BNN

ہرنائی: ڈومیرہ سے لاپتہ نوجوان کی سر کٹی لاش برآمد

ہرنائی: چند روز قبل ڈومیرہ کے مقام سے لاپتہ ہونے والے نوجوان ذکاء اللہ ولد محمد زمان کی سر کٹی لاش برآمد ہوئی ہے۔

ذرائع کے مطابق ذکاء اللہ کچھ روز قبل ڈومیرہ کے علاقے سے لاپتہ ہوئے تھے، جس کے بعد اہلِ خانہ اور مقامی افراد کی جانب سے ان کی تلاش جاری تھی۔

ذرائع کا کہنا ہے کہ تلاش کے دوران ذکاء اللہ کی لاش برآمد ہوئی، تاہم لاش کی حالت انتہائی تشویشناک بتائی جا رہی ہے۔

واقعے کی اطلاع ملنے پر متعلقہ حکام نے لاش کو تحویل میں لے کر ضروری کارروائی شروع کر دی ہے، جبکہ واقعے کے محرکات اور ملزمان سے متعلق مزید تحقیقات جاری ہیں۔

واقعے کے بعد علاقے میں خوف و تشویش کی فضا پائی جا رہی ہے۔ پولیس اور دیگر متعلقہ اداروں کی جانب سے واقعے کی مکمل چھان بین کی جا رہی ہے۔

مستونگ / قبائلی سردار اغواء

مستونگ: مسلح افراد نے غنجہ ڈوری میں ناکہ بندی کے دوران قبائلی سردار کو ویگو گاڑی سمیت اغواء کرلیا،

مستونگ: قبائلی سردار شاہ زمان خان علیزئی کو بیٹے سمیت مسلح افراد اپنے ساتھ لے گئے،

مستونگ: اغواء کا واقعہ گزشتہ روز ناکہ بندی کے دوران پیش آیا،

بلوچستان یونیورسٹی کے اس پاس زوردار دھماکوں کی آواز

اورماڑہ: کوسٹل ہائی وے حادثے میں محکمہ فشریز کے انسپکٹر اور اہلِ خانہ سمیت 6 افراد جاں بحق

بلوچستان کے ضلع گوادر کے علاقے اورماڑہ میں کوسٹل ہائی وے پر باؤزر اور کار کے درمیان خوفناک تصادم کے نتیجے میں ایک ہی خاندان کے 6 افراد جاں بحق ہوگئے۔

پولیس کے مطابق حادثہ کوسٹل ہائی وے N-10 پر زون-I اورماڑہ کے علاقے B2 میں پیش آیا، جہاں تربت جانے والی ٹویوٹا کرولا اور کراچی کی جانب جانے والے باؤزر میں شدید تصادم ہوا۔

حادثے میں کار میں سوار دو مرد، دو خواتین اور دو بچے موقع پر ہی جاں بحق ہوگئے۔ پولیس کے مطابق کرولا کے ڈرائیور کی شناخت اسلم کے نام سے ہوئی ہے۔

حادثے کے بعد جاں بحق افراد کی شناخت بھی ہوگئی ہے۔ پولیس اور متعلقہ ذرائع کے مطابق جاں بحق ہونے والے افراد میں محکمہ فشریز کے انسپکٹر عطاء اللہ اور ان کے اہلِ خانہ شامل ہیں۔

ذرائع کے مطابق عطاء اللہ کا تعلق بلیدہ سے تھا اور وہ حالیہ عرصے میں تربت کی اوورسیز کالونی میں رہائش پذیر تھے۔

حادثے کی اطلاع ملنے پر کوسٹل ہائی وے پولیس موقع پر پہنچی اور امدادی کارروائیاں شروع کیں۔ پولیس نے جائے حادثہ کو محفوظ بنانے کے ساتھ شاہراہ پر ٹریفک کی روانی بھی بحال کردی۔

پولیس کے مطابق حادثے کی مزید تحقیقات جاری ہیں، جبکہ واقعے سے متعلق مزید تفصیلات بھی جمع کی جا رہی ہیں۔

قلعہ عبداللہ میں 15 قیدی فرار، پولیس وین بنی ’’فرار ایکسپریس‘‘

قلعہ عبداللہ میں ہڑتال کے باعث سڑکیں بدستور بند ہیں، مگر لگتا ہے کہ قیدیوں کے لیے راستے کھلے ہوئے تھے۔

ذرائع کے مطابق عبداللہ خان کراس کے مقام پر نامعلوم مسلح افراد نے مبینہ طور پر پولیس وین روک کر 15 قیدیوں کو چھڑا لیا اور پولیس اہلکاروں سے اسلحہ بھی چھین لیا۔

واقعے کے بعد قیدیوں نے موقع غنیمت جانا اور پولیس وین سے ایسے نکلے جیسے کسی نے ’’چھٹی‘‘ کا اعلان کردیا ہو۔ ایک طرف ہڑتال کے باعث سڑکیں بند رہیں، دوسری طرف 15 قیدی پولیس کی نگرانی سے نکل کر کھلے راستوں پر پہنچ گئے۔

واقعے نے پولیس کی سیکیورٹی اور قیدیوں کی منتقلی کے انتظامات پر سنجیدہ سوالات کھڑے کردیے ہیں۔ حکام کی جانب سے واقعے کی مزید تفصیلات اور سرکاری مؤقف سامنے آنا باقی ہے۔

حکومت بلوچستان نے مانگی ڈیم پمپنگ اسٹیشن کے دہشت گردانہ واقعہ/حملہ بمقام مانگی ڈیم پمپنگ اسٹیشن، ضلع زیارت اور اس کے نتیجے میں پولیس اہلکاران کی قیمتی جانوں کی شہادتوں پر عدالتی تحقیقات کے لیے محترم عزت مآب جناب چیف جسٹس، عدالت عالیہ بلوچستان کی مشاورت کے بعد عزت مآب جناب جسٹس محمد عامر نواز رانا صاحب کو تحقیقاتی (انکوائری) کمیشن نامزد کر لیا ہے۔جس کے فوراً بعد تحقیقاتی (انکوائری) کمیشن نے باقاعدہ کارروائی کا آغاز کرتے ہوئے تحقیقاتی کمیشن کے رجسٹرار/سیکرٹری کو تعینات کر دیا ہے۔ علاوہ ازیں تحقیقاتی کمیشن نے عوام الناس و تمام متعلقہ افراد، اداروں اور سکیورٹی ایجنسیز کو نوٹس جاری/مشتہر کر دیا ہے کہ وہ مورخہ 28 اگست 2026 تک دفتری اوقات کار کے دوران اس تحقیقاتی (انکوائری) کمیشن کی معاونت کے لیے کوئی بھی ضروری شواہد پیش کر سکتے ہیں۔نیز ہر وہ شخص جسے واقعہ/حملہ کے بارے میں کسی قسم کی کوئی بھی معلومات ہوں تو وہ عدالت عالیہ بلوچستان، کوئٹہ میں قائم کردہ رجسٹرار/سیکرٹری تحقیقاتی کمیشن ملک شعیب سلطان کے دفتر میں مذکورہ تاریخ تک حاضر ہو کر اپنے نام و مکمل کوائف، موجودہ اور مستقل پتہ، رابطہ نمبر اور شناختی کارڈ کی نقل کے ساتھ جمع کر سکتے ہیں، تاکہ پیش کردہ معلومات اور دستاویزات معزز تحقیقاتی کمیشن کے سامنے پیش کی جائیں اور تحقیقاتی کمیشن کی جوڈیشل تحقیقات کی مزید کارروائی آگے بڑھائی جا سکے۔