Balochi Rang

چُکیں بلوچانی ما چُکیں ‌بلوچانی
مئے ترس ءَ زمین لرزیت مئے بیم ءَ کلات جکسنت
ما کوھیں ‌مزار چُکیں ‌، ما گلڑیں ‌شیرانی
چُکیں بلوچانی ما چُکیں ‌بلوچانی
ما کوپگیں ‌پِسّانی ، ما جامگیں ‌ماسانی ما پنجگیں ‌براتانی ، ما لجیں ‌گہارانی
چُکیں بلوچانی ما چُکیں ‌بلوچانی
ما نان دئے ءُ داد بکشیں ، ما سردئے ءُ نام کشیں ما ھونی میار جلیں ، ما دیما رویں ‌بیرانی
چُکیں بلوچانی ما چُکیں ‌بلوچانی
ماں گیرتءِ شیر متکگ ما ساھگ ءَ زھمانی ھون پٹ ایت چہ مئے چماں ما کومیں‌ شھیدانی
چُکیں بلوچانی ما چُکیں ‌بلوچانی
ھون زرور کار ءَ کئیت یک روچے مئے قوم ءِ تاوان نہ بنت ھچبر نازیک مئے ماسانی
چُکیں بلوچانی ما چُکیں ‌بلوچانی
ما پشتیں ‌یتیمانی لاچاریں‌ گریبانی زُلم ءِ ھسار ءَ پروشیں ‌دور نئیت پدا زُلمانی
چُکیں بلوچانی ما چُکیں ‌بلوچانی
چکّاسیں ‌ھزار رند ءَ تیراں ‌وتی دلبندءَ قول انت تئی پرزندءَ گوں ‌گونڈلاں ‌تیرانی
چُکیں بلوچانی ما چُکیں ‌بلوچانی
چم روک انت بلوچستان نامداریں ‌بلوچانی درگاہ انت شھیدانی شھموکیں‌ سگارانی
چُکیں بلوچانی ما چُکیں ‌بلوچانی

بڑدستہ
بلوچی تاریخ میں جانور کی یہ ہڈی (بڑدستہ) ایک اھم مقام رکھتی ہےاس کے ذریعے سے بہت سے بزرگ بلوچ مستقبل کے حال احوال معلوم کرتے تھے اور آج بھی کئی ایسے لوگ اس کے ذریعے مستقبل کی پیشن گوئیاں کرتے ہیں۔
۔