Awam posh Rahi hea.

Intermediate Result 2025

مولا ہم سب کو والدین کی قدر اُنکی موجودگی میں کرنے کی توفیق عطا فرماۓ۔

اس راہ ِ روزگار میں بکھرے ہوئے کبھی
یاد آئی ماں تو بال بنائے سنور لیا
-
ماں تھی تو کِن پہاڑوں سے ، کِن وادیوں سے میں
واپس سلامت آ گیا ، بگڑا نہ بال تک
-
جا چکی مائیں سو روشن یہ چراغِ شب و روز
خود بخود راج دلارو تو نہیں ہو سکتا
-
فضول دوڑتی ہے میری ماں پہاڑوں پر
اور اس طرف میں فضول ایڑیاں رگڑتا ہوں
-
پھرتے ہوۓ دکھوں کے گھنے جنگلات ، ماں
میں تھک گیا ہوں ماں ! مری کُل کائنات ماں

ڈھانپا ہوا ہے کس طرح تیری دعاؤں نے
ششدر مرے حصار پہ ہیں شش جہات ماں

چھوٹے سے دکھ پہ تو ہے پریشان اِس قدر
یہ راہِ زندگی ہے رہِ حادثات ماں

میں آج کُل جہان کے احسان اُتار دوں
لیکن وہ تیرے بیچے ہوۓ زیورات ماں

بیٹا جو خواہشات کے رنگوں میں کھو گیا
بیٹے کا چین جس کی سبھی خواہشات ، ماں

یہ آگ جیسی دھوپ غمِ روزگار کی
جھلساۓ چہرہ کس لیے جب ہے حیات ماں

تیری جزا شمار میں لاؤں تو کس طرح
دونوں جہاں کا صدقہ تری ایک رات ماں

غصّے سے جھاگ اڑاتی ہوئی ریل کی قسم
جو سر بسر خلوص ہے وہ پاک ذات ماں