Meer Collection

میں چاند تو توڑ کر لانے سے رہا
ضد کرے گی تو اُسے آئینہ دیکھا دُوں گا

بڑی مُدت میں گُر سیکھا ہے ہم نے کامیابی کا
لگا لیتے ہیں، ہوتا ہے جہاں درکار جو چہرہ...

میں پا نا سکا کبھی اِس خلش سے چُھٹکارا
وہ مجھ کو جیت بھی سکتا تھا جانے کیوں ہارا

میری تصویر بنانے کی جو دُھن ہے تم کو
کیا اداسی کے خد و خال بنا پاؤ گے ؟

تم پرندوں کے درختوں کے مصور ہو میاں
کس طرح سبزۂ پامال بنا پاؤ گے؟

سر کی دلدل میں دھنسی آنکھ بناسکتےہو
آنکھ میں پھیلتے پاتال بنا پاؤ گے؟

جو مقدر نے میری سمت اچھالا تھا کبھی
میرے ماتھے پہ وہی جال بنا پاؤ گے؟

مل گئی خاک میں آخر کو سیاہی جن کی
میرے ہمدم وہ میرے بال بنا پاؤ گے؟

یہ جوچہرےپہ خراشوں کی طرح ثبت ہوئے
یہ اذیت کے مہ و سال بنا پاؤ گے؟

زندگی نے جو میرا حال بناچھوڑاہے
میری تصویر کا وہ حال بنا پاؤ گے؟

جہاں تلک تو مری ذات کا تعلق ہے
ترے سوا یہ جہاں بھر سے لا تعلق ہے

ہمیں اکٹھے کبھی دیکھنا کہیں بیٹھے
نہیں ہے، پھر بھی لگے گا بڑا تعلق ہے

میں اس کو توڑتے، اندر سے ٹوٹ پھوٹ گئی
مرا خیال تھا کمزور سا تعلق ہے

خوشی کے بارے میں محدود علم رکھتی ہوں
وہ یوں کہ اس سے مرا دور کا تعلق ہے

ہمارا ربط، تعارف سے ماورا ہے دوست
کبھی کسی کو بتانا پڑا، تعلق ہے؟

میں قطع کرتی نہیں سرسری تعلق بھی
تمہارے ساتھ تو اچھا بھلا تعلق ہے

تعلقات کشیدہ ہیں آج کل سب سے
اور اس کی وجہ تمہارا مرا تعلق ہے

میں تجھ سے ربط بنا کر رہوں گی جو بھی ہو
تو آزما لے جہاں تک ترا تعلق ہے

کسی کے ساتھ بنایا تو پھرکھلا مجھ پر
براہِ راست تعلق بھی کیا تعلق ہے!

ایک اُلجھن رات دن پلتی رہی دل میں کہ ہم
کس نگر کی خاک تھے کس دشت میں ٹھہرے رہے

عجب طرح کی رفاقت ہمارے بیچ رہی
ہمارے بیچ دعا تھی سلام تھا ہی نہیں

جچا نہ اس لئے بھی پھر کوئی کلام ہمیں
غمِ حیات سے بڑھ کر کلام تھا ہی نہیں

ﺗﺠﮫ ﺳﮯ ﺟﻮ ﺩﮬﯿﺎﻥ ﮐﺎ ﺗﻌﻠﻖ ﮨﮯ
ﭘﮑﮯ ﺍﯾﻤﺎﻥ ﮐﺎ ﺗﻌﻠﻖ ﮨﮯ
ﻣﯿﺮﯼ ﭼﭗ ﮐﺎ ﺗﺮﯼ خاموشی ﺳﮯ
ﺭﻭﺡ ﺍﻭﺭ ﺟﺎﻥ ﮐﺎ ﺗﻌﻠﻖ ﮨﮯ
ﺗﻮ ﺳﻤﺠﮭﺘﺎ ﮨﮯ ﻣﯿﺮﮮ ﻟﮩﺠﮯ ﮐﻮ
ﺍﻭﺭ ﯾﮧ ﻣﺎﻥ ﮐﺎ ﺗﻌﻠﻖ ﮨﮯ
ﺗﺠﮫ ﺳﮯ ﻣﯿﺮﺍ ﺧﯿﺎﻝ ﮐﺎ ﺭﺷﺘﮧ
ﯾﻌﻨﯽ ﻭﺟﺪﺍﻥ ﮐﺎ ﺗﻌﻠﻖ ﮨﮯ
ﮐﻮﺋﯽ ﺭﮨﺘﺎ ﮨﮯ ﺩﻝ ﻣﯿﮟ ﯾﻮﮞ،
ﺟﯿﺴﮯﮔﮭﺮ ﺳﮯ ﺳﺎﻣﺎﻥ ﮐﺎ ﺗﻌﻠﻖ ﮨﮯ
ﺑﻦ ﮐﮩﮯ، ﺑﻦ ﺳﻨﮯ ﮨﯽ ﺍﭘﻨﮯ ﺑﯿﭻ
ﻋﮩﺪ ﻭ ﭘﯿﻤﺎﻥ ﮐﺎ ﺗﻌﻠﻖ ﮨﮯ..!!

ہم خانہ بُدوش لوگوں کی یہ منزلیں نہیں
ہم اگلے جہاں کہ لوگ ہیں اور راستے میں ہیں

چاند!!!
ایک سے مسافر ھیں
ایک سا مقدر ھے!!!
میں زمین پر تنہا-
اور وہ
أسمانوں میں!

سینے میں کسک بن کے بسے رہتے ہیں برسوں
وہ لمحے جو پلٹ کر کبھی آنے نہیں ہوتے

صیّاد تو اِمکان ِ سفر کاٹ رہا ہے
اندر سے بھی کوئی مِرے پر کاٹ رہا ہے

اے چادرِ منصب! تِرا شوق ِ گل ِ تازہ
شاعر کا تِرے دست ِ ہنر کاٹ رہا ہے

جس دن سے شمار اپنا پناہ گیروں میں ٹھہرا
اُس دن سے تو لگتا ہے کہ گھر کاٹ رہا ہے

کس شخص کا دل میں نے دکھایا تھا، کہ اب تک
وہ میری دعاؤں کا اَثر کاٹ رہا ہے

قاتل کو کوئی قتل کے آداب سکھائے
دستار کے ہوتے ہوئے سر کاٹ رہا ہے

میرزادہ وصیؔ