل انتوا من الاشخاص اللي ببردوا بسرعة؟ 🌧

Nutlet 🌰